– Да ги расчистиме термините. Бегство, јас барем претходно што сум подразбирал, е префрлување преку ѕидини, жица, копање на тунел, овие 111 се луѓе на кои што им биле дадени погодности, биле на викенд, требале да се вратат до 19 часот вечерта во недела, не се вратени и тоа е веќе бегство. Не е класично бегство – рече тој одговарајќи на новинарско прашање на денешната прес-конференција по отворањето на реновирнаото „петто“ крило во Затворот „Идризово“.

Тој дополни дека пред две недели имале обид за бегство со буквално префрлување преку ограда, при што затвореникот бил фатен, соборен и вратен во затвор.

– Такви бегства се многу ретки во Македонија, но самиот термин бегство се користи и за оние кои што после погодностите кои што им се дадени, не се вратени на време, или, воопшто не се вратени. Морам да потенцирам дека овие бројки што се појавуваат сега, ете вчера имаме за затворот во Струмица, каде што има 23 бегства, меѓутоа не биле евидентирани, не биле кажани во јавност. Со доаѓање на новиот директор на првото пребројување, тој констатира дека толку луѓе недостасуваат, односно, од тие, 18 се во бегство од 2020 година, неколку од нив во 2024 година – појасни Пандов.

Пандов информираше дека некои од избеганите затвореници се вратени, некои не.

На прашањето за бегството на Блерим Рамадани од куќниот притвор, Пандов одговори дека нема таква информација.

– Тоа во Министерството за внатрешни работи треба да видите. Кај нас е затворено или притворено лице. Тоа се луѓе или се осомничени и се сместени во притворски одделенија или имаат полноправна пресуда и се упатени на одлежувње на затворска казна. Таквите лица се под МВР – рече тој.

Во врска со неговата вчерашна посета на затворот „Скопје“, директорот на Управата рече дека затворот во Шутка мора итно да се огради.

– Во затворот „Скопје“ или „Шутка“ како што го препознаваат, има делови каде што нема ограда, или е ниска оградата на метар – метар и половина. Едноставно, во тој затвор само човек кој што не сака да излезе нема да излезе од него. Ако некој има намера да избега од таму може да избега – рече тој.

За притворското одделение од затворот „Шутка“, пак, како што рече „таму куче да врзеш за краток период ќе попушти и со здравје и со мозок и со сè“.

– Има таму ќелии што се потчовечки, не достоинство, па тоа јас на филм го немам видено. Во одредени ќелии кај што влегов, сега се наежив, тоа е под секакво човечко достоинство и срамота е за нас како држава што сме го дозволиле особено ова. Седум години имаа тоа да го поправат, тоа е страшно, језиво, да ве внесат таму нормален здрав човек со три чисти во глава за краток период ќе попушти, посочи Пандов.

Директорот информираше дека има затвори во Македонија, како што се отвореното или полуотвореното одделение во Идризово, кои се пуштени 2018 година и се изградени по стандарди на ЕУ.

– Тие се супер модерни згради каде што, сега, во затвор си, тоа се нарекува ќелија, меѓутоа е супер чисто, со телевизор, со сите човечки услови и супер достоинство да може да си ги одлежат своите затворски казни, затоа што сепак тоа се затвореници, имаат некоја вина направено спрема некои физички или правни лица па затоа се во затвор – рече тој.

Директорот информираше за успешна акција во која што бил фатен затвореник кој користел поволности, а во своето тело внесувал 50 грама дрога. Дополнително, пред две недели во затворот „Скопје“, како што рече, бил фатен затворски полицаец како внесува во пакетче цигари наркотични средства.

– Тоа постои, меѓутоа, уште повеќе од тоа решеност кај нас сега, и мене како директор на Управата за извршување санкции, новите директори кои што се назначени, сето тоа да се сведе на минимум и да ги намалиме и криминалот и корупцијата. Со сопствени средства сега колку можеме да ги подобриме условите, и она најважно што е за нас како граѓани на Македонија, да се пристапи кон втората фаза на изградба на затворот „Идризово“ затоа што ние кога говориме за затворски систем, имаме Затвор „Идризово“ и останати, до 60 проценти од затворениците се сместени во затворот Идризово. Исто така, не е мал затворот Скопје, Штипскиот, Прилепскиот, некаде се до 100 затвореници, некаде нема ни 50, а 12 затвори се во Македонија – рече Паноов.

Директорот, исто така, информираше дека во моментов се прават плановите за вработување за 2025, при што увиделе дека недостигаат од 200 до 300 затворски полицајци низ затворите во земјава.

– Дел се паднати во разни акции, дел се во пензија, а дел, сега особено после промената, веројатно свесни дека нема шала, дека веќе се менува системот, сами напуштаат – рече тој.

Во Казнено-поправната установа „Идризово“ денеска беше пуштено во употреба реновираното „петто“ крило. Крилото ќе обезбеди дополнителен капацитет за 100 затвореници, кој ќе ги растерети останатите одделенија. Реновирањето е финансирано од донации, а се очекува и изградба на целосно ново затвор.

