Основниот суд Кочани го прифатил предлогот на Јавното обвинителство за укинување на ефективниот притвор и замена со поблага мерка, куќен притвор, за поранешниот министерот за економија Крешник Бектеши. Судот уште не одлучувал по останатите предлози на Обвинителство за осомничените лица, во врска со трагедијата во дискотеката „Пулс“ во Кочани.

Портпаролот на Основниот суд Кочани вели дека судија на претходна постапка одлучувал по предлогот на ЈО за Бектеши, додека за другите се чека делегирање на член од Кривичен совет и адвокатите да се произнесат по предлозите.

– По останатите предлози сè уште не е одлучено. До судот се доставени. Се постапува по истите, кога ќе има одлука јавноста ќе биде информирана – изјави за МИА портпаролот на  кочанскиот суд.

Јавното обвинителство вчера соопшти дека до ОС Кочани освен предлогот за замена на изречената мерка притвор со куќен притвор за две лица, доставило предлог и за продолжување на претходно определените мерки притвор и куќен притвор за 18 осомнилени лица.

„Согласно фазата во која се наоѓа постапката и доказите кои веќе се обезбедени, Обвинителството до Основниот суд во Кочани достави предлог за замена на претходно определената мерка притвор со мерка куќен притвор за двајца осомничени – поранешен министер и поранешен државен секретар во Министерството за економија, додека за 18 лица предложено е продолжување на претходно определените мерки притвор и куќен притвор. По предлозите на обвинителството ќе одлучува Судот“ соопшти ЈО.

Во пожарот во дискотеката „Пулс“ во Кочани што се случи ноќта на 16 март загинаа 62 лица, а околу 200 беа повредени.

The post КРЕШНИК БЕКТЕШИ ОДИ ВО КУЌЕН ПРИТВОР Судот во Кочани допрва ќе одлучува за мерките за останатите осомничени appeared first on plusinfo.mk.

Претседателката Гордана Сиљановска Давкова денеска изјавата на лидерот на ДУИ Али Ахмети дека доколку поранешниот министерот за економија Крешник Бектеши биде обвинет за трагедијата во Кочани ќе излезе на улица и нема да се врати додека не испровоцира предвремени пармалентарни со локалните избори, ја окарактеризира како притисок врз судската власт.

Шефицата на државата одговарајќи на новинарско прашање да даде коментар на неодамнешната изјава на Ахмети нагласи дека таа за разлика од него ги мери зборовите, бидејќи не сака да се меша во судската власт.

– Јас за разлика од господинот Ахмети ќе ги мерам зборовите, не сакам да се мешам во судската власт, меѓутоа знаете што сите, а и господинот Ахмети и ДУИ многупати се повикувале на независноста на судската власт, меѓутоа ваквиот говор всушност значи притисок врз судската власт. Не сакам да давам оценка на квалфикацијата, веројатно е момент на слабост или не сакам да речам момент на неискреност, меѓутоа 30 години потоа, а особено и ДУИ 20 години потоа во власта, ние треба да го почитуваме начелото на поделба на власта и партиите треба да се настрана. Јас многу пати сум рекла дека честопати за нас велат дека не може да се направи разлика меѓу тенката линија, каде завршуваат партиите, а каде почнуваат државните институции. Државите во кои партиите понекогаш се претставуваат како да се државни институции, а не се, се нарекуваат партитократија, тоа не е демократски модел. Господинот Ахмети многу пати повикувал на ветинг, ветингот е во функција на квалитетно вршење на функциите, вклучувајќи го и Судот. Се надевам дека ова беше само една изјава и дека г. Ахмети и ДУИ кои долги години, две децении биле на власт, научиле дека треба да се почитуваат институциите и дека Судот е тој кој ќе пресуди дали некој греши или не, тука не зборуваме за еден човек, но презумпцијата на невиност важи за сите, истакна Сиљановска Давкова по завршувањето на Свечена академија по повод 80 години од кодификацијата на македонскиот стандарден јазик, во МАНУ, чиј покровител беше таа.

Ахмети во изјава за „Слободен печат“ минатата недела порача дека ако Бектеши биде обвинет ќе предизвика протести и додаде дека во секој момент како од шега може да извади на улица десет илјади поддржувачи на ДУИ, кои би протестирале секоја недела.

