Страшно убиство го потресе Белград откако 26-годишен маж е осомничен дека со секира усмртил 92-годишен старец во семејна куќа во центарот на градот.

Трагедијата се случила утрово околу 7 часот во куќа која се наоѓа зад старата зграда на БИП, кога полицијата добила пријава за убиство.

Според српските медиуми, осомничениот бил уапсен веднаш по пристигнувањето на полицијата, а осомничениот признал „Убив човек со секира“.

Екипа на Итната помош пристигнала на местото на настанот, но лекарите можеле само да ја констатираат смртта на постариот маж.

 

View this post on Instagram

 

A post shared by Mladen Mijatović (@mmijatovic_official)

Првичните информации од истрагата укажуваат дека жртвата во моментот на нападот лежела во кревет и била во беспомошна состојба. Станува збор за лице со оштетен вид, кое, според неофицијалните информации, било нападнато со удар од секира во пределот на главата.

Дополнителен шок предизвика сознанието дека осомничениот и жртвата биле во роднинска врска. Убиениот старец бил очув на таткото на 26-годишникот.

Мотивот за злосторството засега не е познат. Според медиумските извештаи, осомничениот по апсењето не давал објаснување за причините кои довеле до крвавиот напад.

Таткото на осомничениот изјавил дека неговиот син во последните денови се однесувал необично, но дека никој не можел да претпостави дека ќе се случи ваква трагедија.

Пред куќата и понатаму е присутен голем број полициски службеници, додека истражителите собираат докази и ги утврдуваат сите околности под кои се случило убиството.

Соседите велат дека се шокирани од настанот и не можат да поверуваат дека жртва на ваков напад станал немоќен старец кој не бил во состојба да се одбрани.

Истрагата е во тек, објавуваат српските медиуми.

The post 📽️ ГО УДИРАЛ СО СЕКИРА ПО ГЛАВА ДОДЕКА ЛЕЖЕЛ ВО КРЕВЕТ Морничаво признание по злосторството во Белград appeared first on plusinfo.mk.

Шест сплавови изгореа на Сава кај населбата Макиш во Белград денеска, потврди Министерството за внатрешни работи (МВР) за агенцијата „Бета“.

МВР изјави дека нема повредени и дека пожарот е локализиран.

24 пожарникари, осум противпожарни возила и еден противпожарен чамец излегле на местото на настанот, гаснејќи го пожарот.

Претходно „Инстаграм“ страницата „Мој Београд“ објави дека избувнал пожар на сплав на Сава, спроти Блок 45 во Нов Белград, кој се проширил на уште два објекта.

Како што наведуваат во описот на видеото, на местото на настанот имало имало повеќе противпожарни екипи кои интензивно работеле на локализирање и гаснење на пожарот со цел да се спречи неговото понатамошно ширење кон околните сплавови.

 

View this post on Instagram

 

A post shared by Mladen Mijatović (@mmijatovic_official)

 

View this post on Instagram

 

A post shared by MOJ BEOGRAD (@moj_beo_grad_)

The post ИЗГОРЕА 6 СПЛАВОВИ НА САВА КАЈ БЕЛГРАД Остана само прав и пепел appeared first on plusinfo.mk.

Полициски кордон денеска ги раздвојуваше студентите и активистите на Српската напредна партија (СНС) на плоштадот Славија во Белград. На плоштадот попладнево се одржа собирот „Студентите победуваат“, додека на истото место пред почетокот се собраа и поддржувачи на СНС со обележја „Србија победува“.

Како што претходно најавија студентите во блокада, нивниот собир бил организиран за спроведување акција за печатење на слоганот „Студентите победуваат“ на маици, торби, качкети и други предмети што граѓаните ќе ги носат на студентскиот протест најавен за в сабота.

Поради тензиите меѓу двете групи, српскиот претседател Александар Вучиќ ги повика активистите на СНС да се повлечат од Славија, откако, како што рече, дошло до напад врз нивни активисти. На неговиот профил на Инстаграм беше објавено дека „блокадерите го покажале своето насилничко лице и ги нападнале активистите на СНС“.

Нешто пред 18 часот, поддржувачите на владејачката партија почнаа да ги расклопуваат штандовите и да го напуштаат плоштадот Славија.

