Предметите за кланот Беланоца-Барони и групата на Раде Штекли се само едни од оние предмети кои даваат историски резултати во Македонија, изјави денеска министерот за внатрешни работи Панче Тошковски. Во посета на граничниот премин „Јажинце-Глобочица“ со цел пуштање во употреба на One Stop системот за заедничка интегрирана контрола Тошковски на новинарите им рече:

– Многу пати имам кажано, не само јас и Јавното обвинителство и експерти од областа, дека од ваков тип на организирани и координирани акции помеѓу ЈО и МВР, каде што во текот на една акција се разоткриени повеќе од осум убиства, нешто што беше незамисливо до 2024 година во Македонија, а не верувам дека ќе има во иднина. Заради тоа што не верувам дека во иднина ќе има министри кои што во период од осум години нема да си ја работат својата работа и ќе дозволат Јавното обвинителство заедно со министерството да разоткријат ваков тип на криминали, само во една акција.

Министерот порача македонските граѓани да бидат спокојни, бидејќи, како што рече „како министерство продолжуваме со исто темпо“.

– Продолжуваме во насока со нормализирање на Македонија. Она што го ветивме пред изборите се гледа на дело, како во однос на борбата против криминалот и корупцијата, така и во делот на однос на реализација на овие проекти – рече Тошковски.

Запрашан за шпекулациите во врска со јавната набавка за униформи за МВР тој рече дека сите документи се јавно достапни. Одговарајќи на прашање за обвинувањата од СДСМ, кои тврдат дека тендерот е скандалозен и дека документите ги доставиле до Антикорупциската комисија, Тошковски потенцираше дека ќе бидат транпарентни во целот на постапката.

– Уште еднаш ги повикам Јавното обвинителство и сите останати институции кои имаат надлежност во овој дел да дојдат во рамки на Министерството за внатрешни работи, во одделот што ги спроведува овие јавни набавки, да ги видат сите документи што се поврзани со предметната набавка. Министерството за внатрешни работи е транспарентно и ќе биде транспарентно во целост на оваа постапка – изјави министерот при посетата на граничниот премин.

The post ПОРАНО БЕШЕ НЕЗАМИСЛИВО НАЕДНАШ ДА БИДАТ РАЗОТКРИЕНИ 8 УБИСТВА Тошковски вели дека МВР ќе продолжи да работи со полна пареа appeared first on plusinfo.mk.

– Имав идеја да направам филм за мојот живот. Мојот живот е неверојатен. Тој е незамисливо полн со обврски. И му реков на мојот агент: Имам идеја, оди и договори се во мое име – рече Меланија за документарецот кој наскоро ќе се емитува на сервисот Амазон на познатиот милијардер Џеф Безос.

Продукцијата на филмот, односно лиценцата на Амазон, чинеше 40 милиони долари. Американските медиуми пишуваат дека тоа е уште еден доказ за вртењето на Безос кон Трамп.

Амазон во декември објави дека ќе донира милион долари во фондот за инаугурацијата на Трамп, но и дека ќе врши пренос во живо од настанот, што ќе биде безготовинска донација во вредност од уште милион долари.

Безос заедно со милијардерот Илон Маск донираа во кампањата на Трамп. И двајцата, заедно со газдата на Фејсбук, Марк Закерберг, ќе имаат видно место на инаугурацијата на новиот претседател.

The post ОВОЈПАТ ЛУЃЕТО МЕ ГЛЕДААТ ПОИНАКУ Меланија го избра мебелот за Белата куќа, сними и документарец appeared first on plusinfo.mk.

Па заради тоа, на пример, сте слушнале/прочитале некаков коментар за обраќањето на претседателката на државата во ОН? А зошто не? Ама сте читале, сигурен сум, славопојки на оние глупости што ги пелтечеа нивните фаворити од „форматот“ на Заев, Пендаровски, Ковачевски… Тоа никако не го пропуштаа, по којзнае кој пат потценувајќи ја јавноста односно спуштајќи нѐ сите поинакумислечки на нивото на нивната малоумност.

Или неодамнешното пледоаје на премиерот на ЕУ самитот во Салцбург. Никој ни да „зуцне“! Иако и тоа е позната пракса: нашиве „опозициски“ слепци отсекогаш уживале да го држат „својот“ дел од јавноста во незнаење. И кога се на власт, а особено кога се „опозиција“!