– Ќе протестираме за Крешник. Ако Али Ахмети излезе на улица, враќање нема. Ќе ги поддржиме и барањата и протестите на семејствата на загинатите деца во Кочани, што исто така бараат неселективна правда. Тој процес може да заврши само со предвремени парламентарни избори – изјави Ахмети.

Според него, во пакетот барања мора да биде и тоа за ветинг на сите политички партии од 1991 година, па досега, како и ветинг и сите функционери за потеклото на нивниот имот заедно со ветинг на процесот на приватизација на државниот имот, како и ветинг под меѓународен надзор и на судии, јавни обвинители и на полицијата.

Ахмети тврдеше и дека понудата за предвремени парламентарни избори заедно со локалните првично дошла од премиерот Христијан Мицкоски, уште пред да истечат 100-те дена Влада и пред тој да го предизвика на предвремени лидерот на СДСМ, Венко Филипче во Собранието. Најави дека ДУИ во текот на неделата ќе ги повика највисоките партиски тела и ќе одржи состанок.

Мицкоски вчера, пак, му порача дека ако е мудар како што се претставува, Ахмети ќе извлече поука и наместо да се заканува ќе направи структурни реформи и програмски и кадровски во неговата партија и со нови ликови, нова програма ќе излезе пред македонските граѓани да ја бара довербата.

Мицкоски упати и совет до Ахмети, да не живее во минатото, туку да гледа во иднината. Одговорајќи на новинарски прашања по одбележувањето 122 години од смртта на Гоце Делчев, Мицкоски информира и дека најверојатно утре ќе има средба со Арбен Таравари за неговото натамошно функционирање во Владата и евентуална соработка со ДУИ на локални избори, која ќе се одржи денеска во 17 часот во Владата.

– Го слушнав тој брифинг на Ахмети и врз основа на тоа можам да излечам два заклучока, првиот е да дадам еден совет, да гледаме во иднината, а не во минатото. За жал, господинот Ахмети изгледа се уште живее во минатото зашто ако живее во сегашноста, ќе може да направи огромна материјална разлика меѓу минатото и луѓето од минатото и сегашноста во која тој е во опозиција, а околу него има многу милионери кои на грбот на македонските граѓани се збогатија и тоа е основната причина зашто е тој во опозиција – истакна Мицкоски.

The post ИЗЈАВАТА НА АХМЕТИ Е ПРИТИСОК ВРЗ СУДСТВОТО Сиљановска Давкова му порача на лидерот на ДУИ да ги мери зборовите appeared first on plusinfo.mk.

Апелациониот суд во Штип ги одби како неосновани жалбите на поранешниот министер за економија Крешник Бектеши и ексградоначалниците на Кочани, Николчо Илијев и Ратко Димитровски, со што Бектеши останува во притвор, а Илијев и Димитровски во куќен притвор. Тројцата се осомничени во истрагата за трагичниот пожар во дискотеката „Пулс“ во Кочани, во кој животот го загубија 61 лице.

Во притвор останува и поранешната државна секретарка во Министерството за економија, Размена Чекиќ Дуровиќ која ставила потпис на втората лиценца за вршење на угостителска дејност на дискотетката. Судот постапуваше по 8 жалби од кои само една прифатена каде мерката од куќен притвор се приначува со мерки на претпазливост за еден од осомничените, инспектор во Државниот пазарен инспекторат од Виница.

The post БЕКТЕШИ ОСТАНУВА ВО ПРИТВОР, А ИЛИЈЕВ И ДИМИТРОВСКИ ВО КУЌЕН Судот во Штип ги одби жалбите на осомничените за пожарот во „Пулс“ appeared first on plusinfo.mk.

За уште шест осомничени, на кои претходно исто така им беше определен краткотраен притвор од 48 часа, судот ќе одлучува во текот на денот.

Засега до ОС Кочани нема пристигнато барање за вчера приведените поранешни градоначалници на Кочани, Николчо Илиев и Ратко Димитровски и градоначалникот во оставка Љупчо Папазов.

Обвинителството и полицијата синоќа спроведоа акција за приведување на лица за кои постои сомнение за инволвираност во пожарот, за што Јавното обвинителство најави дека денеска ќе информира.

