Со дури 244 километри на час се движел 21-годишен возач од Батинци на автопатот Скопје-Гевгелија, каде што максимално дозволената брзина е 120 километри на час, објави МВР.

Поради екстремното пречекорување на брзината, полицијата го лишила од слобода, а возилото му било одземено по наредба на обвинител.

Според МВР, случајот бил откриен на 13 јуни околу 20 часот кај селото Милетково, во близина на Гевгелија.

„Полициски службеници констатирале дека И.Р.(21) од село Батинци управувал патничко возило „БМВ“ со скопски регистарски ознаки со брзина од 244 километри на час на место каде што ограничувањето е 120 километри на час“, соопшти МВР.

Против возачот ќе биде поднесена кривична пријава за безобѕирно управување со моторно возило.

Брзината од 244 километри на час е една од највисоките регистрирани на македонските патишта во последниот период. Со таква брзина, возилото се движи со речиси 68 метри во секунда, што значително го намалува времето за реакција и го зголемува ризикот од тешки сообраќајни последици.

Во текот на изминатото деноноќие на целата територија на државата, полициските службеници лишија од слобода 17 возачи кои управувале возило без возачка дозвола, од кои четворица малолетници, а двајца биле и под дејство на алкохол.

The post ПРОШИШАЛ КАЈ МИЛЕТКОВО СО 244 КИЛОМЕТРИ НА ЧАС! Една од највисоките брзини измерени на македонските патишта appeared first on plusinfo.mk.

Пожар избувнал во близина на угостителски објект кај скопското село Батинци, откако засега непознат сторител запалил сува трева во соседен двор.

Според пријавата доставена до СВР Скопје, огнот бил подметнат во дворно место на куќа што се граничи со локалот, по што брзо се проширил низ целиот двор и стигнал до оградата на угостителскиот објект.

Сопственикот на локалот, 40-годишен жител на Студеничани, случајот го пријавил во полиција, наведувајќи дека пожарот се случил претходниот ден околу 11 часот.

Пожарот бил навреме изгаснат, а полицијата презема мерки за утврдување на околностите и пронаоѓање на сторителот.

The post ПАЛЕЛ СУВА ТРЕВА, ЌЕ МУ ЈА ЗАПАЛЕЛ КАФАНАТА НА СОСЕДОТ!? Играње со оган во Батинци appeared first on plusinfo.mk.

Три автомобили изгореа ноќеска во пожар што избувнал во гаража во скопското село Батинци.

Според информациите од полицијата, пожарот бил пријавен околу 3:50 часот по полноќ. Во огнот биле зафатени „ауди“, „фолксваген голф 7“ и „фолксваген голф 8“, сите со скопски регистарски ознаки. Возилата биле сопственост на две скопски фирми.

Екипи на скопската Противпожарна бригада интервенирале на терен и го изгаснале пожарот. За време на интервенцијата, 48-годишен жител на Батинци се здобил со повреда.

Полицијата извршила увид на местото на настанот, а се утврдуваат причините за пожарот.

The post „АУДИ“ И ДВА „ГОЛФА“ ИЗГОРЕА ВО БАТИНЦИ Пожар уништи три возила, при гаснењето бил повреден маж appeared first on plusinfo.mk.

Двете жени, кои денеска пријавија дека се загубиле, се пронајдени на пат помеѓу скопските села Долно Количани и Батинци, но тие не се странски државјанки, туку се од земјава, соопшти Центарот за управување со кризи.

Жените се во добра здравствена состојба и со возило, во придружба на полицијата, веќе се движат кон Драчево.

– Појаснуваме дека, поради грешка во првичната комуникација, не станува збор за странски државјанки, туку за државјанки на Македонија, наведува ЦУК.

Претходно соопшти дека преку единствениот број за итни повици 112 била добиена информација дека две жени кои патувале со возило, се изгубиле во реонот на патот кон Дрисла.

– ЦУК е во постојана комуникација со МВР и Полициската станица Драчево, од каде е побарано упатување екипа на терен. Полициска екипа од ПС Драчево е веќе упатена кон локацијата и постапува по случајот. Акцијата е во тек, информираше попладнево ЦУК.

The post ПРОНАЈДЕНИ ДВЕТЕ ЖЕНИ КОИ СЕ ИЗГУБИЈА КАЈ ДРИСЛА Не станува збор за странски државјанки appeared first on plusinfo.mk.

