Овој викенд Штип дише во спектакуларниот музички ритам на Д Фестивал. Со бесплатен влез за сите посетители за целата музичка и културна програма, единствениот open-air фестивал во Македонија од вчера широко ги отвори вратите за илјадници посетители од земјава и странство, нудејќи тридневно летно доживување исполнето со музика, дружење, уметност и бројни придружни активности за сите што сакаат викенд исполнет со добра енергија.

На петте фестивалски сцени се менуваат домашни, регионални и светски музички имиња со програма за сечиј вкус. Меѓу најочекуваните настапи се германската електронска сензација Boris Brejcha која во Штип доаѓа по настапите на најголемите светски фестивали и клубови на Ибица, британските панк-рок миленици IDLES, пионерите на европскиот дет метал Destruction, хип-хоп иконата DJ Premier, балканските рок фаворити KOIKOI, Telemama, која по осум години повторно настапува пред македонската публика, како и мексиканската атракција Son Rompe Pera, чиј енергичен настап е вистинска гаранција за танцување до зајдисонце. Низ трите фестивалски дена настапуваат и бројни други артисти, создавајќи музичко патување низ електронска музика, рок, хип-хоп, метал и алтернативниот звук.

Но, Д Фестивал никогаш не бил само место за концерти. Фестивалскиот простор и оваа година е претворен во мало гратче во кое речиси секој агол нуди ново искуство. Денот може да започне со јога сесија покрај реката, да продолжи со дружба во камп зоната или прошетка низ базарот, а потоа да се претвори во авантура исполнета со креативни работилници, театарски и стенд-ап настапи, активности на невладини организации, катче посветено на менталното здравје, спортски предизвици, карате и џиу-џицу презентации, учење традиционални ора, масажи, стрип, цртање и уште многу интерактивни содржини кои го прават фестивалот подеднакво интересен и во текот на денот, а не само навечер. Љубителите на фудбалот, пак, ќе можат заедно да ги следат натпреварите од Светското првенство во специјално организираниот простор за заедничко гледање.

Посебно внимание кај посетителите привлекуваат атрактивните простори за релаксација и дружење, во кои се чувствуваат силни позитивни вибрации. Во текот на денот, од 12 до 18 часот, посетителите се релаксираат во специјално уредената chill зона, која е совршено место за пауза од брзото фестивалско темпо, освежување и собирање енергија пред вечерните концерти. Со заоѓањето на сонцето, фокусот се префрла кон главната сцена, каде што е подготвен и ексклузивен VIP простор отворен од 20 до 2 часот наутро, создаден за оние кои сакаат да уживаат во концертите во поудобна и поопуштена атмосфера.

Годинешното издание на Д Фестивал е уникатно поради бесплатниот влез за сите посетители, благодарение на кој се очекува рекорден број посетители од целата земја и регионот. Новиот концепт, силната музичка програма и богатата придружна содржина го претвораат фестивалот во многу повеќе од музички настан – тоа е тридневно летно искуство каде што секој може да го пронајде своето омилено катче.

Фестивалот е во тек и продолжува до недела, а целосната програма и саатницата на настапите се достапни на официјалната веб-страница на Д Фестивал.

The post СИТЕ ПАТИШТА ВИКЕНДОВ ВОДАТ КОН ШТИП И Д ФЕСТИВАЛ Спектакуларна програма и бесплатен влез за сите appeared first on plusinfo.mk.

На 7.09.2023 година (четврток) со почеток во 18:30 часот, во Филхармонија на Република Северна Македонија, ќе се одржи Свечена академија – „32 години независност”, на која ќе присуствува и ќе се обрати претседателот на Владата, Димитар Ковачевски.

Свечената Академија ќе се пренесува во живо на Националната радио-телевизија, како и на каналите на социјалните мрежи на Владата на Република Северна Македонија.

На 8.09.2023 година (петок) одбележувањето на Денот на независноста, ќе продолжи во Градскиот парк во Скопје, на просторот во близина на локацијата „Школка”, каде ќе се одржат тактичко показни вежби на единиците на Армијата на Република Северна Македонија и на Министерството за внатрешни работи. На локацијата „Школка”, е предвидена и културно-уметничка програма, во рамки на која ќе учествува воениот оркестар на Армијата на Северна Македонија, културно-уметнички друштва, членовите на „Златно славејче, како и програма за деца, со учество на Театарот за деца и младинци кои ќе ја одиграат претстава „Гига Мега бајка”, во режија на Хана Миленковска, дело на Горјан Милошевски (по мотиви од Ш. Перо).

Во текот на денот, на истата локација, сите заинтересирани ќе имаат можност да бидат дел од серија спортски активности организирани во соработка со Агенција за млади и спорт.

Дополнително, како дел од одбележувањето на Денот на независноста, под мотото „Гласник на слободата”, покрај многубројните пригодни манифестации, за граѓаните, од 11:00 часот во целата држава, ќе започне културната манифестација „Отворен ден за граѓаните”, во чии рамки се обезбедува бесплатен влез за граѓаните во културните установи, музеи и галерии во целата Република.

