Израелскиот ракетен напад врз Бејрут предизвика остра реакција од американскиот претседател Доналд Трамп, кој порача дека акцијата не требало да се случи во момент кога САД и Иран се блиску до мировен договор.

– Нападот утрово врз Бејрут не требаше да се случи, особено на овој посебен ден кога сме блиску до мировен договор со Иран – изјави Трамп.

Тој нагласи дека Израел има право на самоодбрана, но оцени дека нападот не треба да го загрози дипломатскиот процес.

Трамп, кој денеска го слави 80. роденден, ги повика Израел, Хезболах и „другите страни“ да престанат со напади и буквално напиша „дајте да не го расипеме мирот“.

„Израел има право да се брани од закани, но нападот на кој реагираше беше многу мал и бесмислен, никој не беше повреден, или убиен, и не треба да го наруши овој важен процес“, гласи дел од пораката на Трамп на Трут Соушл.

Според американскиот претседател, договорот со Иран може да донесе поширока стабилност на Блискиот Исток, вклучително и во Либан.

Во меѓувреме, Трамп потврди дека разговарал со израелскиот премиер Бенјамин Нетанјаху и побарал да нема дополнителни напади кои би можеле да го нарушат напредокот на преговорите.

Изјавите доаѓаат во време кога Вашингтон, Техеран и посредниците интензивно работат на финализирање на договорот, иако од Иран претходно порачаа дека потпишувањето можеби нема да се случи во рокот што го најави американската страна.

И покрај нападот, Трамп останува оптимист. Во изјава за „Фокс њуз“ тој рекол дека очекува договорот со Иран да биде потпишан многу брзо, дури и „во следните два до три часа“.

The post ДАЈТЕ СЕГА ДА НЕ ОПЛЕСКАМЕ КОГА ЧЕКАМЕ ДОГОВОР! Трамп бесен на Нетанјаху и на Хезболах поради нападите appeared first on plusinfo.mk.

Израелските одбранбени сили соопштија дека сирените се огласиле во северен Израел откако биле лансирани четири ракети од Иран, додека системите за воздушна одбрана биле активирани за да ја пресретнат заканата.

Ова е прв ирански напад по кревкото примирје што стапи на сила на почетокот на април, што дополнително ќе ги искомплицира дипломатските напори за постигнување траен договор за завршување на војната.

ИДФ исто така изјави дека, по израелскиот напад во Бејрут и проценката на ситуацијата, силите се во состојба на готовност за можен оган од Иран во наредните часови.

„ИДФ ги зајакна своите одбранбени капацитети и одржува високо ниво на готовност и подготвеност за разни одбранбени и офанзивни сценарија“, изјави портпаролот на израелската војска.

Во соопштението се додава дека високи воени претставници ја проценуваат ситуацијата и внимателно го следат развојот на настаните.

Според американските медиуми, американскиот претседател Доналд Трамп е информиран за ситуацијата.

Техеран претходно предупреди дека ќе одговори откако Израел ги нападна јужните предградија на Бејрут во неделата, и покрај барањата на САД да се воздржи од напади. Израел го опиша нападот како одмазда за тоа што шиитското движење Хезболах, поддржано од Иран, испука ракети во северен Израел претходно во текот на денот.

Израелскиот напад врз Бејрут се случи неколку дена откако либанската и израелската влада постигнаа договор за прекин на огнот во преговорите посредувани од САД. Иран претходно предупреди дека нападот врз Бејрут би можел да доведе до поширока војна на Блискиот Исток, додека Пакистан се обидува да ги оживее разговорите меѓу Техеран и Вашингтон. Техеран инсистира дека секој договор мора да вклучува крај на војната во Либан.

Претседателот на иранскиот парламент, Мохамед Багер Галибаф, навести можност за одмазда, велејќи на мрежата X дека „морската блокада што САД ја наметнаа врз иранскиот народ, заедно со денешното зелено светло дадено на ционистичкиот режим, ги прави американските и израелските бази и објекти во регионот легитимни цели“.

Irani missile over Haifa Israel.

Second wave of ballistic missiles launched from Iran against Israel! pic.twitter.com/KmBw4lveIb

— Quick updates (@unseen_updates) June 7, 2026

ИЗРАЕЛ ЌЕ ДОБИЕ „ЦРВСТ И БОЛЕН“ ОДГОВОР ЗА НАПАДИТЕ ВРЗ БЕЈРУТ Легитимна цел се и сите бази на САД, се закани Иран

The post ИРАН ИЗВРШИ РАКЕТЕН НАПАД ВРЗ ИЗРАЕЛ Техеран се закани со проширување на војната appeared first on plusinfo.mk.

