Рускиот претседател Владимир Путин изјави дека е подготвен писмено да гарантира дека Русија нема да ја нападне Европа. Тој ги нарече „целосна бесмислица“ тврдењата на западните медиуми дека Москва има агресивни планови кон ЕУ.

– За нас тоа звучи смешно. Вистината е: никогаш немавме намера да го сториме тоа. Но, ако сакаат да го чујат тоа од нас, тогаш ќе го документираме. Нема сомнение – истакна Путин по посетата на Бишкек, јави ДПА.

Путин ја повтори својата подготвеност за мировни преговори. Следната недела, претставници на САД ќе пристигнат во Москва за разговори околу можен крај на војната што трае повеќе од три и пол години. Очекуваните теми се безбедносните гаранции за Украина и за Европа.

Како предуслов за договор, Путин повторно го истакна барањето украинските трупи да се повлечат од регионите Доњецк и Луганск во источна Украина, дел од поширокиот регион Донбас.

Тој во своето обраќање го спомена и Крим, нагласувајќи дека полуостровот останува дел од Русија засекогаш.

The post ПУТИН БИ ПОТПИШАЛ ДЕКА НЕМА ДА ЈА НАПАЃА ЕВРОПА, НО… И Крим е дел од територијалните барања на Кремљ appeared first on plusinfo.mk.

Министерството за здравство соопшти дека во изминатиот месец 80 граѓани оствариле средба со министерот за здравство Азир Алиу преку платформата „Отворен кабинет“.

Досега е одговорено и постапено по 29% од поднесените барања, додека за дел од нив се потребни системски подобрувања, кои веќе се иницирани. За останатите случаи се формирани комисии со цел поефикасно решавање, се наведува во соопштението.

Министерот Алиу утре ќе престојува во Штип како дел од иницијативата „Мобилен кабинет“, при што ќе се сретне со граѓани во Клиничката болница – Штип од 12 до 14 часот.

За учество на овие средби, граѓаните треба претходно да се пријават преку платформата „Отворен кабинет“, која е достапна на веб-страницата на Министерството за здравство: https://zdravstvo.gov.mk/.

The post 80 ГРАЃАНИ СЕ СРЕТНАЛЕ СО МИНИСТЕРОТ ЗА ЗДРАВСТВО ПРЕКУ „ОТВОРЕН КАБИНЕТ“ ВО ИЗМИНАТИОТ МЕСЕЦ Дел од барањата се решени, за други случаи се формирани комисии appeared first on plusinfo.mk.

40 компании членки на Советот на странски инвеститори денес на економскиот тим на владата му дадоа свои иницијативи забелешки идеи и конструктивни коментари.

Претседателот на советот Виктор Мизо на прес-конференција заедно со премиерот по средбата рече дека најважно за странските инвеститори во земјава е тоа што е почна процесотт на хармонизација на царинските стапки со европската Унија, што се воведени меѓународни сметководствени стандарди, но и учеството на компаниите странски инвестиции во подготовката на законите и учество во Економско социјалниот совет.

– Го поздравивме хармонизирањето на царинските стапки со ЕУ за 67 тарифни броеви веќе влезе во закон 50% намалување на стапките споредено со ЕУ, а од 1 јануари целосна хармонизација на стапките. Тоа е многу важен чекор за странските инвеститори, бидејќи ја зголемува нивната конкурентност и се очекува овие компании да инвестираат во земјава, но и дека ова ќе донесе и нови инвестиции во земјава – рече Мизо.

Тој рече и дека странските инвеститори се задоволни што е донесен усогласен закон за минимален глобален данок.

– Од минатата година, но и оваа се плаќа данок од 15% и тоа е добро – рече тој.

Мизо го пофали и воведувањето на меѓународните стандарди во сметководството, но и побара и компаниите на странските инвеститори да учествуваат во донесувањето на законите и да учествуваат во работата на економско-социјалниот совет.

– Олеснување за компаниите е воведувањето и на меѓународните стандарди во сметководството. Што значи нема компаниите да прават двојно сметководство. Пред или по изворите ќе имаме и работни групи кои ќе учествуваат во изготвување закони, посебно законите за работни односи, за финансиска поддршка и законот за странци. Укажавме на потребата за членство на странските инвеститори во социјално економскиот совет за дозволи за работници од странство. Но не за увоз на работници од странство туку за да дојдат странски експерти и менаџери да го водат почетокот на инвестирањето во земјава – рече Мизо.

