Полицијата поднесе кривична пријава против правно лице од Скопје, еден државјанин на Австрија и еден жител на Гевгелија, поради сомнение дека без дозвола извршиле градежни активности на потегот од селото Пепелиште кон Војшанци, во неготинско.

Според истрагата, осомничените ископале канал долг околу 600 метри и поставиле кабли за електрична енергија, со што, како што наведуваат надлежните, е направена штета на општината од над 1,5 милион денари.

Кривичната пријава се однесува на правното лице, лицето В.М. од Австрија кое е одговорно лице во фирмата, како и Р.М. (52) од Гевгелија, кој бил раководител на подружница на компанијата во Кавадарци.

Инспектори и полициски службеници утврдиле дека градежните работи биле започнати пред да бидат исполнети законските услови – без платен надомест за уредување на градежно земјиште во износ од 1.502.981 денари и без одобрение за градба, иако претходно било поднесено барање до Општина Неготино.

Случајот е поднесен за кривично дело бесправно градење.

The post ОШТЕТЕНА ОПШТИНА СО НАД 1,5 МИЛИОН ДЕНАРИ Фирма од Скопје и странски државјанин копале без одобрение appeared first on plusinfo.mk.

Од раните утрински часови денеска, во скопското село Инџиково започна акција за уривање на бесправно изграден објект, откако сопственикот не постапил по решението за стопирање на градбата.

Акцијата почнала во 5 часот наутро, со асистенција на полицијата, а на терен биле ангажирани општинските служби на Гази Баба. Објектот бил во почетна, карабина фаза – приземје, но, според надлежните, постоела јасна намера да се надгради уште еден кат.

Градоначалникот на Гази Баба, Бобан Стефковски, информираше дека инвеститорот продолжил со градежните активности и покрај тоа што претходно му било изречено решение за затворање на градилиштето.

– Во моментот на акцијата, објектот беше во приземје – карабина фаза, со јасна намера за надградба на уште еден кат. И покрај донесеното решение од градежниот инспектор за стопирање на градбата и затворање на градилиштето, субјектот не постапил по решението и продолжил со градежни активности. Почитувајте ги законите и не започнувајте градба без добиено Одобрение за градење. Ред, закон и еднаквост за сите – порача првиот човек на Гази Баба.

The post 📽️ БУДЕЊЕ СО БАГЕРИ ВО ИНЏИКОВО Нема милост за дивоградбите, предупредува градоначалникот Стефковски appeared first on plusinfo.mk.

Против двајца гостиварци е поднесена кривична пријава поради сомнение за бесправно градење и несовесно работење во службата, информира МВР во дневниот билтен.

Според информациите, З.М. (65) од Гостивар, во март 2025 година, како инвеститор изградил станбен објект на два ката во една населба во градот, без потребната документација издадена од надлежен орган.

Вториот осомничен, В.Р. (42), кој работел како овластен градежен инспектор во Општина Гостивар, не постапил согласно Законот за градење. Тој не излегол на терен за да изврши увид на објектот, иако за тоа имало службено барање од ОВР Гостивар.

The post ИНВЕСТИТОР ГРАДЕЛ, ГРАДЕЖЕН ИНСПЕКТОР „ГО ПОКРИВАЛ“ Кривична пријава за двајца гостиварци appeared first on plusinfo.mk.

Општина Центар изрече 24 казни од 1.300 до 1.800 евра по надзорите на 30 активни градилишта, при што биле утврдени прекршувања како незаконско зафаќање јавни површини и валкани гуми на излезите од работните зони.

Градоначалникот Горан Герасимовски изјави дека општината ќе реагира секогаш кога е загрозен јавниот простор и безбедноста на граѓаните.

– Континуирано спроведуваме надзор на активните градилишта. Сите што ги прекршуваат прописите и го узурпираат јавниот простор ќе се соочат со соодветни мерки. Нашата цел е да обезбедиме уредена средина за граѓаните – рече Герасимовски.

Од Општина Центар информираат дека редовните контроли се дел од пошироките напори за спречување бесправна градба и зачувување на заедничкиот простор.

The post КАЗНИ ОД 1.200 ДO 1.800 ЕВРА ЗА ГРАДИЛИШТАТА Центар фаќа прекршители со валкани гуми и заземени тротоари appeared first on plusinfo.mk.

