За коалицијата која ја сочинуваат трите опозициски партии на Албанците – Алтернатива, Беса и Демократско движење, целиот случај со Незири е сомнителен, како што е сомнителен целиот наш правосуден систем.

Ваквиот став на Европскиот сојуз за промени денеска го пренесе пратеникот на Беса во Собранието, Фадил Зендели на прес-конференција, од каде, како што рече, вината за овие настани ја гледаат во власта.

– Сомнителен е целиот процес, како што е сомнителен целиот наш правосуден систем за кој имаме големи забелешки и од Европската Унија и од сите релевантни меѓународни институции. Знаете дека довербата на граѓаните во оваа институција е само четири проценти и тој пинг пинг што го играат институциите внатре, еднаш му даваат куќен притвор, а потоа го пуштаат, па му ја одземаат патната исправа е една игра и веројанто е пристисок од страна на ДУИ и од страна на власта за сега пред избори нивниот важен член тука во Скопје да не е таму каде што му е местото согласно закон – изјави Зендели.

Луѓето од власта, додаде тој, се навикнати да вршат притисок врз правосудните органи секогаш кога треба да заштитат нивни високи функционери.

– Упадот во М-НАВ беше многу тежок. Го осудија сите институции, има јасни докази за дејствијата на сите овие лица, но овие дејствија не се јасни само за луѓето од власта кои се навикнати да вршат притисок врз правосудните институции секогаш кога треба нивните луѓе или нивните високи функционери кои се криминализирани во многу афери да ги заштитат – рече Зендели.

На укинувањето на куќниот притвор на Незири денеска реагираа и од ВМРО-ДПМНЕ, чиј партиски лидер, Христијан Мицкоски рече дека „тоа се тие реформи коишто ги нуди европскиот фронт“.

БЕКИМ НЕЗИРИ Е ПУШТЕН НА СЛОБОДА Одземен му е само пасошот

The post КУЌНИОТ ПРИТВОР НА НЕЗИРИ ВЕРОЈАТНО Е УКИНАТ ПОД ПРИТИСОК НА ДУИ Албанската опозиција вели дека целата работа е многу сомнителна appeared first on plusinfo.mk.

Откако судија на претходна постапка не го прифати барањето на обвинителството за притвор, Кривичен совет ги смести во домашен, а сега Апелација ја прифати неговата жалба и го пушти на слобода. На негова страна застанало и вишото обвинителство.

Апелациониот суд Скопје во интерес на јавноста, медиумите и невладините организации кои ја следат работата на судот, информира дека постапувајќи по жалбите на осомничените Алмир Рамдедовиќ и Беким Незири, двајцата од Скопје, во предметите КСЖ 63/24 и КСЖ.бр.59/24, донесе Решенија со кои жалбите на осомничените ги уважи, а решенијата на кривичниот совет на првостепениот суд ги преиначи, на начин што мерката куќен притвор ја укина, а ги остави во сила определените мерки на претпазливост, кои во овој момент претставуваат доволна гаранција за обезбедување на присуството на осомничените.

За останатите осомничени, судот, исто така, првично не одреди притвор, а кривичниот совет потоа ги смести во домашен.

The post БЕКИМ НЕЗИРИ Е ПУШТЕН НА СЛОБОДА Одземен му е само пасошот appeared first on plusinfo.mk.

Вака Демократскиот сојуз ги оценува и најостро ги осудува обидите на власта да ја релативизира одговорноста за упадот во Контролната кула за летање на Аеродромот во Петровец.

„Да се тврди дека со упадот и насилството на осуммина бандити на ДУИ во Кулата за контрола на летање не се загрозува воздушниот сообракај е театар на апсурдот, бидејќи аргументиран и издржан став презентираа и експертите. Но, не треба да бидеш експерт за да знаеш дека со неовластен упад и насилство спрема контролорите за летање директно е загрозен авиосообраќајот. Само среќата спасила можна катастрофа“, тврди Демократскиот сојуз.

Партијата посебно укажува на причините за „бегството” на еден од тепаните, кој бил под силен притисок и закани да не дава изјава пред Јавниот обвинител.

„Да потсетиме на идентичен случај во 2010 година, кога Беким Незири претепал контролор на летање, потоа го избркале  и него и неговата сопруга од работа, по што тој избегал во една од скандинавските земји“, вели ДС.

Затоа, Демократски сојуз смета дека Владата морала да ги разреши директорите на М-НАВ, Беким Незири да биде суспендиран од работното место во М-НАВ, а Судот на сите осуммина да им определи притвор.

„Но ништо од тоа, Одговорност мора да има за сите кои ги кршат законите, или сега или после изборите по промената на власта“, се вели во соопштението на ДС.

The post НЕ Е ОВА ПРВ КОНТРОЛОР ПРЕТЕПАН ОД БЕКИМ НЕЗИРИ ШТО МОРАЛ ДА ИЗБЕГА ОД МАКЕДОНИЈА Демократски сојуз потсетува на идентичен случај од 2010 година appeared first on plusinfo.mk.

„Беким Незири, предводник на тепачите, не е случаен човек, туку познат висок функционер на ДУИ. Невозможно е тој да влезе на тој начин во М-НАВ без знаење и поддршка на директорите од ДУИ, од партиското раководство и секако од власта.

Јавно, додека таму стојат новинари, дури се држи прес конференција, силеџии на ДУИ, влегуваат да тепаат, вратите им се отвораат, а до сега никој не е уапсен, и нема ниедна оставка?