Во објавата на Вучиќ се наведува и дека Српската напредна партија „ќе се занимава со политика преку програми, а не со солзавец и ножеви, како што тоа го прават блокадерските насилници“.

По ова студентите „прославија победа“ на плоштадот Славија, виорејќи знамиња „Србија победува“.

 

View this post on Instagram

 

A post shared by Mašina (@masina.rs)

The post 🎥 ТЕНЗИЧНО НА СЛАВИЈА, ПОЛИЦИСКИ КОРДОН ГИ РАЗДВОЈУВАШЕ СТУДЕНТИТЕ ОД АКТИВИСТИТЕ НА СНС Избегнати инциденти, Вучиќ ги повика своите приврзаници да се повлечат appeared first on plusinfo.mk.

Вистинска драма се одвивала околу 2 часот по полноќ во населбата Нов Белград во главниот град на Србија, кога во станбена зграда избувнал голем пожар што брзо се проширил низ објектот.

Полиијатата и обвинтелството уште го истражуваат случајот. Според сведоци и соседи, постои сомнеж дека пожарот започнал од полнач за мобилен телефон кој бил оставен вклучен во текот на ноќта.

Нема потврда дека оставениот полнач е причината за пожарот.

Српските медиуми пишуваат дека 15 пожарникари речиси 2 часа се бореле со пламенот. Покрај целосно уништениот стан, оштетени биле и неколку соседни станови.

„Сите истрчавме на улица“

Сирени од пожарникари и полиција ја разбудиле целата населба, а густ чад почнал да се шири низ ходниците.

Исплашените станари панично излегувале од зградата.

– Беше страшно. Нѐ разбудија сирени и врева. Кога погледнавме низ прозорецот, видовме огромни пламени како излегуваат од станот – рекол еден од соседите.

Баба, дедо и внуци едвај избегале

Најголема среќа во целата несреќа е што никој не бил повреден. Станарите од опожарениот стан, баба, дедо и нивните внуци, успеале навреме да излезат од домот и да се спасат.

Но, претрпеле силен шок, а станот речиси целосно изгорел.

The post ПОЛНАЧ ЗА МОБИЛЕН ПРЕТВОРИЛ СТАН ВО ПЕКОЛ? Баба, дедо и внуци едвај се спасиле во Нов Белград appeared first on plusinfo.mk.

Случајот во Србија со исчезнувањето на Александар Нешовиќ Баја, човек поврзан со белградското подземје, добива нов драматичен пресврт. Српското обвинителство сега се сомнева дека поранешниот началник на белградската полиција Веселин Милиќ го намамил Баја на средба во ресторанот „27“ во елитната населба Сењак во Белград.

Според истражниот налог, Милиќ телефонски го повикал Нешовиќ на денот на исчезнувањето и му предложил да дојде без обезбедување.

„Не носи обезбедување“

Кога пристигнал пред ресторанот и ги видел возилата на луѓе со кои претходно бил во конфликт, Баја сакал да си замине. За тоа го известил својот пријател Владимир Р.

Но, десетина минути подоцна добил нов повик од Саша Вуковиќ Бошке и сепак се вратил во ресторанот.

Според обвинителството, таму седнал на маса со Вуковиќ, Марио С. и Веселин Милиќ.

• УАПСЕН НАЧАЛНИК НА ПОЛИЦИЈАТА ВО БЕЛГРАД Се шири истрагата за исчезнувањето на Баја од белградското подземје

Крв во ресторан, ајфон во контејнер

Истражителите се сомневаат дека по кратка расправија, Саша Вуковиќ испукал неколку куршуми кон Нешовиќ со пиштол од 9 милиметри.

Во ресторанот подоцна биле пронајдени две чаури и повеќе траги од крв. Ден подоцна, полицијата нашла ајфон во контејнер спроти објектот.

Телото на Баја сè уште не е пронајдено.

Полицајци, келнер и газда меѓу уапсените

Во големата акција досега се уапсени десет лица, меѓу кои и тројца полицајци од обезбедувањето на Милиќ, сопственикот на ресторанот и келнер.

Обвинителството тврди дека дел од осомничените помагале да се сокријат трагите и оружјето по пукањето.