И тој барометар одлично функционира – само слушајте/читајте за што се молчи и сѐ ќе ви биде појасно. Затоа и едикојси „Барон“ станува „ѕвезда“ на денот но не и оние 300 милиони евра за 10 километри пат, или ефтините политиканти и нивните „временски возови“ и губитнички коњи, но и „филозофското“ извртување на изјавите на високи функционери итн. И нема, нормално, да прочитате ниту еден коментар за глупостите што секојдневно ги тресе оној Филипче, на пример. Згора на сѐ, и најлажливата бивша власт, онаа што цели седум години само лажеше и крадеше, сега клиентелава сака да ни ја претстави како – успешна!

Се разбира, изборот на „темите“ за коишто „на ура“ ќе се пишува и коментира треба да го одврати вниманието од вистинските процеси, од некои позитивни поместувања, ако ги има, секако, коишто завредуваат барем мала позитивна реакција. Па нека биде тоа и укинувањето на таканаречениот фамозен „балансер“, иако тоа воопшто не беше – мала работа. Сегашнава „опозиција“ претставувана од сектана што ја киднапира некогашната сдсм не смееше за такво нешто ни да помисли додека дуи им седеше на врат! Ама затоа одлично ја планираа распределбата на корупцијата и криминалот, на „териториите“ за грабеж на државниот буџет итн.

И така „Баронот“ се трансформира во главна опозициска тема, без оглед што нивните фаворити – од Пендаровски, Заев, Спасовски па надолу – имаат цели семејни албуми со најголемите нарко босови во државава, па и оние од меѓународен формат, без оглед што на половина светска мафија им дадоа македонски пасоши, па дури и наспроти фактот што еу и меѓународната заедница последиве години ги посочуваше како најкриминална и најкоруптивна власт во Европа. Сето тоа, за клинетелава, не е дури ни „лански снег“. Ама „Барон“…

За жал, и власта – па дури и претседателката! – некако наивно наседнуваат на овие и вакви уличарски штосови на „опозицијата“, ги прифаќаат нивните нечисти игрички и остануваат без стручна и компетентна Комисија за помилување. Најмалку што можеа да направат беше да не ја прифатат нивната колективна оставка.

Но можат да направат и друго, ако се паметни, се разбира: можат повторно да ги изберат во новата комисија, барем некои од нив! Вака, влегуваат во „шема“ на оставки што им ја наметнуваат оние циркузанти и тоа ќе ги следи во наредните (минимум) четири години!

Никако не ја потценувам оставката како неопходен морален и политички чин во едно демократско општество. Ако оваа оставка треба да биде тој и таков демократски барометар – ок, нека биде. Иако таа тоа не е туку е изманипулиран резултат на очигледно подметната афера. Да се поднесуваа досега такви оставки, Македонија ќе останеше без политичари. Што не ќе беше којзнае каква штета, но сепак.

А замислете на што ќе личеше онаа криминогена политикантска постава на сдсм и дуи ако чинот на оставки што сегашната опозиција и нејзините кловнови во медиумите сакаат да го позиционираат како правило што мора да почне баш од оваа власт, се применеше и во нивно време. Ќе останеа без жив човек во институциите!

Но, очигледно е дека овие персони, во теснец со изворни идеи и политики, се залепиле за вакви циркуски точки гледајќи во нив шанса за подривање на кредибилитетот на власта. Како што беше и онаа петпарачка пародија со извртувањето на контекстот на изјавата на Мицковски во Салцбург за Преспанскиот договор.

„Заборавањето“ на зборчето „ако“ на шупелкиве им е нормално, а таквото „читање“ на таа изјава тие изгледа ја сметаат за ремек-дело на нивната негативна кампања.

Па се прават наудрени дека, демек, уште не им било јасно како во иста глава се спојувало „никогаш Северна со Преспанскиот договор“ како (повторно демек) „ремек-дело на европската дипломатија“? Се разбира, хартијата и образот трпат сѐ и сешто, ама на шутрациве тоа никогаш не им било проблем. И не само тоа туку и продолжуваат со нивната глупост и незнаење за кондиционалните реченици во македонскиот јазик!

