На предлог на Министерството за транспорт, Владата ги усвои измените на Законот за градење и Законот за градежно земјиште, со кои се поттикнува економскиот развој на државата и на општините, се овозможуваат подобри и поквалитетни услуги за граѓаните и се овозможува рационално користење на јавните добра.

Со измените на Законот за градежно земјиште конечно се воспоставува ред во линиската подземна инфраструктура (оптички кабли, телекомуникациска мрежа, водоводни и канализациони системи, гасоводни мрежи, нафтоводи, итн.) и за прв пат ќе се овозможи нивно впишување во евиденцијата во Катастарот на инфраструктурни градби во Агенцијата на катастарот за недвижности. Целта е да се има јасен увид во целокупната линиска инфраструктура во државата заради соодветно и рационално планирање на нови градби од овој тип.

Со измените се овозможува општините да можат да располагаат со градежното земјиште предвидено со урбанистички план за Технолошки индустриски зони со цел да имаат економски развој и можност за домашните компании полесно да ги реализираат своите инвестициски планови. Дополнително со измените се врши усогласување на Законот за градежно земјиште со Законот за урбанистичко планирање.

Во однос на Законот за градење, со измените се предвидува подобрување на условите за регулирање на имотно правниот статус на базните станици на телекомуникациските компании, а преку тоа и поквалитетни и поефикасни телекомуникациски услуги за граѓаните.

Дополнително со измените во Законот за градење се подигнува нивото на квалитет на технички преглед на градбите од прва категорија, преку зголемување на критеруимите за формирање Комисија за технички преглед и професионален пристап за спроведување на техничките прегледи на градбите од прва категорија.

The post ПОДЗЕМНАТА ИНФРАСТРУКТУРА ЌЕ СЕ ВПИШЕ ВО КАТАСТАР Ќе се регулира и статусот на базните станици appeared first on plusinfo.mk.

Првите мобилни телефони

Во 1996 година, мобилните телефони почнаа масовно да се употребуваат и направија вистинска револуција во комуникацијата и поврзаноста. Со поставувањето 16 базни станици коишто имаа капацитет за 25.000 корисници, тогашниот мобилен оператор МобиМак за првпат им овозможи на македонските корисници да направат повик во движење и да комуницираат преку сопствен уред додека се надвор од домот и канцеларијата.

Со текот на времето, мрежниот сигнал стануваше сѐ пораспространет и подостапен, а телефоните сѐ помали и побрзи. Вртоглаво брзата еволуција на мобилната мрежа го најави своето доаѓање – откако беше промовиран 2G стандардот, повеќе ништо не беше исто.

Непосредно пред новиот милениум, бројот на базни станици на територијата на Македонија се зголеми, а капацитетот за обезбедување услуга на корисниците се прошири до 70.000. Брзиот развој на мрежата на тогашен МобиМак веќе следната година овозможи услуга за 170.000 корисници и покриеност на 80% од територијата на земјата. Истата година беше промовирана и GPRS технологијата, којашто на корисниците во Македонија за првпат им обезбеди податочни услуги со брзина до 48 Kbit/s.

Ширење на мобилната мрежа

Со преминот кон 2000-те, стана кристално јасно дека мобилните технологии ќе ја обележат нашата иднина. За петтиот роденден, првиот македонски оператор повторно ја зајакна мрежната инфраструктура, покри 90% од населението и можеше да опслужи 270.000 корисници. Во меѓувреме, компанијата стана дел од Групацијата Дојче Телеком, се ребрендираше во T-Mobile Македонија и стана првиот оператор којшто ја претстави EDGE технологијата со која овозможи побрзи податочни услуги.

Следната голема револуција во однос на мобилната мрежа се случи во 2009 година, кога T-Mobile Македонија за првпат го имплементираше новиот мрежен стандард 3G. Брзината почна да се мери во Mbit/s, прикачувањето и преземањето видеа беше олеснето, а социјалните мрежи само што го започнаа својот подем. Стануваше очигледно дека корисниците реагираат позитивно на новите технологии, интересот за нив се зголеми и се отвори потенцијал за развој на мобилната мрежа којшто покажуваше нова перспектива за она што допрва ќе се случува.

Пионери во новата ера на технологии

Со претставувањето на стандардот 4G (LTE) навистина почувствувавме како е кога „ја живееме иднината“. Почнувајќи од октомври 2013 година, корисниците на Македонски Телеком можеа да користат мобилен интернет со брзини до 150 Mbit/s и услуги базирани на оваа нова технологија. Конечно, мобилната мрежа доби функционалности коишто овозможија смартфоните да станат неизоставен дел од нашето секојдневние, алатка за работа, комуникација и забава. Само две години подоцна, се случи и надградбата на 4G+ и се овозможија уште поголеми брзини коишто во 2015 година двојно се зголемија. До денес, 4G технологијата е најшироко распространетиот мрежен стандард. Таа овозможува низа функционалности коишто пред само 10-15 години не можевме ниту да ги замислиме.

Подготовки за новата 5G технологија

Но светот оди напред, а технологиите за мобилни комуникации постојано се развиваат со многу брзо темпо. Во 2018 година, Телеком беше првиот оператор којшто го изведе првото 5G демо во Македонија и измери брзини над четири пати поголеми од брзините на 4G мрежата. Веќе наредната година, Македонски Телеком ја постави првата тестна 5G мрежа во Скопје и Охрид, со што се овозможи тестирање на оваа технологија во реални услови и притоа беа измерени гигабитски брзини на пренос.

Годинава, мрежата на Телеком се модернизира на целата територија со што се создаваат реални услови за воведувањето на најновите технологии во мобилните комуникации – 5G генерацијата, којашто ќе се имплементира кога ќе има предуслови за тоа.

Цели 25 години по поставувањето на првата мобилна мрежа во земјата не можеме а да не се запрашаме колку мобилната техологија го смени начинот на комуницирање и колку со новата 5G технологија, којашто е на повидок, ќе се смени целото наше општество и начинот на кој живееме.

The post ОД ПРВОТО АЛО ДО НАЈНОВИТЕ ТЕХНОЛОГИИ Македонски Телеком одбележува 25 години мобилна телефонија во Македонија appeared first on plusinfo.mk.

За личен документ повеќе се чека во Скопје, но периодот на чекање веќе значајно се намалува, изјави министерот за внатрешни работи Оливер Спасовски во гостувањето на „Утрински брифинг“.

Тој кажа дека службите работат со продолжено работно време и за време на викендите, со цел граѓаните што поскоро да ги добијат своите пасоши, возачки дозволи и лични карти.

-За споредба, минатата година во месец мај имавме пријави за околу 31.500 патни исправи и околу 42 илјади за пасоши во јуни. Сега просечно дневно се јавуваат околу три илјади граѓани и илјада се пријавуваат преку интернет страницата или во месец мај се закажани 65 илјади термини за лични документи, а во јуни 66 илјади – изјави Спасовски.

Тој додаде дека личните документи кои биле побарани до стапувањето на сила на новиот закон, односно до 1 јули, се изготвени сите до еден.

– Од 1 јули тргнавме со новиот систем на податоци, со примена на новото уставно име и примената на Законот за јазиците. Поголемиот термин на чекање е во Скопје, но сето тоа се намалува. Воедно, со новиот систем првпат поставуваме десет фиксни базни станици низ државите низ Европа, за да немаме веќе мобилни станици. Сега нашите државјани во дијаспората може да се фотографираат во ДКП-ата – рече Спасовски.

The post Спасовски: Полесно ќе се добиваат лични документи во дијаспората appeared first on plusinfo.mk.