Иранскиот пратеник Ебрахим Резаи најави „цврст и болен“ одговор по денешните израелски напади врз јужните предградија на Бејрут.

„Ќе одговориме цврсто и болно на агресијата на ционистичкиот режим кај Бејрут. Овие бесни кучиња мора да ги дисциплинираме и да ги ставиме на нивното место“ – објави Резаи, кој е портпарол на Комитетот за национална безбедност и надворешна политика на иранскиот парламент.

Претседателот на иранскиот парламент и главен преговарач Мохамед Багер Галибаф во меѓувреме изјави дека Иран е подготвен и за директна конфронтација со САД, ако продолжи израелската офанзива во Либан.

– Зеленото светло што САД му го даде на ционистичкиот режим ги претвора американските бази во регионот во легитимни цели, објави Галибаф на платформата Икс.

Тој посочи дека иранската армија е подготвена да дејствува.

– Ако продолжи израелската агресија против Либан, нема да го прекинеме процесот на преговори туку веднаш ќе се впуштиме во директна конфронтација со непријателот, истакна Галибаф.

Претходно Либанската новинска агенција (ННА) јави дека цел на израелските напади биле два стана во квартот Дахија.

Израелскиот премиер Бенјамин Нетанјаху изјави дека најновите израелски напади се одмазда за нападите на Хезболах врз северниот дел на земјата. Израел утрово идентификуваше најмалку пет проектили лансирани од територијата на Либан.

Хезболах засега не ја презеде одговорноста.

The post ИЗРАЕЛ ЌЕ ДОБИЕ „ЦРВСТ И БОЛЕН“ ОДГОВОР ЗА НАПАДИТЕ ВРЗ БЕЈРУТ Легитимна цел се и сите бази на САД, се закани Иран appeared first on plusinfo.mk.

Американскиот претседател Доналд Трамп жестоко го нападнал израелскиот премиер Бенјамин Нетанјаху поради ескалацијата на конфликтот во Либан, обвинувајќи го дека со своите потези го турка Израел во уште подлабока меѓународна изолација. Според американски извори, Трамп во телефонски разговор полн со навреди и остри зборови го нарекол Нетанјаху „луд“, потсетувајќи го дека му помогнал во периодот кога се соочуваше со судски процеси за корупција.

Разговорот се случил во момент кога тензиите на Блискиот Исток дополнително се зголемуваат, а Израел размислувал за нови напади врз цели на Хезболах во Бејрут.

Според двајца американски функционери и уште еден извор запознаен со разговорот, Трамп бил бесен поради израелските воени активности во Либан и му порачал на Нетанјаху дека заканите за бомбардирање на либанската престолнина дополнително ќе го изолираат Израел во светот.

– Луд си. Ќе беше во затвор да не бев јас. Ти го спасувам задникот. Сите те мразат сега. Сите го мразат Израел поради ова – му рекол Трамп на Нетанјаху, според американски функционер.

Друг извор тврди дека американскиот претседател во еден момент го прашал израелскиот премиер:

– Што по ѓаволите правиш?

Според информациите објавени од „Аксиос“, разговорот се случил откако Иран се заканил дека ќе ги прекине разговорите со САД поради израелските операции во Либан. Американската администрација стравувала дека евентуален напад врз Бејрут дополнително ќе ја влоши безбедносната состојба во регионот.

Извори од Вашингтон велат дека Трамп не го оспорувал правото на Израел да се брани од нападите на Хезболах, но сметал дека Нетанјаху во последните денови оди предалеку и непотребно ја продлабочува кризата. Американски претставници изразиле загриженост и поради големиот број цивилни жртви во Либан.

По интервенцијата на Трамп, израелски функционер изјавил дека Израел засега нема да изведува напади врз цели на Хезболах во Бејрут.

Сепак, само неколку часа подоцна следуваше порака дека Израел нема намера да се откаже од воените операции.

Нетанјаху објави дека разговарал со Трамп и му го пренел ставот на Израел дека доколку Хезболах продолжи со нападите врз израелските градови и граѓани, израелската армија ќе ги таргетира неговите позиции во Бејрут.

– Доколку Хезболах не престане да ги напаѓа израелските градови и граѓани, Израел ќе ги таргетира целите во Бејрут – порача Нетанјаху.

Тој нагласи дека Израелските одбранбени сили ќе продолжат со планираните операции во јужен Либан и покрај меѓународните повици за воздржаност и деескалација.

Уште поостар беше министерот за национална безбедност Итамар Бен-Гвир, кој отворено ја критикуваше одлуката на Трамп да ги запре планираните воздушни напади врз јужните предградија на Бејрут.