Истрагата треба да утврди дали постои поврзаност и со претходниот обид за ликвидација на Баја, кога во Белград беа уапсени шведски државјанин и лице од Јужна Африка.

The post „НЕ НОСИ ОБЕЗБЕДУВАЊЕ“ Началникот го намамил Баја во ресторанот во Белград? appeared first on plusinfo.mk.

Односите меѓу Црна Гора и Србија повторно се вжештија, откако српскиот претседател Александар Вучиќ порача дека не би присуствувал на прославата на 20-годишнината од независноста на Црна Гора. Тој изјави дека би „плукнал во свое лице и во лице на својот народ“ ако учествува на одбележувањето на, како што рече, „отцепувањето од мојата Србија“.

Изјавата предизвика остра реакција од Подгорица. Црногорското Министерство за надворешни работи соопшти дека е неприфатливо и политички неодговорно враќањето на црногорската независност да се претставува како чин насочен против Србија или српскиот народ.

Во објава на социјалната мрежа Икс, црногорското МНР наведе дека независноста била вратена во 2006 година со слободна волја на граѓаните и во согласност со меѓународното право и европските стандарди.

„Црна Гора не ја слави својата независност против никого, туку во чест на слободно изразената волја на своите граѓани“, соопшти Министерството.

Белград потоа возврати преку српското Министерство за надворешни работи. Во соопштението се наведува дека Србија уште во 2006 година ја признала независноста на Црна Гора и останува посветена на добрососедска соработка и европска интеграција.

Црна Гора ја обнови независноста на референдумот во мај 2006 година, кога 55,5 проценти од граѓаните гласаа за излегување од државната заедница со Србија.

Кампањата тогаш ја водеше Мило Ѓукановиќ и неговата Демократска партија на социјалистите. Просрпските партии беа против независноста и бараа зачувување на заедничката држава.

И покрај формалното признавање на резултатот, односите меѓу двете држави со години остануваат чувствителни поради прашањата за идентитетот, јазикот, историјата и положбата на Србите во Црна Гора.

Прославата на 20-годишнината од независноста е закажана за 21 мај. Српските медиуми објавија дека на настаните ќе настапи и Рики Мартин, што Вучиќ го искористи како пример за „гламурозна прослава на отцепувањето“.

Во меѓувреме, Црна Гора останува најнапредна земја кандидат за членство во Европската Унија на Западен Балкан. Србија, пак, со години се соочува со застој во отворањето нови поглавја од преговорите со Брисел.

The post ВУЧИЌ ШОКИРАШЕ СО ИЗЈАВАТА ЗА 20 ГОДИНИ НЕЗАВИСНА ЦРНА ГОРА Подгорица возврати за „попрво би плукнал…“ appeared first on plusinfo.mk.

Случајот со исчезнување на Александар Нешовиќ Баја, човек поврзан со криминалното подземје во Нов Белград ја тресе Србија. Последен пат Баја беше виден во ресторан во Сењак.

Српската полиција во голема акција уапси 8 лица во акција во ресторанот. Двајца осомничени се товарат за обид за тешко убиство. За сопругата на еден од уапсените постои сомжен дека извадила пиштол од „кутија“ и му го донела на сопругот, кој наводно го употребил против Нешовиќ.

Српските медиуми пишуваат дека началникот на Управата за градска полиција во Белград Веселин Милиќ заврши во дводневен притвор. Тој се сомничи дека не пријавил кривично дело и дека му помогнал на сторителот. Меѓу уапсените се и тројца полицајци кои биле дел од неговото обезбедување.

Уапсени се и сопственикот и келнер од ресторанот „Сењак“, бидејќи постои сомнеж дека помагале по извршување на кривичното дело и не го пријавиле.

Во ресторанот биле пронајдени две чаури од калибар 9 милиметри и повеќе траги од крв. Ден подоцна, полицијата пронашла ајфон во контејнер спроти објектот.

Исчезнувањето на Баја го пријавила неговата сопруга следната вечер , откако не можела да го добие на телефон.

Српските медиуми потсетуваат дека Баја и претходно бил мета на напад. Пред околу 4 месеци, полицијата уапсила шведски државјанин и негов соучесник од Јужна Африка во Сењак.

