Сирија денес ја одбележува првата годишнина од соборувањето на Башар ал-Асад, во момент кога земјата и понатаму се соочува со длабока нестабилност, секташки тензии и огромни потреби од обнова по повеќе од една деценија војна.

Централната прослава е закажана на плоштадот Омејад во Дамаск, каде приврзаниците на новата власт се собираат веќе неколку дена, а се најавени и воени паради во главниот град и другите региони.

Асад ја напушти Сирија и избега во Русија пред една година, откако бунтовничките сили предводени од денешниот претседател Ахмед ал-Шара го презедоа Дамаск и ставија крај на неговото повеќедецениско владеење.

Шара, кој утрово положи молитва во џамијата Омејад, повторно се појави во воена облека налик на онаа што ја носеше за време на бунтовничката офанзива предводена од неговата исламистичка група Хајат Тахрир ал-Шам. Тој вети дека ќе изгради „праведна и силна Сирија“ во која ќе се обнови државата од темел.

„Од север до југ и од исток до запад, ако даде Господ, повторно ќе изградиме силна Сирија со структура што ќе ја одразува нашата сегашност и минато,“ изјави Шара, пренесува државната агенција САНА.

Од доаѓањето на власт, Шара воведе радикални промени во надворешната политика. Тој воспостави односи со САД, доби поддршка од Турција и од земјите од Персискиот Залив, и значително се дистанцираше од поранешните сојузници на Асад – Русија и Иран. Западните санкции врз земјата во голема мера се укинати.

Но паралелно со тоа, секташкото насилство продолжува. Стотици лица се убиени во инциденти што го зголемуваат стравот меѓу малцинствата, особено Курдите и Друзите, кои сè повеќе ја преиспитуваат централната власт во Дамаск.

Курдската администрација на североистокот забрани прослави и собирања поради, како што наведува, „зголемена активност на терористички ќелии“ што можат да ја искористат годишнината. Друзите во јужната провинција Свеида, каде во јули загинаа стотици луѓе во судири со владините сили, сè погласно бараат независност.

Претседателот Шара на форум во Катар изјави дека „Сирија денес живее во свои најдобри времиња“, и покрај ескалацијата на насилството, и најави дека четиригодишниот транзициски период ќе послужи за создавање нови институции, закони и устав. Според планот, граѓаните ќе гласаат за новиот устав, по што ќе бидат распишани избори.

Властите веќе спроведоа индиректни избори за нов парламент во октомври, но Шара допрва треба да назначи една третина од предвидените 210 пратеници, согласно привремениот устав усвоен во март.

Сирија излегува од конфликт кој започна во 2011 година и во кој загинаа стотици илјади луѓе, а повеќе од пет милиони избегаа во соседните земји. Семејството Асад, кое припаѓа на малцинските Алавити, владееше со земјата 54 години.

Според Агенцијата за бегалци на ОН, околу 1,2 милиони бегалци се вратиле по падот на Асад, како и 1,9 милиони внатрешно раселени лица. Сепак, ОН предупредува дека намалувањето на хуманитарната помош може да го забави процесот на враќање.

Гувернерот на сириската централна банка изјави на конференцијата „NEXT“ дека враќањето на 1,5 милиони бегалци придонесува за постепено економско закрепнување.

Канцеларијата на ОН за хуманитарни прашања (ОЦХА) предупредува дека потребите сè уште се огромни – околу 16,5 милиони луѓе имаат потреба од итна помош.

The post ГОДИНА ПО ПАДОТ НА АСАД Сирија слави, но земјата останува длабоко поделена и нестабилна appeared first on plusinfo.mk.

Врз поранешниот сириски претседател Башар ал-Асад бил извршен атентат со труење, и тој се  лекувал во болница, објави британскиот весник „Дејли меил“.

Асад пред 9 месеци доби политички азил во Русија, откако беше соборен од власта во граѓанската војна во Сирија.

Сирискиот Центар за мониторинг на човековите права, повикувајќи се на „приватен извор“, тврди дека Асад во понеделникот бил отпуштен од болница во предградие на Москва.

Истиот извор наведува дека Асад бил отруен и дека мотивот за атентатот бил „да се засрами руската влада и да се обвини за соучесништво во неговата смрт“.