Истиот циркус сега се надоврзува и со некакви перверзни „истраги“ на школи за англиски јазик во соседството, заборавајќи го оној „индијански англиски“ на нивниот фаворит Заев, кому никој не му побара сертификат за познавање на англискиот јазик. А и зошто нему би му бил потребен, нели? Тој комотно си комуницираше на струмичко-б’лгарски со источните комшии, со северните говореше некој шатровачки односно пазарџиски „српски“, и – толку. Каков англиски, какви бакрачи! И што воопшто „прогресивнине проевропејци“ ќе правеа со некаков друг странски јазик? Впрочем, ним најчесто и македонскиот им беше – странски!

Ако пак однесувањето на „опозицијата“ и нејзините „интелектуални“ и медиумски приколки е разбирливо – од нивен аспект, се разбира – нејасно е однесувањето на власта и влегувањето во некакви налудничави „игри без граници“ со таков „свет“. На истиот начин и со истите методи како што бившата криминална „власт“ се однесуваше кон нивните предлози и критики.

На крај памет не ми е заговарање на некаков неоправдан реваншизам или користење на механизмите на власта за непопуларно и авторитарно игнорирање на „ставовите“ на опозицијата. Но, повторно, овде, во оваа т.н. опозиција, има сериозен недостаток на „сива маса“, на продуктивно опозиционерство и на критичко (а не критизерско!) опонирање на власта. Па тие не умееа – или можеби не сакаа? – да се справат ни со фалсификуваните претседателски избори во нивните редови, прифаќајќи еден комплетен политички аутсајдер само заради неговите блиски врски со оној нивнион екс-манипулант.

Тоа не е опозиција, а нивните квази-интелектуални мегафони не се ни аналитичари ниту пак форматни политички експерти. Тоа е можеби уште постраотна збирштина во постојана потрага по газда, по пари, по моќ – каква и да е – којашто не заслужува ама баш никакво внимание, не пак одговор на глупостите што ги пласира во јавноста.

Власта ништо не добива на „имиџот“ со толерирањето на таквите кловнови, уште помалку „стратешките партнери“ (ќе) ги гледаат како некакви нови изданоци на демократијата во Македонија. Онаа мегафонска булумента и нивните сега веќе ветви газди се само уште еден беден разгранок на македонската платеничка политикантска сцена. И тие, се разбира, имаат своја цена. Можби власта треба да им ги понуди истите или слични „договори“ како со бившите, за да спијат мирно и понатаму да не шират глупави тези.

Не заради својот мир, туку заради нашиот! Па некој мора да нѐ куртули од оваа чума што секојдневно нѐ малтретира во јавниот простор.

Извор: Теодосиевски уметност

The post Политикантски барометар appeared first on plusinfo.mk.

„По наредба на јавен обвинител од Основното јавно обвинителство Скопје, полициски службеници од Министерството за внатрешни работи денеска непосредно по излегувањето од КПУ ‘Идризово’ – Скопје лишија од слобода лице на кое со Одлука на Претседателот на Република Северна Македонија извршувањето на изречената казна затвор му беше заменето со условна осуда, бидејќи за истото лице е поведена истрага за ново кривично дело – Убиство од член 123 во врска со член 19 (во обид) од Кривичниот законик. За лицето се водеше претходна постапка во врска со оружениот инцидент кој се случи на 14 октомври на булеварот Христијан Тодоровски Карпош во Чаир. Вештачењата за присуство на барутни честички кои беа извршени по наредба на јавниот обвинител ги потврдија првичните сознанија дека сега осомничениот со огнено оружје – пиштол испукал неколку истрели во правец на оштетениот со умисла да го лиши од живот и му нанел прострелна рана во пределот на ногата. Веднаш по пристигнување на вештиот наод, денеска е донесена Наредба за истрага на осомничениот, а до судија на претходна постапка од Основниот кривичен суд Скопје ќе биде доставен предлог за определување мерка притвор“, наведено е во соопштението на Јавното обвинителство.

За истиот настан, посочено е таму, по поднесена кривична пријава од Министерството за внатрешни работи против три лица, Основното јавно обвинителство Скопје за нив поведе постапка за кривично дело – Учество во тепачка од член 132 став 1 од Кривичниот законик.