Тогаш постоеле сомнежи дека биле ангажирани од припадници на т.н. Врачарски клан. Истрагата сега проверува дали постои поврзаност меѓу двата случаи.

The post УАПСЕН НАЧАЛНИК НА ПОЛИЦИЈАТА ВО БЕЛГРАД Се шири истрагата за исчезнувањето на Баја од белградското подземје appeared first on plusinfo.mk.

По јубилејниот десетти концерт во белградскиот Сава центар, Јаков Јозиновиќ беше целосно преплавен од емоции, пишуваат српските медиуми.

– Феноменот од Винковци ја заврши вечерта исполнета со хитови многу емотивно – на самиот крај Јаков не можеше да ги задржи емоциите пред преполната сала – пишува Блиц.

Имено, Јаков им се заблагодарил на сите што доаѓаат на неговите концерти, а потоа најавил концерт и во Белградската арена и се расплакал пред публиката.

– Благодарен сум што толку многу луѓе дојдоа на овие десет концерти во Сава центарот. Сите имате некои обврски, сите бегате од испити за да стигнете на концертот, ја напуштате работата, ги оставате вашите деца за да дојдете на концерт. Секој пат ми оставате пораки и на крајот, најголемата љубов. Ќе се обидам да не плачам, но ова е сè за што сонував. Љубовта што ми ја дадовте е неопислива. Ви благодарам за тоа. Сонував за оваа сцена и публика и ја добив – рекол Јозиновиќ, а потоа најавил уште еден голем концерт во Србија:

– Кога настапував во салата МТС, го најавив Сава Центар. А сега, на десеттиот концерт во Сава Центар, ја најавувам белградската Арена. Како да се разделувам од девојката, го напуштам Сава Центар и одам во Арена. Ви благодарам за сите десет прекрасни концерти – заклучил емотивниот Славонец.

Претходно, во април, регионалната сензација Јаков Јозиновиќ го одржа својот прв концерт во Македонија, а настапот во скопската арена „Јане Сандански“ помина пред повеќе од 5.000 луѓе, кои во еден глас ги пееја песните заедно со него. Јаков најмногу ги пееше хрватските верзии од песните на Тоше за кои кажа дека ги слушал додека растел. Во еден момент, понесен од атмосферата, клекна на колена и ѝ се поклони на публиката.

The post ПЛАЧКО, ПЛАЧКО, АМА ПОЛНИ САЛИ Новата регионална музичка ѕвезда продолжува со многубројни концерти и емотивни настапи appeared first on plusinfo.mk.

Претседателот на Србија Александар Вучиќ изјави дека државата ќе ја засили борбата против арогантното однесување кај дел од функционерите и најави дека наскоро ќе биде објавен начин преку кој граѓаните ќе можат директно да испраќаат поплаки.

– Борбата никогаш не смее да заврши. Наскоро ќе објавам како можете да дојдете и како сите граѓани можат да ми испраќаат информации, преку кој портал, преку кои социјални мрежи, за луѓе кои се однесуваат арогантно од различни делови на владата, од директори, администратори, министри, асистенти, заменици, секретари и сите други – рече Вучиќ.

Тој нагласи дека ароганцијата е „злобна болест“ и дека против неа ќе се бори со сите дозволени и законски средства.

„Луз-луз“ и изборите

На прашање за коментарите во дел од медиумите дека од позиција „вин-вин“ преминал во „луз-луз“, Вучиќ одговори дека единствен вистински суд ќе бидат изборите.

– Прифаќам дека сум во позиција „луз-луз“, а тие во позиција „вин-вин“. Само една мала работа треба да се случи, а тоа се изборите – изјави српскиот претседател.

Тој додаде дека неговата цел е „успешна Србија со задоволни граѓани“, додека, како што рече, неговите противници посакувале тој „да остане без глава“.

Поевтини станови за медицински сестри

Вучиќ најави и дека дел од становите изградени во рамки на Експо би можеле да се продаваат по пониски цени за медицински сестри и други категории што не го решиле станбеното прашање.

– Наместо квадратот да биде околу 4.000 евра, би ги дал по цена од 1.600 до 1.800 евра – рече тој.

Според Вучиќ, Србија во моментов трпи голем финансиски товар поради санкциите врз НИС, но додаде дека нема недостиг од нафта и дека државата останува стабилна.

