Новиот селектор на македонската фудбалска репрезентација, Гоце Седлоски, денеска ја имаше првата прес-конференција. Ова беше и негова официјална промоција на новата позиција, на која го наследува Благоја Милевски.

– Голема чест и одговорност во мојата кариера. Го знам потенцијалот што го има репрезентацијата. Треба да изградиме систем и секој да се бори за секоја топка. Нема да бидеме фаворити на некои натпревари, но тоа не ни го одзема правото да се бориме. Сакам да видам тим кој ќе се бори до последната минута и очекувам максимален ангажман, храброст и желба на секој натпревар. Убеден сум дека ФФМ ќе ни обезбеди најдобри услови, а со поддршка од најблиските ветерани, Пандев, Новески, Ибраими, Најдоски, ќе постигнеме успех за нашиот национален состав – изјави новиот селектор Гоце Седлоски.

Долгогодишниот капитен на А репрезентацијата, Горан Пандев, истакна дека ја поддржува новата тренерска одлука.

– Му честитам на Седлоски. Го знам многу години, сме играле заедно. Се работи за човек што многу дал на македонскиот фудбал како играч, а последните години и како тренер. Тој е млад, перспективен тренер, и знам дека пред нас следува работа. Верувам во него и му посакувам успех – изјави Пандев.

Претседателот на ФФМ, Масар Омерагиќ, ја образложи одлуката за именувањето на Седлоски.

– Упатувам благодарност до Благоја Милевски за досегашните резултати. Но, во фудбалот се случуваат промени и сега имаме нов селектор. Заклучивме дека репрезентацијата ѝ треба нова енергија за да можеме да оствариме голем резултат, пласман на Светско првенство. И самиот настап во баражот е за нас успех. Седлоски има „фајтерски“ карактер, таков беше и како играч. За оние кои не веруваат дека можеме да ја минеме Данска – подобро да не се качуваат во авионот – рече Омерагиќ.

Своето деби на клупата на Македонија, Седлоски, кој има одиграно 100 натпревари за националниот тим, ќе го има во Копенхаген против Данска во баражот за пласман на Светското првенство.

The post 📽️ САКАМ ТИМ КОЈ ЌЕ СЕ БОРИ НА СЕКОЈ НАТПРЕВАР Новиот селектор Гоце Седлоски ја најави борбената Македонија appeared first on plusinfo.mk.

Македонската фудбалска репрезентација вечерва во Кардиф го игра последниот и најважен натпревар од квалификациите за Светското првенство 2026.

За да го задржи второто место во групата и да обезбеди поповолен ривал во баражот, на Македонија ѝ е доволен и нерешен резултат против Велс.

Селекторот Благоја Милевски најави оптимизам пред дуелот, истакнувајќи дека психолошката подготвеност ќе биде клучна.

– Подготвени сме за предизвикот. Ова е решавачки меч, но мојата порака до играчите е да уживаат. Велс е квалитетна селекција, но и двете екипи останаа речиси исти како на првиот натпревар во Скопје. Верувам дека ќе одговориме и ќе ги исполниме целите – рече Милевски.

Капитенот Енис Барди додава дека репрезентацијата со нетрпение го чека овој дуел.

– Имаме привилегија да ја претставуваме Македонија. Иако во Кардиф ќе има помалку наши навивачи, знаеме дека целата држава е со нас. Не чека тежок натпревар, но знаеме како да одговориме – изјави тој.

Велс влегува во ова финале значително ослабен, без двајца клучни играчи од средниот ред, Итан Ампаду и Џордан Џејмс, кои се суспендирани поради жолти картони заработени на нервозниот дуел со Лихтенштајн.

Белами мораше да го правда и тесното издание (победа од 1-0) против аутсајдерот, објаснувајќи дека морал да го менаџира товарот на играчите, како Даниел Џејмс, кој се враќа од повреда.

Селекторот на Велс покажа голем респект за стилот на игра на Македонија, истакнувајќи дека очекува трпелив натпревар.

– Свесни сме дека мораме да победиме, но мораме да бидеме и трпеливи. Тоа е клучот. Македонија се брани длабоко. Тие се среќни да немаат посед, но имаат способност за контранапади, така што мора да бидеме свесни за тоа – анализираше Белами.

Во отсуство на повредениот Бен Дејвис и суспендираниот Ампаду, капитенската лента на Велс утре ќе ја носи Хари Вилсон.

Македонија веќе има обезбедено пласман во плејофот благодарение на настапите во Лигата на нации, каде што беше меѓу најдобрите второпласирани. Денешниот резултат само ќе одреди против кого ќе игра во баражот.