Потврда за приведувањето пристигна и од МВР:

„Денеска (24.10.2024) во Скопје полициски службеници од СВР Скопје, го лишија од слобода А.Р. (29) од с.Арачиново во врска со кривично правен настан случен на 14.10.2024 на територија на Чаир, каде што од огнено оружје бил повреден Е.А. (35) од Скопје. По преземени мерки и активности и изготвените вештачења од страна на Одделот за форензички испитувања при МВР, утврдено е дека сторител е А.Р. и од страна на Единицата за насилен криминал при СВР Скопје во координација со ОЈО Скопје денеска (24.10.2024) поднесена е кривична пријава по брза постапка против А.Р. за кривично дело ‘убиство’, предвидено и казниво по член 123 во врска со член 19 од Кривичниот законик.

The post СИЉАНОВСКА-ДАВКОВА ВЧЕРА ГО ПОМИЛУВА, ПОЛИЦИЈАТА ДЕНЕСКА ГО ПРИВЕДЕ Акиф Равмановски ќе одговара за обид за убиство appeared first on plusinfo.mk.

Опозицискиот СДСМ ги повикува претседателката Гордана Сиљановска Давкова, премиерот Христијан Мицкоски и министерот за правда Игор Филков да објаснат како се случи помилувањето на криминалци од нарко клан и обвинуваат дека некој од власта зел пари за тие помилувања.

„Откако вчера ослободениот нарко бос јавно ѝ се заблагодари на Сиљановска, станува јасно дека ова е договорено сценарио. Сега останува само отворено прашањето: која е цената и кој ги земал парите за ова помилување? Прашањето е: што им  должи власта на ВМРО-ДПМНЕ, ЗНАМ и Вреди на криминалците од нарко-кланот ѝБарон` и какви услуги им враќаат? Откако Сиљановска вчера се заплетка со својата несмасна изјава, а потоа беше демантирана од Гордан Калајџиев дека комисијата за помилување само дава мислење, а претседателката е таа што помилува, денеска е должна да излезе заедно со Мицкоски и да објаснат што е позадината на овој скандал. Го повикуваме и министерот Филков, кој два дена се крие во глувчешка дупка, да каже каква е неговата улога во целиот скандал и да не молчи“, соопшти утрово СДСМ.

Правната држава денес е погребана, се додава во соопштението, како и дека „безбедносната ситуација е сериозно нарушена, улиците се небезбедни, а граѓаните се плашат за својата безбедност, благодарение на политиките на ВМРО-ДПМНЕ“.

The post СДСМ ПРАШУВА КОЛКУ МУ ПЛАТИЛ НАРКО БОСОТ БАРОН НА ВМРО-ДПМНЕ Мицкоски, Сиљановска и Филков да објаснат зошто помилуваат криминалци appeared first on plusinfo.mk.

– Пендаровски велеше дека нема да амнестира криминалци, бидејќи тоа значи дека тие луѓе го направиле претседател или дека им е должен нешто. И не само што ги помилуваше, Пендаровски можеше да се види и во друштво на познати нарко дилери како сега убиениот Орхан Бајрами Оки. Пендаровски не може да излезе од криминалната матрица на СДСМ.

Пендаровски дојде на власта јавајќи на бранот „нема правда, нема мир” за на крај да заврши како алатка за помилување на криминалци. Нема една работа која Пендаровски ја ветил, а да ја исполнил, нема еден став кој го зазел, а да го додржал – рече Лефков.

The post ЗОШТО ПЕНДАРОВСКИ ГО ПОМИЛУВА ВОДАЧОТ НА НАРКО-КЛАНОТ „БАРОН“? Дали нешто им беше должен, прашува Лефков од ВМРО-ДПМНЕ appeared first on plusinfo.mk.

На видеото што го објави Телма се гледа дека тројца маскирани вчера рано наутро се приближуваат до објектот и го подметнуваат пожарот во кафе барот „Барон“ во Чаир.

Кафулето има исто име како скопската криминална група Барон чии припаднци соработуваат со групата Беланоца и се во отворена улична војна со криминалните групи Дуќанџик/Грчец.

На снимката се гледа како еден од маскираните со тврд предмет ја крши влезната врата на кафе барот. Другите двајца влегуваат внатре со туба во рацете. А водачот останува надвор и чува стража гледајќи кон улицата.

Откако ја разлеваат запалливата материја внатре, двајцата маскирани излегуваат и нивниот водач ја потпалува течноста со запалка. Влезот на објектот почнува да гори, потпалувачот за малку избегнува да биде запален и тројцата маскирани бегаат. Сѐ се случува за половина минута.

