Во ек на борбата со пожарите што беснеат низ повеќе делови од земјава, волонтерите на Црвениот крст и денеска се на терен, давајќи активна поддршка на службите за заштита и спасување.

„Со несебична посветеност, нашите тимови се вклучени во логистичка поддршка, обезбедување на опрема и асистенција таму каде што е најпотребно“, соопштија од Црвениот крст. Посебно важна улога имаат базените кои се ставени на располагање за полнење со вода на хеликоптерите, со што се овозможува побрзо и поефикасно гаснење на огнените фронтови.

Од организацијата нагласуваат дека се целосно мобилизирани и подготвени да обезбедат дополнителна помош и ресурси доколку ситуацијата се влоши.

„Ова е време кога солидарноста и брзата реакција спасуваат животи и имоти. Црвениот крст ќе продолжи да биде таму каде што е најпотребно“, велат од хуманитарната организација.

The post 📽️ 📷 ВОЛОНТЕРИТЕ НА ЦРВЕНИОТ КРСТ ГО ЗАЈАКНУВААТ ФРОНТОТ Базени за хеликоптери, логистика и пожртвуваност при гаснењето на огнот appeared first on plusinfo.mk.

Скопскиот аквапарк кај Спортскиот центар „Борис Трајковски“ останува затворен и ова лето, откако 2 години не е во функција.

Причината, како што објаснуваат од Центарот за Плусинфо, е несоодветното одржување во изминатиот период, поради што настанале сериозни оштетувања – како во базените, така и во пумпите што ги циркулираат водата и хемикалиите низ целиот систем.

Иако дел од реквизитите, како тобоганите, се во добра состојба ама проблемот е во тоа што нивните гаранции се истечени, па без обновени безбедносни сертификати не можат да се користат. Во моментов се изработува проценка на состојбата и вредноста на аквапаркот, која ќе послужи како основа за одлуката околу неговото понатамошно управување.

Од СЦ „Борис Трајковски“ велат дека се разгледуваат две можности: повторно ставaње под управување на Спортскиот центар или давање под концесија на приватен оператор кој би ја презел санацијата и обезбедувањето на потребните сертификати.

Оттаму појаснуваат дека не е потребна целосна реконструкција, туку насочени градежни и технички зафати.

Аквапаркот беше отворен во 2015 година и содржи 10 тобогани, базени за деца и возрасни, мрзлива река, бранови, кафе-барови, соблекувални и административна зграда со ресторан. Неговото затворање и запуштање го прават уште еден од значајните јавни објекти што чека системско решение.

Неговото затворање и запуштање го прават уште еден од значајните јавни објекти што чека системско решение.

The post СКОПСКИОТ АКВАПАРК И ОВА ЛЕТО СКАПУВА ПОД ЖЕШКОТО СОНЦЕ Се бара чаре за враќање на детскиот џагор appeared first on plusinfo.mk.

Јавното претпријатие „Водовод и канализација“ – Скопје апелира до граѓаните за внимателно и рационално користење на водата, поради зголемена потрошувачка што е регистрирана во текот на летниот период.

– Особено апелираме да се избегнува непотребно трошење на водата за полевање на зеленило, бавчи и ниви, за перење на автомобили, за полнење на базени, како и да се спречи злоупотребата преку диви приклучоци – велат од претпријатието.

Од Водовод укажуваат дека ваквите појави не само што го оптоваруваат системот, туку и негативно влијаат на квалитетот на водоснабдувањето за сите граѓани во Скопје.

Граѓаните кои ќе забележат нерегуларности, како што се диви приклучоци, може да ги пријават на телефонскиот број 02 3073 010, преку е-пошта на: kontakt@vodovod-skopje.com.mk или преку веб-страницата: www.vodovod-skopje.com.mk.

The post НЕ ТРОШЕТЕ ВОДА ЗА ПЕРЕЊЕ КОЛИ, ЗА БАЗЕНИ, НИВИ… Апел од Водовод до скопјани за рационализирана потрошувачка appeared first on plusinfo.mk.

Според проценките на Министерството за спорт, само 20 до 30 отсто од градежните активности, се завршени

– Скоро сите базени се завршени околу 20 до 30 отсто. Можам да најавам дека ќе се направи комплетна ревизија, па после ќе донесуваме одлуки. Да направиме една линија, да видиме што е сработено, дали правилно е сработено, па потоа. Но, нешто што е започнато не можеме да го вратиме назад, ќе го завршиме! Меѓутоа мора да напоменам тоа ќе биде по завршувањето на ревизијата – изјави министерот за спорт, Борко Ристовски.

Темелите на штипскиот затворен базен, беа поставени во февруари 2020, со ветување дека наредната година ќе биде готов. Но, децата во градот сеуште чекат на првите часови по пливање. Сега објектот е обраснат со трња и опколен со бодликава жица.