The post БИТКА ЗА ВТОРОТО МЕСТО ВО КАРДИФ Македонија бара бод за подобар бараж за Мундијалот appeared first on plusinfo.mk.

Фудбалерите на Велс вечерва го победија Лихтенштајн со 1:0 на гостувањето во Вадуз. Велшаните се надеваа на триумф со најмалку шест голови разлика, но едвај стигнаа и до минимална победа.

По овој резултат, на македонската репрезентација во Кардиф во вторник доволно ќе и биде и реми за да го освои второто место во Ј-групата и да оди во бараж за СП 2026 преку квалификациите.

Во случај на чудо, односно Белгија да загуби од Лихтенштајн дома, тогаш нашата репрезентација со победа над Велс ќе избори директен пласман на Мундијалот 2026 што ќе се игра во САД, Мексико и Канада.

The post МАКЕДОНИЈА СО РЕМИ ВО КАРДИФ МОЖЕ ДА ОДИ ВО БАРАЖ Велс минимално го совлада Лихтенштајн appeared first on plusinfo.mk.

Македонската фудбалска репрезентација ќе ги дознае своите можни ривали за баражот за пласман на Светското првенство 2026 на 20 ноември, само два дена по последниот квалификациски натпревар против Велс во Кардиф.

Жрепката за европските плеј-оф натпревари ќе се одржи во седиштето на ФИФА во Цирих, со почеток во 13 часот, а ќе го одреди патот што селекциите ќе треба да го поминат за да обезбедат место на најголемиот фудбалски спектакл на планетата.

Македонија и понатаму има реални шанси да го освои второто место во групата Ј, но дури и во случај тоа да не се случи, може да обезбеди место во баражот преку Лигата на нации.

Жрепката ќе биде клучна за одредување на шестте селекции што ќе обезбедат место преку плеј-оф турнирот, како и 16 репрезентации што ќе се натпреваруваат во европските баражи.

Светското првенство во 2026 година ќе биде првото во историјата со 48 репрезентации, а ќе се одржи во Канада, Мексико и САД од 11 јуни до 19 јули 2026 година.

The post СОНОТ ЗА МУНДИЈАЛОТ Е СЀ УШТЕ ЖИВ! Еве кога „рисовите“ ќе го дознаат противникот во баражот appeared first on plusinfo.mk.

Машката ракометна репрезентација на Македонија на гостувањето во Торшавн загуби од Фарски Острови со 34-27 (18-14)  во првиот натпревар од бараж двомечот за пласман на Светското првенство. Седумте гола негатива и инфериорноста во играта ја отежнуваат позицијата на македонската репрезентација пред неделниот реванш во Скопје и го ставаат во голема неизвесност пласманот на СП 2025.

Во дуелот со Фараните, избраниците на селекторот Кирил Лазаров направија премногу грешки и немаа решение за полетната игра на домаќините кои пред полните трибини на малата сала „Холин а Халси“ дојдоа до голем триумф со кој се чекор поблиску до историски прв пласман на СП.

Репрезентацијата на Фарски Острови од стартот наметна својата игра и водеше во текот на целиот натпревар, Македонија бркаѓе резултат, но во ниеден момент не усспеа посериозно да го загрози водството на домаќините.

Најефикасен во македонскиот состав беше Филип Кузмановски со 8  гола, Марко Митев и Никола Костески постигнаа по 5, а 4 погодоци без ниедно промашување имаше Милан Лазаревски.

Реванш натпреварот од бараж двомечот за пласман на СП се игра в недела од 19:00 часот во Скопје.

The post МАКЕДОНСКИТЕ РАКОМЕТАРИ ПОРАЗЕНИ ОД ФАРСКИ ОСТРОВИ Ќе биде пеколно тешко да се избори пласман на СП 2025 appeared first on plusinfo.mk.

Натпреварот во „Мерцедес-Бенз Арената“ понуди голема драма, иако во неколку наврати нашиот национален тим имаше водство и од пет гола разлика. За овој меч селекторот Лазаров не можеше да смета на капитенот Митревски. Грешките доведоа до вистински трилер, но за среќа репрезентатицците на Македонија издржаа и запишаа победа.

Митев и Костески постигнаа по пет гола, Пешевски и Кузмановски имаа по четири гола. Мартин Томовски средбата ја зварши со 12 одбрани, Кизиќ со две.

Со оваа победа од два гола Македонија обезбеди место во првиот шешир за баражот за СП.

The post МАКЕДОНСКИТЕ РАКОМЕТАРИ СО ПОБЕДА СИ ЗАМИНУВААТ ОД ЕП ВО БЕРЛИН Славеа против Швајцарија со 29:27 appeared first on plusinfo.mk.

