Соопштението го објавуваме интегрално

„Изминативе денови јавноста e доведена во заблуда од неточните и еднострани информации кои се пласираат, а се поврзани со МКЦ, поточно со истечените договори на 30 лица кои биле хонорарно ангажирани во институцијата.

Имено, се работи за придржување кон законските обврски кои произлегуваат од известувањето на ДКСК и Изборниот законик според член 8-а, упатено до сите институции. Од таа причина сите лаги, клевети и обвинувања на сметка на МКЦ ги отфрламе како неосновани и како дел од хајка која се врши со цел да се наруши угледот на институцијата и нејзиното раководство. Во тој контекст нагласуваме дека ниту еден настан од програмата и според предходно потпишаните договори не е откажан. Исто така нагласуваме дека се работи за инсинуација дека на МКЦ е ставен клуч со што ги отфрламе сите обвинувања дека МКЦ не работи. МКЦ е и останува институција отворена за сите.

Преку ова соопштение сакаме да ја известиме јавноста дека апсолутно не станува збор за своеволна еднострана одлука за прекин на договори, туку се работи исклучиво за придржување и почитување на законските прописи согласно Изборниот законик кој стапува на сила од денот на распишување на претседателските и парламентарните избори 2024 година.

Би сакал да ве известам дека веднаш по завршувањето на изборниот процес и во моментот кога истото ќе биде дозволено според законските прописи, хонорарно ангажираните лица кои се неопходни за редовното функционирање на институцијата повторно ќе бидат со работен ангажман.

Исто така сакаме јавно да укажеме дека сите претходни раководни структури на институцијата како и до сите претходни мандати на состави на совети при град Скопје, се дозволило институцијата да се доведе во позиција без да се регулира трајно статусот на времено ангажираните лица во МКЦ.

Нагласуваме дека е упатен и официјален допис до ДКСК со цел да се добие мислење/согласност за понатамошно дејствување на што се уште до МКЦ нема пристигнато никаков одговор!“, се наведува во соопштението на директорот на МКЦ.

The post ПО ИЗБОРИТЕ ХОНОРАРЦИТЕ ЌЕ СЕ ВРАТАТ ВО МКЦ Шаќири вели дека го почитувал Изборниот законик appeared first on plusinfo.mk.

Музичарот беше назначен за нов директор на 22 јануари годинава со потпис на градоначалничката Данела Арсовска. Тој го наследи Никола Алексов, дипломиран детектив, кој беше поставен на функцијата откако Арсовска го разреши претходниот директор Ванчо Богоев.

Плусинфо се обиде да го исконтактира Шаќири. Тој преку СМС ни одговори дека во текот на денот сите медиуми ќе добијат официјално соопштение.

Отстранувањето на натписот предизвика бројни позитивни и негативни реакции на социјалните мрежи.

The post НАЈДОБРО ВРЕМЕ Е ВО НОЌТА Бени Шаќири го тргнал натписот „Ние сме од Скопје“, денеска ќе објасни зошто appeared first on plusinfo.mk.

Шаќири во разговор за Плусинфо ја потврди оваа информација и додаде дека бил во супер односи со веќе поранешниот директор Алексов.

– Точна е информацијата, двајцата сме во иста канцеларија. Имаме супер однос со Алексов. Примопредавањето на функцијата се одвива најнормално. Останува чисто формално да се реши неговото разрешување кое сѐ уште не е пристигнато од Град Скопје – ни изјави Шаќири.

Градоначалничката Данела Арсовска, Алексов го назначи за в. д. директор на 18 јануари 2023, за потоа да му го продолжи мандатот во мај и уште еднаш во ноември. Решението пак за Шаќири е потпишано на 10 јануари без притоа да биде известена институцијата и останатите кандидати што се пријавија за директорското место во МКЦ.

Освен  Шаќири, пријавени беа и филмскиот работник Никола Мадиќ, кој е сопруг на заменичката-министер за правда Викторија Аврамовска-Мадиќ, и Владимир Стојчевски, дипломиран продуцент и професор, магистер по менаџмент на јавни установи.

Алексов пак кој е дипломиран детектив, беше поставен на функцијата во јануари минатата година откако Арсовска го разреши Ванчо Богоев. Рекации следуваа од Програмскиот совет на МКЦ кои рекоа дека Богоев, кој 36 години е дел од институцијата, е сменет бидејќи не сакал да го вработи пејачот Бени Шаќири, кој на последните локални избори беше кандидат за градоначалник на Скопје на ДОМ и ЛДП. Од МКЦ рекоа дека тогашниот генерален секретар на Градот Зоран Глигоров вршел екстремни притисоци да се потпише вработување на Шаќири.

