Тажна вест ги потресе љубителите на рок-музиката низ регионот – во Бихаќ почина Нихад Јусуфхоџиќ, еден од основачите на легендарниот екс-ју рок-бенд Дивље јагоде.

Веста ги погоди неговите колеги, пријатели и бројните фанови, а за време на неговото лекување во кантоналната болница во Бихаќ, граѓаните покажале голема солидарност – многумина дарувале крв во обид да му помогнат во борбата за живот.

Од Јусуфхоџиќ со трогателна порака се прости и неговиот долгогодишен соработник Анте Тони Јанковиќ.

– Денес ме затекна вест која тешко се прифаќа. Замина мојот пријател Нихад Јусуфхоџиќ, човек со кого не делев само сцена, туку и дел од животот преку Дивље јагоде. Заедно свиревме, се смеевме и минувавме низ сè што музиката и вистинското пријателство можат да донесат. Тие спомени засекогаш ќе останат со мене. Ти благодарам за сè. Почивај во мир, пријателе – напиша тој.

Фронтменот на бендот, Сеад Зеле Липовача, и претходно го опишуваше Јусуфхоџиќ како искрен, верен и голем пријател, со кого се дружел уште од средношколските денови.

Нихад Јусуфхоџиќ важеше за истакнат рок-музичар и претставник на сараевската школа на поп-рокот. На сцената се појавил во раните 1970-ти, а во 1972 година свирел бас-гитара во групата Зенит.

Две години подоцна, настапот на фестивалот Бум фестивал 1974 во Љубљана со песната „Стара куќа е празна“ го означил неговиот пробив на тогашната југословенска рок-сцена.

По периодот во Зенит, заедно со Липовача и Јанковиќ го основал бендот Дивље јагоде – еден од најзначајните рок-состави на поранешна Југославија.

Како прв басист на бендот, учествувал во создавањето на нивните рани изданија, вклучително и првите синглови и дебитантскиот албум од 1978 година.

Меѓу нив се и песни кои денес се дел од рок-наследството на регионот, како „Једина моја“, „Мој дилбере“, „Паткица“ и „Немам ништо против“.

Заминувањето на Нихад Јусуфхоџиќ остава голема празнина на регионалната музичка сцена, но и богато наследство што ќе продолжи да живее преку неговата музика.

The post ПОЧИНА ЕДЕН ОД ОСНОВАЧИТЕ НА „ДИВИ ЈАГОДИ“ Колегите се простуваат од рок-легендата appeared first on plusinfo.mk.

The post НАЈГОЛЕМИОТ ЖЕНКАР ВО РОЛИНГ СТОУНС НЕ БИЛ МИК ЏЕГЕР Нова биографија открива детали од приватниот живот на рок легендите appeared first on plusinfo.mk.

Џон Лоџ, пејач и басист на легендарниот рок бенд „Муди Блуз“, почина во својот дом, потврди неговото семејство за медиумите.

Музичарот имаше 82 години. Неговото семејство ја потврди веста, велејќи дека тој си заминал „ненадејно и неочекувано“.

Семејната изјава гласеше:

– Со најдлабока тага објавуваме дека Џон Лоџ, нашиот сакан сопруг, татко, дедо, свекор и брат, ненадејно и неочекувано не напушти.

Како што знае секој што го познаваше овој човек со големо срце, неговата трајна љубов кон неговата сопруга Кирстен и семејството му беше најважна, проследена сод неговата страст кон музиката и верата. Џон почина мирно опкружен со своите најблиски и звуците на групата Еверли Брадерс и Бади Холи. Засекогаш ќе ни недостига неговата љубов, насмевка, љубезност и неговата апсолутна и непоколеблива поддршка.

Нашите срца се скршени, но ќе продолжиме напред во мир опкружени со љубовта што ја имаше кон секој од нас. Како што Џон секогаш би рекол на крајот од шоуто, ви благодариме што ја одржувате верата.

Муди Блуз се формираа во Бирмингем во 1964 година, а нивниот прв сингл, „Go Now“, се проби на првото место. Лоџ се придружи две години подоцна, останувајќи со групата во текот на нивните многу децении успех, што доведе до нивно вклучување во Куќата на славните на рокенролот.

The post ПОЧИНА БАСИСТОТ НА МУДИ БЛУЗ Семејството ја потврди тажната вест за смртта на легендарниот рок-музичар appeared first on plusinfo.mk.