Судија на претходна постапка, претходно одреди краткотраен притвор од 48 часа и на поранешниот директор на Државниот пазарен инспекторат Горан Трајковски.

Со истражните активности до пред приведувањето на тројцата поранешни градоначалници беа опфатени 28 лица.

Веќе е отворена истрага и е определен 30-дневен притвор за седум службени лица, вработени во СВР Штип и ПСОН Кочани, кои се осомнични дека како соизвршители, изготвувајќи, потпишувајќи и одобрувајќи позитивна согласност, му овозможиле на правно лице да се стекне со лиценца за вршење угостителска дејност – кабаре иако објектот не ги исполнувал законските услови за работа. Трајковски.

Во пожарот во дискотеката „Пулс“ во Кочани на 16 март животот го загубија 59 лица, а околу 200 беа повредени. Починатите, кои се на возраст од 16 до 48 години, вчера беа погребани во Кочани, Штип, Облешево и Скопје.

НОВИ 30 ЛИЦА ПОД ИСТРАГА ЗА ПОЖАРОТ ВО „ПУЛС“ Обвинителството ќе објави нови детали за големата трагедија

НОВО АПСЕЊЕ ВО КОЧАНИ ПОВРЗАНО СО ТРАГЕДИЈАТА Приведени се последните тројца градоначалници

The post 30 ДЕНА ПРИТВОР ЗА БЕКТЕШИ И ЗА 12 ДРУГИ ЛИЦА Судот одлучи да ги продолжи мерките за осомничените appeared first on plusinfo.mk.

Тој информираше дека МВР во координација со Јавното обвинителство до овој момент во врска со овој настан има осомничено повеќе од 20 лица, од кои 15 се во полициска станица.

Дел од осомничените за предизвикување на овој кривично правен настан се починати, дел се во болница.

– Дел од приведените лица кои што моментално се во полициска станица се луѓе кои имаат директна вина со овој настан, согласно досега собраните докази. Приведено е едно лице, кое што е организатор на настанот и за кое што имаме сомнение дека еден од оние кои што имаат директна вина. Исто така, приведени се поранешен државен секретар на Министерство за економија, поранешен раководител на еден сектор во Министерство за економија, поранешен директор на Дирекција за заштита и спасување и тројца вработени во рамки на дирекцијата – изјави Тошковски.

Вчера 13 лица во Штип биле приведени сопственикот на дискотеката, продавачите на билети, две лица од обезбедување, приведени се тројца пазарни инспектори, еден од трудова инспекција, како и полициски службеници. На 14 лица, вели министерот им е одреден притвор од 48 часа.

Министерот исто така изјави дека е повлечена локалната потерница која беше распишана за 4 лица, бидејќи тие се веќе обезбедени.

ЗАГИНАЛ ОДГОВОРНИОТ ЗА ПИРОТЕХНИКАТА Тошковски најави нови апсења за трагедијата во Кочани

The post ЕКС МИНИСТЕРОТ БЕКТЕШИ СЀ УШТЕ Е ВО СТАНИЦА Тошковски најави приведувања на уште лица за несреќата во Кочани appeared first on plusinfo.mk.

Фатмир Бесими, Крешник Бектеши и Кренар Лога ќе добијат апанажа по завршување на функциите во следните 12 месеци. Исто така изгласани беа и барањата за закупнина на стан на пратениците Даниела Христова, Грација Бакрачевска, Јован Јаулески и Јованка Тренчевска.

Бобан Стојановски, член на Државната изборна комисија беше избран за заменик генерален секретар на Собранието.

Комисијата денеска не го формираше Комитетот за односи меѓу заедниците поради тоа што ниту една пратеничка група не доставила предлози до претседателот на ова собраниско тело.

Ристана Лалчевска, ќе прима плата уште шест месеци до остварување на право на пензија, како поранешен член на Државната комисија за одлучување во втор степен во областа на инспекцискиот надзор и прекршошната постапка.

Поранешната генерална секретарка на Собранието Цветанка Иванова ќе го оствари правото на отпремнина при заминување во пензија.

На седницата во дебата влегоа Илире Даути и Халил Снопче од Алијанса на Албанците во врска со Комитетот за односи меѓу заедниците. Даути бараше точката да биде ставена прва на дневен ред, а пратениците реагираа оти рокот за доставување предлози бил кус.

