На Детската клиника во Скопје во 06:40 часот вчера било донесено машко бебе старо само еден и пол месец, без знаци на живот. Лекарите веднаш се обиделе да интервенираат, но констатирале смрт, информираа денеска од СВР Скопје.

Случајот бил веднаш пријавен во полиција, а по преземените дејствија и консултација со надлежен јавен обвинител, телото на новороденчето било предадено на обдукција со цел да се утврди точната причина за смртта.

Во овој момент, не се познати дополнителни информации за околностите под кои настапила смртта, ниту дали има сомнежи за насилна причина или евентуално здравствено нарушување. Од Министерството за внатрешни работи велат дека се преземаат сите потребни истражни мерки.

The post БЕБЕ ОД САМО 45 ДЕНА ДОНЕСЕНО МРТВО ВО БОЛНИЦА Лекарите констатирале смрт на новороденчето appeared first on plusinfo.mk.

„Последниот немил настан со смртта на новороденче од Прилеп во Клиниката во Скопје за жал е аларм за власта која, наместо да се труди да пружи подобри здравствени услуги на пациентите, бара начини како да испумпа милиони евра преку системот за јавни набавки на клиниките.

Одговорност за смртта на бебето од Прилеп мора да има, и таа не смее да се сведе на некој кабел, пинцета или епрувета. Одговорноста мора да биде директна на надлежните во болниците каде е породено и лекувано бебето, но и политичка на министерот за здравство.

Според родителите на детето. Мајката на бебето немала никаква бактерија и требало да се породи со царски рез. Сите испитувања биле добри. А докторите одлучиле сабајлето кога е примена на 27 октомври да ја породат по природен пат.

Одговорноста мора да се персонализира, како кривична така и политичка.

Не може министерот за здравство да се занимава со сè, освен со тоа што реално му е работа – грижа за пружање квалитетни здравствени услуги на населението. Потребна е одговорност веднаш, и кривична и политичка! Единствена добра работа која може Меџити да ја направи е да си даде оставка веднаш“ – се вели во партиското соопштение.

The post ВО МАКЕДОНСКИТЕ БОЛНИЦИ СЕ ГИНЕ КАКО НА БОЈНО ПОЛЕ! За смртта на бебето во Прилеп мора да има оставки и кривични пријави, инсистира ВМРО-ДПМНЕ appeared first on plusinfo.mk.