„Дејли меил“ објави дека сирискиот Центар за мониторинг на човековите права соопшти дека состојбата на Асад сега е „стабилна“.

Исто така, тој додаде дека само братот Махер Асад имал дозвола да го посетува поранешниот претседател во болницата, пред сè, поради високите безбедносни мерки.

Руската влада засега не ги коментира тврдењата.

Непотврдени извештаи претходно сугерираа дека Асад бил примен во болница во критична состојба откако бил отруен, објави „Дејли меил“.

The post АСАД ПРЕЖИВЕАЛ АТЕНТАТ СО ТРУЕЊЕ ВО МОСКВА Русија засега не коментира, извештаите се непотврдени appeared first on plusinfo.mk.

Според тврдењата, труењето било обид за атентат на Асад, кој беше евакуиран во Русија по наредба на претседателот Владимир Путин.

Во текот на викендот каналот General SVR на Телеграм, објави дека Асад почнал да се чувствува лошо во неделата, жалејќи се на проблеми со дишењето.

Претставниците на Кремљ веднаш биле информирани за ситуацијата и на Асад му било наредено да се лекува дома, а не во болница. До понеделник неговата состојба се стабилизирала.

Според  пишувањето на руските медиуми, резултатите од тестовите на крвта укажуваат на присуство на отровна супстанција во неговото тело.

За наодите е информиран помошникот на рускиот претседател Николај Патрушев, а истрагата е во тек.

The post НА БАШАР АЛ АСАД МУ СЕ СЛОШИЛО Што открија лекарите од Москва во неговата крв? appeared first on plusinfo.mk.

Четиринаесет припадници на сириската полиција се убиени за време на судирите со силите лојални на поранешниот претседател Башар ал Асад во провинцијата Тартус, соопшти денеска преодната администрација.

Новиот сириски министер за внатрешни работи на Телеграм објави дека и 10 полицајци биле ранети од, како што ги нарече, „остатоци“ од владата на Асад во Тартус. Тој додаде дека ќе се справи со секој кој ќе се осмели да ја поткопа безбедноста на Сирија или да ги загрози животите на нејзините граѓани.

Сириската полиција воведе полициски час во текот на ноќта во градот Хомс, објавија државните медиуми, по немирите поврзани со протестите што жителите им ги припишуваат на припадниците на малцинските верски заедници, алавитите и шиитите.

Некои жители ги поврзуваат демонстрациите со притисок и насилство насочено во последните денови против припадниците на алавитското малцинство, верска група која се смета за лојална на поранешниот претседател Башар ал Асад, кој беше соборен од сунитските исламистички бунтовници на 8 декември.

Помали демонстрации беа одржани и во други области во близина на сирискиот брег, каде што живее најголемиот дел од алавитското малцинство во земјата, вклучувајќи го и градот Тартус. Демонстрациите се одржаа околу времето кога на социјалните мрежи почнаа да кружат видео снимки од пожар во храм на алавити во градот Алепо, при што вооружени мажи влегуваа и позираа во близина на човечки тела.

Министерството за внатрешни работи на својот официјален профил на Телеграм објави дека видеото е од бунтовничката офанзива на Алепо кон крајот на ноември, а насилството го извршиле непознати групи. Исто така, објави дека некои членови на поранешниот режим ги нападнале силите на министерството за внатрешни работи во крајбрежниот регион на Сирија во средата, и дека нападот резултирал со неколку жртви и повредени.

The post ЛОЈАЛНИТЕ СИЛИ НА AСАД ТРГНАА ВО НАПАД?! 14 сириски полицајци убиени во Тартус, полициски час во Хомс appeared first on plusinfo.mk.

Сириските бунтовници една година се подготвувале за соборување на режимот на претседателот Башар ал Асад, откри денеска командантот на водечката бунтовничка група Хајат Тахрир ал Шам (ХТШ), Абу Хасан ал Хамви.

Во првото интервју за странски медиуми, тој рече дека бунтовниците пред една година почнале да подготвуваат воена операција во која била ангажирана нова единица со беспилотни летала и била постигната тесна координација меѓу опозициските групи низ Сирија, пренесува Гардијан.

Ал Хамви објасни дека неговата група со седиште во северозападниот дел на Сирија комуницирала со бунтовниците на југот, за да се создаде заеднички воен штаб, со цел да се опколи Дамаск од двете насоки.

