Манипулациите на Заев

„Заев, како марионетски поставен премиер од 31 мај 2017, по пресвртот во државата направен во тоа време главно со поддршка од надворешни фактори, иако надгледуван, имаше делегирано голема моќ и одврзани раце од оние кои го донесоа на таа позиција, па освен кој и за што да се гони и да се прогласи виновен, тој ги одредуваше и годините затвор кои обвинителството требаше да ги побара, а судијата требаше некому да ги додели, темпото на судење во моменти кога му се брзаше за некој случај и прогонета личност, кој и кога да влезе и излезе од притвор и слично.

Кај некои од жртвите на политичкиот прогон тој имаше една неверојатно шизофрена улога. Најпрвин по негова директна инструкција се притвораа некои од нив, па потоа кога блиските на истите по разни канали бараа спас да ги извлечат од мизерните услови во незаслужениот притвор, тој беше ‘добриот што треба да му се памети добрината’ кој ги примаше, сослушуваше, ‘сочувствуваше’ и кој по долги молења и разговори ги ослободуваше. И не го криеше во разговорите тоа. Сето ова го знам од прва рака од луѓето кои од мака и безизлез се среќавале со него“, пишува Груевски.

Муртинецот Ден Дончев

Имало и такви кои оделе на „превентивен разговор“ кај Заев, дел од нив толку често, што умилкувајќи му се, се спријателиле со него и дури совети му давале.

„Имаше такви на кои тој за противуслуга им бараше не само да дадат изјава против мене во обвинителството, туку да пробаат да ги убедат сите други обвинети во случаите каде бев јас, да дадат инкриминирачки изјави против мене. Некогаш таквите брања ги испорачуваа други високи функционери овластени од него. Се сеќавате на аудио снимката на Ден Дончев, тогаш директор на ФЗОМ, кога на согооврникот му раскажува како извршил притисок на еден министер од мојата влада, условувајќи го за да нема лични проблеми, да даде изјава против мене: ‘Се согласи да даде лоша изјава против Груевски’, гордо поентираше Ден Дончев, соселанин на Заев и мешетар кој промени повеќе партии и политички структури, кого потоа на видео го видовме како во кеш ја собира наградата за својот труд за ‘нацијата’“, пишува Груевски.

„Авторитетниот“ Мартин Протоѓер

„Неколкумина меѓу кои и мојот поранешен шеф на кабинет Мартин Протоѓер, за кој сега се зборува дека наводно се подготвувал да биде дипломатски придружник во една држава, поранешниот заменик министер за правда Билјана Бошковска Бришковска, но и неколку други, мошне ревносно и активно се посветија на таа дејност на директна и превентивна комуникација и умилкување на Заев, со цел да не ги стави Заев во затвор и посветено и секојдневно работеа одејќи од обвинет до обвинет, убедувајќи ги да ја истргуваат нивната сигурна слобода со калемење вина на мене. ‘Така ние ќе се спасиме, а Груевски и онака нема никогаш да се врати’, ги убедуваше преплашените обвинети сè уште ‘авторитетниот’ Протуѓер заради позицијата која му ја бев доделил во минатото“, пишува Груевски.

Павле најде да збори?!

Груевски го коментираше и исказот на Павле Трајанив дека Груевски не требало да го прифати Пржинскиот договор и СЈО. За ова поранешниот премиер вели:

„Не можев да поверувам дека навистина Павле го кажал тоа. Ајде да го кажал некој граѓанин, кој не ги знае околностите и деталите од тоа време, да разберам некако. Ама Павле?!

Зошто? Токму неговото, на Павле Трајанов и на Лилјана Поповска, напуштање на владиното мнозинство, нè остави без мнозинство во парламентот во таа 2015 година, што беше клучната причина зошто прифативме Пржински договор и особено Специјално јавно обвинителство.

Можеби другите негови и на Л. Поповска прелетувања од еден во друг политички табор низ годините, со цел да останат на власт, немале некакво крупно влијание на иднината на земјата, на граѓаните и македонската нација, но она во 2015 година имаше огромно, би рекол решавачко влијание.