Струмичката полиција до Основното јавно обвинителство Струмица поднесе кривична пријава против З.Г.(56) од Струмица – поранешен директор на Јавното претпријатие за комунални дејности „Комуналец“, против јавното претпријатие, против Г.Б.(52) од Струмица и против правно лице од Струмица, поради постоење на основи за сомнение за сторено кривично дело Бесправно градење, по член 244-а во врска со член 22 од Кривичниот законик.

„Јавното претпријатие, застапувано од З.Г. и правно лице, застапувано од Г.Б., со заеднички дејствија изградиле објект од втора категорија, кој се користел како деловен објект, без притоа да биде издадено соодветно одобрение за градење од Општина Струмица“,  соопшти полицијата.

СВР Струмица поднесе кривична пријава против поранешниот директор на претпријатието и поради постоење на основи за сомнение за сторени две кривични дела Злоупотреба на службената положба и овластување, по член 353 став 1 од Кривичниот законик.

„Во првиот случај, пријавениот З.Г. склучувал договори за закуп на простор пред објект – настрешница со правно лице од Струмица, која била бесправно изградена на зелена површина. Притоа, договорите биле склучувани со непосредна спогодба, иако станува збор за користење на простор за кој согласно Законот за комуналните такси е потребно општината да издаде согласност и да наплатува комунална такса согласно тарифата. На тој начин е нанесена штета на буџетот на Општина Струмица и била остварена финансиска односно имотна корист за „Комуналец“ во вкупен износ од 847.126 денари“, соопшти полицијата.

Во вториот случај, се додава, пријавениот ја злоупотребил службената положба на тој начин што во периодот од 2020 до 2023 година од истото правно лице вршел набавка на храна и угостителски услуги, без да биде спроведена соодветна постапка за јавна набавка согласно Законот за јавни набавки, со изговор дека храната била набавена за работници кои работеле прекувремено.

„Меѓутоа, во фактурите нема подетално објаснување за тоа што е набавено, односно во прилог на фактурите нема поткрепувачка документација од која може да се утврди кои лица користеле оброк, ниту пак дали работеле ноќе или прекувремено, а јавното претпријатие немало план за организирање на работа во смени. Со ваквите дејствија била причинета штета на јавното претпријатие во вкупен износ од 307.800 денари“, соопшти СВР Струмица.

The post КРИВИЧНА ПРИЈАВА ЗА ПОРАНЕШНИОТ ДИРЕКТОР НА „КОМУНАЛЕЦ“ ОД СТРУМИЦА Градел без дозвола, набавувал противзаконски appeared first on plusinfo.mk.

Градоначалникот на Росоман и Стојан Николов и претседателот на Советот на Општина Росоман, Ристо Јошев добија кривични пријави од полицијата затоа што без гласање на советниците допишале одлука на Советот. Градоначалникот доби кривична пријава и затоа што извршил реконструкција на пат на диво, без проект и без документација.

„ОВР Кавадарци до ОЈО Кавадарци денеска поднесе кривична пријава против С.Н. (28), градоначалник на општината Росоман и Р.Ј. (61), претседател на Совет на општината Росоман, поради постоење основи за сомнение за сторено кривично дело Злоупотреба на службена положба и овластување, согласно член 353 од Кривичниот законик. На седница на Совет на општината, одржана на 28 февруари годинава, било утврдено дека е изменета програмата за изработување на урбанистички планови и локална урбанистичка планска документација во општина Росоман за 2023 година, што била изгласана на седница на 30 јануари 2023 година со 39 точки и потоа била изменета, односно била допишана уште една точка, 40 по ред и била потпишана од страна на претседателот на Совет на општина Росоман“, соопшти СВР Велес.

Практично, се додава, со тоа двајцата пријавени преку спорната 40 точка овозможиле урбанистичкиот проект за производство на асфалт за катастерска општина „Манастирец“, да биде впишан во програмата за изработување на урбанистички планови и локална урбанистичка планска документација во општина Росоман за 2023 година, без одобрение и гласање од страна на советниците на Општина Росоман.

Исто така, ОВР Кавадарци до ОЈО Кавадарци поднесе уште една кривична пријава против С.Н. (28) од Росоман и тоа поради постоење основи за сомнение за сторено кривично дело Бесправно градење.

