Екстрадиција за поранешниот премиер Никола Груевски е побарана уште во 2018 година, а е одбиена во 2019 година од страна на Унгарија, рече денеска премиерот Христијан Мицкоски одговарајќи на новинарско прашање.

Во врска со специфичните политики поврзани со екс премиерот Груевски, Мицкоски вели дека тоа е одлука на унгарската влада.

– Јас колку што сум запознаен, екстрадиција е побарана уште во 2018 година, а е одбиена во 2019 година. Постои процедура доколку лицето има право на азил поради определени причини. За дополнителни деталии треба да се обратите во Министерството за правда. Јас не сум министер за правда, јас сум претседател на Владата – рече Мицкоски.

Лидерот на СДСМ Венко Филипче денеска го праша министерот за правда Игор Филков дали е побарана екстрадиција на Груевски и ако не е, дали ќе ја побара.

Мицкоски ја честиташе победата на Петер Маѓар во Унгарија.

– Најпрво сакам да му честитам на Петар Маѓар. Ние имавме блиска соработка со Орбан, но граѓаните јасно ја дадоа поддршката на Маѓар. Очекувам да води про-европски политики, про-интегративни и очекувам поддршка за членство во ЕУ на регионот, вклучително и на Македонија – рече Мицкоски.

The post ЕКСТРАДИЦИЈА ЗА ГРУЕВСКИ БИЛА ПОБАРАНА ВО 2018 ГОДИНА И ОДБИЕНА ОД УНГАРИЈА ВО 2019 ГОДИНА Мицкоски му ја честиташе победата на Маѓар appeared first on plusinfo.mk.