Компанијата dm drogerie markt, во соработка со Здружението на граѓани за промоција и поддршка на здравјето „Матрона“, одржа бесплатна едукативна и интерактивна обука на тема „Правилна исхрана кај деца во најрана возраст и важноста на оралната хигиена кај трудници и деца“. Настанот се одржа на 17 јуни во „Јавна соба“ во Скопје, со присуство на повеќе од 40 учесници.

Обуката беше посветена на две важни теми поврзани со здравиот развој на детето уште од најрана возраст, но и со грижата за здравјето на мајката. Предавањата ги одржаа прим. д-р Марина Поп Лазарова, неонатолог, и спец. д-р Бојан Ангеловски, стоматолог, кои преку стручни насоки, практични совети и интерактивен пристап се осврнаа на правилната исхрана кај децата, навиките што се формираат во првите години од животот, како и на значењето на оралната хигиена кај трудниците и децата.

Присутните имаа можност директно да разговараат со стручните лица, да постават прашања и да добијат проверени информации поврзани со секојдневната грижа за здравјето на мајката и детето. Како дополнителна поддршка, секој учесник доби и специјален ваучер за 15% попуст за купување на babylove производите во dm продавниците и babylove торба со производи, со што едукативната средба доби и практична вредност за семејствата. Темите предизвикаа интерес кај учесниците, особено поради нивната примена во секојдневието на идните родители, мајките и семејствата.

Оваа едукативна средба е дел од „Караванот на мајчинство“, иницијатива што dm и „Матрона“ ја реализираат втора година по ред, со цел да обезбедат поддршка, едукација и охрабрување за мајките, идните родители и семејствата. Годинешното издание на караванот започна со онлајн обука, одржана на 25 февруари, на тема „Првиот оброк: Правилни чекори за безбедна и здрава дохрана на вашето бебе“, продолжи со обуката „Мирни ноќи за целото семејство: спиење, навики и транзиции кај децата“, одржана на 23 март, како и со обуката „Ран моторен развој кај децата: практични совети од ортопед“, одржана на 22 април.

Како дел од годинешната програма, на 20 мај во Битола беше одржана и бесплатна едукативна средба на тема „Од бременост до мајчинство: пренатална едукација и грижа за новороденчето“, со што „Караванот на мајчинство“ продолжи и со средби во живо. Настанот во Скопје беше продолжување на оваа практика и овозможи директна едукативна средба со стручни лица, посветена на теми што се важни за секојдневието на современите семејства.

Од dm посочуваат дека целта на оваа иницијатива е да им овозможи на семејствата пристап до релевантни информации, проверени стручни лица и практична поддршка во различни фази од родителството, преку теми што се значајни за здравјето, развојот и секојдневната грижа за најмладите.

dm drogerie markt и „Матрона“ и понатаму ќе продолжат со активности насочени кон едукација и поддршка на родителите, со фокус на проверени стручни информации, превенција и унапредување на здравјето на мајките и децата.

The post ПРАВИЛНА ИСХРАНА КАЈ ДЕЦА И ОРАЛНА ХИГИЕНА КАЈ ТРУДНИЦИ И ДЕЦА dm и „Матрона“ одржаа бесплатна обука во Скопје appeared first on plusinfo.mk.

Компанијата dm drogerie markt, во соработка со Здружението на граѓани за промоција и поддршка на здравјето „Матрона“, организира бесплатна едукативна и интерактивна обука на тема „Правилна исхрана кај деца во најрана возраст и важноста на оралната хигиена кај трудници и деца“.

Настанот ќе се одржи на 17 јуни, во периодот од 17.30 до 19.30 часот, во „Јавна соба“, на ул. 50 Дивизија 22 во Скопје. Местата се ограничени, а сите заинтересирани треба да се пријават на електронската адреса info@matrona.org.

Предавањето ќе го одржат прим. д-р Марина Поп Лазарова, неонатолог, и спец. д-р Бојан Ангеловски, стоматолог, кои преку стручни насоки и практични совети ќе се осврнат на две важни теми поврзани со здравиот развој на детето уште од најрана возраст. Учесниците ќе имаат можност да добијат релевантни информации за правилната исхрана кај децата, навиките што се формираат во првите години од животот, како и за значењето на оралната хигиена кај трудниците и децата. Како дополнителна поддршка, учесниците ќе добијат и специјален ваучер за 15% попуст за купување на babylove производите во dm продавниците.

Темите се од особена важност за идните родители, мајките и семејствата, бидејќи навремената едукација и пристапот до проверени информации можат да придонесат за подобра грижа, поголема сигурност и создавање здрави навики уште од најраната возраст. Преку интерактивниот формат на обуката, присутните ќе имаат можност за директна комуникација со стручните лица и за одговори на прашања поврзани со секојдневната грижа за здравјето на мајката и детето.

Оваа едукативна средба е дел од „Караванот на мајчинство“, иницијатива што dm и „Матрона“ ја реализираат втора година по ред, со цел да обезбедат поддршка, едукација и охрабрување за мајките, идните родители и семејствата. Годинешното издание на караванот започна со онлајн обука, одржана на 25 февруари, на тема „Првиот оброк: Правилни чекори за безбедна и здрава дохрана на вашето бебе“, продолжи со обуката „Мирни ноќи за целото семејство: спиење, навики и транзиции кај децата“, одржана на 23 март, како и со обуката „Ран моторен развој кај децата: практични совети од ортопед“, одржана на 22 април.

Како дел од годинешната програма, на 20 мај во Битола беше одржана и бесплатна едукативна средба на тема „Од бременост до мајчинство: пренатална едукација и грижа за новороденчето“, со што „Караванот на мајчинство“ по втор пат годинава се реализира во живо. Настанот во Скопје претставува продолжување на оваа практика и овозможува директна едукативна средба со стручни лица, посветена на теми што се важни за секојдневието на современите семејства.