Ние ги издржавме сите притисоци за СЈО, вклучително и директните телефонски јавувања на В. Нуланд и на други претставници на меѓународната заедница, кои беа во правец да се прифати СЈО“, сведочи Груевски.

Една вечер, ние, Павле, Бејли, Али и Мендух

„Но, во еден миг – продолжува Груевски – една вечер, после целодневни дебати во Пржино, кога веќе Павле Трајанов и Лилјана Поповска беа престроени, дојде тогашниот амбасадор на САД Џес Бејли, заедно со Али Ахмети и Мендух Тачи, во собата каде бевме ние шестмина од ВМРО-ДПМНЕ. Амбасадорот со неговиот преведувач седна околу метар-два зад нив, демек тие се преговарачите, а не тој, тие седнаа пред него, а наспроти нас, очигледно двајцата под огромен притисок.

Првиот кратко ни кажа дека ако таа вечер не го прифатиме формирањето на СЈО, тие утредента ќе објават и ќе излезат од владата, а вториот само кратко додаде: „А ние нема да влеземе“. Во позадина се гледаше задоволното лице на амбасадорот.

Што ќе значеше тоа? Тоа всушност ќе значеше, после прелетувањето на Павле и на Лилјана, немање мнозинство во парламентот…

Откако заминаа од собата, ние шестмината разговаравме, размислуваме, разменивме мислења, се чувме и со повеќе други членови на ИК. Беше јасно дека ако не прифатиме, утредента ќе се реализира заканата и веднаш ќе се види дека владата нема мнозинство, а веројатно брзо ќе има ново мнозинство. Во таква ситуација проценивме дека ќе имаат СЈО какво што ќе решат самите, закони какви што ќе решат самите, односно како што ќе им кажат да решат, и многу повеќе од тоа.

Прифаќањето на СЈО било маневар за да се добие на време

„Оставени без клучната карта наречена ‘мнозинство во парламентот’, прифаќањето на СЈО беше единствен начин како партија да добиме на време. И добивме уште речиси две години за активности и борба за промена на ситуацијата, особено на јасното надворешното влијание. Ангажиравме и логистичка куќа и ги направивме сите потребни чекори. За жал, картите не беа наместени во наша полза и во полза на Македонија, меѓународните околности во меѓувреме не се променија, и покрај сите наши напори и обиди да влијаеме, а дадовме сè од себе. Во тие две години вложивме огромен труд и напори“, пишува Груевски и додава дека „администрацијата на длабоката држава, Сорос, неколку супер моќни тајни служби и армија луѓе ангажирани од нив, другите меѓународни актери и многу пари (овие пари на УСАИД за кои се коментира во последните недели се само врвот на сантатата мраз), останаа зад своите зацртани позиции и веќе донесени одлуки за насилна промена на власта во Македонија и инсталирање на ненародна власт со политичка марионета на власт по секоја цена“.

Павле е кабаетлија и за Преспанскиот и за Договорот со Бугарија

Во врска со прифаќањето на Пржинскиот договор и на СЈО, Груевски додава:

„Ако нашето парламентарно мнозинство останеше компактно, ако Павле Трајанов и Лилјана Поповска не ја напуштеа коалицијата во тоа одлучувачко време за Македонија и за македонската нација, немаше теоретски шанси да прифатиме СЈО ниту пак таков пржински договор.

Павле Трајанов е доволно искусен во политиката и сигурно го знае ова и го знаел и тогаш, како што добро знаел што направи најпрвин во август 2017 година, кога не го крена својот глас и не го напушти кревкото владино мнозинство во предвечерието на потпишувањето и на гласањето на договорот со Бугарија во Скопје, кој пак договор даде легитимитет на понатамошните постапки на Бугарија, и во 2018 година кога јавно ги повика пратениците во парламентот да го поддржат Преспанскиот договор и промената на Уставот предложени од Зоран Заев.