The post ВУЧИЌ НАЈАВИ БОРБА СО АРОГАНТНИ ФУНКЦИОНЕРИ „Ќе ви кажам каде да ги пријавувате“ appeared first on plusinfo.mk.

Судењето на родителите на малолетниот убиец Коста Кецмановиќ денеска се одвило во напната атмосфера, пишуваат српските медиуми.

Владимир Кецмановиќ, татко на 13-годишниот убиец кој на 3 мај 2023 година уби 9 врсници и член на обезбедувањето во основното училиште „Владислав Рибникар“ во Белград предизвика бура на судењето откако го обвинил главниот јавен обвинител на Вишото обвинителство во Белград, Ненад Стефановиќ, дека  го држи во притвор без никакви докази“, а упатил и сериозни обвинувања против обвинителот Никола Ускоковиќ и против адвокатката Зора Добричанин Никодиновиќ, која ги застапува оштетените семејства.

На Кецмановиќ му се суди за тешко кривично дело против општата безбедност и злоупотреба и занемарување на дете, а на неговата сопруга Миљана Кецмановиќ за занемарување и злоупотреба на дете. Од првиот ден тие ја негираат својата вина за постапките на нивниот син.

Судењето пред Вишиот суд во Белград денеска влезе во завршната фаза, откако беа изнесени писмени докази.

– Атмосферата во судницата беше морничава, пред сè затоа што семејствата повторно ги гледаа фотографиите и видеата од „Рибникар“ од 3 мај 2023 година. Таткото на малолетникот кој уби 10 лица упати остри зборови против една од претставничките на семејствата, Зора Добричанин Никодиновиќ и го обвини обвинителот Стефановиќ дека поради него е во притвор три години. Рече дека му се суди само поради Стефановиќ и дека обвинителот Ускоковиќ го наместил. Како и многу пати досега, родителите на убиецот покажаа дека немаат емпатија кон жртвите и дека сите други се виновни освен тие – вели изворот од судењето кое е затворено за јавноста.

По судењето адвокатката Зора Добричанин Никодиновиќ изјави дека го доживува Владимир Кецмановиќ како многу опасна личност.

– Она што го доживуваме како адвокати на оштетените продолжува постојано и е апсолутно неприфатливо и неподносливо. Нема да коментирам, но она што лично го доживеав денес од обвинетиот Владимир Кецмановиќ го сметам за сериозно заплашување и закана, за што ќе ја известам полицијата – рече таа.

Кога беше замолена да разјасни на кој начин била заплашена, адвокатката не сакаше да даде дополнителни детали, но рече дека има право јавно да зборува за своите чувства.

– Бидејќи не му се допаѓа што некој јавно кажува нешто за него, што некој јавно кажува нешто поврзано со овој настан. Го видов тој негов став, тој поглед и тие зборови. Навистина е страшно и така се чувствувам – рече Добричанин.

Адвокатот Огњен Божовиќ рече дека денеска се презентирани најзначајните докази во врска со одговорноста на родителите на малолетниот сторител на убиството.

Рече и дека на судењето е прегледана фото и видео документацијата и додаде дека на сите им било многу тешко да ги набљудуваат сите докази, но дека тоа е неопходно и важно за конечната одлука.

Од друга страна, бранителката на Кецмановиќ, Ирина Боровиќ, изјави дека денеска не е утврдено ништо ново, и дека судот утврдил дека немало закана во судницата.

На судењето биле испрашани сведоци кои први биле на местото на убиството.

Ова е повторно судење за родителите Кецмановиќ. На крајот на декември 2024 година им беше изречена првата првостепена пресуда, со која таткото Владимир беше осуден на 14,6 години затвор за обете кривични дела и беше осуден на максимални казни за обете, а мајката Миљана Кецмановиќ на максимална казна од 3 години затвор за занемарување на дете. Апелациониот суд ја поништи таа пресуда и нареди ново судење.

Завршните зборови пред пресудата се закажани за 10 јуни.

The post „ВЛАДИМИР КЕЦМАНОВИЌ Е МНОГУ ОПАСНА ЛИЧНОСТ“ Се заканувал во судница, ги обвинил обвинителите дека го држат во притвор без докази appeared first on plusinfo.mk.