Од dm посочуваат дека целта на оваа иницијатива е да им овозможи на семејствата пристап до релевантни информации, проверени стручни лица и практична поддршка во различни фази од родителството, преку теми што се значајни за здравјето, развојот и секојдневната грижа за најмладите.

dm drogerie markt и „Матрона“ и понатаму ќе продолжат со активности насочени кон едукација и поддршка на родителите, со фокус на проверени стручни информации, превенција и унапредување на здравјето на мајките и децата.

The post ПРАВИЛНА ИСХРАНА КАЈ ДЕЦА И ОРАЛНА ХИГИЕНА КАЈ ТРУДНИЦИ И ДЕЦА dm и „Матрона“ организираат бесплатна обука во Скопје appeared first on plusinfo.mk.

Компанијата dm drogerie markt и здружението на граѓани за промоција и поддршка на здравјето „Матрона“, ги покануваат мајките, идните родители и сите заинтересирани на бесплатната онлајн обука на тема „Мирни ноќи за целото семејство: спиење, навики и транзиции кај децата“, која ќе се одржи на 23 март, од 17.30 до 19 часот. Сите заинтересирани треба да го потврдат своето присуство на мејл адресата info@matrona.org.mk

Обуката ќе ја води Сања Ѓорѓев, сертифициран тренер за спиење од центарот Dr. Goodnight, каде работат со семејства чии бебиња или деца имаат проблеми со спиењето. Преку оваа едукативна средба, учесниците ќе имаат можност да добијат стручни насоки и практични совети за создавање поздрави навики за спиење кај децата, за полесно надминување на развојните транзиции и за воспоставување помирна и постабилна семејна рутина. Темата за спиењето е една од најважните во раниот развој на детето, а токму затоа оваа обука има цел да понуди корисни информации и поддршка за родителите во секојдневните предизвици со кои се соочуваат.

Оваа обука е дел од Караванот на мајчинство, иницијатива што dm и „Матрона“ ја реализираат втора година по ред, со цел да обезбедат поддршка, едукација и охрабрување за мајките и идните родители. По успешната измината година, во која беа реализирани 11 онлајн обуки, караванот продолжува да создава простор за размена на знаења, искуства и корисни информации, како и средина во која мајките се чувствуваат разбрани, поддржани и охрабрени да растат заедно со своите деца.

Годинешното издание на Караванот на мајчинство започна со онлајн обука, одржана на 25 февруари, на тема „Првиот оброк: Правилни чекори за безбедна и здрава дохрана на вашето бебе“ на која учествуваа 200 жени, активно следејќи ги препораките, поставувајќи прашања и споделувајќи лични искуства.

Со новата обука посветена на спиењето кај децата, Караванот на мајчинство продолжува и во текот на оваа година да отвора актуелни теми и да нуди стручна поддршка за прашања што се важни за секојдневието на современите семејства. Од dm посочуваат дека целта на оваа иницијатива е да им овозможи на мајките и родителите пристап до релевантни информации, корисни совети и проверени стручни лица, како и чувство дека во родителството не се сами.

The post БЕСПЛАТНА ОБУКА НА ДМ И „МАТРОНА“ Мирни ноќи за целото семејство: спиење, навики и транзиции кај децата appeared first on plusinfo.mk.

AIatWork од денеска овозможува 14-дневен целосно бесплатен пристап до својата платформа, со цел вештачката интелигенција да стане разбирлива, применлива и достапна за поширок круг корисници во Македонија.

Со бесплатниот 14-дневен пристап, корисниците добиваат можност практично да ја испробаат платформата и да користат водечки AI модели како ChatGPT, Gemini и Claude, над 50 практични AI алатки за пишување, анализа, дизајн и автоматизација, како и онлајн курсеви во живо, водени од AI практичари со искуство во глобални технолошки гиганти како Google, Microsoft, IBM и други.

Во Македонија вештачката интелигенција сè уште често се доживува како нешто нејасно и тешко совладливо за луѓето без ИТ искуство. Исто така AI често се поистоветува со една алатка, наместо да се разбере како поширок сет на практични решенија што веќе се користат во секојдневната работа низ светот. Голем дел од популацијата би сакала да знае да користи AI, но не знае кои алатки се навистина релевантни и како AI реално може да им помогне во работата. Токму тука AIatWork се појавува како практичен одговор, нудејќи јасна насока за практична употреба на AI во секојдневната работа.

Во видеото што е дел од објавата, тимот на AIatWork објаснува дека изминатите месеци биле посветени на унапредување на корисничкото искуство и поддршката на платформата, со јасна цел: секој нов корисник уште од првиот момент да знае точно од каде да започне со изучување на вештините и алатките на иднината.

Само овој месец, на платформата се одржуваат 12 активни AI курсеви, во соработка со експерти и компании како Boeing, Google и Salesforce.

– Во време кога AI станува составен дел од работата ширум светот, за земји како Македонија таа претставува можност за побрза дигитална трансформација и зголемена конкурентност. Бесплатниот пристап им овозможува на корисниците самите да проверат како AI може да им помогне во секојдневната работа, без ризик и без обврска. Прашањето повеќе не е дали AI ќе стане дел од работата, туку дали ќе бидете подготвени кога тоа ќе се случи. Пробајте AIatWork бесплатно – 14 дена, без обврска, порачуваат од платформата.

The post ДВЕ НЕДЕЛИ ГРАТИС НА ПЛАТФОРМА СО ВРВНИ ВИ-АЛАТКИ Ретка можност за бесплатна обука за македонските корисници appeared first on plusinfo.mk.