Премиерот Христијан Мицкоски рече дека владата прави се за да го олесни работењето на странските компании во земјава, но и на домашните инвеститори.

– Подаваме рака на странските инвеститори и на домашните инвеститори. Не само декларативно туку суштински низ институционална поддршка, предвидливи правила и директна комуникација. Проблемите ги решаваме заедно – рече Мицкоски.

Тој рече дека тоа дало и резултати во првиот квартал кога БДП реално порасна за 3,2%, извозот јануари-мај се зголеми за 3, 15в%, додека увозот бележи раст од 1%. Индустриското производство бележи раст од 9,4%, а трговскиот дефицит е намален за 80 милиони долари.

Тој најави активни разговори со нови инвеститори во автомобилската индустрија ИТ секторот, логистиката како и нови царински олеснувања за извоз на американскиот пазар.

The post СТРАНСКИТЕ ИНВЕСТИТОРИ БАРААТ ДА УЧЕСТВУВААТ ВО ДОНЕСУВАЊЕТО НЕКОЛКУ ЗАКОНИ Мицкоски вели подаваме рака и на домашните и на странските инвеститори appeared first on plusinfo.mk.

Однесувањето на бугарските парламентарци во врска со извештајот на Европската комисија за Македонија кој беше усвоен, а треба да биде изгласан на почетокот на јули, на еден начин претставува отрезнување за оние коишто сметаат дека Бугарија не бара ништо освен мало корегирање на Уставот, смета пратеникот Антонио Милошоски.

– Однесувањето на бугарските парламентраци во Европскиот парламент не е изненадување, но можеби е добро отрезнување за одредени левичари коишто создаваат илузија дека Бугарија не бара ништо многу освен едно мало корегирање на Уставот. Менувањето на Уставот за Бугарија е само отварање на вратата низ која тие имаат намера да протнат уште десетина такви тешки барања – истакна Милошоски во гостување на „За или против“ на ТВ Алфа.

Тој вели дека каков и да биде исходот од претстојното гласање, сето тоа што се случувало во Комисијата за надворешни работи на Европскиот парламент треба да се смета за успех затоа што веќе сите знаат дека Македонија кредибилно тврдеше дека менувањето на преамбулата не е единствено барање од страна на Бугарија.

– Каков и да биде исходот, тоа што се случуваше во Комисијата за надворешни работи на Европскиот парламент за нас треба да биде сметано како успех, затоа што сите видовме дека Македонија кредибилно тврди дека менувањето на преамбулата не е единственото барање и пречка зошто ние не ги отвараме преговорите за членство. Дури и да се случи во Европскиот парламент да има и пресврт и извештајот да не помине заради противењето на бугарските европратеници тогаш барем ќе бидеме на јасно за што станува збор, дека не станува збор за реформи во здравство, во образование туку станува збор за менување или одново пишување на историските читанки во изминативе 150 години – дециден е Милошоски.

На самиот почеток Милошоски истакна дека Македонија не случајно е домаќин на самитот ЕУ-Западен Балкан, од причина што акцентот е ставен на планот за раст на Европската комисија рефлектиран преку реформските агенди на коишто Македонија покажа најдобри резултати.

– Според мене не беше случајно одбрана Македонија да биде домаќин на овој состанок, затоа што главната тема беше планот за раст на Европската комисија, рефлектиран преку реформските агенди на сите земји од регионот, во тој дел Македонија досега направи најдобри резултати, покажа една добра реформска агенда и во однос на нејзината реализација мислам дека сме една од земјите коишто имаа подобар просек на реализација. Сето ова е на некој начин признание за реформската определба на Владата, и искажување на еден респект кон македонската Влада, да биде домаќин на една ваква средба каде што Европската комисија ги презентираше следните чекори во однос на земјите кандидати за членство на ЕУ – објасни Милошоски.

Пратеникот истакна дека Македонија е над просекот од 75% по однос на исполнување на реализација на реформската агенда.

– Моите информации се дека Македонија е над од оној просекот од 75% што го спомна еврокомесарката Кос по однос на исполнување на реализација на реформската агенда. Тоа покажува дека кога на државата и на македонската Влада ќе ѝ се дадат параметри коишто се мерливи и не зависат од билатерални препреки, злоупотреби тогаш резултатот и исходот и оценките се високи.

The post ЗА СОФИЈА УСТАВНИТЕ ИЗМЕНИ СЕ ВРАТА КОН ДЕСЕТИНА НОВИ БАРАЊА Милошоски вели дека во Европарламентот знаат што прави Бугарија appeared first on plusinfo.mk.