Сите заинтересирани граѓани ширум земјата, ќе имаат можност да ги посетат археолошките наоѓалишта „Стоби”, „Хераклеја”, „Баргала”, мегалитската опсерваторија „Кокино”, Музејот Охрид, музеите и заводите во Прилеп, Битола, Штип и Струмица, музеите на Куманово, на Крушево и на Гевгелија, како и во Тетово: Музејот на Тетовскиот крај и Уметничката галерија. Бесплатен влез за граѓаните ќе биде и во Спомен-куќата на Тодор Проески во Крушево. Во Битола, граѓаните ќе имаат можност за бесплатен влез во Музејот на албанската азбука како и во Заводот за заштита на спомениците на културата и музеј, во Кичево пак, во Музејот на Западна Македонија во НОВ, додека во Струга ќе биде бесплатен влезот во Музејот д-р Никола Незлобински.

Во Скопје ќе бидат отворени за посета, Археолошкиот, Природонаучниот музеј, Музејот на македонската борба за самостојност, Музејот на Северна Македонија, Музејот на современата уметност, Националната Галерија на Северна Македонија, Спомен-куќата на Мајка Тереза како и Конзерваторскиот центар (црквата Св. Спас).

Во Музејот на македонската борба за самостојност на 8 септември во 12:00 часот, гудачкиот квартет „Луј” од ДМБУЦ „Илија Николовски-Луј” од Скопје ќе одржи концерт на кој ќе бидат изведени дела од Равел, Дворжак, Пјацола и други. Посетителите ќе имаат можност да ја разгледаат и привремената изложба „Темелник на државноста”, посветена на клучните настани во формирањето на државата – Илинден 1903, Илинден 1944 и прогласувањето на независноста во 1991 година.

Националната опера и балет се приклучува во прославата со концерт на познати оперски арии, кој на 8 септември во 20:00 часот ќе се одржи пред платото на институцијата.

По повод Денот на независноста, во Кинотеката во 18:00 часот ќе се прикаже еден од најтрофејните македонски документарни филмови, „Медена земја”, во режија на Тамара Kотевска и Љубомир Стефанов. Во 20:00 часот ќе се прикаже филмот „Исцелител”, кој е прв дебитантски долгометражен филм на режисерот и сценарист Ѓорче Ставрески.

The post НА 8. СЕПТЕМВРИ БЕСПЛАТНО ВО МУЗЕИ, НА ИЗЛОЖБИ, НА КОНЦЕРТИ… Отворен ден за граѓаните на Денот на независноста appeared first on plusinfo.mk.

„Македонската култура и уметност – богатство кое вреди да се погледне, почувствува и чува.

По повод Светскиот ден на културното наследство БЕСПЛАТЕН ВЛЕЗ во сите музеи и локалитети низ државата. Дојдете, посетете и истражете на 18. април.” – напиша Костадиновска – Стојчевска.

The post ВО ВТОРНИК ВО СИТЕ МУЗЕИ БЕСПЛАТЕН ВЛЕЗ Ден на светското културно наследство appeared first on plusinfo.mk.

Влезот во музеите и галериите во Охрид ќе биде бесплатен секој први во месецот, почнувајќи од утре, 1 ноември, соопшти денеска охридскиот Завод и Музеј.

Граѓаните ќе можат бесплатно да ги посетат Куќата на Робевци, Самуиловата тврдина, Музејот на вода во Градиште и Галеријата на икони.

Во интерес на домашната публика и желбата за поголема посетеност на музеите и галериите влезот ќе биде бесплатен секој прв ден во месецот, почнувајќи од 1 ноември годинава заклучно со први април 2023 година.

Бесплатен влез секој прв ден од месецот во музеите и локалитетите кои се под надлежност на НУ Завод и Музеј – Охрид се реалиизрапе и лани.

The post СЕКОЈ ПРВИ ВО МУЗЕЈ ВО ОХРИД БЕСПЛАТНО Кој не влегол, сега е време да влезе appeared first on plusinfo.mk.

Кошаркарската федерација на Северна Македонија (КФСМ) одлучи да не наплаќа билети за натпреварот на „црвено-жолтите“ со Украина.

Средбата ќе се игра во Спортскиот центар „Борис Трајковски“, на 4 jули (понеделник) од 18 часот.

„Ги покануваме сите искрени љубители на кошарката да дојдат и да го проследат овој натпревар од 6. коло од „Г“ квалификациската група за Светскиот Куп, „во живо“, и да му дадат поддршка на нашиот подмладен состав во обид да ја реализираме првата победа во овој квалификациски циклус“, стои во апелот на КФСМ.

Македонските кошаркари се без шанси за пласман на Мундијалот, па со Украина ќе играат за престиж и за прва победа во овој квалификациски циклус.

The post БЕСПЛАТЕН ВЛЕЗ ЗА ДУЕЛОТ Македонската кошаркарска репрезентација игра со Украина appeared first on plusinfo.mk.