Шокантен резултат го отвори денот во Монте Карло, каде Матео Беретини го прегази Данил Медведев со 6-0, 6-0 за само 49 минути игра. Поразот без освоен гем, прв во кариерата на Медведев, прерасна во фрустрација што кулминираше со кршење на рекетот на теренот.

Мечот што требаше да биде дерби се претвори во еднострана демонстрација. Медведев не освои ниту еден гем, а имаше 30 неизнудени грешки и пет двојни сервис грешки.

Во вториот сет нервозата кулминираше. По серија загубени поени, Медведев го искрши рекетот удирајќи го четири пати од земја. Публиката реагираше со мешавина од свирежи и аплаузи.

Матео Беретини беше перфектен.

– Ова е дефинитивно една од најдобрите партии во мојот живот. Сè функционираше – планот за игра беше перфектен, а моите најсилни оружја беа на врвно ниво. Против играч како Данил никогаш не е лесно, но денес едноставно не промашував – изјави Беретини.

Италијанецот, кој падна на 90-тото место, потсети на најдобрите денови. Беретини стигна до третото коло без ниту еден загубен гем.

Во првото коло водеше со 4-0 пред предавање на противникот. Потоа ја комплетираше „метлата“ против Медведев. Со оваа победа се пласира во осминафиналето и станува сериозна закана за фаворитите.

Medvedev is going completely crazy, this is only the first of many!

Clayvedev is back!

Berrettini probably expected a harder match today pic.twitter.com/2vXD3ONd6a

— TenvyBets (@TenvyBets) April 8, 2026

The post 📽️ ДЕБАКЛ ЗА МЕДВЕДЕВ, ПРВПАТ СКРШИ РЕКЕТ Беретини го „збриша“ за 49 минути appeared first on plusinfo.mk.

Новак Ѓоковиќ беше поразен на стартот на турнирот во Доха од Матео Беретини, но нема да го напушти Катар. Тој утре се враќа на теренот, но во двојки.

Српскиот ас ќе се обиде некако да го подобри впечатокот во двојки со Шпанецот Фернандо Вердаско.

Ѓоковиќ не пропушти да го пофали Беретини, но ја објасни и причината за поразот во раната фаза на турнирот.

– Беретини одигра перфектен меч. Неговиот сервис беше исклучително силен и прецизен, со висок процент од прв удар. Немав многу шанси на негов сервис, особено во вториот сет. Во првиот сет имав две брејк топки, но тој секогаш го наоѓаше првиот сервис и беше многу агресивен, играше тактички паметно – изјави Ѓоковиќ.

Српскиот тенисер потоа се осврна на својата игра.

– Тој само игра премногу пасивно. Ме шеташе низ теренот, диктирајќи го темпото. Мислам дека предолго чекав да погреши. Му честитам на одличната претстава. Очигледно, таа повреда и недостатокот на интензивни тренинзи значително придонесоа за моето лошо движење и поголем сомнеж во моите удари-  вели тој.

Иако немал никакви болки во мускулите, се чини дека Ѓоковиќ се уште ги чувствува последиците од непријатната повреда.

– Не чувствував никаква болка или непријатност, па нема оправдување. Бев надигран од подобар играч. Сè уште не се движам како што сакам. Нема да играм сервис-волеј. Тоа го правам кога сакам да го променам мојот ритам во одреден момент. Ништо не е исто како што беше пред 15 или 10 години, се обидувам да се грижам за моето тело.Секој ден се трудам да се грижам за моето тело. Се обидувам да дадам се од себе – јасно изјави Новак Ѓоковиќ.

The post МЕ НАДИГРА, ПРЕДОЛГО ЧЕКАВ ДА ПОГРЕШИ Ѓоковиќ вели дека Беретини одиграл совршено во Доха appeared first on plusinfo.mk.

Познати се сите полуфиналисти на Австралија опен, откако попладнево вториот светски рекет, Русинот Данил Медведев, иако губеше со 0-2 во сетови и спаси една меч топка, го совлада на крајот Канаѓанецот Феликс Оже-Алиасим со 6-7 (4), 3-6, 7-6 (2), 7-5, 6-4.

Последниот патник во полуфиналето на грен – слем турнирот во Мелбурн беше познат по 4 часа и 38 минути игра.

Медведев во полуфиналето ќе игра против Гркот Стефанос Циципас, кој во средата го совлада Италијанецот Јаник Сибер (3-0), додека втората полуфинална двојка ја сочинуваат Италијанецот Матео Беретини и Шпанецот Рафаел Надал.

Машките полуфинални натпревари се на програмата в петок.

The post МЕДВЕДЕВ, ЦИЦИПАС, БЕРЕТИНИ И НАДАЛ ВО ФИНИШОТ НА АВСТРАЛИЈА ОПЕН Русинот одигра меч за инфаркт appeared first on plusinfo.mk.