The post МИНАТАТА ВЛАСТ ГИ „ПОТОНА“ БАЗЕНИТЕ Министерот Ристовски најави ревизија на проектите appeared first on plusinfo.mk.

Јавното претпријатие Водовод и канализација – Скопје апелира до скопјани рационално и внимателно да ја користат водата во деновите со екстремно високи температури.

Особено да се избегнува непотребно трошење на водата за полевање на бавчи и ниви, полнење на базени и слично, што предизвикува нестабилност во водоснабдувањето во високите зони на градот, како што е на пример Припор и Сопиште, каде во текот на последните неколку денови е забележана енормна потрошувачка на вода, која доколку не се рационализира може да доведе и до прекини во водоснабдувањето.

„Врз основа на податоците на ЈП Водовод и канализација – Скопје за зголемена потрошувачка на водата, чие дневно производство достигнува и над 340.000 метри кубни вода што е за 30% зголемување во однос на зимскиот период, апелираме до граѓаните на градот Скопје рационално да ја користат и употребуваат водата за пиење, односно да се избегнува полевање поголеми површини, разладување на дворни површини, улици и непотребно трошење на водата за време на топлите денови“ се вели во соопштението.

The post ПОЛЕВААТ БАВЧИ, ПОЛНАТ БАЗЕНИ Припор и Сопиште енормно трошат вода, Водовод со апел за рационално користење appeared first on plusinfo.mk.

Независниот американски претседателски кандидат Роберт Ф.Кенеди Џуниор привлече внимание со тврдењето дека некои од неговите здравствени проблеми, како што се сериозно губење на меморијата и мозочна магла, биле предизвикани од Naegleria fowleri.

Што е тоа?
Naegleria fowleri е термофилна или слободно жива амеба која сака топлина.

Постојат околу 50 видови на Naegleria, но само N. fowleri е познато дека може да ги зарази луѓето и да предизвика примарен амебен менингоенцефалитис (ПАМ).

Оваа амеба постои во три форми – неактивна циста, преоден флагелат и трофозоит.

Може да ја преживее зимата со формирање на циста и цвета во лето, по што се трансформира во својата заразна трофозоитна форма на температура од 35 – 46 °C.

Каде се овие амеби и како да се заштитите, прочитајте ТУКА.

The post АМЕБА ШТО ГО ЈАДЕ МОЗОКОТ Како да се заштитите во текот на летото? appeared first on plusinfo.mk.

Во населбата се планирани шест различни типови куќи, според потребите на купувачите, ќе има дополнително 400 паркинг места, а во близина најавуваат парк од 5.000 метри квадратни кој ќе служи на сите граѓани, а во склоп на комплексот планирана е изградба на хотел и фитнес и спа-центар.

Во населбата се нуди високо ниво на безбедност од специјализирани служби како и следење 24 часа, преку сигурносните камери, вез нарушување на вашата приватност. Се нудат и додатни здравствени услуги, најсофистицирани во регионот, кои ќе бидат на услуга 24/7. Здравствената услуга вклучува: стоматологија, интерна медицина, општа медицина.

Во комплексот се планира да има детски игралишта, спортски терени, интернет, маркет, ресторани со традиционална кујна, пошта, банка, библиотека и книжарница, градинка, надворешен амфитеатар, спа-центар, фонтана, поликлиника, хелиодром, мини кино и друго.

На свеченоста присуствуваа премиерот Зоран Заев, претседателот на Собранието Талат Џафери, лидерот на Демократска унија за интеграција Али Ахмети, градоначалниците на Град Скопје и на Општина Сарај, Петре Шилегов и Блерим Беџети.

Премиерот Зоран Заев истакна дека исклучитекно значајно е тоа што градбата на целиот станбен-деловен комплекс зафаќа само околу 20 проценти од вкупната површина, а остатокот од 80 проценти припаѓа на зеленилото и природата.

– Креаторите на комплексот Планет се прилагодиле на природата и на еколошката функционалност на теренот и во средината на комплексот е централниот парк кој всушност го претставува веќе постоечката шума на границите на локацијата занеговата изградба. Вредоста на оваа инвестиција од 28 милиони евра е сериозно раздвижување и придонес и за нашата вкупна економија и затоа проектот ги заслужува сите пофалби и охрабрувања. Ова дополнително потврдува дека Северна Македонија е добро место за инвестиции. токму овој проект Планет е потврда за тоа што ние најмогу го посакуваме, а тоа е да си ги вратиме нашите луѓе дома, да бидат дома, да инвестираат дома, да го фонесат знаењето стекнато во светот и да го реализираат токму тука, на најубавото место на планетата – република Северна Македонија – рече Заев.

