„Не држам злоба кон никого. Никој не влијаеше врз мене. Сам одлучив да го извршам злосторството“.

Вака изјавил во сведочење за судењето на неговите родители Коста Кецмановиќ, кој пред 3 години го изрши едно од најтешките злосторства во поновата историја на Србија.

За време на завршните зборови пред Вишиот суд во Белград беа откриени нови детали од истрагата и сведочењата.

Го пронашол куферот и ја пробил шифрата

Според изнесените информации, оружјето било чувано во специјален куфер со катанец и шифра.

Момчето признало дека до него дошло со „големи тешкотии“.

Успеало да го пронајде куферот, да ја открие шифрата и да го отвори катанецот. Откако ги зело пиштолите, сè било вратено на своето место за никој да не забележи дека оружјето било поместувано.

Два дена пред масакрот, додека родителите биле на работа, дефинитивно ги зел пиштолите и ги сокрил.

Учил да пука на стрелиште

Во постапката повторно било отворено и прашањето за неговата обука со огнено оружје.

Видео-снимките анализирани во судот покажале дека на стрелиште добивал инструкции како да ракува со пиштол.

Според наводите изнесени на судењето, токму таму за првпат пукал со вистинско огнено оружје.

Истражувал тероризам и криел траги

Истрагата покажала дека пред злосторството пребарувал содржини поврзани со тероризам и користел техники за прикривање на активностите на интернет.

Според обвинението, тоа укажува дека нападот бил подготвуван подолг период.

На повтореното судење им се суди на родителите на Коста К., Владимир и на Миљана Кецмановиќ, откако Апелациониот суд ја укина првостепената пресуда и предметот го врати на повторно одлучување.

Масакрот во основното училиште „Владислав Рибникар“ во Белград на 3 мај 2023 година ја потресе цела Србија. Тогаш 13-годишното момче уби 9 ученици и чуварот на училиштето, а рани уште неколку лица, меѓу кои и наставничка.

The post САМ ОДЛУЧИВ, ВЕЛИ МОМЧЕТО УБИЕЦ ОД РИБНИКАР Коста К. тврди дека никој не му влијаел да го изврши масакрот appeared first on plusinfo.mk.

Полицијата соопшти дека осомниченото момче (12) го признало убиството на своите врсници и целиот напад, но не соопштуваат повеќе детали.

Јавноста е во целосен шок бидејќи со чудо беше избегнато масовно крвопролевање, а хоророт во Хелсинки по многу нешта потсетува на мајската трагедија во основното училиште „Владислав Рибникар“ во Белград, кога Коста Кечмановиќ (13) уби 9 ученици и чуварот на училиштето.

Un élève de 12 ans ouvre le feu dans une école finlandaise, faisant 3 blessés

Un élève de 12 ans a ouvert le feu dans une école de la ville finlandaise de #Vantaa, près de la capitale du pays, a rapporté la police.

Le suspect a été arrêté, l’incident a blessé trois… pic.twitter.com/FbTIJCBg1a

— ®Gaulois (@Gaulois_00) April 3, 2024

Во расветлувањето на случајот во Финска, забележани се три морничави сличности меѓу момчето-убиец од Вантаа и Коста Кечмановиќ и постои сомнеж дека момчето-убиец од Хелсинки копирал се што правел Кечмановиќ во „Рибникар“.

Првата сличност е што и двајцата ги таргетирале своите врсници, како што нагласуваат финските медиуми, од чисто лични причини. Исто така, момчето убиец од Финска и Коста Кечмановиќ се речиси на иста возраст кога го извршиле делото.

Иако Финците не ги објавуваат првите резултати од истрагата во медиумите, како ден е јасно, како што тврдат, дека убиецот од училиштето во Вантаа сакал да ликвидира неколку другари, а не само еден, и дека тие со нешто му се замериле.

Друга морничава сличност е тоа што и двете момчиња делото го сториле откако се вратиле од малиот распуст, односно по празниците.

Момчето од Финска го поминало Велигден во друштво на семејството и со пријателите и очигледно планирало уште првиот ден по враќањето во училиште, да се справи со неколку од нив.

Коста Кечмановиќ зад себе го имаше првомајскиот празник, односно кратокиот распуст, по што на 3 мај се врати на училиште со пиштол во ранецот.

Третата сличност е тоа што ниту едно од момчињата не покажало сочувство кон жртвата кога биле приведени и испрашувани во полиција, во случајот со Кецмановиќ – жртвите.

„Момчето не покажува, како што се испоставува, никакви емоции. Како да не е свесен што направил. Или воопшто не му е грижа“ – пишуваат финските медиуми.

За Коста Кецмановиќ веќе првиот ден по невидената трагедија се знаеше дека нема емпатија за жртвите, што деновиве може да се забележи и кај неговите родители на судењето.

Што се однесува до трагедијата во финското училиште, 12-годишно момче починало од повредите на лице место, а две девојчиња на иста возраст се повредени и се во тешка состојба во болница.

Напаѓачот е фатен во предградието на Хелсинки, Силтамаки, а пукањето се случило во училиштето Вијертола, во кое учат околу 800 ученици од прво до деветто одделение и каде работат околу 90 вработени. Наставата во ова училиште продолжи денеска.

The post 📷 МОМЧЕТО УБИЕЦ ОД ФИНСКА ГО КОПИРАЛO КОСТА К.?! Три морничави сличности на убиството во училиштето кај Хелсинки со масакрот во Белград appeared first on plusinfo.mk.