Македонската музика загуби уште еден врвен професионалец. Почина Аљоша Исмаиловски – Аљо, извонреден басист и дел од легендарните „Лева патика“.

Аљоша свиреше во повеќе македонски бендови меѓу кои и Чуден крој. Во „Лева Патика“ свиреше заедно со  Бошко Доневски – Чико (тапани), Драган Груевски – Груле (гитара), Гранит Таки (вокал) и Рамис Јусуфи – Цики (клавијатури).

„Лева Патика“ се прослави со единствениот албум „Патика“ и песната Неправда, која стана антологиски хит. Албумот кој содржи десетина песни е издаден од загрепската куќа Сузи и е во продукција на Питер Мак Тагарт и Љубомир Бранѓолица.

Проштавањето со оваа урбана музичка легенда ќе се одржи утре, вторник, 25 февруари 2025 година, во 14:00 часот, во Капела бр. 1 на градските гробишта Бутел – Скопје.

„Почивај во мир, Аљо…”, напиша неговата сопруга Елена во емотивна објава на Фејсбук.

The post ПОЧИНА БАСИСТОТ НА ЛЕГЕНДАРНИТЕ „ЛЕВА ПАТИКА“ Македонската музика загуби уште еден великан appeared first on plusinfo.mk.

Не треба нè чуди што легендата на познатата рок-група Кисс, Џин Симонс гласно ги поддржува вакцините. Во интервју објавено на стартапот „TalkShopLive“ за стриминг видеа на славни личности, тој ги обвини „заблудените“ антиваксери затоа што ги ставаат на ризик луѓето околу нив, пишува Футуризам.

– Ако сте спремни да шетате меѓу нас невакцинирани, вие сте непријателот – рече Симонс и додаде:

– Не ми е гајле за вашите политички убедувања. Не ви е дозволено да заразите некого само затоа што мислите дека имате права кои, всушност, се заблуди.

Another proof that headbanging makes you sane and clever. @genesimmons #KISS #CHvote pic.twitter.com/jGLvxiHlTm

— Stéphane Barbey (@stephane_barbey) November 14, 2021

За Симонс, бесот е оправдан. И тој и неговиот колега фронтмен на Кисс, Пол Стенли, го фатија ковид-19 кон крајот на август, откако беа вакцинирани. Претходно годинава, техничар од нивниот бенд починал од смртоносниот вирус.

Познатиот басист ги спореди антиваксерите со луѓе кои „поминуваат на црвено“ и ги игнорираат сообраќајните закони. За него скептиците за вакцини се слични на рамноземјашите. Тој ги критикуваше затоа што тврдат дека  петте милиони луѓе кои досега умреа од коронавирусот некако починале од други причини.

– Не, кучко, тие умреа затоа што добија коронавирус – гневно рече Симонс.

Ставот на Симонс е освежувачки ако земеме предвид дека многу други познати личности, како Ерик Клептон и Метју Меконахи, јавно се противат на „боцкањето“.

The post СЕ ЈАВИ БАСИСТОТ НА КИСС, ГИ ПОЗДРАВИ НЕВАКЦИНИРАНИТЕ „Вие сте непријателот“ appeared first on plusinfo.mk.

Веста ја пренесе и АП, повикувајќи се на објавата на членовите на бендот на Фејсбук.

„Тажни сме од веста дека нашиот соборец Дасти Хил починал во сон во својот дом во Хјустон. Многу ќе ни недостастуваш, пријателе“, рекле Били Гибонс и Френк Берд.

Засега е непознато дали смртта на Хил е поврзана со неговите здравствени проблеми. ТМЗ објави дека басистот неодамна го повредил колкот.

Хил, чие вистинско име е Џозеф Мајкл Хил, е роден во 1949 година и беше познат по каубојската капа, очилата за сонце и долгата брада, која ја носи и гитаристот Гибонс.

„Зи зи Топ“ го сними нивниот прв албум во 1971 година, и постигна голем успех со албумите „Tres Hombres“ (1973), „Fandango“ (1975), „Eliminator“ (1983) и „Aftterburner“ (1985).

Хард рок-триото од Тексас се прослави со хитовите „La Grange“ (1973), „Tush“, „Blue Jeans Blues“ (1975), „Cheap Sunglasses“ (1979), „Gimme All Your Lovin“, „Sharp Dressed Man“, „Legs“ (1983), „Sleeping Bag“, „Rough Boy“ (1985) и „Doubleback“ (1990).

