Претседателот на Соединетите Американски Држави, Доналд Трамп, одби да го поддржи планот на Израел за напад на иранските нуклеарни постројки. „Њујорк Тајмс“, цитирајќи високи американски претставници, пишува дека Белата куќа одлучила да им даде приоритет на дипломатските преговори со Техеран.

Весникот пишува дека Израел планирал да ги изврши нападите во мај со американска помош.

Лидерот на израелската Партија за национално единство, Бени Ганц, и јавно повика на координиран напад врз иранските нуклеарни постројки. Неговиот повик доаѓа по одлуката на Трамп да не го поддржи планот на Израел.

– Иранскиот режим е експерт за одолговлекување. Државата Израел мора и може да ја отстрани заканата од нуклеарните капацитети на Иран – изјави Ганц на англиски преку социјалните мрежи, објави „Тајмс оф Израел“.

Во хебрејската верзија на пораката, Ганц експлицитно изјави дека „Израел мора и може да изврши напад врз Иран“, пренесува Танјуг.

Ганце смета дека „е време да се промени Блискиот Исток во тесна координација со нашиот голем сојузник, Соединетите Американски Држави“.

Во четвртокот, 17 април, Северна Кореја во четвртокот го обвини Израел дека експлицитно сака да ги окупира палестинските територии, критикувајќи ги обновените напади на Израел врз Појасот Газа, јавува Анадолија.

Државната корејска централна новинска агенција (КЦНА) го објави коментарот откако израелската војска ги обнови нападите врз Газа на 18 март, прекршувајќи го договорот за прекин на огнот и размена на затвореници со палестинската група Хамас што стапи на сила во јануари.

Од друга страна, рускиот претседател Владимир Путин денеска изрази благодарност до раководството и политичкото крило на противникот на Израел, групата Хамас, за ослободувањето на руските заложници во Појасот Газа.

The post ТРАМП ГО ОДБИ ИЗРАЕЛ, НЕМА НАПАД ВРЗ ИРАНСКИТЕ ПОСТРОЈКИ Тел Авив планирал координирана акција со Вашингтон? appeared first on plusinfo.mk.

Претседателот на израелската Партија за национално единство Бени Ганц би го победил израелскиот премиер Бенјамин Нетанјаху доколку изборите се одржат денеска, покажува анкетата објавена неколку дена откако партијата на Ганц се повлече од владата.

Според таа анкета, Ганц би освоил 41% од гласовите, додека 35% од гласовите би му припаднале на Нетанјаху, пренесува Тајмс оф Израел.

Рчиси половина од испитаниците, 42% од нив, изјавиле дека би го поддржале Ганц како нов лидер, а претседателoт на десничарската партија Израел е нашиот дом, Авигдор Либерман, според анкетата има само 2% повеќе гласови отколку Нетанјаху.

The post НИКОЈ ВЕЌЕ НЕ МУ ВЕРУВА НА НЕТАНЈАХУ Бени Ганц би го победил доколку изборите во Израел се одржат денеска appeared first on plusinfo.mk.

Лидерот на израелската опозиција Бени Ганц објави дека ја напушта владата за вонредна состојба на премиерот Бенјамин Нетанјаху формирана по нападот на палестинското исламистичко движење Хамас на 7 октомври. Ганц вечерва изјави дека ја поднесува оставката оставката поради разликите во мислењата за иднината на Појасот Газа, пренесува ДПА.

Неколку моменти по оставката, израелскиот премиер Бенјамин Нетанјаху рече дека „сега не е време да се откажеме од борбата, време е да се комбинираат овластувањата“, се вели во преводот на Јерусалим Пост, пренесува Њузвик.  

Шеесет и петгодишниот поранешен министер за одбрана, претходно се закани дека ќе се повлече доколку владата на Нетанјаху не успее да подготви план за повоено уредување во Појасот Газа.

Ултиматумот што Ганц му го постави на Нетанјаху за ова прашање пред неколку недели истече во саботата. Сепак, поради драматичното спасување на четворицата израелски заложници од Појасот Газа, тој во последен момент ја одложи планираната прес-конференција.

Според Ганц, оставката од владата предводена од Нетанјаху ќе влијае и на другите членови од неговата партија Национално единство. Тој повика на предвремени избори.

Сепак, неговото повлекување нема да значи и пад на владата, бидејќи Нетанјаху и неговите поддржувачи сè уште имаат мнозинство од 64 пратеници во 120 члениот парламент, и без партијата на Ганц.

The post БЕНИ ГАНЦ ГО НАПУШТИ НЕТАНЈАХУ Сега не е време за откажување, му порача израелскиот премиер appeared first on plusinfo.mk.

Израелските медиуми очекуваат Бени Ганц, член на воениот кабинет на Израел, да се повлече од владата на Нетанјаху за неколку дена, објави израелскиот Канал 12. Ганц месецов веќе најави дека ќе си оди дека доколку владата не објави детален план за повоената администрација во Газа.

Ганц бараше планот да содржи  шест точки. Неговата центристичка партија влезе во владата на национално единство на Нетанјаху по нападот на Хамас врз Израел на 7 октомври со што започна војната.

Во меѓувреме, Израел денеска испрати тенкови во Рафа и објави дека верува дека војната во Појасот Газа ќе продолжи во текот на целата година.

Израелски тенкови вчера за првпат влегоа во центарот на Рафа и покрај одлуката на Меѓународниот суд на правдата да ги прекине операциите во тој град каде засолниште нашле многу Палестинци кои побегнале од другите делови на Појасот.

The post БЕНИ ГАНЦ ГО НАПУШТА НЕТАНЈАХУ ЗА НЕКОЛКУ ДЕНА? Војната во Газа ќе трае најмалку до крајот на годината appeared first on plusinfo.mk.

На прес-конференција, Ганц рече дека бара воениот кабинет да подготви нов план до 8 јуни. Тој предупреди дека доколку дотогаш не се исполнат неговите очекувања, ќе ја повлече својата центристичка партија од Владата.

– Ако го изберете патот на фанатиците и ја одведете целата нација во пропаст, ќе бидеме принудени да излеземе од Владата – рече Ганц.

The post НЕТАНЈАХУ ПРЕД УЛТИМАТУМ Ако не го подготви новиот воен план Ганц ја напушта владата appeared first on plusinfo.mk.

Израелскиот Врховен суд донесе пресуда синоќа со која премиерот Бенјамин Нетанјаху и неговиот противкандидат на изборите, Бени Ганц, можат да формираат влада за национално единство иако премиерот е обвинет за казнени дела.

Предвидено е Бенјамин Нетанјаху и Бени Ганц да положат заклетва на 13 мај, со што ќе се стави крај на најдолгата политичка криза во поновата израелска историја.

Сега се гледа излез од политичка криза што се влошува од декември 2018 година, со три предвремени избори кои досега не успеаја да обезбедат влада.

Пресудата на Врховниот суд е по тужба на опозициска партија и невладини организации, и требаше да донесе одлука за законитоста на договорот за коалиција, особено дали Бенјамин Нетанјаху би можел да ја води земјата додека е под обвиненија за корупција.

Највисокиот суд во државата ги отфрли сите жалби против договорот, за кој се расправаше во Кнесетот, израелскиот парламент, со „едногласна одлука“ доцна синоќа.

„Ние не пронајдовме никаква правна причина зошто не може да се формира влада на премиерот Нетанјаху…, но заклучокот до кој стигнавме не ги намалува најмалку обвиненијата дадени против премиерот“, рекоа судиите.

The post Нетанјаху може да формира влада иако е обвинет за корупција appeared first on plusinfo.mk.