„Пријавениот во својство на градоначалник на Општина Росоман дозволил без решение за реконструкција, односно без одобрение за изградба на линиски инфраструктурни објекти, спротивно на одредбите од Законот за градење и без основен проект – фаза градежништво, да се отпочне со реконструкција, поточно промена на сообраќајниот режим на влез во Росоман, без соодветна документација“, информираа од СВР Велес.

The post БЕЗ ПРОЕКТ И БЕЗ ДОЗВОЛА ГО МЕНУВАЛ ВЛЕЗОТ ВО РОСОМАН Две кривични пријави за градоначалникот Стојан Николов appeared first on plusinfo.mk.

Албанскиот премиер Еди Рама со порака на социјалните мрежи најави голема операција за рушење на дивоградбите долж крајбрежјето на Албанија, започнувајќи од областа Р’тот Родон (Kepi e Rodonit) во Општина Драч.

– Ова не е само акција, туку процес кој нема да запре сè додека не се искорени појавата на дивоградби – порача Рама, додавајќи дека ќе следува и нов пакет законски измени со кои ќе се зголемат казните за одговорните лица.

Во својата објава тој потенцираше дека законот нема да ги поштеди ниту „инфилтрираните“ во инспекторатите и полицијата, кои дозволувале или прикривале бесправни градби.

Премиерот објави и фотографии од започнатата акција во туристичката зона, нарекувајќи ја „природно чудо злоупотребено за профит“.

Во меѓувреме, Судот во Драч му одреди притвор на Ардијан Халили, поранешен началник на Инспекторатот за територијална заштита. Тој е сопственик на урнатиот комплекс од 5.600 м², во кој имало двокатен објект, мини-фудбалско игралиште, базен и 11 куќарки за туристи. Според полицијата, нелегалната градба почнала во 2018 година.

Халили, уапсен пред четири дена, се товари за „бесправна градба“ и „злоупотреба на службена должност“. Неговата сопруга, поранешната обвинителка Рабијана Халили, го бранеше во судницата, а тој тврдеше дека објектите биле изградени со знаење на локалните власти, но без официјална дозвола.

The post 📽️ ЕДИ РАМА СО ДИНАМИТ РУШИ ДИВОГРАДБИ НА МОРЕ Први паднаа луксузни вили со базени и терени, нелегален комплекс урнат до темел appeared first on plusinfo.mk.

Албанскиот премиер Еди Рама на својот „Фејсбук“ профил објави видео од нова акција за рушење на бесправно изградени објекти. Според него, ова е продолжение на одлучната битка против дивоградбите кои го загрозуваат и нагрдуваат јавниот простор.

Тој порача дека ова ќе биде последното поглавје во справувањето со градбите без дозвола или спротивно на издадените дозволи и им посака на граѓаните успешна недела.

„Со овие сцени од соочувањето со незаконитостите што ги повредуваат и нагрдуваат просторите во кои заедно живееме како синови и ќерки на оваа земја, а каде што, по секоја цена, ќе го напишеме последното поглавје од битката против градбите без дозвола или спротивно на издадените дозволи, ви посакувам успешна недела“, напиша Рама.

The post 📽️ БАГЕРИТЕ ГИ ЗАМЕНИ СО ДИНАМИТ Еди Рама ги крева во воздух дивоградбите appeared first on plusinfo.mk.

Повеќе оддели во рамки на МВР – организиран криминал, крим полиција, СВР Скопје во текот на вчерашниот ден влегле во повеќе скопски општини, при што постапуваат по конкретни наредби дадени од јавен обвинител, а повразно со бесправна градба, информираше денеска министерот за внатрешни работи Панче Тошковски.

За да обезбедат докази за дивоградби, полицајците влегле во општините Чаир, Сарај, Аеродром и во Кисела Вода, рече Тошковски.

– Не би можел да споделам во овој момент информации во врска со обезбедна документација, но сакам да напоменам дека ова се тековни активности на МВР. Ова не е затоа што сега јавноста има интерес за конкретната тема, па МВР постапува, туку ова се тековни активности по коишто постапуваме секојдневно – изјави Тошковски, одговарајќи на новинарски прашања.

Секаде, нагласи Тошковски, мора да се постапи согласно закон.

