Судија во британскиот кралски суд во Снерсбрук денеска го осуди рускиот државјанин Матвеј Румјанцев на четири години затвор, благодарение на сведочењето на најмладиот син на американскиот претседател Доналд Трамп, Барон, кој бил сведок на нападот врз својота пријателка за време на видео повик и ја известил полицијата за тоа.

Барон (20) им рекол на полицајците дека во јануари минатата година тој од САД ја повикал жртвата која била во Лондон и дека за време на видео повикот видел дека е нападната, пренесуваат британските медиуми.

По нападот полицијата го уапси Матвеј Румјанцев (22), кој неколку месеци се забавувал со жената што ја нападнал.

– Во еден момент од насилството, имаше повик до нејзиниот пријател Барон Трамп или од него и тој ве виде како ја тепате и вие го држевте телефонот и ја снимавте, што беше чин на гнев за да ја понижите. Г-дин Трамп, и покрај тоа што беше во САД, постапи правилно и одговорно, се погрижи да бидат повикани службите за итни случаи и им кажа што видел – рече судијата Џоел Бенатан во Кралскиот суд во Снерсбрук, додека ја изрекуваше пресудата за Румјанцев.

Жената, чиј идентитет не е објавен, претрпела модринки на брадата, раката, зглобот, како и гребнатини, а ѝ паднал и прамен од косата.

Во јануари, Румјанцев беше прогласен за виновен за нападот и за попречување на правдата, но беше ослободен од обвинението за силување и намерно давење, а беше осуден на по две години затвор за секое од двете кривични дела.

The post БАРОН ТРАМП СВЕДОЧЕШЕ НА СУД ВО ЛОНДОН ЗА НАПАД ВРЗ ЖЕНА Напаѓачот доби четири години затвор appeared first on plusinfo.mk.

Тензиите на Блискиот Исток дополнително се зголемија откако САД и Израел започнаа воени напади врз Иран, со образложение дека сакаат да го спречат развојот на нуклеарната програма на Иран. Техеран брзо одговори со контранапади врз израелски и американски цели во регионот, а стравувањата од поширок конфликт предизвикаа жестоки реакции кај американската јавност.

Паралелно со вестите за војната, на социјалните мрежи се прошири необична кампања насочена кон семејството на претседателот Доналд Трамп.

Луѓето сакаат семејството на Трамп да се жртвува себеси

Идејата ја започна Тоби Мортон, комичар и поранешен сценарист за серијата „Саут Парк“, а неговата сатирична иницијатива брзо доби на интензитет на платформата X и други мрежи.

Под хаштагот #SendBarron, некои корисници велат дека доколку има регрутирање во случај на поширока војна, треба да учествува и семејството на претседателот. Во објавите конкретно се споменува 19-годишниот син на Трамп, Барон, со тврдење дека тоа би бил чин на солидарност со војниците кои би можеле да бидат испратени на бојното поле.

Дебатата се разгоре откако снимки од експлозии и извештаи за можни понатамошни воени потези циркулираа на интернет. Критичарите на претседателот тврдат дека испраќањето на неговиот син во војска би покажало подготвеност за лична жртва, додека други ја гледаат целата кампања исклучиво како политичка провокација и онлајн активизам без реални последици.

Send Barron. pic.twitter.com/uAt4QUbnIO

— 𝕊𝕦𝕟𝕕𝕒𝕖_𝔾𝕦𝕣𝕝 (@SundaeDivine) February 28, 2026

Барон не може да ѝ се приклучи на војската поради – висината?

Сепак, наскоро се појави практична препрека за ваквите повици. Барон Трамп е висок околу 206 сантиметри, што потенцијално би можело да го дисквалификува за одредени воени должности. Имено, вооружените сили на САД, во одделни родови имаат пропишани горни граници на висина поради безбедност и прилагодување кон стандардната опрема, особено кога станува збор за служење во затворени простори како што се оклопни возила или авиони. Во такви случаи, можно е да се добие медицинско ослободување.