Без вода денеска ќе бидат корисниците од селата Батинци, Моране и Ново Село, како и улицата „Христо Татарчев“ во Припор, соопшти ЈП Водовод и канализација – Скопје.

Поради дефект на водоводна цевка Ф80мм. на улица 1 бб. во село Батинци денеска со прекинато водоснабдување ќе бидат корисниците од оваа улица. Водоснабдувањето ќе биде прекинато од 9:50 часот до завршување на работните активности.

Без вода поради дефект на водоводна цевка Ф80мм. на улица 1 бб. во село Моране денеска ќе бидат корисниците од истата улица. Водоснабдувањето ќе биде прекинато од 9:50 часот до завршување на работните активности.

Поради дефект на водоводна цевка Ф100мм. на улица 1 бр13 во село Ново Село денеска со прекинато водоснабдување ќе бидат корисниците од оваа улица. Водоснабдувањето ќе биде прекинато од 10:00 часот до завршување на работните активности.

Без вода денеска поради дефект на водоводна цевка Ф100мм. на улица „Христо Татарчев“ 79 ќе бидат корисниците од улицата „Христо Татарчев“ крак 14 и дел од улицата „Христо Татарчев“ во Припор. Водоснабдувањето е прекинато од 10:10 часот до завршување на работните активности.

The post БЕЗ ВОДА БАТИНЦИ, МОРАНЕ, НОВО СЕЛО И ДЕЛ ОД ПРИПОР Се работи на отстранување на дефект appeared first on plusinfo.mk.

Попладнево избувна голем пожар на скопската депонија „Дрисла“, во близина на селото Батинци.

Директорот на Дирекцијата за заштита и спасување (ДЗС), Стојанче Ангелов, потврди дека на депонијата гори, но истакна дека ситуацијата е под контрола.

– Има пожар. Не е алармантен. БППЗ Скопје работи на негово гаснење. Гаснењето на било која депонија е сложен процес поради хемиските и биолошките процеси кои се одвиваат во внатрешноста на депонијата како резултат на кои се создаваат запаливи гасови – изјави Ангелов.

Од скопската Противпожарна единица велат дека нивни екипи веќе се на терен и активно работат на гаснење на пламените.

Засега нема информации за повредени лица, ниту за тоа колкава површина е зафатена од огнот.

 

View this post on Instagram

 

A post shared by Plusinfo.mk (@plusinfo.mk)

The post 📷 📽️ ГОРИ СКОПСКАТА ДЕПОНИЈА „ДРИСЛА“ Огромен чад се издига во воздухот, Ангелов смирува дека не е алармантно appeared first on plusinfo.mk.

Пукање во Батинци го потресе Скопје утрово, а 49-годишен маж, припадник на АРМ, бил донесен во Градската болница без знаци на живот, со две прострелни рани во пределот на градниот кош.

Како што информираат од Градската болница „Св. Наум Охридски“, жртвата била донесена околу 10:55 часот.

„Веднаш беа преземени мерки за реанимација, но пациентот беше веќе мртов. Констатиравме смрт на лице место“, соопштија од болницата.

Иако официјално надлежните сè уште не го соопштуваат идентитетот, дел од медиумите објавија дека станува збор за Агим Муареми, жител на Батинци и припадник на АРМ.

Мотивите и околностите околу пукањето сè уште не се познати, но истрагата е во тек. На местото на настанот извршен е увид, а осомничениот за нападот е во бегство.

Претходно од Министерството за внатрешни работи ја потврдија информацијата за пукањето во Батинци и соопштија детали.

„Денеска (11.07.2025) околу 10:15 часот во СВР Скопје, лицето М.Е. пријавил дека на влезот на село Батинци, скопско, лицето М.Џ. пукал со огнено оружје кон патничко возило ‘Киа’ кое било во движење. А.М. (50) се здобил со прострелни рани во пределот на градниот кош и бил пренесен во ГОБ ‘Св. Наум Охридски’, каде во 11:00 часот од страна на доктор била констатирана смрт“, информираа од МВР.

Oд Министерството за одбрана ја потврдија информацијата за убиството на припадникот на Армијата.