– Време е да му се каже не на Трамп – изјави Бен-Гвир, додавајќи дека Израел мора да води независна безбедносна политика и да не дозволи надворешен притисок да влијае врз неговите воени одлуки.

Тој порача дека Израел треба да продолжи со нападите врз Хезболах, да ги постигне своите воени цели и да обезбеди безбедност за жителите на северниот дел од земјата.

Размената на остри пораки меѓу Трамп и израелското раководство открива сериозни несогласувања меѓу Вашингтон и Тел Авив околу начинот на кој треба да се води конфликтот со Хезболах, во време кога постои стравување дека судирите би можеле да прераснат во поширока регионална војна.

The post „ЛУД СИ, ЌЕ БЕШЕ ВО ЗАТВОР ДА НЕ БЕВ ЈАС“ Трамп му се развикал на Нетанјаху, Бен-Гвир порача: „Време е да му кажеме не“ appeared first on plusinfo.mk.

Израелскиот премиер Бенјамин Нетанјаху вечерва го потврди 10-дневниот прекин на огнот во конфликтот на Израел со либанската милиција Хезболах, поддржана од Иран, но рече дека израелските војници ќе останат во „засилена безбедносна зона“ во јужен Либан, јави ДПА.

– Се согласив на привремен прекин на огнот од 10 дена – рече Нетанјаху во видео порака по објавата на американскиот претседател Доналд Трамп дека договорил примирје меѓу Израел и Либан.

Целта е да им се даде шанса на разговорите за мировен договор со Либан, кои започнаа со состанок на претставници од двете земји во Вашингтон во вторникот, рече Нетанјаху.

Израел има две главни барања: разоружување на Хезболах и договор за траен мир меѓу двете држави, нагласи премиерот, пренесува германската агенција.

За време на прекинот на огнот, израелската армија ќе остане во „засилена безбедносна зона“ во јужен Либан, рече Нетанјаху.

Тој рече дека зоната се протега од Медитеранот до сириската граница и е широка околу 10 километри. Според Нетанјаху, намерата е да се заштитат градовите во северен Израел од нападите на Хезболах.

– Имаме можност да склучиме историски мировен договор со Либан – рече Нетанјаху.

Израелскиот премиер потврди дека Трамп ги поканил него и либанскиот премиер Џозеф Аун на разговори за таков договор, како што објави Трамп на социјалните мрежи.

– Оваа можност постои само затоа што Израел постигна фундаментална промена во рамнотежата во борбата против Хезболах во последните години – рече израелскиот лидер.

The post НЕТАНЈАХУ ГО ПРИФАЌА ПРИМИРЈЕТО СО ЛИБАН, НО НЕ ЈА ПОВЛЕКУВА ВОЈСКАТА Ќе остане во „засилена безбедносна зона“ appeared first on plusinfo.mk.

Генералниот секретар на Обединетите нации, Антонио Гутереш, остро ги осуди масовните израелски воздушни напади врз Либан, во кои, според него, се убиени и ранети стотици цивили, меѓу нив и деца, а значително е оштетена и цивилната инфраструктура, објави новинската агенција ДПА.

– Гутереш недвосмислено ги осудува масовните напади. Генералниот секретар остро ја осудува загубата на цивилни животи и е длабоко загрижен поради растечкиот број жртви – изјави неговиот портпарол Стефан Дужарик.

И покрај прекинот на огнот во конфликтот со Иран, Израел започна интензивни напади врз цели во Либан, вклучително и главниот град Бејрут. Либанското Министерство за здравство соопшти дека се убиени најмалку 254 лица, а 837 се повредени.

Израелската војска тврди дека целела команданти на Хезболах и нивна воена инфраструктура, но либанските власти наведуваат дека меѓу жртвите има голем број цивили. Во нападите се уништени и бројни станбени објекти.

Високиот комесар на ОН за човекови права, Фолкер Турк, го оцени обемот на нападите од средата како „ужасен“.

– Таков масакр, само неколку часа по договорот за прекин на огнот со Иран, е целосно несфатлив. Тоа врши огромен притисок врз кревкиот мир што им е очајно потребен на цивилите – рече Турк.

Црвен крст соопшти дека е „згрозен од катастрофалните човечки загуби и уништувањето“ во густо населените делови на Либан, додавајќи дека земјата повторно тоне во „паника и хаос“.

Сцени на уништување и ужас во Бејрут

Воени авиони срамнија со земја повеќе згради во центарот на Бејрут, кревајќи густ чад над градот, во, како што го нарече израелскиот министер за одбрана, „ненадеен удар“ врз Хезболах, објави Гардијан.