ОВА е вистинското лице на коалицијата што се затскрива зад лажни европски вредности!

Уште повеќе лажна проевропска е причината: ДУИ веројатно во име на Владата пушта тепачи во авиоконтрола, затоа што на оглас за работа не влегле партиските неспособни кадри. И ДУИ, од европската коалиција, пушта тепачи, а министерот од СДС, неспособниот Бочварски, од проевропската коалиција, уште молчи. Уште молчи и Оливер Спасовски, министер за полиција. Тепачи влетуваат во контролна кула, тепале вработени во контрола за летање, а наместо итна акција на специјалните сили, нема полициска акција за расчистување на случајот.

Почитувани, се помалку од итно приведување на Беким Незири ќе е гола соработка со тепачите. Бараме итни неотповикливи оставки од директорите и членови на раководните тела на М-НАВ, како и оставка од неспособниот Благој Бочварски!

Никогаш не било полошо, Важно е да ги поразиме“ – истакна Стоилковски.

The post ДУИ ДЕЛЕШЕ ТУПАНИЦИ СО СКРИЕНА ПОДДРШКА ОД СДСМ Итно приведување на Незири, оставка на Бочварски и на директорите на М-НАВ бара ВМРО-ДПМНЕ appeared first on plusinfo.mk.

Откако со часови бил недостапен за полицијата, Незири утрово бил приведен во полициска станица.

Претседателот на партискиот огранок на ДУИ во Чаир, кој извршува функција на советник на еден од директорите во М-НАВ, Фахрудин Хамиди, со својата службена картичка пропуштил луѓе кои не биле вработени во институцијата, а кои потоа вербало и физички нападнале дел од вработените во Контрола на летање.

The post БЕКИМ НЕЗИРИ ПРИВЕДЕН ВО ПОЛИЦИЈА Екс министерот за економија од ДУИ ги спровел насилниците во М-НАВ appeared first on plusinfo.mk.

Според нивните сознанија, групата од 8 луѓе влегла во објектот од кој се надгледува и осигурува безбедноста на авиосообраќајот над Македонија, дошла до вработениот П.Б. на кого му замериле зошто бил со синдикатот, а не со партијата и почнале вербална расправија, а потоа и физичка пресметка.

Насилникот Е.С., близок соработник на Беким Незири, дошол и го удрил контролорот, а Незири почнал да му вика и да му се заканува. Настанала вербална расправија, по што нападнатиот контролор го пријавил нападот полиција. Насилниците имале вербална расправија со уште двајца контролори-Албанци.

Телевизијата објави дека напаѓачот Е.С. бил сопруг на нововработена во М-НАВ која таму засновала работен однос пред неколку месеци, кога почнаа барањата на синдикатот наместо партиски кадри да се примаат стручни лица за да се задржи безбедноста на авио-сообраќајот.

Полицијата синоќа соопшти дека 4 лица биле повикани на разговор во станица, а по уште 4 лица кои упаднаа во М-НАВ се трага. Според информациите на Телма меѓу првите 4 лица бил и партискиот функционер на ДУИ, Беким Незири кој бил повикан во полициска станица Газибаба, во Автокоманда.

Упадот и дивеењето на активистите на ДУИ во М-НАФ се случил по прес конференцијата на претседателот на Синдикатот на М-НАВ Александар Тасевски на која тој информираше дека 20 до 30 контролори на летање и нивни помошници се очекува од денеска да почнат да поднесуваат оставки од раководните позиции во М-НАВ, образложувајќи дека оставките се за поддршка на синдикалните активности и реакции за последниот оглас за вработувања во оваа институција. А, насилниците од ДУИ дошле со закани и напади да се пресметаат со контролорите Албанци кои му дале поддршка на Тасевски.

По инцидентот во Контролата на летање и хаосот што го предизвикаа диркеторите од ДУИ во М-НАВ, Владата покрена иницијатива за разрешување на целото раководство и спроведување на детална ревизија за нивното работење, за да се осигура безбеден авио сообраќај над македонското небо.

The post ПАРТИСКИ ФУНКЦИОНЕР ГИ ВНЕЛ НАСИЛНИЦИТЕ, СОПРУГ НА НОВОВРАБОТЕНА ТЕПАЛ КОНТРОЛОРИ Откриени детали од дивеењето на членови на ДУИ во М-НАВ appeared first on plusinfo.mk.

Според извори на порталот, заедно со Незири во упадот М-НАВ и тепањето на вработени во Контрола на летање, бил и неговиот баџанак Лабинот Ќерими кој работи во истата институција.

Упадот на партиски активисти на ДУИ од Чаир во М-НАВ се случил веднаш по денешната прес-конференција на претседателот на Синдикатот на контролори на летање Александар Тасевски. Тие без да бидат сопрени од обезбедувањето, влегле во зградата на М-НАВ и по вербална расправија и закани кон контролорите на летање, физички нападнале дел од нив.

Неофицијално, групата што упаднала била лута затоа што и контролорите Албанци излегле надвор на прес-конференцијата и му дале поддршка на Тасевски. Еден од контролорите, кој бил на смена, бил удрен со бокс, пренесува Вечер.мк.

ВО М-НАВ КАКО ВО АКЦИОНЕН ФИЛМ Нападнати вработени во Контрола на летање

The post БЕКИМ НЕЗИРИ ОД ДУИ ГО ПРЕДВОДЕЛ УПАДОТ ВО М-НАВ Екс-министерот за економија бил дел од групата што дивјачки тепала вработени во Контрола на летање appeared first on plusinfo.mk.