Градоначалникот на Њујорк, Зохран Мамдани најави отворање на 5 евтини градски продавници во Њујорк, а првата ќе се отвори во Источен Харлем следната година.

Покрај „јавните продавници“, тој најави и бесплатен јавен превоз и ограничувања за кирија во градот.

Првата продавница ќе биде изградена на градско земјиште во Ист Харлем, во северен Менхетен, каде што 40% од жителите добиваат некаков вид владина помош. Брендовите „Алди“, „Таргет“ и „Костко“, меѓу другите, се наоѓаат во тој дел од градот што , според американските економисти ќе биде силна конкуренција за јавните продавници.

Но градоначалникот вели дека сè ќе биде поевтино во градските продавници  и покрај конкуренцијата.

-Јајцата ќе бидат поевтини, лебот ќе биде поевтин. Купувањето намирници повеќе нема да биде нерешлива равенка. Сега некои ќе инсистираат дека градските продавници не можат да функционираат. Дека државните имоти не можат да се натпреваруваат со корпорациите. Мојот одговор на нив е едноставен: се радувам на конкуренцијата – рече Мамдани.

Мамдани стана градоначалник на првиот ден од 2026 година и ги доби изборите токму ветувајќи политики за кои тврдеше дека ќе ги намалат цените во градот кој стана премногу скап за живеење за сите освен за најбогатите.

The post ГРАДОНАЧАЛНИКОТ НА ЊУЈОРК ОТВОРА ЈАВНИ ПРОДАВНИЦИ Во најава е и бесплатен превоз appeared first on plusinfo.mk.

Протестен марш, насловен „Стоп за сообраќајното насилство“, е закажан за во сабота во Неготино, информираа вечерва организаторите на настанот, на Фејсбук група посветена на овој град.  Протестот ќе се одржи во 14 часот, на улица Маршал Тито, кај семафорите.

„Време е да ја подигнеме свеста за трагедиите што секојдневно се случуваат на нашите улици. Маршираме за да испратиме силна порака, доста е со жртви на улиците. Овој протест е за Фросина, за Викторија, за сите жртви на сообраќајното насилство и за сите чии животи се изгубени поради немарни возачи и неефикасни институции. Секој од нас е изложен на опасности во сообраќајот. Никој не е заштитен од трагедија. Не смееме да дозволиме оваа серија загуби да продолжи“, пишува во повикот за учество во протестот.

Притоа се наведуваат и барањата на протестниот марш – безбедни улици за сите, почитување на пешачките премини, ограничувањата на брзината и правата на сите учесници во сообраќајот. Поголема свест за опасностите, строга контрола за возење под дејство на алкохол и наркотични супстанци. Најстроги казни за сообраќајните насилници, без толеранција за оние што возат без дозвола, без соодветна обука или намерно ги загрозуваат животите на другите. Одговорност од институциите,  крај на заташкувањето на сообраќајните злосторства и правна правда за жртвите.

„Фросина заслужува правда. Викторија заслужува правда. Сите жртви на сообраќајното насилство заслужуваат правда“, порачаа организаторите на настанот.

Објавена е и информација дека другарките на Фросина која загина на Партизанска во Скопје, организираат бесплатен автобус од Скопје до Неготино и назад, за сите што сакаат да присуствуваат на протестниот марш, со назнака Фејсбук група „Неготино, прашања, изгубено – најдено, превоз, огласи“  

The post 📷 ДРУГАРКИТЕ НА ФРОСИНА ОРГАНИЗИРАА БЕСПЛАТЕН ПРЕВОЗ Протест во сабота во Неготино против сообраќајното насилство appeared first on plusinfo.mk.

Бесплатениот автобуски превоз за студентите во Скопје ќе продолжи и во 2025 година, откако Владата денеска на седница одлучи да му префрли 120 милиони денари на Јавното сообраќајно претпријатие ЈСП – Скопје, обезбедени со релоцирање од буџетот на Министерството за образование и наука.

– Претходната Влада 3 години не обезбедуваше средства за оваа намена и немаше донесено ваква одлука. Оттука е и недовербата која студентите ја имаа кон извршната власт. Ги уверувам треба да бидат спокојни зашто новата Влада ги исполнува ветувањата и обврските кон граѓаните, а токму оваа наша одлука е потврда за тоа – рече премиерот Христијан Мицкоски на заедничка прес-конференција во Владата со министерката за образование и наука, Весна Јаневска.

Бесплатниот јавен превоз, како што рече, ќе им овозможи поголема достапност на студентите и ќе ги ослободи од финансискиот товар со што ќе може повеќе да се фокусираат на студиите и на личниот развој.