Главниот град беше преполн со уништени автомобили и запалени остатоци од објекти што службите за итна помош тешко ги гаснеа, додека Израел бомбардираше повеќе од 100 цели поврзани со Хезболах низ земјата.

Болниците упатија итни апели за дарување крв, а Министерството за здравство ги повика граѓаните да ги расчистат улиците за да им се овозможи непречен пристап на амбулантните возила. Граѓаните во паника брзаа да ги проверат своите семејства.

Еден маж бил снимен како трча кон оштетена зграда во населбата Чија, извикувајќи: „Има луѓе внатре!“ На социјалните мрежи се споделуваа снимки од деца покриени со прашина од урнатините, додека семејствата очајно ги бараа своите блиски.

Израел не го признава примирјето

Портпарол на израелската армија на арапски јазик најави дека нападите ќе се прошират подлабоко во Бејрут, откако претходно беа концентрирани во јужните предградија, каде што поддршката за Хезболах е силна. Тој посочи дека групата „се препозиционира“ во мешаните делови на градот и најави дека израелските сили ќе ги таргетираат нејзините борци без оглед на локацијата.

Набргу потоа беше срушена уште една зграда во населбата Талет ал-Кајет во западен Бејрут, која досега не беше погодена во конфликтот. Најавата дека нападите може да зафатат кој било дел од градот предизвика страв кај жителите.

– Каде да одам? Цел Либан е засегнат. Израел заврши со Иран и сега се свртува против нас – изјави жител кој побара анонимност.

Либан е „одделен конфликт“

Кабинетот на израелскиот премиер Бенџамин Нетанјаху соопшти дека двонеделното примирје на Блискиот Исток не се однесува на Либан, што е спротивно на тврдењата на пакистанските посредници.

По почетното молчење, и претседателот на САД, Доналд Трамп, изјави дека Либан претставува „одделен конфликт“ и не е дел од договорот. Израелскиот министер за одбрана Израел Кац посочи дека двете боишта – Иран и Либан – се одвоени и дека целта е „да се промени реалноста во Либан и да се отстранат заканите за населението на север“.

Иран размислува за повлекување од примирјето

За разлика од САД и Израел, Иран смета дека Либан е опфатен со договореното двонеделно примирје и, според новинската агенција Фарс, размислува за повлекување од договорот.

Ирански извори за агенцијата Тасним изјавиле дека земјата е подготвена да се повлече од прекинот на огнот доколку Израел „продолжи да го крши примирјето во Либан“. Кризата, како што се наведува, била тема и на разговорите меѓу иранскиот министер за надворешни работи и неговиот пакистански колега.

The post ИЗРАЕЛ ГИ МАСАКРИРА БЕЈРУТ И НАДЕЖИТЕ ЗА МИРОВЕН ДОГОВОР Во страотните напади 254 мртви, главно цивили appeared first on plusinfo.mk.

Израелската армија синоќа започна воздушен напад врз јужните предградија на Бејрут, насочувајќи се кон она што го нарекува инфраструктура на либанското милитантно движење Хезболах, поддржано од Иран.

Цел на нападите е населбата Дахија, густо населен комерцијален и станбен округ во јужните предградија на Бејрут, објавува Гардијан.

Израелските одбранбени сили еден ден претходно наредија итна евакуација на жителите на јужните предградија на Бејрут, каде што живеат околу 500.000 луѓе кои се обидуваа да избегаат во огромни конвои возила кои едвај се движеа поради толпата.

Гардијан објави дека сообраќајот е во целосен застој низ целиот град и илјадници луѓе пешачат, жени туркаат колички меѓу запрените возила. Семејствата ги молат службите за спасување да им помогнат на постарите лица кои не можат сами да излезат од своите станови и куќи.

Израел од понеделникот напаѓа делови од областа Дахија, а десничарскиот израелски министер Безалел Смотрич денес се закани со општо уништување на тој дел од градот, што важи за упориште на Хезболах.

Наредбата за евакуација во градот Бејрут беше издадена еден ден откако израелската армија им нареди на сите жители да ја напуштат другата гранична област јужно од реката Литани, што е околу 10 проценти од територијата на Либан. Ова предизвика загриженост дека Израел се подготвува за копнена инвазија.

Светските лидери, вклучувајќи го францускиот претседател Емануел Макрон и шпанскиот премиер Педро Санчез, апелираа до Израел да ги намали нападите и да спречи ширењето на американско-израелската војна против Иран на нов фронт во Либан.

Израел тврди дека му се одмаздува на Хезболах за неколкуте истрелани ракети врз северен Израел во понеделникот.