Тој рече дека неговата група, една година ја планирала операција за соборување на Асад, наречена „Одвраќачка агресија“, но преетходно се подготвувала со години.

Ал Хамви објасни дека од 2019 година, ХТШ развила воена доктрина што ја користела за да ги претвори борците кои доаѓаат од различни неорганизирани опозициски и џихадистички групи во дисциплинирана борбена сила.

– По последната кампања во август 2019 година, за време на која изгубивме значителна територија, сите револуционерни фракции ја сфатија критичната опасност. Главниот проблем беше отсуството на обединето водство и контрола врз битката – рече Ал Хамви.

Во 2019 година сирискиот режим започна операција против опозициските сили во северозападниот дел на земјата и успешно ги турна слабо поврзаните фракции во провинцијата Идлиб.

По последната битка, по која Турција преговараше за прекин на огнот во име на опозициските сили во пролетта 2020 година, бунтовниците беа ограничени на мал џеб земја во северозападна Сирија, каде што беа во ќорсокак со режимските сили.

Сириските бунтовници зазедоа неколку клучни градови во Сирија, вклучувајќи ги Алепо, Хама и Хомс, во брзата офанзива што започна на 27 ноември.

По офанзивата Асад замина во Русија, а Москва соопшти дека наредил мирен трансфер на власта.

The post БУНТОВНИЦИТЕ ВО СИРИЈА ЦЕЛА ГОДИНА СЕ ОРГАНИЗИРАЛЕ ДА ГО СОБОРАТ АСАД Операцијата ја нарекле „Одвраќачка агресија“ appeared first on plusinfo.mk.

Видеото објавено на социјалните мрежи покажува наводен магацин во Сирија во кој се наоѓа супстанцата каптагон, дрога што ја претвори земјата во нарко-држава, под власта на поранешниот претседател Башар ал Асад.

Големиот магацин се наоѓа во седиштето на воената дивизија во близина на Дамаск, со која командувал братот на Асад, Махер. Тоа е еден од најголемите капацитети за складирање за производство на каптагон таблети.

Режимот на Асад бил вклучен во активен извоз на дрога. Каптагон стана значаен социјален проблем во соседните арапски нации и поттикна некои од нив да се вклучат во преговори со поранешниот сириски режим за да се спречи неговата трговија.

Тоа е дрога која создава голема зависност. Главно содржи амфетамин и е позната и како „кокаин на сиромашните“. Годишната трговија е вредна милијарди долари.

WATCH: #SyrianRebels have found Bashir al-Assad’s ‘poor man’s cocaine’ stash

Captagon has been both a lucrative export and a tool of warfare for Assad, with profits flowing directly into the pockets of his family and military#Syria pic.twitter.com/PtjFySgUn5

— Video Forensics (@Video_Forensics) December 11, 2024

The post 🎥 ПРОНАЈДЕН МАГАЦИН СО „КОКАИН ЗА СИРОМАШНИ“ ВО СИРИЈА Режимот на Асад извезувал дрога, „бизнисот“ носел милијарда долари годишно appeared first on plusinfo.mk.

Падот на сирискиот претседател Башар ал Асад е главна тема во последните денови, а луксузот во кој со децении живеел со семејството го запрепасти светот. Снимките од неговата гаража полна со луксузни автомобили, станаа вирални.

Американската телевизија Си-ен-ен влезе во палатата Асад и во гаражата со скапоцени автомобили. Шетајќи низ палатата на доскорешниот сириски претседател во Дамаск, репортерката Клариса Ворд дава увид во луксузниот живот на династијата Асад.

Палатата ја зазедоа џихадистичките сили откако поранешниот претседател пребегна во Русија.

На самиот влез во палатата е постелено иранско знаме за луѓето да мора да газат по него. Иран беше најтесниот сојузник на власта на Асад. Низ палатата се гледа како спијат милитантите. Се гледа и нивното оружје. Еден милитант од репортерката побара да стави марама. Репортерката Ворд рече дека тоа е првпат откако дошла во Сирија некој да побара да ја покрие косата.

– Да се стои во оваа палата по речиси 14 години брутална граѓанска војна е горд момент кој ја заокружува сеизмичката победа – оценува репортерката.