The post И БЕСИМИ, БЕКТЕШИ И ЛОГА ЌЕ ДОБИЈАТ АПАНАЖА Четворица пратеници добија исплаќање на закупнина на стан appeared first on plusinfo.mk.

Министерот за економија Крешник Бектеши смета дека нема да поскапи електричната енергија од 1 јули и вели дека очекува Регулаторната комисија за енергетика да донесе одлука што нема да биде на товар на граѓаните, а покрај тоа очекува и новата влада да ја ревидира одлуката на техничката влада со која е зголемена цената по која ЕСМ ја нуди струјата на универзалниот снабдувач и е намален процентот на покривање на потребите регулираниот пазар.

– Министерството за економија секогаш има намера да има што пониски трошоци кои директно влијаат врз животниот стандард на граѓаните. Имавме став дека ЕСМ треба да покрива 100 отсто од потребите на универзалниот снабдувач, но тој став не се прифати во владината одлука. Во делот на цената и во делот на процентите ставовите се носат на затворена седница на Владата и јас немам право да ги кажувам јавно, но приближно се тие што се знаат во јавноста. Очекувам Регулаторната комисија за енергетика, која е независна институција, да донесе соодветна одлука што нема да биде на товар на граѓаните – рече Бектеши во одговор на новинарско прашање на денешната прес-конференција на која даде отчет за сработеното во изминатите седум години.

Дополнително, посочи, вчера или завчера го слушнав мандатарот Мицкоски и имајќи ги во предвид фактите очекувам дека наредната влада ќе ја ревидира одлуката се со цел да нема зголемување на цената на електричната енергија.

– Согласно со тоа што го забележав во нивната програма во енергетскиот сектор има мерки кои се во тек и кои ние како Министерство во континуитет сме ги подржувале и сум убеден дека ако на добар начин се имплементираат таквите мерки може од 1 јануари да има и намалување на цената на електричната енергија – рече министерот.

ЕСМ на тендерот на универзалниот снабдувач понуди цена од 60 евра за мегават час и покривање на 85 отсто од потребите на регулираниот пазар. Досега на универзалниот снабдувач му ја продаваше електричната енергија по 57 евра за мегават час и покриваше 100 отсто од потребите на регулираниот пазар.

The post НОВАТА ВЛАДА ДА НАЈДЕ РЕШЕНИЕ ЗА СТРУЈАТА Бектеши очекува да нема поскапување на сметките за електрична енергија appeared first on plusinfo.mk.

Николоски рече дека изјавата на Бектеши отвора дилеми:

– Дали тоа значи дека Крешник на Али Ахмети му подготвува свилен гајтан? А можеби Бектеши е кандидат за лидер на ДУИ, имајќи предвид дека ДУИ ќе ги загуби изборите и дека нема да биде во состав на новата влада. Добро е, секако, да се знае дека Бектеши има лидерски амбиции. Ако е така, тогаш раководството на ДУИ ќе се сели таму откаде што е Бектеши, во Кичево – рече Николоски кој денеска беше во посета на локалната власт во Прилеп.

Oд опозициската коалиција ВРЕДИ исто така рекоа дека ја прифаќаат фрлената ракавица и ѝ порачаа на ДУИ да потпишат изјави на нотар дека тој што ќе изгуби никогаш повеќе да не се занимава со политика.

The post И ВМРО-ДПМНЕ ГО ПРИФАЌА ПРЕДИЗВИКОТ НА ДУИ Му спремаат ли „свилен гајтан“ на Ахмети, прашува Николоски appeared first on plusinfo.mk.

Денешното отуство на пратениците од ДУИ на комисиската расправа, според него, не било чекање на партиска координација, туку објаснување на договорот и работите што се предвидени во делот на енергетиката, заради тоа што, како што рече, не се сите пратеници експерти во делот на енергетиката.

– За „Митилинеос“ имаме обврска да менуваме законски решенија или да донесеме нови кои не знаеме дали пратениците ќе ги изгласаат. Значи, ние претпоставуваме дека во одреден период ќе се донесе некое законско решение за кое предлагач треба да биде Министерството за економија. Воедно, како Министерство за економија имаме текст за тоа законско решение, првпат ќе го кажам – законот за индустриски развојни зелени зони каде е преземена одговорност,  а не можеме да знаеме дали пратениците ќе го гласаат или не – рече Бектеши, во гостување на ТВ Сител.

