Министерството за образование и наука не е спротивставена страна на академската заедница, напротив во соработка со универзитетите го започнавме и на ист начин ќе го завршиме Законот за високото образование, изјави министерката за образование и наука Весна Јаневска, пред почетокот на 4-тата јавна дебата, што денеска се одржа на Универзитетот „Св. Кирил и Методиј“ во Скопје.

Министерката уште еднаш нагласи дека сè што работната група смета дека е прифатливо, ќе биде инкорпорирано во новата драфт верзија на законот, која потоа повторно ќе биде поставена неколку дена на ЕНЕР.

– Последниве денови се изнаслушавме дезинформации и лаги дека се укинува вонредното студирање, дека државата не финансира објавување на научно-истражувачки трудови и други. Лагите и дезинформациите, претпоставувам, треба да бидат на штета на министерот или на партијата, но во суштина се на штета на државата и на младите луѓе кои живеат во неа и апелирам дека треба да се престане со тоа, затоа што сме отворени за секоја конструктивна критика. И сè што сметаме дека е во ред, ќе биде внесено во законот – рече Јаневска.

За дебатата со приватните универзитети, министерката рече дека била конструктивна и дека се договориле речиси за сè.

– Јас сум многу среќна што приватните универзитети реагираа на високо ниво. Се договоривме со нив, кога ќе го завршуваме законот, дополнително уште еднаш ќе се видиме, за да провериме дали е сè во ред и ќе ја затвориме тогаш последната драфт верзија – рече Јаневска.

Прашана за можноста за бесплатно високо образование, Јаневска објасни дека сите категории студенти што треба да го имаат, веќе го имаат.

– Накусо, студентите кои се без родители, од самохрани и еднородителски семејства, со попреченост и сл., со овој закон се ослободени од партиципација. Студентите кои се од ранливи категории, со ниски примања, добиваат стипендии. Што значи 2 месеци од стипендијата што ја примаат 9 месеци, им ги покрива трошоците за студирање. Студентиве од истиве категории, кои се сместени во студентските домови, исто така се максимално повластени. Нашите студенти, само ако се запишат на универзитет, добиваат средства за студентски оброк – изјави Јаневска.

The post ЛАГА Е ДЕКА ЌЕ НЕМА ВОНРЕДНО СТУДИРАЊЕ Законот за високо образование се подготвува заедно со универзитетите appeared first on plusinfo.mk.

Бранот протести во Србија е предизвикан од смртта на 15 претежно млади луѓе и од сериозните повреди на уште две лица при уривањето на настрешницата на неодамна реновираната железничка станица во Нови Сад на 1 декември. Значителен дел од јавноста за одговорни за несреќата ги смета владата и изведувачите, обвинувајќи ги за негрижа и за корупција.

Просветните работници, кои изминатите денови ги поддржаа студентските протести и блокадите на околу 60 факултети, се жалат дека се изложени на притисок од властите и на обиди да се влијае врз нив да се откажат.

Брнабиќ, во екот на студентските протести, кои добиваат сè поголема поддршка од јавноста, на седницата на собраниската Комисија за образование, наука, технолошки развој и информатичко општество предупреди дека континуираната блокада на факултетите носи „три закани“ и дека „медениот месец заврши“.

Брнабиќ ја наведе „опасноста дека повеќе од 100.000 студенти ќе го изгубат правото на студирање на сметка на буџетот, а повеќе од 17.000 ќе го изгубат правото на студентско домување“.

Таа исто така изјави дека студентите кои самите ги финансираат студиите и нивните семејства може да бидат изложени на дополнителни трошоци, долгови и „изгубени животни шанси“. Третата закана ја нарече „страшна“, а тоа е дека факултетите би можеле да се најдат во финансиска блокада и да банкротираат.

– Ова значи катанец за државните факултети и универзитети. Поради што, поради Центарот за анархистички студии од Загреб – изјави Брнабиќ, алудирајќи на „Блокаден готвач“, брошура објавена во 2009 година која ги опишува искуствата од блокадите на факултетите во Хрватска во 2009 година.

Брнабиќ изјави дека е „крајно време“ да се согледа сè што се случуваше во изминатите два и пол месеци во високото образование и кои се последиците со кои „сите ќе се соочат за многу краток рок“.

Нејзината изјава дојде три дена по пораката на претседателот Александар Вучиќ во интервју за провладината ТВ Хепи дека „ќе ги издржи сите надворешни удари“ и оти „државата ќе реагира“.

Управите на факултетите, средните и на основните училишта застанаа со студентите и ги поддржаа со прекин на наставата на 20 јануари, првиот ден од второто полугодие.

Прекините на наставата продолжија и денеска во бројни училишта, а ресорното министерство испрати просветни инспектори во училиштата, предупредувајќи ги наставниците и професорите дека една од мерките може да биде отказ.

The post „МОЖЕ ДА ГО ИЗГУБИТЕ ПРАВОТО НА БЕСПЛАТНО СТУДИРАЊЕ“ Брнабиќ ги предупреди студентите кои протестираат низ Србија appeared first on plusinfo.mk.

Претседателот на Универзитетското студентско собрание на УКИМ, Александар Николовски, како клучни цели ги посочи воведувањето на бесплатно високо образование за студентите на прв циклус на студии преку нов финансиски модел во земјава, сеопфатна евалуација на големиот број на студентски програми, формирање на Национално студентско собрание преку измени во Законот за високо образование, подобрување на студентскиот стандард, интернационализација во високото образование, дигитализација, почитување на роковите кои се дадени во националната стратегија за млади, како и поголема кадровска и финансиска автономија на универзитетите.

Тој посочи дека од ноември, откако е формиран овој состав на Универзитетското студентско собрание, остварени се средби со институциите кои имаат позитивен исход, но како што рече, за одредени прашања се уште изнаоѓаат начин како да се подобрат.

– Добра мерка е што сега преку законско решение го изменивме функционирањето на мерката студентски оброк, но и другите мерки треба да ги подобруваме. Константно сме во комуникација и се бориме за позитивни промени за подобрување на студентскиот стандард – рече Николовски.

Портпаролот на Универзитетското студентско собрание, Данило Крстовски, вели нивна одговорност е да укажат на есенцијалните компоненти кои ќе го надградат досегашниот образовен систем, и потенцира дека неопходно е општествените чинители да се запознаат со итноста од преземање на мерки.

– Неопходно е општествените чинители да се запознаат со итноста од преземање на мерки, за зачувување на досегашните основи и употреба на современи методи за зајакнување на позициите на универзитете. Во името на студентите од целата држава, ние студентските претставници од веќе споменатите универзитетски студентски тела се обединивме и го објавуваме овој студентски манифест со цел да ја прикажеме афирмацијата на студентскиот глас, студентските предизвици и соочувањето со иднината – посочи Крстовски.

Апатијата што е карактеристична за општеството не ги одминува ни студентите, вели Крстовски и истакна дека нивната задача е да се надмине апатијата кај студентите.

– Се обидуваме да воспоставиме систем на обострана комуникација којшто ќе ги намали пречките кои што ги имаме во разбирање како функционираат институциите, према она што ние ги имаме. Затоа се што произлегува барем од овој состав на Универзитетското студентско собрание на УКИМ, произлегува со основа. Она што го бараме се темели на реални барања што произлегуваат од студентите – посочи Крстовски.

The post БЕСПЛАТНО СТУДИРАЊЕ НА ПРВ ЦИКЛУС Студентското собрание го презентираше Студентскиот манифест appeared first on plusinfo.mk.