Во гаражата има повеќе луксузни автомобили, ферари, астон мартин, ламборџини и колекција класични кадилаци.

Репортерката истакнува дека ова е само една од повеќето гаражи, од кои една е преполна со блиндирани автомобили.

Во семејната куќа на соборениот сириски претседател во луксузниот кварт во Дамаск, новинарите пронајдоа многу семејни фотографии, документи, кутии за накит, подароци, антиквитети, скапа гардероба…

Овие работи Асадови ги оставиле во вилата по бегството од земјата, а според пишувањето на новинарите на Скај њуз, по расфрланите предмети се гледа дека семејството набрзина ја напуштило куќата.

Во таа куќа, една од многуте што ги имал Асад, тој живеел со семејството. Тоа што е откриено внатре било вчудовидувачко.

На горниот кат на куќата се пронајдени гардероба од скапи марки, антиквитети, многубројни кутии за накит, а на долниот кат на куќата се пронајдени пликови со документи, но и банкарски сметки со неверојатни суми пари на моминското име на сопругата на Асад, Асмин.

Инаку, таа во интервјуата инсистираше дека Асадови живеат живот на средната класа, но откритијата во куќата говорат дека тоа било далеку од вистината.

– Асадови очигледно избегале набрзина. Во оваа нивна семејна куќа пронајдовме каде Асмин ги чувала своите драги спомени на семејниот живот што го оставиле зад себе. Тука имаше подароци што ѝ ги направиле децата во училиште, семејни фотографии на Асад од одмор, подводни фотографии на тиранинот од Дамаск како плива и едри на штица. На една полица најдовме фотографии од венчавката на Асмин и Башар. Таа со обожавање го гледа во очи. Ја довел во Дамаск од нејзиниот живот во Лондон во нов живот во Сирија – наведува новинарот на Скај њуз.

Како што се наведува, сега се поставува прашањето што ќе се случи со овие нејзини пари и со парите на нејзиниот сопруг.

Луксузот во палатата ги разбесни бунтовниците кои целосно ја ограбија.

На едно видео се гледа стаклен ѕид со прекрасен поглед, клупа, разбој, душеци, велосипед за вежбање… Бунтовниците кои упаднаа во салата на Асад дополнително збеснаа кога сфатија дека таа продолжува во џиновски стан во кој другата бања е целата во мермер.

Бунтовниците и жителите на Дамаск однесоа сè, од вазните и приборот за јадење, до луксузниот мебел и килимите и скапата брендирана гардероба на Асадови.

The post 🎥 АСАД СПИЕЛ НА ЛУКСУЗ, ИМАЛ ГАРАЖИ СО СТОТИЦИ СКАПОЦЕНИ АВТОМОБИЛИ Бунтовниците однесоа сè од неговата вила во Дамаск appeared first on plusinfo.mk.

На видеото се гледа дека автомобилите биле складирани во гаража во близина на претседателската палата во Дамаск, јавува Си-Ен-Ен, наведувајќи дека во колекцијата на Асад има повеќе од 40 луксузни возила.

90% of Syrians are under poverty line. Meanwhile, this is a small section of Assad’s garage. pic.twitter.com/4HROOfxjTN

— Hassan Akkad حسان عقاد (@hassan_akkad) December 8, 2024

Меѓу автомобилите е црвено „ферари“ Ф50, кое вреди повеќе од три милиони долари, потоа „ламборџини“, „ролс ројс“ и „бентли“, а најмалку едно од возилата е со таблички од Дамаск.

MEET THE NEW SYRIAN MILLIONAIRES!

Syria’s Central Bank is being looted in Damascus and people carry out huge bags of money and valuables.

The smart people did not go to Assad’s palace for chandeliers, but to the bank for cash and gold! pic.twitter.com/hmPFagIEuh

— Lord Bebo (@MyLordBebo) December 8, 2024

На социјалните мрежи беа објавени и снимки од рацијата во кујната на Асад, каде што бунтовниците пронајдоа рецепти со кои готвачите подготвуваат оброци за семејството.

– Храна за госпоѓата: Не сака спанаќ – нема повеќе да го готвиме. Утре ќе готвиме лосос или риба – гласела една белешка во тетратката – пренесува Си-Ен-Ен. Исто така, беа објавени видеа на кои се гледа како бунтовниците и граѓаните земаат вреќи полни со пари од Централната банка.