Министерката Јаневска ѝ се заблагодари на Владата и посочи дека студентите и следната година ќе имаат бесплатен превоз, што е особено значајно за нив и е насушна потреба бидејќи во јануари имаат сесија.

Универзитетското студентско собрание на Универзитетот „Св. Кирил и Методиј“ Скопје претходно испрати апел до Владата и до Министерството за образование и наука (МОН), на владина седница, да овозможат релоцирање на средства, со цел продолжување на бесплатниот превоз за студентите во 2025 година.

Градоначалничката на Град Скопје, Данела Арсовска, на крајот на минатиот месец изјави дека долгот на централните власти кон Јавното сообраќајно претпријатие (ЈСП) Скопје од јануари идната година ќе изнесува 10 милиони евра и оти Советот треба да дискутира дали воопшто ќе има бесплатен превоз.

Како што наведе Државниот завод за ревизија, во извештајот што го објави во октомври, МОН две години не ги покривало трошоците за превоз на студентите, а Владата не донела одлуки, иако продолжи бесплатниот превоз на студентите од ЈСП.

The post ПРОДОЛЖУВА БЕСПЛАТНИОТ АВТОБУСКИ ПРЕВОЗ ЗА СТУДЕНТИТЕ Владата ќе му префрли 120 милиони денари на ЈСП appeared first on plusinfo.mk.

Министерството за образование и наука (МОН) и ЈСП Скопје се соочуваат со жестока критика од студентските организации, кои се закануваат со протести ако не се врати бесплатниот јавен превоз. Студентите тврдат дека укинувањето на оваа корист е директен напад врз нивните права, во време кога се борат со низок студентски стандард и високите трошоци.

„Неуспехот на Министерството за образование да го исплати долгот за бесплатен превоз е само уште еден доказ дека оваа власт нема капацитет да се справи со вистинските проблеми на младите“, велат од Студентски отпор.

Тие нагласуваат дека укинувањето на бесплатниот превоз ќе го отежни нивниот пристап до образованието и ќе предизвика нови финансиски проблеми за многу студенти.

„Ако не се врати бесплатниот превоз веднаш, студентите ќе излезат на улиците“, предупредуваат тие.

Според нив, оваа одлука не смее да се донесе, бидејќи пристапот до образование и образовни ресурси треба да биде неприкосновено право за сите студенти.

Борбата за враќање на бесплатниот превоз, велат тие, започнува сега, и ако властите не го решат проблемот, ќе имаат да се соочат со гневот на студентите на улиците.

The post СТУДЕНТИТЕ СЕ ЗАКАНУВААТ СО ПРОТЕСТИ Нема да молчат додека им се одзема правото на бесплатен превоз appeared first on plusinfo.mk.

Всушност, сега ќе им бидат дадени времени билети, кои во меѓувреме ќе бидат заменети со „Скопска“.

Учениците од повисоките одделенија, во случај да имаат потреба од нова персонализирана електронска картичка „Скопска“ (поради изгубена картичка и слично), нова/дупликат можат да обезбедат во кој било центар за персонализација на ЈСП Скопје.

Притоа, неопходно е да достават потврда од училиште и да платат еднократен надомест од 200 ден за изработка на картичката.

Потсетуваме дека средношколските билети за бесплатно користење на јавен превоз, важат за сите линии (градски и приградски) во период од 5 до 24 часот, односно, единствено не важат за користење на ноќни линии.

The post СРЕДНОШКОЛЦИТЕ ЌЕ ГИ ДОБИЈАТ БИЛЕТИТЕ ВО НИВНИТЕ УЧИЛИШТА Стартува бесплатниот автобуски превоз appeared first on plusinfo.mk.

Студентите годинава ќе имаат повеќе пари за студентски оброк. Министерката за образование и наука, Весна Јаневска при денешната посета на Општина Штип најави дека планирано е зголемување на студентскиот оброк, но засега не може да каже за колку ќе биде зголемен, бидејќи какошто вели се зависи од буџетските средства кои ќе им бидат дадени на располагање.

– Што се однесува до студентскиот стандард студентите не треба да имаат дилема дека Министерството ќе биде постојан нивен соработник, партнер и поддржувач, всушност ќе биде најголем нивен поддржувач, па оттука еве им испраќам порака дека – да, размислуваме за покачување на студентскиот оброк. Влеговме во проект на реновирање на студентските домови за тие да имаат подобри услови за живот и учење и факт е дека капацитетите се малку намалени, но се обидуваме тоа да го решиме со тоа што ќе ги пренасочиме дел од студентите кон употребливите ученички домови и ќе се погрижиме максимален број на студенти да добијат легла за да можат нормално да живеат во градовите каде што ќе студираат – вели Јаневска.