За домаќин на баражот меѓу Скопје и Беласица е одреден Градскиот стадион во Штип, додека за баражот меѓу Тиквеш и Воска првично беше одлучено да се игра на стадионот „Гоце Делчев“ во Прилеп, по што ФФМ дополнително ја смени одлуката и најави дека натпреварот ќе се игра на Националната арена „Тодор Проески“ во Скопје.

На оваа одлука реагираше фудбалскиот клуб Тиквеш, порачувајќи дека нема намера да игра во Скопје, а ФФМ најави конечна одлука по консултации со МВР, истакнувајќи дека единствена причина за промената на местото на одигрување на натпреварот меѓу Тиквеш и Воска се „пристигнатите информации до Комисијата за безбедност на ФФМ за присуство на голем број навивачи на двете екипи и можноста да се гарантира безбедноста на повеќе илјадната публика на стадионот во Прилеп“

„ФФМ преку Комисијата за безбедност прати официјален допис до МВР со барање насоки и напатствија во делот на преземање на безбедносни мерки за да се одиграат двата бараж натпревари на првично утврдените стадиони во Прилеп и Штип. ФФМ ќе постапи соодветно во зависност од одговорот и упатствата на МВР“, се наведува во соопштението од Комисијата за натпреварувања на ФФМ.

The post ФФМ ЧЕКА ИНСТРУКЦИИ ОД МИНИСТЕРСТВОТО ЗА БАРАЖИТЕ Тиквеш не сака да игра со Воска во Скопје, туку во Прилеп appeared first on plusinfo.mk.

Селекторот и капитен на македонската ракометна репрезентација Кирил Лазаров за вечерашниот дуел со Чешка направи една промена во составот во однос на средбата во Злин од пред четири дена.

Лазаров одлучи на местото на Марко Митев во националниот тим да биде Михајло Младеновиќ.

Покрај Лазаров и Младеновиќ во составот ќе бидат и Никола Митревски, Стојанче Стоилов, Филип Талески, Мартин Томовски, Филип Миркуловски, Никола Маркоски, Филип Кузмановски, Гоце Георгиевски, Гоце Ојлески, Жарко Пешевски, Томислав Јагуриновски, Петар Атанасијевиќ, Мартин Серафимов и Марко Мишевски.

Натпреварот од финалето од плејофот за пласман на Светското првенство 2023, ќе се игра вечер од 19 часот во СЦ „Борис Трајковски“. Првиот натпревар во Чешка заврши нерешено 24:24.

The post ЛАЗАРОВ СО ЕДНА ПРОМЕНА Митев го менува Младеновиќ за реваншот со Чешка appeared first on plusinfo.mk.

На првиот меч одигран пред четири дена во Злин, резултатот беше нерешен 24:24, иако во почетните минути од второто полувреме македонските ракометари имаа седум голови предност.

Лазаров кој ја извршува и селекторската функција посакува било каква победа и остварување на целта – задржување на континуитетот на учества на големите натпреварувања.

– Верувам дека со помош на седум илјади наши навивачи кои ќе ни бидат ветер во грбот, а не психолошки притисок, ќе ја победиме Чешка. Најважно е да победиме без разлика дали тоа ќе биде со еден, два или повеќе голови. На нивни терен покажавме дека имаме квалитет. Знам и дека за реваншот Чесите ќе се подготват добро и дека нема да биде воопшто лесно. Ние имаме добар резултат, позитивен, никогаш сме немале ваков во еден бараж натпревар, изјави Лазаров.

Натпреварот ќе се игра во СЦ „Борис Трајковски“ вечер со почеток во 19 часот. Сите билети се распродадени па се очекува огромна поддршка од трибините за македонските ракометари.

The post ПОСЛЕДНИОТ ТАНЦ НА ДВЕТЕ ЛЕГЕНДИ Лазаров и Миркуловски се збогуваат со „црвено-жолтиот“ дрес appeared first on plusinfo.mk.

Средбата ќе се игра на 17 април со почеток во 19 часот во Спортскиот центар „Борис Трајковски“ во Скопје. Ова ќе биде реванш од бараж за пласман на Светското првенство 2023.

Продажбата на влезници се одвива online на интернет-страницата на МК Тикетс (https://mktickets.mk ), а влезници можат да се купат и на сите продажни места на МК Тикетс низ државата.

Влезниците се продаваат по ценa од 100 денари.

The post НАВИВАЈТЕ ЗА РАКОМЕТАРИТЕ НА МАКЕДОНИЈА Пуштени во продажба влезниците за реваншот против Чешка appeared first on plusinfo.mk.