Според либанското Министерство за здравство, во досегашните израелски напади се убиени повеќе од 120 лица, а околу 700 се ранети.

The post ДРАМА ВО ЈУЖНИТЕ ПРЕДГРАДИЈА НА БЕЈРУТ Израел бомбардира, луѓето бегаат во паника appeared first on plusinfo.mk.

Во јужните предградија на Бејрут се урна зграда погодена од нови напади на израелската армија.

Од објавените фотографии се гледа дека проектилот удрил во долните катови, по што целата конструкција се урнала.

Либанската агенција Ани утринава јави дека станува збор за „втор напад од израелски непријателски авион“.

Нападот бил насочен кон секторот Гобеири, недалеку од најголемиот парк во либанската престолнина.

Утринава израелската армија повторно ги гаѓаше упориштата на проиранскиот Хезболах, во предградијата на Бејрут, по апелот за евакуација кој претходно беше испратен до населението.

Бомбардирањето на цели во Либан започна на 23 септември, а израелската армија започна копнена офанзива на југот на земјата на 30 септември.

للاسف https://t.co/Kcaa2LBMz5

— Beirut Lubnan (@PhSaharali) November 15, 2024

The post 📽 ЗГРАДА СЕ СРУШИ КАКО КУЛА ОД КАРТИ Израел жестоко го нападна Бејрут appeared first on plusinfo.mk.

Израел изврши воздушни напади во петокот утрината врз јужните предградија на Бејрут, први напади врз градот по речиси една недела, објави француски РФИ.

Најмалку 10 напади беа извршени откако израелската армија нареди евакуација на зградите во упориштето на Хезболах.

Снимките од нападите покажуваат експлозии, проследени со облаци од чад кои се шират во предградијата.

„Нападите предизвикаа сериозно уништување во целните области бидејќи десетици згради беа срамнети со земја, покрај избувнувањето пожари“, соопшти либанската Национална новинска агенција (ННА).

Нападите се случија еден ден откако израелскиот премиер, Бенјамин Нетанјаху, се состана со американски официјални претставници за да разговараат за можниот договор за ставање крај на војната во Либан што резултираше со зголемени жртви од двете страни на границата.

The IDF strikes the suburbs of Beirut 10x pic.twitter.com/7u6c0X0TGE

— Mossad Commentary (@MOSSADil) November 1, 2024

The post 📽 ДЕСЕТИЦИ ЗГРАДИ СЕ СРАМНЕТИ СО ЗЕМЈА ВО БЕЈРУТ Израел изврши жестоки напади врз Хезболах appeared first on plusinfo.mk.

Израелските одбранбени сили (ИДФ) синоќа објавија дека планираат да нападнат „голем број“ локации. Повеќето од нападите беа насочени кон филијали на Ал-Кард Ал-Хасан, банка без лиценца која се смета за еден од главните извори на готовина на Хезболах.

Експлозиите најпрвин се слушнаа во јужниот дел на главниот град и низ долината Бека, но висок израелски разузнавач нагласи дека цели биле погодени „ширум Либан“. Еден од нападите беше извршен во близина на меѓународниот аеродром Рафик Ал Харири.

Се појавија снимки на кои се гледа уривање на зграда погодена од Израелците. Споменатата зграда беше прогласена за цел само неколку часа претходно.

Портпаролот на ИДФ, Даниел Хагари, ги предупреди цивилите: „Секој, што е во близина на места кои се користат за финансирање на терористичките активности на Хезболах, мора веднаш да си замине“.

Israel is literally wiping out apartment buildings in Beirut tonight.

Let that sink in—residential buildings full of Lebanese families.

In what universe is this considered “self-defense”? pic.twitter.com/KpTN3AO1d7

— sarah (@sahouraxo) October 20, 2024

Вечерашниот напад се случи откако Израелците вчера објавија дека ја нападнале разузнавачката служба на Хезболах во Бејрут.

„ИАФ (Израелските воздухопловни сили) извршија напад врз командниот центар на разузнавачкиот штаб на Хезболах и врз подземната работилница за оружје во Бејрут“, се наведува во соопштението.

Како одговор на овие напади, израелската армија соопшти дека вчера беа истрелани 160 ракети преку либанската граница кон северен Израел.

Тензиите меѓу израелската армија и Хезболах се зголемија откако Хамас го нападна Израел на 7 октомври минатата година.

The post 📽 КОЈ ВЕ ПЛАЌА, ТОЈ ЌЕ ПЛАТИ Експлозии низ цел Бејрут, Израел ги напаѓаше финансиерите на Хезболах appeared first on plusinfo.mk.