На новинарско прашање дали Министерството за образование и наука ќе го плати долгот кон ЈСП-Скопје за бесплатниот студентски превоз во висина од осум милиони евра, Јаневска со одговор дека фактурите се пристигнати, но нема правен основ по кој Министерството би ги платила фактурите за бесплатниот студентски превоз.

– Нема правен основ по кој Министерството би го исплатило тој долг. Нема спогодба, нема договор, нема владина одлука. Така што, јас повторувам, и да сакам не можам, а јас сакам студентите да имаат слободен превоз и за следната година. Ние планираме средства за слободен превоз на студентите. Но, тоа мора да се реши на поинаков начин. За мене како министер начинот е Судот да одлучи, како ќе одлучи Судот така ќе постапуваме – изјави Јаневска.

Таа повтори дека за идната година Министерството за образование и наука и Владата имаат планирано средства за слободен превоз на студентите.

The post ЌЕ ДОБИВААТ ПОВЕЌЕ ПАРИ ЗА ЈАДЕЊЕ, АМА ЌЕ ПЛАЌААТ ЗА ПРЕВОЗ? Една добра и една лоша вест за студентите appeared first on plusinfo.mk.

Улиците и булеварите во Скопје беа преполни со автомобили и такси возила. На велосипедските патеки имаше значителна фреквенција на велосипеди и електрични скутери. Некои го искористија убавото и време и тргнаа пеш од своите домови, сѐ со цел да дојдат до посакуваната дестинација.

Скопјани гневни

Ова е сликата што можевме да ја забележиме утринава. Автобуските постројки беа празни, единствено можеше да се забележи по некој патник кој го чекаше пристигнувањето на приватните автобуси.

Сепак, најгневни беа жителите на Драчево, Лисиче, Кисела Вода, Пржино, Црниче и на други скопски населби и населени места, каде што освен автобус на ЈСП друг градски превоз нема.

– Уште вчера знаев дека ќе нема автобус и побарав од шефот да работам од дома, затоа што работата ми го овозможува тоа. Доаѓањето со такси не доаѓаше предвид, бидејќи од Драчево до Центар ќе ме чинеше многу повеќе од мојата дневница. Сепак, други членови на моето семејство воопшто не отидоа на работа или некои се организираа со соседите и така заминаа – ни објасни Сандра.

Јана од Лисиче вели дека вчера дала повеќе пари за такси само за да стигне на работното место во Ѓорче Петров, а за денеска заедно со соседот со автомобил се возела до Центар, а оттаму со приватен автобус некако стасала на работа.

Социјалните мрежи „горат“

Уште од вчера, но и рано утринава социјалните мрежи вриеја од коментари поврзани со превозот во Скопје. Луѓето се бесни затоа што не можат да ги извршуваат своите работни обврски или приватни, бидејќи како превозно средство ги користат токму автобусите на ова јавно претпријатие.

– Вчера задоцнив на работа поради дојавата за бомба во некој од автобусите, а денеска морав повторно некако да се снаоѓам. Навистина е срамота што Градот не успеа да најде начин да им исплати плати на вработените, па топката ја префрла на други. Јас имам платено месечен билет, па мора да ми се обезбеди превоз, бидејќи тоа е единствениот начин на кој функционирам – пишува револтирано еден скопјанец на социјалната мрежа Фејсбук.

Коментарите не запираат, а прстот речиси секогаш е насочен кон градоначалничката Данела Арсовска, бидејќи според скопјани, таа е виновна за целата ситуација, затоа што, како што велат, за една година поставила дури тројца в.д. директори на ЈСП „Скопје“, а претпријатието трупа долгови.

– Изгледа бесплатниов превоз и не е бесплатен, како што ветуваше. Не знам како таа планира да го реализира тоа, уште без срам вели дека ќе го добиеме следната година. Таа плати не може да им обезбеди на вработените, па уште такво нешто најавува. Не може да разбере дека во животот нема ништо бесплатно, а и тоа што е некој треба да го плати – вели друг скопјанец.

– Големо браво за Данела, вети бесплатен превоз и обезбеди – некој со велосипед, некој пешки, ама важно без пари е. Ние плаќаме нешто два пати за да го добиеме бесплатно, на Градот за данок на имот, на централната власт за буџетот и уште билет купуваме и немаме со што да се возиме, срамота! – коментира друг.

– Не беа способни да го менаџираат парното, го предадоа на Владата, сега и со ЈСП, па зошто ни е е тогаш градоначалник? – прашува Ристо.

– Срамота! Луѓето редовно си ја работат работата, а немаат земено плата. Изгледа надлежните мислат дека вработените живеат од љубов спрема претпријатието – вели Нено.

Само за Скопје ли да се даваат пари?