The post Почина Дастин Хил, басистот на „Зи зи топ“ appeared first on plusinfo.mk.

– Драги наши пријатели, минатата година ја испративме тажно, со заминувањето на Миша Алексиќ, а за жал, и оваа започна лошо, со заминувањето на Ненад Стефановиќ – Јапанац, нашиот пријател и колега, еден од најдобрите бас-гитаристи досега на овие и не само на овие простори. Неша свиреше на нашите албуми „Са друге стране јастука“, „Продавница тајни“, „Музика на струју“ и на уште многу други песни. Свиреше со многу наши колеги „Бијело дугме“, Оливер Мандиќ … Голема е празнината на нашето музичко небо по неговото заминување. Почивај во мир, драг Нешо. Овој свет на музика веќе нема да биде ист без тебе. Те сакаат твоите „Бајага и инструктори“ –  напишаа членовите на бендот на нивниот официјален профил.

Ненад Стефановиќ кој е роден во 1959 година во Крушевац учествуваше во создавањето на над 1.000 изданија на југословенската и српската поп-рок сцена.

The post Почина басистот Ненад Стефановиќ-Јапанац appeared first on plusinfo.mk.

– Мојот Мишо заболе од ковид и на респиратор е веќе трет ден. Секој час е негова борба за живот како и моја и на мајка ми за него. Миша би сакал сите наши драги луѓе да знаат каков лав и борец е тој. Би сакал сите луѓе кои го сакаат и почитуваат како мајстор на рокот, овие денови да бидат со нас, со него и да веруваат дека ќе победиме. Сите мислевме дека е шега и до пред две недели седев со семејството на ручек и се смеевме дека не сакаме да носиме маски и зборувавме каде ќе одиме да се забавуваме или да ручаме. Јас сега останав со двајцата родители во болница. Преплашена да, но и храбро верувам во среќа и добра енергија. Ве молам поради Миша да испраќаме најсилна енергија во вселената и што побрзо да се врати на сцената со гитара – напишала Мина.

The post Басистот на „Рибља чорба“ на респиратор, се бори за живот appeared first on plusinfo.mk.

Тој се приклучи на бендот по објавувањето на албумот „High Voltage“, кога го замени оригиналниот басист Лери фон Кредит. Сепак, покојниот фронтмен Бон Скот го отпушти по само неколку недели.

Метерс го напушти светот на музиката по разделбата со легендарните австралиски рокери, а во бендот беше заменет со Марк Еванс. Пред AC/DC, Метерс свиреше бас за групата „Армагедон“. Тој, наводно, добил отказ од бендот затоа што бил „премногу убав, премногу независен“, пренесува guitarworld.

Метерс потоа дадоа само едно интервју, во кое тој рече дека бил „мрзлив“, и дека немал што да јаде поради немањето пари.

Смртта на Метерс беше објавена на Фејсбук од неговиот пријател Род Вескомб, кој откри дека музичарот „живеел повлечено во подоцнежните години“ и дека „рокенрол – начинот на живот имал последици по неговото здравје“, пренесува „Дејли мејл“.

„Тој секогаш можеше да ме насмее. Го изгубивме контактот кога тој се пресели, како и многу други луѓе. Како што слушнав, тој живееше повлечен живот во неговите подоцнежни години, бидејќи неговото здравје беше нарушено поради рокенрол – стилот на живот во младоста“, напиша Вескомб.

ФОТО: Јутјуб

The post Почина поранешниот басист на AC/DC appeared first on plusinfo.mk.

Музичарот е уапсен на 27 јуни во Лос Анџелес по пријавата за семејтно насилство, наведува порталот „Пејџ сикс“, за кој подоцна е и потврдена оваа информација.

Маден неодамна е обвинет за свесно нанесување телесни повреди.

Одредена му е кауција од 50.000 долари, и е пуштен истото попладне, а судењето е закажано за 29 септември.

Маден не е во брак, а индентитетот на жртва засега не е познат.

– Многу сме погодени од овие вести. Што повеќе дознаваме, сѐ посериозно пристапуваме кон ова. Засега, оставаме сите кои се вмешани во случајот да го решат овој проблем – изјави ПР на бендот за „Пејџ сикс“.

Маден во 2016 беше уапсен поради тужба за поседување дрога, а на судењето ја прифати условната казна, по точките на обвинението, во замена за еден ден корисно општествена работа.

FOTO: Instagram

The post Член на бендот „Марун 5“ уапсен поради семејно насилство appeared first on plusinfo.mk.