На третиот натпреварувачки ден на Европскиот младински олимписки фестивал, Македонија ја забележа втората победа во Баскет 3х3 совладувајќи ја Германија со 14:10.

По победата над Литванија 14:11, женската македонска репрезентација вчера загуби од Германија 4:21.

Во останатите екипни спортови, македонските репрезентации повторно останаа без триумф. Најблиску до победа беше машката кошаркарска репрезентација, која по продолжение загуби минимално од Летонија со 97:98, додека девојките беа декласирани од Германија со 18:91.

Младите ракометари загубија третпат, овој пат од Исланд со 27:36, додека, пак, ракометарките беа поразени од Норвешка со 23:31.

Порази доживеаја и одбојкарските селекции, момчињата од Белгија со 0:3 и девојките од Турција 0:3.

Стартуваа натпреварите во маунтајн бајк

Третиот ден го одбележа и стартот на натпреварите во маунтајн бајк, што се одржаа во Куманово. Во машка конкуренција триумфираше Ларс Пирс од Белгија со време 59:06 минути, додека кај жените златниот медал го освои Швајцарката Јаел Клаусер со резултат 55,56 минути.

Во фокусот на атлетските возбудувања во националната арена „Тодор Проески“ се најде натпреварувањето во машка конкуренција во скок во височина, во кое двајцата најдобри прескокаа иста височина од 2,15 метри. Поради помалку обиди за скок, златото му припадна на Гркот Харалампос Алвизатос, додека, пак, Чехот Војтех Зајичек со идентична прескокната височина мораше да се задоволи само со сребрениот медал.

Јере Пенти Филјами од Финска се закити со златниот медал во фрлање копје со фрлени 74,54 метри, додека во трката на 5 километри брзо одење триумфираше Италијанецот Николо Видал со време од 20 минутри, 22 секунди и 43 стотинки.

Пливачките натпревари во Олимпискиот базен во Скопје исто така донесоа многу возбудувања. Во финалната трка на 200 метри мешано во машка конкуренција најбрз беше Британецот Остин Манли со време 2:07.23 минути, додека, пак, на 100 метри слободно, до златото исплива Италијанецот Даниеле Фиорели со резултат 51.89 секунди.

Во трката на 200 метри пеперутка кај мажите триумфираше Арел Гултекин од Турција со време 2:00,33 минути, а на 100 метри градно во женска конкуренција најбрза беше Унгарката Петра Пуза со резултат за злато од 2:30,75 мин.

The post ВТОРА ПОБЕДА ЗА МАКЕДОНИЈА ВО БАСКЕТ 3х3 НА МЛАДИНСКИОТ ОЛИМПИСКИ ФЕСТИВАЛ Германците изгубија со 14-10 appeared first on plusinfo.mk.

Победниците на натпреварот ќе добијат парична награда од 2.000 евра, за освоено второ место награда од 1.000 евра, а пригодни подароци ќе добија сите учесници на натпреварите.

Овој 3х3 баскет турнир е официјално признат од FIBA како дел од календарот на светската куќа на кошарката, а со него стартува и 3х3 летната лига на територијата на Македонија. Значењето и популарноста на овој спорт се зголемуваат со промовирањето на 3х3 баскетот  како официјална олимписка дисциплина на последните Олимписки игри.  Во Македонија главен промотор на овој спорт е здружението “3×3 Basketball Skopje” кое оваа година го прославува шесттиот јубилеј, а Скопје сити мол е традиционален партнер на овој турнир петта година по ред.

-Секоја година се поголема е обврската кон обожавателите на кошарката да го организираме најголемиот 3×3 настан во Македонија. Среќни ме што ја продолжуваме традицијата да го поддржиме и да помогнеме во промоцијата на овој урбан уличен спорт, кој се избори за своето место и на Олимписките игри. И оваа година Скопје сити мол ќе биде домаќин на овој настан со локација катната гаража на трговскиот центар. Истата ќе ја направивме во спортска арена за дваесет екипи кои учествуваа на турнирот и ќе се погрижиме за врвно доживување на сите „баскетболџии“ и на сите посетители. 3х3 баскет турнирот веќе станува вистински спортски и забавен спектакл, на отворената арена на катната гаража во омилениот трговски центар. Веруваме дека го доближивме овој вид на баскет до поголем број  млади и дека задоволството ќе расте од сите страни како до сега така и понатака –изјави Дамјан Корубин, маркетинг менаџер на Скопје сити мол.

Турнирот е поддржан од Агенцијата за млади и спорт и од Кошаркарска федерација на Република Северна Македонија, а своја поддршка дадоа и Комерцијална банка, Ред Бул, Беоспорт, Божиновски, Спорт Вижн и Вива Сокови.

За доживувањето да биде потполно, покрај официјалниот дел со баскет натпреварите 3х3, Скопје сити мол подготви вистински спортски и забавен спектакл со натпревар во забивање, сетови од познати македонски диџеи, натпревар во шутирање на тројки, детски баскетболџии, корнер со стрит фуд храна.

The post РУФТОП ФИБА 3Х3 БАСКЕТ ТУРНИР ВО СКОПЈЕ СИТИ МОЛ Три дена спорт и забава appeared first on plusinfo.mk.