Како што информира оттаму, на досегашниот министер за транспорт и врски  Благој Бочварски му е верификуван мандатот за пратеник, па согласно законот, неговата функција ќе ја извршува неговиот заменик.

The post БОЧВАРСКИ СТАНУВА ПРАТЕНИК Беким Реџепи привремено ќе раководи со Министерството за транспорт appeared first on plusinfo.mk.

Министерот Бочварски, заедно со заменик министерот Беким Реџепи и менаџерскиот тим на М-НАВ направија обиколка на Контролата на летање и на Навигацискиот центар, каде што се запознаа со работата на институцијата.

-Се наоѓаме на местото каде за прв пат по 25 години започнуваат подготовки за изградба на нов објект за потребите на М-НАВ. Со инвестицијата од 11 милиони евра, освен за изградбата на новата зграда, ќе се набават нови радари, нова опрема за комуникација, нов АТМ систем, со што ќе се зголемат капацитетите и ќе обезбедиме поефикасно и побезбедно одвивање на авиосообраќајот – изјави Бочварски.

Тој истакна дека е задоволен што и покрај ковид кризата успеале да ја обезбедат инвестицијата за модернизација на клучна институција како Македонска навигација.

Како што информираа од Министерството за транспорт, директорот на АД Македонска навигација, Хамиди, се заблагодари на Владата за инвестицијата која ја потенцираше како клучна, бидејќи како што напомена, повеќе од 25 години никој не вложил во М-НАВ.

-Чест ни е што и покрај кризата од ковид пандемијата, во 2021 година заедно со целиот тим во Македонска навигација, ги подобривме финансиските показатели. Инвестицијата што ја добивме за изградба на новата зграда со вкупна површина од 1.200 квадратни метри  и за набавка на нова опрема, ќе придонесе за зголемување на нашите капацитети и за модернизација на институцијата. Продолжуваме како и до сега, бидејќи безбедноста при летањето е наш врвен приоритет – рече Хамиди.

The post 11 МИЛИОНИ ЕВРА ИНВЕСТИЦИЈА ВО НАВИГАЦИСКИОТ СИСТЕМ Се обезбедува поефикасен авиосообраќај appeared first on plusinfo.mk.