БЕНИ ШАЌИРИ Е НОВ ДИРЕКТОР НА МКЦ Музичарот ќе го замени детективот

The post ДВАЈЦА ДИРЕКТОРИ ВО ИСТА КАНЦЕЛАРИЈА Бени Шеќири и Никола Алексов заедно го чекаат курирот со отказот appeared first on plusinfo.mk.

Покрај Шаќири, кандидатури поднесоа и продуцентот и филмски работник Никола Мадиќ, кој е сопруг на заменичката-министер за правда Викторија Аврамовска-Мадиќ, и Владимир Стојчевски, дипломиран продуцент и професор, магистер по менаџмент на јавни установи.

Шаќири доаѓа на местото на Никола Алексов, дипломиран детектив, кој беше поставен на функцијата во јануари откако Арсовска го разреши Ванчо Богоев.

Тогаш од Програмскиот совет на МКЦ рекоа дека Богоев, кој 36 години е дел од институцијата, е сменет бидејќи не сакал да го вработи пејачот Бени Шаќири, кој на последните локални избори беше кандидат за градоначалник на Скопје на ДОМ и ЛДП.

Откако отпадна во првиот круг, тој ѝ даде поддршка на Арсовска.

The post БЕНИ ШАЌИРИ Е НОВ ДИРЕКТОР НА МКЦ Музичарот ќе го замени детективот appeared first on plusinfo.mk.

Со концерт на млади музичари, дружба и потпишување петиција, голем број млади луѓе го искажаа својот револт од последните случувања во Младинскиот културен центар во Скопје, како кратењето на буџетот и поставувањето дипломиран детектив за директор, без искуство во културата.

„МКЦ не е партиска цицка“, „Културата е скапа! Некултурата поскапа!“, беа некои од паролите истакнати на протестот.

Меѓу присутните беше и музичарката Дина Јашари, која имаше свој настап на платото пред МКЦ.

– Тука сум порасната. Во МКЦ од мала имам свирено во мандолинскиот оркестар и сега се бавам со авторска музика, цело време настапувам, настапив и на 50-годишнината на МКЦ… Ова е многу важно место за мене и сметам дека е голема неправда тоа што се случува и нема место за политика во културата – изјави младата музичарка за РСЕ.

На протестниот настан настапија десетина млади бендови кои со тоа дадоа поддршка за институцијата која важи за столб на независната култура во главниот град. МКЦ лани прослави половина век од своето постоење. На собирот присутните потпишуваа петиција „За спас на МКЦ“.

Работите кулминираа неделава, кога дега сеќе разрешениот в.д. директор и долгогодишен вработен во МКЦ Ванчо Богоев, јавно посочи дека од Град Скопје му бил вршен притисок да потпише вработување на Бени Шаќири, па откако одбил да го стори тоа, на неговото место бил поставен дипломираниот детектив, со неколку дена работно искуство во МКЦ.

Новиот директор е назначен од градоначалничката Данела Арсовска, под чии ингеренции е културната установа.

The post СИТЕ ЗА МКЦ, А ПРОТИВ ПАРТИСКИТЕ ЗЛОУПОТРЕБИ Протестен концерт за култното место на младите appeared first on plusinfo.mk.

„Роден сум во Скопје и цел свој живот сум тука. Милион можности да си заминам, но никогаш не го направив тој чекор. Го сакам мојот град, ама си ја сакам и мојата земја!

Како карактер, тежок сум на компромиси, НО свесен дека во животот само идиот тера бескомпромисно! Сепак, и кога правиш компромис тој треба да е за доброто и во интерeс на двете страни, а никако на сопствена штета. Она што го гледам во последно време е дека од нас, како граѓани, се бара да направиме компромис на своја штета за евентуално тие (читај ЕУ) со компромис да не бутнат на „сила„ во нивно друштво ама за едно 25-40 години, евентуално!

Другари, да, Вам од владата Ви се обраќам! ДОСТА Е!

МОЕ МИСЛЕЊЕ е дека треба конечно да кажеме одлучно НЕ на Францускиот предлог, за кој, рака на срце не ни знаеме што точно содржи, (пошто нели се уште никој звнично не го примил) но знаеме, според изјавите на бугарските званичници, дека македонскиот јазик „не постои„, туку тој бил само кодифициран дијалект на бугарскиот???!!! Пази молим те, јас 53 години сум живеел у заблуда дека одлично го владеам македонскиот јазик, а он да ти бил само дијалект и тоа најдиректно ми го посочуваат високи званичници на држава за која имам особена почит и со огромно задоволство сум престојувал во истата!

НЕ, НЕ, не иде тоа така другари! Ние си имаме свој јазик, свое писмо, признати и кодифицирани пред многу години, така да, околу тоа, компромисот е недозволив! Уште колку небулози треба да набројам за да разберете дека не малтретираат, злоставуваат само заради тоа што им се може? Дека сме далеку помала земја од нив?! Баш напротив, како поголеми од нас треба да покажат доблест и да дадат поддршка за сите наши иницијативи врзани за ЕУ, а вака….??!!