Watch: Inside the private residence of Syrian President Bashar al Assad hours after he fled the country.

Live updates: https://t.co/OTbVB2OuQS

Sky 501, Virgin 602, Freeview 233 and YouTube pic.twitter.com/1IP93whGU2

— Sky News (@SkyNews) December 8, 2024

На снимката со која располага Ројтерс се гледаат луѓе како влегуваат во претседателската палата, додека децата трчаат по огромните соби, а мажите туркаат голем ковчег преку луксузниот паркет.

Може да се видат неколку мажи од палатата како носат елегантни столчиња на рамениците. Ограбени се шкафовите во магацинот, а бројни предмети се расфрлани на подот.

A Louis Vuitton trunk was just found in one of Assad’s homes. It costs $46,500 pic.twitter.com/LPcqH10tjp

— Ola Salem (@Ola_Salem) December 8, 2024

Се појавија и видеа на кои се гледа како бунтовниците и граѓаните упаднале во гардеробата на Башар ал Асад и неговата сопруга Асма, позната по својот луксузен начин на живот и одземаат скапа облека.

По подот се расфрлани чаршафи и ќебиња, а маж ги изнесува познатите портокалови кутии „Луј Витон“.

The post 📽️ ФЕРАРИ ОД 3 МИЛИОНИ, ЛУЈ ВИТОН ОБЛЕКА, СПЕЦИЈАЛНО МЕНИ ЗА ГОСПОЃАТА Бунтовниците од вилата на Асад изнесуваат вреќи пари appeared first on plusinfo.mk.

Кремљ потврди дека Русија му дала политички азил на поранешниот претседател на Сирија, Башар ал Асад, откако тој побегнал од земјата.

– Тоа е одлука на Владимир Путин – изјави портпаролот на Кремљ, Дмитриј Песков.

– Кремљ нема што да каже за тоа каде се наоѓа Асад – додаде тој.

Песков не сакаше да каже ниту кога последен пат се сретнале Путин и Асад, додавајќи дека тоа не планираат да го сторат во блиска иднина.

На прашањето дали Русија е изненадена од настаните што се случуваат во Сирија, Песков рече дека се.

– Она што се случи генерално го изненади целиот свет. Во овој случај, ние не сме исклучок – додаде тој.

Во однос на руските воени бази во Сирија, тој рече дека е рано да се каже што ќе се случува во иднина и дека тие ќе бидат предмет на разговори со властодршците.

Режимот на Асад беше домаќин на московската воздухопловна база Хмејмим во сириската провинција Латакија и поморски објект во Тартус.

The post „ТОА Е ОДЛУКА НА ПУТИН“ Кремљ за обвинувањата дека Русија му дала азил на Башар ал Асад appeared first on plusinfo.mk.

Американскиот претседател Џозеф Бајден синоќа истакна денеска дека сирискиот претседател Башар ал Асад „треба да сноси одговорност“ за своите постапки, како и дека САД ќе работат со своите партнери и заинтересирани страни во Сирија, помагајќи им да се справат со ризиците.

Во обраќањето од Белата куќа, Бајден рече дека САД официјално не знаат каде е Башар ал Асад, но дека забележал извештаи дека сирискиот претседател побегнал во Москва.

Бајден рече дека Сирија е во период на ризик и неизвесност и дека е првпат по неколку години Русија, Иран и милитантната организација Хезболах да немаат влијателна улога во таа земја.

– Со години, главната поддршка на Асад доаѓаше од Иран, Хезболах и Русија. Но, во текот на минатата недела, поддршката од сите три партии пропадна, бидејќи сите три партии денес се многу послаби отколку кога јас ја презедов функцијата – рече Бајден, кој стана претседател на САД во 2021 година.

Истакна дека американските сили денеска извршиле десетина прецизни напади во Сирија, насочени кон кампови и оперативци на милитантната група Исламска држава.

Тој рече дека заминувањето на Асад претставува историска можност за сирискиот народ.

The post САД СО НОВ ФОКУС ВО СИРИЈА Бајден бара одговорност од Асад, партнерствата се засилуваат appeared first on plusinfo.mk.