– Доколку се утврди дека станува збор за дивоградба и дека престатвува ризик за безбедноста на граѓаните, истата ќе биде предмет на уривање – рече Тошковски.

Прашан дали МВР постапува по пријавите од градоначалничката на Скопје, Данела Арсовска, Тошковски рече МВР постапува во сите предмети за кои добива наредба од Јавното обвинителство. Каде што имаат соодветни информации и самите преземаат одредени дејствија, додаде тој.

– Ова не го говорам заради тоа што е поврзано со темата, која се наметнува во јавноста во последниот период, ова го говорам затоа што е тековна активност на МВР во континуитет. За разлика од претходно, предметите не се ставаат во фиоки, туку напротив, континуирано и активно се работи и се преземаат дејствија. Факт е дека градоначалничката сè што има собрано како доказен материјал го доствува до Јавното обвинителство за гонење организиран криминал и така треба. Јавното обвинителство постапува и дава наредби до МВР, кое постапува согласно конкретни наредби од јавен обвинител и така треба да функционира едно нормално општество. Секој треба да си ја работи својата работа во рамки на делокругот на работење. МВР си ја работи работата што ја има во своја надлежност, МВР ниту поднесува обвинение, нити дава градежни дозволи ниту е комнунален инспектор – рече министерот за внатрешни работи, Панче Тошковски.

The post ПОЛИЦИЈАТА ВЛЕГЛА ВО ОПШТИНИТЕ ЧАИР, САРАЈ, АЕРОДРOМ И ВО КИСЕЛА ВОДА Се обезбедуваат докази за бесправни градби appeared first on plusinfo.mk.

Р.И., во периодот од октомври 2015 до април 2022 година, изградил комерцијално-станбен објект на булевар „Браќа Ѓиноски” во Гостивар, при што отстапил од фактичката состојба издадена согласно маркичката за градење. Но, и покрај направените отстапки, Р.И. до Општинскиот катастар за недвижности Гостивар поднел барање за запишување на недвижноста, иако претходно во два наврата бил одбиен од Катастарот во Гостивар. Во прилог на барањето ја доставил истата техничка документација и геодетски елаборат изработен од геодетската фирма, сопственост на пријавените Ѓ.В. и М.М, кој не бил валиден, бидејќи на геодетската фирма два пати ѝ била одземена лиценцата, како и дека во елаборатот, пријавените Ѓ.В. и М.М., внеле дека е извршен премер на недвижноста со координати кои не се совпаѓаат согласно извршениот премер од Катастарот Гостивар. Е.Б., во февруари 2017 година, како овластен надзорен инженер изготвил и пуштил во употреба Извештај за извршен технички преглед за градба во кој лажно навел дека градбата нема недостатоци, може да се употреби и стави во функција.

Пријавениот В.Р., како овластен градежен инспектор при општина Гостивар, пропуштил да изврши должен надзор и контрола над работата при изградба на комерцијално – станбениот објект, додека пријавениот С.Е. пропуштил да изврши должен надзор и несовесно постапил при вршење на своите овластувања. Тој, иако знаел дека објектот не е изграден согласно техничката документација и дека во два наврата бил известен за одбивање на барањето, по трет пат ја примил истата документација и ја поднел во Општинскиот катастар за недвижности Гостивар, а во прилог доставил и невистинит Записник за констатација, во кој навел дека увидел дека инвеститорот ги отстранил претходно констатираните недостатоци и отстапки на станбениот објект. Пријавените Д.Г. и М.С., вработени во Општински катастар за недвижности Гостивар, без да извршат надзор и контрола на доставената службена документација, извршиле запишување на недвижноста на име на Р.И. и му издале Потврда за запишување на недвижноста. По ова, пријавениот Р.И. извршил продажба на становите од станбениот објект, склучувајќи преддоговори за купопродажба на недвижен имот и договори за закуп на станбен објект и на тој начин се стекнал со имотна корист на штета на општина Гостивар – се вели во пријават

The post БЕСПРАВНО ИЗГРАДИЛ ЗГРАДА НА БУЛЕВАР, ПА ЈА ЛЕГАЛИЗИРАЛ СО „ДУБАРИ“ Кривични за осум лица во Гостивар appeared first on plusinfo.mk.