The post „ЗАТВОРЕНИЦИТЕ НЕ НИ БЕГААТ, ТУКУ САМО НЕ СЕ ВРАЌААТ НАВРЕМЕ ОД ВИКЕНД“ Ретко се случува некој да прескокне ограда и да избега од затвор, објаснува Пандов appeared first on plusinfo.mk.

Како што е наведено во соопштението, тој бил осуден на казна затвор од шест години за сторено кривично дело „неовластено производство и пуштање во промет на наркотични дроги, психотропни супстанци и прекурсори” по член 215 од Кривичниот законик, а бил баран по централна потерница врз основа на наредба од Казнено – поправната установа Затвор Идризово поради бегство од затворот, каде што имал за доиздржување скоро четири години од казната.

„Лицето било спроведено во казнено – поправната установа за доиздржување на казната“, соопшти МВР.

The post УШТЕ ЕДНО БЕГСТВО ОД ЗАТВОРОТ ВО ИДРИЗОВО Гевгеличанец побегнал, ама го фатиле appeared first on plusinfo.mk.

Тој тврди дека повеќе од 10 дена во бегство од затворот Скопје во Шуто Оризари е осудениот затвореник Нафи Абдиовски.

– За појаснување, осуден на 8 месеци за сторено кривично дело измама врз основа на досието, Секторот за ресоцијализација му одредил третман со група Б односно да биде преместен во полуслободно одделение. Ова лице коешто се повторува на фотографиите Нафи Абдиоски, чест гостин во Владата на СДС, со еден убав албум фотографии во прегратки со министерот за внатрешни работи Оливер Спасовски, првиот вицепремиер Артан Груби, во премиерскиот кабинет на Зоран Заев, фотографиии со претседателот на Собрание, фотографија со Стево Пендаровски. И оттука СДС-ДУИ, можеби најмногу Оливер Спасовски министер со најголем стаж во Министерството за внатрешни работи, мора да одговорат: Дали се работи за лице кое што има 16 кривични дела и толку неправосилно пресуди? Дали Нафи Абдиовски со правосилност на овие пресуди би лежел 15 години затвор? Дали е повратник во затвор? Дали законот според пресудите за Абдиовски и во делот на тоа што е повратник, законот посочува дека Нафи Абдиовски НЕ СМЕЕЛ да биде затвореник во Шутка, туку би морал да лежи во Идризово? Уште повеќе, дали смеел да биде сместен во полуотворено одделение? – прашува Стоилковски.

Тој додава дека одговорите на сите тие прашања ги откриваат вистинските факти што се крие зад бегството.

– Што бара сиот државен врв со човек со 16 пресуди за кривични дела?  Што бара тој човек во Влада на Република Македонија? Што предизвикало толкава близина, каква работа им завршувал за да има ваков фото албум? Дали преместувањето во полуотворено одделение во затворот Скопје е исценирано за да може пријателот на власта да побегне додека се чека правосилност на пресуди за 16 кривични дела? Два скандали, две бегства од затвор, две лица миленици на власта со дебели досиеја. СДС-ДУИ ја претворија Македонија во држава на мафијата. Затвор лежат само оние коишто не слугуваат на интересите на СДС и ДУИ. Со вакви ликови невозможни се реформи, невозможна е верба во системот. Спасот е во предвремени парламентарни избори – вели Стоилковски.

The post ВО ПРЕГРАТКА СО ГРУБИ, ЗАЕВ, ПЕНДАРОВСКИ… Се случи ли ново бегство од затвор во иста режија? (ВИДЕО) appeared first on plusinfo.mk.

Земјава, каде што токми синоќа се случи едно спектакуларно филмско бегство на затвореник, не само што се наоѓа на врвот на листата, туку има и убедливо водство пред останатите држави.

Во Македонија, според мапата, во просек бега по 691 затвореник на секои 10.000 затвореници.

Веднаш по нас се наоѓаат Холандија со 315 избегани на 10.000 затвореници и Швајцарија со 284.

Состојбата кај соседните земји е прилично стабилна. Во Бугарија, на пример, просечно бегаат по 8 затвореници на секои 10.000 затвореници, во Србија бегаат 22 и во Грција – 17.

Интересен е фактот што некои земји воопшто не пријавиле случаи на бегство од затвор, а меѓу нив се Албанија, Црна Гора, Словенија, Малта и Кипар.

Податоците за оваа карта доаѓаат од Годишната казнена статистика на Советот на Европа.

Во продолжеие, погледнете ја мапата, а сите податоци прочитајте ги на следниот ЛИНК.

The post ВО МАКЕДОНИЈА НАЈЛЕСНО СЕ БЕГА ОД ЗАТВОР ВО ЦЕЛА ЕВРОПА Холандија и Швајцарија можат вода да ни носат appeared first on plusinfo.mk.