Спикерот на Собранието Талат Џафери истакна дека овој проект да биде поттик и за другите бизнисмени што живеат надвор од државата и порача тие да се вратат не како печалбари, туку засекогаш да се вратат во нашата земја.

Претседателот на ДУИ Али Ахмети рече дека подобра земја од нашата не видел и посочи дека се се постигнува со работа.

– Да создаваме можности, сме создавале услови бизнисмените да се вратат во нашата земја кои придонесуваат со отворањето на нови работни места. Во наши раце и можности оваа земја да ја промениме, оваа земја да ја направиме поубава и подобра од тие што ни ја оставиле во наследство, бидејќи живееме во време со многу напредување како во образование така и во науката за да им го направиме оваа земја среќна за живеење на новите генерации и тие да не си ја гледаат својата иднина во Запад, Америка, и Австралија, бидејќи сонцето подобро грее во својата земја – рече Ахмети.

– Ова е првата населба во Скопје која нуди поинаков концепт на живеење и првата елитна населба од овој вид која се гради како резултат на вашата упорност и визија. Навистина ми е драго што успеавте да препознаете дека политиките кои ги креираше Градот Скопје во изминативе 3 години, пред се, за рамномерен развој на сите делови од градот, помогнаа во вашата одлука да инвестирате во овој проект. Со нашата работа изминативе неколку години, активностите на Владата и општина Сарај, испративме порака до граѓаните и инвеститорите дека Скопје е град кој е еднаков за сите – кажа на промоцијата градоначалникот на Град Скопје, Петре Шилегов.

The post Луксузни вили, хелиодром, базени, фитнес и спа центар, вака ќе изгледа елитната населба во Сарај (ГАЛЕРИЈА) appeared first on plusinfo.mk.

Министерството за социјални работи разгледува различни стратегии со кои би ги натерале Австријците да се вакцинираат против вирусот ковид-19 што е можно помасовно поради ширењето на делта сојот.

Еден од предлозите е вакцинирање на гробиштата под мотото „имунизирај се наместо да лежиш на ова место“.

Идејата е да се вакцинираат во музеите, со бесплатен влез за граѓаните кои сакаат да бидат имунизирани, како и да се отвори „драјв тру“ за возачите на скутери и велосипедистите.

Исто така, се разгледува и акција за вакцинација во општински згради, летни кина, на базен, на планините.

Веќе подолго време има идеи дека вакцинацијата се спроведува на места каде што има млади луѓе и така се спроведува кампањата преку социјалните мрежи.

Во моментов се спроведува кампања за вакцинација на млади жени од странско потекло, со насочени реклами на јазиците на етничките заедници што живеат во Австрија, како и изјави на мајчин јазик на познати личности.

The post Австријците планираат да вакцинираат на гробишта под мотото „Имунизација наместо да лежите на ова место“? appeared first on plusinfo.mk.

Неколку десетици претставници на бизнисот се собраа денеска на протест пред Владата во Приштина, со барање да им се дозволи да ги отворат за посетители нивните објекти кои се на отворено и во кои, како што велат, инвестирале многу во изминатите години.

– Доколку Владата не донесе одлука до вечерва, ние најавуваме дека следниот протест ќе го одржиме на границата со Албанија, за да ги блокираме возилата кои излегуваат надвор од Косово. Истовремено, бараме од Полицијата на Косово да не нé провицира додека ги изнесуваме нашите барања – изјави Диамант Пачаризи, претставник на сопствениците на базени.

Меѓу последните мерки на косовската Влада за спречување на ширењето на епидемијата на новиот коронавирус, беше и онаа за затворање на базените на отворено, меѓутоа Пачиризи вели дека досега нема никаков доказ дека тие одмаралишта биле жаришта на заразата.

Тој порача дека, доколку се утврди оти вирусот се шири од базените, тие самите ќе ги испразнат и затворат.

The post Сопствениците на базени во Косово се заканија дека ќе ја блокираат границата со Албанија appeared first on plusinfo.mk.

– Апелираме граѓаните да се воздржат од полнење базени, наводнување на поголеми зелени површини, полевање на ниви и бавчи со водата од градскиот водоснабдителен систем, со едниствена цел нормално водоснабдување во секој дел од градот Скопје – велат од Претпријатието.

ЈП Водовод и канализација – Скопје ги повикува сите граѓани кои имаат информација за злоупотреба на водоводниот систем преку диви приклучоци, истите да ги пријават на еден од следните контакти:

• 02 3073 010, Дежурно Информативен Центар;
• 02 3240 300, Дирекција
• kontakt@vodovod-skopje.com.mk
• www.vodovod-skopje.com.mk
• www.facebook.com/jpvodovod.skopje

The post Скопјани разумно користете ја водата, не полнете базени appeared first on plusinfo.mk.