Висината на Барон неодамна беше предмет на многу шпекулации, кога неговата полусестра Иванка Трамп објави семејна фотографија. На фотографијата се гледа Барон, за кого се проценува дека е висок помеѓу 201 и 206 см, како се извишува над остатокот од неговото семејство, вклучувајќи ги сестрите Тифани и Иванка со нивните сопрузи и братот Доналд помладиот со неговата девојка.

SEND BARRON!!! pic.twitter.com/jByyHGEgXr

— Secular Talk (KyleKulinskiShow@bsky.social) (@KyleKulinski) March 3, 2026

Трамп се осврна на неговата висина во говорот, припишувајќи ѝ ја заслугата на мајката на Меланија, Амалија Кнавс, и нејзиното домашно готвење.

– Таа толку добро се грижеше за Барон, затоа е толку висок, затоа што јадеше само нејзина храна – рече Трамп.

The post ИСПРАТЕТЕ ГО БАРОН Американците сакаат помладиот син на Трамп да оди во војска appeared first on plusinfo.mk.

Синот на Доналд и Меланија Трамп, 19-годишниот Барон предизвикал гласини дека е во врска, откако „Пејџ сикс“ (Page Six) објави дека уживал во романтична вечера во „Трамп тауер“.

Според неименувани извори, целиот кат од зградата бил затворен само за парот – првенствено од безбедносни причини. И „Њујорк пост“ (New York Post) неодамна објави дека Барон живее во Белата куќа додека студира на Универзитетот Њујорк во Вашингтон.

Неговите колеги велат дека Барон „предизвикал возбуда во главниот кампус во Гринич Вилиџ“ минатата година како бруцош.

– Тој е висок и чуден, но дефинитивно беше вистинскиот. Многу девојки го бркаа – наведува извор.

Во април оваа година, беше објавено дека Барон не можел да им го даде својот телефонски број на своите пријатели од колеџот, поради страв да не биде објавен. Наместо тоа, тој ги замолил да испраќаат пораки преку „Дискорд“ но и преку конзолата за видеоигри „Икс-бокс“.

The post БАРОН ТРАМП ЗАТВОРИЛ ЦЕЛ КАТ ЗАРАДИ ЉУБОВЕН СОСТАНОК Синот на американскиот претседател на романтична вечера во Трамп Тауер appeared first on plusinfo.mk.

Барон Трамп, најмладиот син на американскиот претседател Доналд Трамп и на првата дама Меланија Трамп, наводно е вљубен. Според пишувањето на американските медиуми, 19-годишниот Барон, кој ја заврши првата година од студиите на престижниот Универзитет во Њујорк, бил виден во друштво на мистериозна девојка, објави „Дејли меjл“.

Иако сè уште не е познато која е новата девојка на младиот Трамп кој медиумите ретко се гледаат во јавноста, извор близок до семејството открил дека станува збор за „многу симпатична девојка“, пишува „Њуз нејшн“.

– Барон има навистина симпатична девојка и често се гледаат – рекол изворот.

Интересно е што и покрај тоа што е под постојан надзор на Тајната служба, што е вообичаено за членовите на семејството на американскиот претседател, Барон може слободно да излегува и да се гледа со девојки.

– Тајната служба организира сè. Кој и да тврди дека нивното присуство би го спречило во тоа, се лаже – додал еден политички инсајдер за „Пипл“.

Ако гласините се точни, ова би можела да биде првата јавно позната врска на Барон Трамп.

„Дејли мејл“ ги контактирал претставниците на семејството на Трамп за коментар, но досега нема официјални потврди.

Инакѕ, на крајот од 2024 година, во редок момент на искреност, Доналд Трамп зборуваше за приватниот живот на својот најмлад син во поткастот „ПБД“ со водителот Патрик Бет-Дејвид. Кога еден новинар го прашал дали Барон има девојка, американскиот претседател одговорил: „Не мислам дека имал девојка. Мислам дека не… Често споменува нешто…“, рекол Трамп без да ја заврши мислата, но додал: „Изгледа многу добро“, осврнувајќи се на висината на неговиот син од 206 сантиметри.

Да потсетиме, Барон Трамп е роден во 2006 година во бракот на Доналд и Меланија Трамп, кога Трамп беше на врвот на својата медиумска кариера. Уште од мали нозе беше во центарот на вниманието, иако неговите родители, особено неговата мајка, го држеа подалеку од очите на јавноста.