За другите одредени стратешки инвестиции, соопшти Бектеши, претходно со наш предлог сме побарале да направат анализа реномирани институции во делот на договорот и обврските што ќе ги преземеме за државата во наредните 30 години каде има фискални импликации, но има и придобивки во инвестиции, зголемување на производство на електрична енергија и во делот на цените.

Тој не смета дека Министерството за економија е исклучено од процесот, откако законите беа повлечени од Собранието и повторно доставени, но со подносители од СДСМ. Повтори дека за едно од законските решенија Министерството за економија мисли дека треба да има преговарање од почеток за одредени работи имајќи го, како што рече, предвид текстот, обврските и тоа што го дава државата, тоа што го нуди стратешкиот инвеститор и слично.

– И затоа на седница на Владата побарав во име на Министерството за економија да бидат повлечени законските решенија и тие да бидат претставени и образложени од министри на Владата кои биле директно вклучен во делот на преговорите за сите детали во однос на текстот на сите стратешки инвестиции – рече Бектеши.

Четирите предлог-закони за стратешки инвестициски проекти  „Соларен парк Стипион“, AIM GREEN TECH, МИТИЛИНЕОС когенеративна постројка Скопје и соларна електрична централа Пехчево, сите по скратена постапка, се на дневен ред на 145. седница на Собранието, чие продолжение е закажано за утре.

The post НЕ ЗНАЕМЕ КАКО ЌЕ ГЛАСААТ ПРАТЕНИЦИТЕ Бектеши е воздржан за Митилинеос appeared first on plusinfo.mk.

Тој негира дека се компензира воведената евтина тарифа со новата ставка во фактурите заради тоа што, како што појасни, граѓаните кои што имаат повеќе потреба од поддршка се повеќе во рамки на првиот и вториот блок во потрошувачката. Тие што се во четвртиот блок, според него, немаат никаква потреба да бидат поддржани од страна на државата.

На новинарско прашање за коментар на барањето на енергетските компании цената на струјата да се зголеми за 27%, Бектеши рече дека тие можат да бараат и 400 и 500 %, во делот на трошоците што ги пријавуваат, но оти Регулаторната комисија за енергетика ќе одлучи колку од тие трошоци ќе прифати.

– Дваесет и седум отсто не е некое големо побарување ако споредиме со претходните години од страна на МЕПСО и од страна на ЕВН дистрибуција и ЕВН Хоум. Најверојатно нема да бидат прифатени. Цената за домаќинствата и малите потрошувачи нема да се зголеми од 1 јануари, во спротивно ќе имаат дополнителна можност со користење на евтината тарифа да им биде намалена – рече Бектеши.

Тој порача дека имаме правична методологија и согласно категории на граѓани.

– Во склоп на Енергетскиот совет речиси веќе една година се работи на нова методологија со цел да се врати евтината тарифа. Новата давачка ќе тангира одредени групи граѓани кои имаат викендици, по две-три куќи, два-три стана и слично, поради тоа што во делот на наплаќање за дистрибутивната мрежа повеќе плаќаат тие граѓани кои навистина користат електрична енергија. Тие кои имаат викендици и ги користат еднаш, двапати, трипати во годината, тие кои не ги користат становите, куќите, ќе го платат тој надомест, а за граѓаните кои навистина користат електрична енергија и имаат еден стан или куќа ќе се намали ставката за дистрибутивна мрежа. Тоа значи дека имаме правична методологија и согласно категории на граѓани во нашата држава – рече Бектеши.

Како што дополни, најранливите категории граѓани кои што имаат просечна потрошувачка во првиот и вториот блог, ќе плаќаат помалку во делот на електричната енергија и во вкупната сметка за струјата, имајќи ја во предвид и цената на дистрибутивната мрежа.

The post НЕМА ПОСКАПУВАЊЕ НА СТРУЈАТА ОД 1. ЈАНУАРИ Бектеши уверува дека новата методологија нема да ги зголеми сметките appeared first on plusinfo.mk.