И да, јас, како етнички Албанец и граѓанин на оваа земја, слободоумен, но не и малоумен, не сакам и не можам да прифатам мајтапење со моите сограѓани, пријатели, комшии МАКЕДОНЦИ, кои добро знаат кои се и што се!

Се разбира дека жртви на тој понижувачки однос сме сите под еднакво како граѓани на Република Македонија, а да перверзијата биде поголема, жртва се и граѓаните на Република Албанија, само затоа што на одредени политички фигури од Бугарија така им се може!!!

Не грижете се, не сум на ничиј платен список, имам право на глас, мислење, став а фала Богу и малку памет! Искрено, се надевам дека земјите членки на ЕУ ќе имаат слух и доволно мудрост да кажат СТОП за садистичкиот однос кој бугарската политичка врхушка го спроведува кон сите граѓани на Р. Македонија, подеднакво!!!

Граѓаните на оваа земја, имаат право да бидат во големото ЕУ семејство затоа што друга алтернатива не постои за нас, но НЕ ПО СЕКОЈА ЦЕНА!

Пошто сум од Скопје, ќе ви кажам и на скопски за да ме разберете: МОЈ МОЈ ПРЕКУ МОЈ!“, пишува Шаќири.

The post МОЈ МОЈ, ПРЕКУ МОЈ! Бени Шаќири е згрозен од францускиот предлог и од негирањето на македонскиот јазик appeared first on plusinfo.mk.

„Ние снимаме спот со моторите, кога оп, и другиот кандидат за градоначалник. Се кадросавме и си рековме: На улица како и секогаш другари, а во рингот – противници. Нека победи подобриот“, напиша Георгиевски на Фејсбук.

Инаку, и двајцата кандидати за градоначалници се професионални музичари. Петар Георгиевски-Камиказа е басист на музичката група „Меморија“, додека, пак, Бени Шаќири е фронтмен на групата „Нон стоп“.

The post НА УЛИЦА ДРУГАРИ, А ВО РИНГОТ ПРОТИВНИЦИ Перо Камиказа и Бени Шаќири случајно се сретнаа на плоштад (ФОТО) appeared first on plusinfo.mk.

Тој рече дека ќе понуди малку различен пристап во водење на градот и вниманието кон граѓаните, а актурелниот градоначалник смета дека е лицемерен.

– Актуелниот градоначалник Петре Шилегов веќе три и пол години е пасивен и сега прави офанзивна во последните месец дена. Од првиот ден треба да се засукаат ракавите, не постои проект на кој му требаат 10 и повеќе години. За помалите проекти не постои нешто што не може да се заврши од пола до една година. Јас сум само познаник со него, ние не сме пријатели и секако нема да ги добие моите гласови во вториот круг – појаснува Шаќири за неговиот однос со сегашниот градоначалник – во гостувањето на дневникот на ТВ Сител.

Како прв ден, ако стане градоначалник, Шакири вели дека би ги примил сите граѓани околу себе во канцеларијата на град Скопје и дека мора да ја оправда нивната доверба и дека би испил кафе со нив.

Шаќири вели нема партиска книшка, иако долги години ги поддржував СДСМ.

– Учествував на сите предизборни кампањи од 2002 година- рече Шаќири.

The post ШАКИРИ НЕМА ДА МУ ГИ ДАДЕ ГЛАСОВИТЕ НА ШИЛЕГОВ Тој е пасивен три години, а сега прави офанзива appeared first on plusinfo.mk.

Шилегов истакна дека ја почитува амбицијата на Бени, но дека очекува да ја добие неговата поддршка во вториот круг.

– Со Бени сме другари, пријатели. Јас искрено ја почитувам сечија амбиција да направи исчекор во политиката во нашата држава. Исто така, јас сум убеден дека доколку има втор круг, Бени Шаќири ќе ме поддржи мене – рече Шилегов.

ЛДП и ДОМ вчера го промовираа Бени Шаќири за кандидат за градоначалник на Град Скопје од Движењето „Одлучно за промени“. Носител на советничката листа, пак, ќе биде познатиот микробиолог д-р Никола Пановски.

– Се работи за личности кои се исклучително ценети во својата професија, луѓе со авторитет, чесни и искрени, стари скопјани. Се работи за луѓе кои ќе работат во интерес на граѓаните, кои интересот на Скопје ќе го стават пред сè и над сè. Луѓе кои ќе обединуваат – рече лидерот на ЛДП, Горан Милевски.

The post ЈАС И БЕНИ СМЕ ДРУГАРИ, ЌЕ МЕ ПОДДРЖИ ВО ВТОР КРУГ Шилегов не гледа конкуренција во Шаќири appeared first on plusinfo.mk.