The post БАРОН ТРАМП Е ВЉУБЕН „Многу симпатична девојка, не се одвојуваат еден од друг“ appeared first on plusinfo.mk.

Синот на американскиот претседател, 18-годишниот Барон Трамп, се врати на факултет две недели по инаугурацијата на татко му.

Тој бил забележан во кампусот на „Њујорк университи“ придружуван од телохранител. Најмалиот син на Доналд Трамп студира бизнис и економија, а академската година чини околу 85.000 долари.

На првиот ден од новиот семестар Барон бил облечен во бел џемпер и црни панталони, во комбинација со патики, а во кампусот пристигнал во автомобил со приватен шофер.

Неодамна неговата мајка Меланија, првата дама на САД, изјави дека веројатно нејзиниот син поради тоа што е дете на најмноќниот човек во светот нема да има нормални студентски денови како неговите колеги.

– Мислам дека е невозможно да биде нормален студент. Неговото искуство на факултет е многу поразлично. Но, горда сум како се справува со сè. Многу е силен и знае дека е во различна положба од другите деца –  изјави Меланија во интервју за Фокс њуз.

Таа рече дека го советувала Барон самиот да одлучи што ќе прави со својот живот, да си ги исполни неговите соништа, затоа што станува збор за негов пат, за негов живот.

За магазинот „Пипл“ извор близок до Барон изјавил дека поради неговата атрактивност тој бил мошне популарен на факултет меѓу неговите колешки, па дури и колегите кои не ја поддржувале партијата на татко му, имале добро мислење за него.

The post БАРОН ТРАМП СЕ ВРАТИ НА ФАКУЛТЕТ Колешките велат дека е многу атрактивен appeared first on plusinfo.mk.

Барон Трамп, студент на Универзитетот во Њујорк, присуствуваше на инаугурацијата на неговиот татко Доналд Трамп во Вашингтон заедно со неговата мајка Меланија и со остатокот од семејството. Откако Доналд Трамп положи заклетва, Барон беше снимен како се ракува со претседателот во заминување, Џо Бајден, и со потпретседателката Камала Харис.

Клипот, кој е прегледан повеќе од половина милион пати на Тик-Ток, го прикажува моментот кога Барон се ракува со Бајден, а потоа (како што изгледа) се наведнува и му шепнува нешто на уво. Реакцијата на Бајден веднаш привлече внимание – неговиот израз стана видно мрачен.

Иако читателите на усните не можеа да откријат што рекол Барон, корисниците на социјалните мрежи не штедат на своите претпоставки. Додека некои тврдеа дека Барон го упатил коментарот кон Бајден, други шпекулираа дека тој всушност се навалува кон Камала Харис, која стоеше покрај него.

Иако ретко се појавува во медиумите, Барон Трамп привлече внимание за време на последната кампања на неговиот татко бидејќи Доналд Трамп јавно го пофали за неговата улога во изборот на поткастите во кои американскиот претседател учествуваше за време на неговата кампања. Тој потег се покажа како успешен бидејќи му овозможи на Трамп да допре до помладите генерации кои не ги следат традиционалните медиуми.

Без оглед на тоа што Барон му го рекол на Бајден, моментот продолжува да ја интригира јавноста.

Baron Trump to Joe Biden:

“You’re fucked” pic.twitter.com/eoCHdPlzJX

— Chase Turner (@chaseteee) January 21, 2025

The post 🎥 ШТО МУ ШЕПНА БАРОН ТРАМП НА БАЈДЕН? Лицето на Џо се скамени по краткиот поздрав со синот на американскиот претседател appeared first on plusinfo.mk.

Уште пред да се пресели со своето семејство во Палм Бич, Флорида на 20 јануари оваа година, Меланија Трамп реши да паузира од социјалните мрежи и медиумите, но сепак, посака да сподели еден настан со сите, и тоа на својот твитер-профил.

Поранешната американска прва дама Меланија Трамп, на социјалната мрежа Твитер на својот син Барон му посакала среќен 15-ти роденден, но некои од корисниците ја нападнаа поради ваквата објава.