Затоа сум збунет што Павле Трајанов воопшто дава такви оценки, бидејќи беше директен актер и причина за прифаќањето на СЈО и таквиот Пржински договор. Независно дали чекорот го направил поради притисок каков што видов со свои очи таа вечер што погоре ја опишав, или како и обично пред избори направил вообичаено престројување за да продолжи да е власт, или комбинација на двете претпоставки, тој е последниот во Македонија што треба да кажува требало или не требало да се прифати СЈО“, пишува Груевски.

(Насловот, поднасловот и меѓунасловите се редакциски)

The post „ПРЕДАВСТВАТА“ НА ПАВЛЕ, ЛИЛЕ, ДЕН ДОНЧЕВ, ПРОТОЃЕР… Груевски сведочи за деновите на поразот од „длабоката држава“ appeared first on plusinfo.mk.

– Мислам дека САД би биле разочарани ако се случат натамошни постапки од ваква природа. Додека поминувате низ процесот и отворате поглавја, одредени земји ќе сакаат да се уверат дека самите критериуми се исполнети, така што ќе има и други прашања на патот. И затоа мислам дека е важно секое прашање да не се гледа како нелегитимно прашање меѓу земјите-членки, бидејќи тоа е дел од процесот. Ќе биде долг процес да се помине низ некои од тие поглавја, особено за владеењето на правото. Земјата ќе биде под голем надзор, тоа е јасно, како и Албанија и другите. Но, мислам дека сум оптимист. Мислам дека луѓето ќе видат дека ова ќе се случи. Но, не можам да кажам кога – изјави Бејли.

Тој вели дека и Преспанскиот договор, како уставните измени сега, бил критикуван на почетокот, но дека веќе никој не го спори позитивниот исход од него.

– За жал, сега го имате ова бугарско вето за придвижување на процесот напред. Има јасно решение изнесено таму. Тоа решение не им се допаѓа на сите. Но, мислам дека пет години отсега со спроведување на уставните измени, пет години во иднина, луѓето ќе увидат дека тоа е позитивен чекор за земјата. Сфаќам дека многу луѓе се противат и сочувствувам со фрустрацијата на луѓето поради тоа – вели Бејли.

Тој вели дека уставните измени ќе ја засилат позицијата на државата, а проблем на Бугарија е тоа што не го признава македонското малцинство и покрај пресудите на Судот во Стразбур.

– Тие имаат свој систем. Јас не гледам зошто некој не би препознал група во земјата. Не знам. Секоја земја има различни начини да го прави тоа. Северна Македонија е многу инклузивна земја во тој поглед, и отсекогаш била, и мислам дека уставниот амандман предложен во моментов само го зголемува тоа, така што ако Бугарија одлучи да не го прави тоа, добро, тоа е нејзин проблем – вели поранешниот американски амбасадор во Скопје.

Според него, ако државата сега не ги почне преговорите, не е јасно колку долго дополнително ќе биде одложено пристапувањето во ЕУ.

Тензиите меѓу Косово и Србија се причина за загриженост и можат да разгорат безбедносни проблеми, смета Бејли, но членството на Северна Македонија во НАТО „ја прави таа ситуација да не биде толку акутна како што можеше да биде инаку“.

– На крајот, кога ќе погледнам пет години наназад, Преспа ми изгледа како добар договор. Северна Македонија е во НАТО како што беше предвидено откако го реши проблемот, нејзините односи со Грција се значително подобри, вклучително и во важни области како што е енергијата, а сега Македонија е опкружена со соседи, кои се нејзини цврсти сојузници во безбедносната алијанса. Тоа е многу поинаква ситуација од онаа што ја имавте во 2018 година – изјави за ВОА Џес Бејли.

The post ЗА ПЕТ ГОДИНИ ЌЕ СЕ ВИДИ ЌАРОТ Поранешниот амбасадор Бејли за користа од уставни измени appeared first on plusinfo.mk.