Македонец, кој со години живеел како монах во Грција, стана епископ на Грчката старокалендарска црква, со служба во квартот Асторија во Њујорк, САД.

Бранко Миовски, кој во монашкиот живот го носи името Бенедикт, е роден во Скопје во 1989 година. По завршувањето на студиите на Богословскиот факултет при МПЦ-ОА, во 2014 година заминал за Грција, каде што стапил во монашка заедница на старокалендарската традиција, или како самата се нарекува Црква на вистинските православни христијани на Грција, пишува порталот Религија.мк.

На 14 јануари 2015 година, во манастирот каде што се подвизува, е замонашен од Архиепископот Калиник, поглаварот на Атинската катедра. Неговата служба подоцна го води и надвор од Европа: во 2018 година како јероѓакон заминува во САД, каде престојува во манастирот на Свети Јован Максимович во Њујорк под духовно раководство на Митрополитот Димитриј, Американски егзарх на оваа црква.

Синодот на Црквата на вистинските православни христијани на Грција, позната и како грчка старокалендарска црква – основана уште во 1935 година како отпор кон воведувањето на новиот календар – на 28 февруари 2024 година, го избира Бенедикт за викарен епископ на Митрополитот Димитриј. Од март 2024 година тој официјално ја извршува оваа епископска служба.

Интересно е што на видеото подолу, архимандритот Патапиос, декан на теолошкиот семинар, кој го најавува епископот Бенедикт, вели дека тој е од Скопје, Северна Македонија, и покрај мајчиниот македонски јазик, зборува и богослужи уште и на грчки, црковно-словенски и на англиски јазик.

The post МАКЕДОНЕЦ СТАНА ГРЧКИ ЕПИСКОП ВО ЊУЈОРК Бранко Миовски, со црковно име Бенедикт, служи во Грчката старокалендарска црква во Асторија appeared first on plusinfo.mk.

Делегацијата, како што информираа од МПЦ-ОА за МИА, е составена од митрополитот Тетовско-гостиварски епископот Јосиф и од професорот на Богословскиот факултет, ѓакон Стефан Гоговски.

Погребот може да се следи во живот на следниот линк.

Папата Бенедикт Шеснаесетти почина на 31 декември на 95-годишна возраст. Тој ќе биде погребан денеска, а на погребот се очекува да присуствуваат голем број на шефови на држави или влади, како и членови на кралски семејства. Десетици илјади луѓе се собраа во Ватикан, а илјадници има на плоштадот во црквата Свети Петар. Телото на Бенедикт три дена беше изложено во базиликата.

Церемонијата ќе ја води актуелниот папа Франциск.

Според најавите, самата церемонијата ќе биде свечена, но скромна, како што би сакал Бенедикт Шеснаесетти. Најавено е присуство на голем број државници, шефови на држави, премиери, министри.

Италија ќе биде претставена од претседателот Серџо Матарела, Германија од претседателот Франк-Валтер Штајнмаер и канцеларот Олаф Шолц, а Франција од министерот за внатрешни работи Жералд Дарманен. На церемонијата ќе присуствуваат и кралот на Белгија – Филип, претседателите на Полска и на Того, поранешната шпанска кралица Софија.

На погребот ќе присуствува и Делегација на Македонската православна црква – Охридска архиепископија МПЦ – ОА. Делегацијата, како што информираа од МПЦ-ОА за МИА, е составена од митрополитот Тетовско-гостиварски епископот Јосиф и од професорот на Богословскиот факултет, ѓакон Стефан Гоговски.

Префектурата Рим очекува денеска во Ватикан да дојдат сто илјади луѓе. Во трите дена колку што беа изложени посмртните останки, од поранешниот папа се простија околу 200 илјади верници.

Церемонијата на погребот ќе започне во 8:50 часот по локално време. Ковчегот со смртните останки на Бенедикт Шеснаесетти ќе биде изнесен на плоштадот „Свети Петар”, каде ќе се служи миса на која ќе учествуваат повеќе од четири илјади кардинали, бискупи и свештеници. Литургијата ќе биде отслужена според латински ритуал, но на повеќе јазици.

Според традицијата, Бенедикт Шеснаесетти ќе биде погребан во три ковчези. Неговото тело е положено во ковчег од дрво од чемпрес, во кој има монети исковани за време на неговото папство, потоа неговиот палиум (литургиска облека) и метален цилиндар со текст со детали за годините кога тој беше на чело на Римокатоличката црква. Тој ковчег од чемпрес потоа ќе биде ставен во поголем ковчег од цинк, кој пак ќе биде сместен во уште поголем дрвен ковчег.

Бенедикт Шеснаесетти ќе биде погребан во криптата на базиликата „Свети Петар” на местото каде некогаш бил погребан папата Јован Павле Втори. Тоа место беше испразнето откако посмртните останки на Јован Павле Втори беа преместени во капелата во базиликата.

За обредот папите да се погребуваат во три ковчези, теологот Бери Етериџ од Универзитетот во Кент вели дека првиот ковчег од чемпрес симболизира дека папата е обичен смртник, како и сите други. Вториот ковчег, кој обично е или цинк или олово, симболизира долготрајност. На него е поставен едноставен крст и плоча со името на папата и времетраењето на неговиот понтификат. Третиот дрвен ковчег обично се прави или од костен или од брест и го симболизира папското достоинство. Окован е со шајки и клинови од чисто злато.

Предвидено е погребот да го следат повеќе од илјада новинари од 30 земји. За безбедноста се мобилизирани илјада полицајци, на кои ќе им помагаат волонтери од италијанската цивилна одбрана.

Во Германија епископската конференција ги повика црквите во земјата да ѕвонат во 10 часот по Гринич во спомен на Џозеф Рацингер (како што беше световното име на папата Бенедикт XVI). Денеска знамињата во Италија се на половина копје, а во Португалија е прогласен ден на национална жалост.

The post КОЛОСАЛНИОТ ПОГРЕБ НА БЕНЕДИКТ ЗАПОЧНА Делегација од МПЦ се наоѓа меѓу премиерите и претседателите од светот (ВИДЕО) appeared first on plusinfo.mk.

Како што пишуваат медиуми, во тужбата се наведува дека папата, прв поглавар на римокатоличката црква кој се повлекол од тоа место, знаел за сите околности, а свештеникот злоставувал и претходно.

Лицето го обвинува папата дека и покрај тоа што знаел за педофилските склоности на свештеникот, му дозволил да работи со деца и млади.

Папата Бенедикт, во време кога бил надбискупот Џозеф Рацингер, во почетокот на 1980-те години, го примил свештеникот во својата епархија иако тој бил казнет поради педофилија.

Во Баварија свештеникот злоставувал деца.

Иако кривичните дела се застарени, адвокатот на жртвата, Андреас Шулц поднесе тужба со што треба да се утврди вината на црквата.

Доколку судот дојде до заклучок дека свештеникот Питер Х. го злоставувал лицето што поднесе тужба, тогаш можно е црквата да биде принудена да му плати отштета.

The post ТУЖБА ЗА ПАПАТА БЕНЕДИКТ Му дозволил на свештеник педофил да работи со деца appeared first on plusinfo.mk.