Тетовскиот фудбалски клуб Шкендија се огласи по реакциите во јавноста и најавите за можни санкции од Фудбалската федерација на Македонија по финалето од Купот против Силекс.

Најголем дел од реакциите се однесуваат на тоа што фудбалерите на Шкендија не се појавија на церемонијата за доделување на сребрените медали. Нивните навивачи исто така ја исвиркаа македонската химна.

Од тетовскиот клуб тврдат дека немало намера да се одбијат медалите.

„Сакаме да нагласиме дека во ниту еден момент КФ Шкендија не одби да ги прифати медалите, ниту пак имаше намера да го навреди организаторот или противничкиот тим“.

Шкендија објаснува дека по натпреварот играчите останале пред трибината за да им се заблагодарат на навивачите и да разговараат со нив по поразот.

„Поради емоциите, бучавата на стадионот и ситуацијата создадена во тој момент, играчите не го слушнаа повикот за церемонијата на доделување медали“, наведуваат од клубот.

Од Шкендија додаваат дека побарале дополнително време од организаторите за да се смири ситуацијата и тимот да се врати на теренот.

Во соопштението се посочува дека дел од играчите во меѓувреме заминале кон соблекувалната за да облечат дресови и спортска опрема, бидејќи дел од дресовите им ги подариле на навивачите веднаш по мечот.

„Целата ситуација беше резултат на недоразбирање и техничка грешка во емотивните моменти по натпреварот, а не намерна одлука или акција од страна на клубот или нашите играчи“, се вели во реакцијата на Шкендија.

Од клубот нагласуваат и дека нивни претставници им честитале на играчите на Силекс за освоениот трофеј.

Во меѓувреме, ФФМ најави можни санкции поради исвиркувањето на македонската химна од страна на навивачите на Шкендија.

The post „НЕ ГИ ОДБИВМЕ МЕДАЛИТЕ, НЕ ГО СЛУШНАВМЕ СПИКЕРОТ“ Шкендија се огласи oткако беше исвирката химната на финалето со Силекс appeared first on plusinfo.mk.

Екипата на Шкендија успеа со голема борба и доза на драма да се пласира во второто квалификациско коло од Лигата на шампионите, совладувајќи го велшкиот ТНС со 2:1 по продолженија, откако регуларниот дел заврши 1:1.

Натпреварот на националната арена во Скопје започна енергично од страна на Шкендија. Домашните уште во почетните минути ја погодија стативата, а создадоа и неколку опасни ситуации пред голот на Натан Шепард. Првиот погодок падна во 19 минута, кога капитенот Бесарт Ибраими маестрално асистираше, а Фабрис Тамба ја смести топката во мрежата на гостите.

Гостите од Велс возвратија во 38 минута, кога Џордан Вилијамс го искористи одбиениот удар и погоди за 1:1. Тоа беше и резултатот со кој се замина на одмор.

Вториот дел донесе возбудувања во самиот финиш. Во 83 минута судијата Сајат Карабајев од Казахстан досуди пенал за Шкендија, но по ВАР преглед ситуацијата беше поништена поради офсајд. Во последните моменти на регуларното време Тамба повторно се најде во шанса, но голманот Шепард одлично интервенираше и резултатот остана непроменет – 1:1.

Во продолженијата, тетовци притиснаа со сите сили. Клучниот момент се случи во 116 минута кога по ударот на Ибраими, топката беше одбиена од Шепард, а Фитон Адеми нафрли, па несреќно Џек Боденхам ја смести во сопствената мрежа за конечни 2:1.

Со оваа победа, Шкендија го продолжува својот европски сон и во следната рунда ќе се сретне со романскиот шампион СБ (поранешна Стеауа).

The post ЕВРОПСКА НОЌ НА ТАМБА И АДЕМИ Шкендија го сруши ТНС, следува Стеауа appeared first on plusinfo.mk.

Најдобриот голегетер во историјата на Шкендија го напушта тетовскиот клуб, откако двете страни постигнале заемен договор за прекин на соработката.

„Ти благодариме за сè што направи за нашиот клуб, Бесарт. Ти благодариме за сите убави моменти и твојот придонес во дресот на Шкендија и ти посакуваме многу успеси во натамошната фудбалска кариера“, соопшти актуелниот македонски првак.

„Кралот на головите“ го носеше дресот на Шкендија од 2015 година, постигнувајќи 145 погодоци во сите натпреварувања за клубот од Тетово.

The post „БОМБА“ ПОД ШАРА Бесарт Ибраими ја напушта Шкендија appeared first on plusinfo.mk.