Имено, Меланија објавила фотографија од балони во облик на броевите 1 и 5, а поединци напишале дека им пречи тоа што балоните се со црна боја. Покрај бројката со балоните едноставно напишала „Среќен роденден БВТ“.

БВT се иницијалите на нејзиниот син Барон Вилијам Трамп, роден на 20 март 2006 година, а покрај тоа, поранешната прва дама на САД ставила и емотикони за срце. Но, и тоа не им се допаднало на корисниците на Твитер, кои веднаш, за кратко време, остро ја критикувале.

„Морничаво. Црни балони за 15-годишно дете. Кутро дете. Тој мрачен свет во кој живееш мора да биде многу студен, но ти посакувам среќен роденден. Се надевам дека убаво ќе си го поминеш“, „Јас би повикала социјална служба доколку мене мајка ми ми честиташе роденден со ваква морничава објава“, „Нека му е среќен роденденот, но чуден е изборот на црна боја за 15-ти роденден“, „Драга Меланија, си можела да најдеш малку повесела фотографија. Ова е морничаво, но можеби ти или тој така се чувствува“, биле само дел од коментарите на твитерџиите.

Happy birthday BWT pic.twitter.com/8AVZEhLeMg

— MELANIA TRUMP (@MELANIATRUMP) March 20, 2021

ФОТО: Твитер

The post Морбидна честитка за роденденот на синот: Меланија Трамп остро нападната на Твитер ФОТО appeared first on plusinfo.mk.

Барон Трамп (14), најмладиот син на американскиот претседател, бил заразен со коронавирус кога биле заразени и неговите родители, но немал никакви симптоми, објавила Меланија Трамп во есејот од 700 зборови кој е објавен на официјалната страница од Белата куќа. Есејот има наслов: „Моето искуство со ковид-19“.

– Штом дознавме дека сме заразени, прво помислив на синот – признала Меланија.

Како што открила правата дама на Америка, Барон прво бил негативен, но по неколку денови бил повторно тестиран и тогаш се покажало дека е заразен.

„За среќа Барон е силен тинејџер и немаше никакви симптоми. На еден начин ми беше мило што само ние тројца поминавме низ ова истовремено, бидејќи можевме да се грижиме едни за други и да го поминуваме времето заедно. Во меѓувреме и тој стаба негативен“, напишала Меланија.

Познато е дека Меланија сака својот син да го заштити од вниманието на јавноста, па не е нималку чудно што јавноста не го видела од август.

Меланија открила и дека таа не била во болница затоа што имала „минимални симптоми“, но и покрај тоа ја удриле како „возот на смртта во лунапарк“. Таа додала и дека го избрала „природниот пат“, односно витамините и здравата исхрана, наместо тешките лекови коишто морал да ги зема нејзиниот сопруг.

„Имав среќа што мојата дијагноза беше со минимални симптоми, иако ме удријаа одеднаш и изгледаа како возот на смртта неколку дена. Ме болеше целото тело, кашлав и ме болеше главата, бев многу изморена цело време. Го избрав природниот пат на медицината, давајќи им предност на витамините и здравата исхрана“, напишала Меланија.

The post Ужасна болка: Меланија откри со што се лекувала од ковид-19 кој го спореди со „возот на смртта“ appeared first on plusinfo.mk.

Меланија напишала дека Барон е „силен тинејџер“ и дека немал никакви симптоми.

Претседателот Доналд Трамп, пак, веќе не може активно да го шири вирусот ковид-19 и може да се појави на настапот во Мајами во организација на Ен-Би-Си Њус, а да не ги зарази другите, рече американскиот епидемиолог Ентони Фаучи.

Тој во интервју за Ен-Би-Си кажа дека тој и неговиот колега Клифорд Лејн од Националниот институт за здравје ги прегледале сите тестови кои ги направил претседателот, и заклучиле дека претседателот не е веќе заразен.

Трамп на 2 октомври објави дека е позитивен на коронавирус и неколку дена примаше терапија во болница.

The post Меланија објави дека и синот Барон прележал корона appeared first on plusinfo.mk.