Загрепчанец доживеал невообичаена ситуација во населбата Кајзерица кога сред улица налетал на голема змија, кралски питон што исплашено ползел. Тој веднаш ја фотографирал змијата и ги објавил фотографиите во неколку групи на Фејсбук, објави хрватски Вечерњи лист.

За среќа, наскоро му се јавил човек кој не само што се разбирал во змии, туку и самиот дома имал два кралски питона.

– Го видов постот што кружи по социјалните мрежи и веднаш стапив во контакт со човекот. За отприлика полчас ја зедов змијата. Станува збор за целосно безопасен вид. Овој конкретен питон е млад мажјак, има околу две и пол години и е долг приближно еден метар, практично е бебе – изјавил анонимниот Загрепчанец, кој сега го нарекуваат јунак за змии.

Питонот останал кратко кај него бидејќи наскоро се јавила и сопственичката. Таа објаснила дека била на одмор, а лицето што требало да се грижи за питонот направило пропуст поради кој змијата успеала да побегне.

The post 📷 КРАЛСКИ ПИТОН ЛАЗЕЛ СРЕД УЛИЦА ВО ЗАГРЕБ Минувач се запрепастил кога ја видел огромната змија, еве што се случило appeared first on plusinfo.mk.