„Ја информираме јавноста дека лицето со иницијали А.М. од скопското село Батинци, кое по трагичниот настан денеска им подлегнал на повредите, беше припадник на Армијата. Изразуваме длабока жалост до семејството на починатиот. За време на трагичниот настан лицето не било на служба во Армијата, односно било на користење слободен ден. На лице место е излезен јавен обвинител, органи на МВР и дежурна служба на Воената полиција“, велат од министерството.

ПУКАЊЕ ВО СКОПСКО БАТИНЦИ Едно лице е повредено, полицијата трага по напаѓачот

The post УБИЕН ПРИПАДНИК НА АРМ ВО БАТИНЦИ Донесен во болница без знаци на живот appeared first on plusinfo.mk.

Во близина на влезот на селото Батинци, утрово во 10:15 часот е пријавено пукање, при што едно лице е повредено, информираат од Министерството за внатрешни работи.

„Во СВР Скопје било пријавено дека лице употребило огнено оружје и пукало кон друго лице. Повредениот е префрлен во здравствена установа каде му е укажана медицинска помош“, соопштија од МВР.

Полициски службеници извршиле увид на местото на настанот, а истрагата за утврдување на мотивите и околностите под кои дошло до пукањето е во тек. Засега нема информации за идентитетот на напаѓачот, кој е во бегство.

The post ПУКАЊЕ ВО СКОПСКО БАТИНЦИ Едно лице е повредено, полицијата трага по напаѓачот appeared first on plusinfo.mk.

Основното јавно обвинителство Скопје отвори истражна постапка против татко и син од Батинци, осомничени за кривично дело „Насилство“, откако со уште едно 15-годишно дете, вториот син, брутално претепале маж по претходна расправија. Обвинителството соопшти дека жртвата е со тешки телесни повреди, а насилството предизвикало страв и вознемиреност кај целото семејство и соседите.

– Обвинителството постапува решително и без компромис кога се во прашање насилни инциденти со тешки последици врз животот и телото на оштетените лица. Насилството не смее да остане неказнето, особено кога е извршено пред очи на други членови на семејството и јавноста – велат од Основното јавно обвинителство Скопје.

Инцидентот се случил во селото Батинци, каде татко на 41-годишна возраст и неговите двајца синови – еден полнолетен (18 години) и друг малолетен (15 години), дошле пред куќата на оштетениот поради претходен вербален конфликт со детето. Наскоро, заканите преминале во физички напад, го удирале оштетениот со клоци и тупаници по главата и телото, по што тој паднал на земја. Малолетното дете продолжило со удар со камен, нанесувајќи дополнителни сериозни повреди.

Во обид да го заштити, сопругата на жртвата легнала врз него, додека нивните деца и соседи се обидувале да го прекинат нападот. Жртвата претрпела фрактури и други тешки телесни повреди.

– Со бруталниот напад, осомничените предизвикале чувство на страв не само кај оштетениот, туку и кај неговото семејство и пошироката јавност – додаваат од Обвинителството.

Јавниот обвинител до судијата на претходна постапка достави предлог за определување мерка притвор за полнолетните лица. За малолетникот, постапката се води согласно Законот за правда за децата.

The post 15-ГОДИШНИК СО КАМЕН ГО УДИРАЛ ПО ГЛАВА Жена легнала врз сопругот за да го спаси од тројцата напаѓачи appeared first on plusinfo.mk.

Денеска, во раните утрински часови, во село Батинци кај Скопје, полициските службеници од Единицата за недозволена трговија при СВР Скопје го лишиле од слобода 53-годишниот Е.Х., жител на селото.

Претресот бил извршен во неговиот дом и во други простории, со претходна судска наредба.

Како што соопшти МВР, при акцијата биле пронајдени и одземени три пиштоли и вкупно 643 куршуми, за кои Е.Х. не поседувал соодветна документација.

Случајот е во рацете на истражните органи, а по негово целосно документирање, против осомничениот ќе биде поднесена кривична пријава по брза постапка.

Од полицијата не соопштуваат повеќе детали, но случајот предизвика внимание во локалната заедница, особено поради количината на муниција пронајдена при претресот.

The post 📷 ЕДЕН КУП ПИШТОЛИ И КУРШУМИ ПРОНАЈДЕНИ ВО БАТИНЦИ Приведено е едно лице appeared first on plusinfo.mk.