Пожарникарите интервенирале околу 4 часот наутро и по 40-минутна интервенција го изгаснале пожарот.

Неколку часа по пожарот е застрелан Зелкиф Туша, таткото на притворениот Гани Туша кој е осомничен за учество во убиствата на припадници на кланот Грчец во Шиша Бар и на Халкидики. Гани Туша е припадник на бандата Барон. Обвинителството истражува поврзаност на пожарот и убиството на Зелкиф Туша.

 

View this post on Instagram

 

A post shared by Тв Телма / TV Telma (@tvtelma)

The post 🎥 ПОТПАЛУВАЧОТ ЗА МАЛКУ ЌЕ СЕ ЗАПАЛЕШЕ Телма објави видео од тројца маскирани како го подметнуваат пожарот во кафе барот „Барон“ appeared first on plusinfo.mk.

По убиството во близина на Горно Блаце, во кое 65-годишник е изрешетан со автоматска пушка, повеќе медиуми објавија, повикувајќи се на извори во МВР, дека станува збор за Зелќиф Туша, татко на Гани Туша, кој е осомничен за убиството на Орхан Бајрами – Оки, еден од двајцата убиени во Шиша Бар во Скопје. Гани Туша исто така се поврзува и со убиството на Халкидики кога беа ликвидирани тројца од кои двајца водачи на ривалската група Дуќанџик од Грчец.

Наводно, на ова убиство во Блаце, му претходело опожарување на кафулето „Барон“ во скопксата населба Чаир, во кое се собирале членовите на истоимената група, на која ѝ припаѓал и Гани Туша. Пожарот бил пријавен рано утрово околу 4 часот по што едно возило на противпожарната бригада интервенирало и за околу 40-тина минути го изгаснало пожарот.

Се претпоставува дека како дел од одмаздата на групата од Грчец, денеска попладне е убиен и 56-годишниот татко на Гани Туша, Зелќиф. Неговото тело го пронашол неговиот брат Н.Т.

„Во 18:10 во СВР Скопје е пријавено дека во близина на локалниот пат од Долно кон Горно Блаце, Н.Т. го пронашол неговиот брат З.Т. (56) без знаци на живот, со прострелни рани од огнено оружје. Се преземаат мерки за расчистување на случајот“, соопштија од МВР.

Војната меѓу двете скопски криминални групи само минатата година резултираше со најмалку 4 убиени во пресметките и заседите во Скопје, Косово и Грција. Со уличната гангстерска војна беа поврзувани и нападите врз Штекли во Ист гејт мол, како и повеќе убиства извршени во претходните 12 години. Мотивот за престрелките е борба за скопскиот нарко пазар. На почетокот на годинава МВР спроведе голема акција за апсење на членови на групата Грчец.

СВИРЕПО УБИСТВО КАЈ ГОРНО БЛАЦЕ 56-годишник изрешетан со автоматско оружје

The post ПОЖАР ВО КАФУЛЕТО „БАРОН“ ВО ЧАИР, ДАЛИ Е ПОВРЗАН СО УБИСТВОТО ВО БЛАЦЕ? Синот на убиениот бил член на криминалната група со истото име appeared first on plusinfo.mk.

Трамп претходно се пофали со силниот имунитет на својот син. Го прераскажал наводниот разговор со лекар за позитивниот тест на Барон на ковид-19.

– Го прашав лекарот што се случува, а тој ми одговори дека Барон е позитивен. 15 минути подоцна го прашав лекарот, како е Барон, а тој ми одговори: Оздраве, раскажал Трамп на поддржувачите на собирот, а многумина се насмеале.

Изгледа дека целта на анегдотата на Трамп е за повторно отворање на училиштата, чекор на кој поради лошата здравствена ситуација поради пандемијата неволно ја прифаќаат американските сојузни држави.

Наводното брзо опоравување на Барон од ковид-19, Трамп често го споменува во својте говори за да ги наведе властите да ги отворат училиштата.

– Да ги вратиме учениците во училиштата. Добивме позитивен тест и 15 минути подоцна лекарот рече дека Барон е добро – рекол Трамп и во Висконси во саботата.

The post Трамп ги насмеа сите: Син ми Барон имаше ковид 15 минути ВИДЕО appeared first on plusinfo.mk.