Градоначалничката Арсовска посочи дека владата, поточно Министерството за образование ѝ должи пари и затоа не може да се исплатат платите на вработените. Таа изјава исто така предизвика бура на социјалните мрежи, но овој пат од жителите на другите градови во земјава.

– Ако не знае Данела да го менаџира градот, нека си поднесе оставка. Немала пари за струја, бара од владата, немала за парно, бара од владата, немала за превоз, бара од владата, аман веќе, па и ние што не живееме во Скопје имаме право на живот некаков, на нашите градови не ли треба да им се помогне некако? – вели жител на Струмица.

– Доста веќе Скопје, па Скопје… Што сме ние должни да плаќаме за некои неспособни? Јавен превоз има во Битола и во Тетово, па нека даде владата пари и за нас од буџетот, па ние да се возиме во убави и нови автобуси – пишува жител на Битола.

Плати за септември или – нема возење!

Што точно ќе се случува со градскиот превоз во Скопје ќе биде познато наскоро. Претседателот на Независниот синдикат на возачи при ЈСП, Африм Муча, е дециден дека нема да има превоз сѐ додека не им се исплати септемвриската плата.

– Сѐ додека не се исплати платата, ќе бидеме во гаража. Дојдени сме сите вработени од прва, втора и од трета смена – вели Муча.

За денеска во 13 часот повторно е закажана вонредна седница на Советот на Град Скопје, откако вчера советниците побараа од градоначалничката Данела Арсовска да достави одлука за прераспределба на средства за платите на вработените во ЈСП.

The post КОНЕЧНО БЕСПЛАТЕН ГРАДСКИ ПРЕВОЗ – НЕМА АВТОБУСИ, НЕМА ПЛАЌАЊЕ Додека не се поделат плати, автобусите не мрдаат од гаража! appeared first on plusinfo.mk.

Се информират граѓаните дека и годинава ЈСП Скопје ќе овозможи бесплатен јавен превоз по повод одржувањето на традиционалната културна манифестација „Бела ноќ 2022“.

Право на бесплатен превоз ќе имаат сите граѓани во период од 18 часот во сабота (1.10.2022 година) до 05 часот во недела (2.10.2022 година).

Потсетуваме дека во функција се и ноќните линии, а возниот ред е достапен на веб страницата на ЈСП Скопје (www.jsp.com.mk).

The post БЕСПЛАТЕН ЈАВЕН ПРЕВОЗ ЗА БЕЛА НОЌ Во функција и ноќните линии appeared first on plusinfo.mk.

Средношколците ќе имаат бесплатен јавен превоз за време на летниот распуст, одлучи Советот на Град Скопје на денешната седница.

Овој летен распуст околу 23.000 средношколци ќе може да го користат јавниот превоз бесплатно заради посетување дополнителна настава, часови по практична настава, како и за посета на културни, спортски или  други активности.

Изминатите години бесплатниот билет им важеше само за време на учебната година, а за месеците од летниот распуст можеа да набават месечен билет по повластена цена, од 600 денари за користење на сите линии, за еден месец, односно за јули или за август.

Бесплатниот превоз важи за сите ученици од средните училишта под ингеренции на Град Скопје, како и за оние што учат во државните средни училишта.

The post СРЕДНОШКОЛЦИТЕ И ЗА ЛЕТЕН РАСПУСТ ЌЕ СЕ ВОЗАТ БЕСПЛАТНО Се укинува месечниот билет од 600 денари appeared first on plusinfo.mk.

Согласно мерките за намалување на трошоците на живот за граѓаните, Владата преку Министерството за транспорт и врски и Железници Транспорт АД-Скопје донесе одлука да се воведе бесплатен превоз во железничкиот сообраќај.

Во соопштението е наведено дека бесплатен превоз ќе има за млади лица до 27 години, секоја прва и трета недела во месецот, во период на викенд денови од петок од 12 часот, до понеделник до 12 часот.

Исто така, предвиден е бесплатен превоз на стари лица, жени од 62 години и мажи од 64 години секој втор викенд во месецот (петок, сабота и недела).

„Бесплатен превоз за студенти секој четврток. И бесплатен превоз за сите ученици во средното образование и тоа еднаш неделно во среда. Бесплатниот превоз се воведува од 1 мај 2022 година, согласно возниот ред на Железници  Транспорт АД-Скопје за 2022 година. Со оваа мерка овозможуваме континуирана поддршка на граѓаните се со цел поттикнување на железничкиот сообраќај како најевтин и еколошки превоз“, наведено е во соопштението.

The post КОЈ И КОГА ЌЕ СЕ ВОЗИ БЕСПЛАТНО СО ВОЗ? Пензионерите, студентите и средношколците ќе заштедат пари за превоз appeared first on plusinfo.mk.