Стопанската комора смета дека новиот гувернер Трајко Славески ќе ги исполни очекувањата на бизнисот и дека Народната банка раководена од него ќе продолжи да работи самостојно и професионално.

Како што рече денеска претседателот на Комората Бранко Азески, за бизнисот е многу важна стабилноста на курсот и девизните резерви да бидат поставени на национално ниво.

Комората од Славески очекува и продлабочување на соработката со реалниот сектор, посебно во делот на добивањето реални податоци врз основа на кои би се испорачувала и реална проценка на ситуацијата.

-Ние секогаш сме имале став дека Народната банка е многу значајна институција за општата стабилност на државата и за водење на бизнисот и секогаш сме имале почит и респект кон неа. Долги години наназад нејзината самостојност е загарантирана и на некој начин докажана во работењето. Мислиме дека тоа ќе продолжи зашто изборот на личностите тоа го гарантира – рече Азески, одговорајќи на новинарски прашања по средбата со министерката за финансии Гордана Димитриеска Кочоска.

Тој рече дека бизнисот бара да добива реални проценки за да ја знае вистинската ситуација.

-За нас е многу битно да кажат – продолжи стабилноста на курсот, девизните резерви да бидат на национално ниво поставени, обезбедени и на некој начин очекуваме од новиот гувернер да ја продлабочи соработката со реалниот сектор на начин што во градењето на проекциите за монетарната политика ќе има барем некаков оддел во Народната банка специјализиран за истражувања на елементите потребни за градење на ставот на Народната банка по клучните задачи кои неа и се поставени, тоа значи дека ние во тој процес би помогнале, но суштината е да се добиваат реални податоци кои ќе испорачуваат реална проценка на ситуацијата. Се работи за многу професионална и многу значајна институција, мислиме дека Славески со кој сме имале добра соработка ќе го овозможи тоа и ќе ги исполни нашите очекувања – рече Азески.

Трајко Славески е предлог на претседателката Гордана Сиљановска-Давкова за гувернер на Народната банка, кој е испратен до Собранието.

The post СЛАВЕСКИ ИМА ПОДДРШКА ОД БИЗНИСОТ Се очекува стабилен курсот на денарот и девизните резерви поставени на национално ниво appeared first on plusinfo.mk.

Американскиот државен секретар Марко Рубио по телефонскиот разговор со шефот на руската дипломатија, Сергеј Лавров, изјави дека Русија подготвува документ во кој ќе бидат наведени барања за прекин на огнот во Украина што би довело до преговори за траен мир.

Рубио во интервју за Си-Би-Ес изјави дека украинската страна ќе работи на свој предлог и изрази очекување дека брзо ќе бидат дадени предлози за продолжување на преговорите.

Рубио истакна дека ќе биде добро доколку двете страни дадат предлози во следните неколку дена и ако се реални и рационални во својот пристап.

Тој оцени дека директниот разговор меѓу рускиот претседател Владимир Путин и украинскиот претседател Володимир Зеленски би имал поволен ефект врз напредокот на преговорите и изрази очекување дека тоа ќе се случи наскоро.

– Ако тие списоци имаат идеи кои се реални и рационални, тогаш мислам дека сме постигнале напредок. Ако тие документи, од друга страна, имаат барања за кои знаеме дека се нереални, тогаш ќе имаме поинаква проценка – изјави Рубио.

Тој посочи дека тоа не смее да биде процес само на бесконечни разговори, туку мора да има одреден напредок.

Рубио рече дека разговарал со Лавров за време на преговорите меѓу руската и украинската делегација во Истанбул на 16 мај.

Тој оцени дека разговорите во Истанбул не биле губење време бидејќи е постигнат договор за размена на 1.000 за 1.000 воени заробеници.

На прашањето дали Русија се обидува да купи време преку преговори, Рубио рече дека тоа ќе се открие сега.

The post РУСИЈА СПРЕМА ДОКУМЕНТ СО БАРАЊА, ОТКРИ РУБИО Украинците исто така составуваат список appeared first on plusinfo.mk.

Претседателот на Србија, Александар Вучиќ, во Ниш изјави дека повеќе не го интересираат никакви барања, дека тоа е „завршена приказна“ и дека „отсега па натаму, само народот ќе се слуша“. Тој на митингот во Ниш додаде дека е подготвен да им „подаде рака“ на своите политички противници и да ги покани повторно на разговор, за проблемите и разликите да се решаваат во институциите, а не на улица.

– Дојдоа кај мене, конечно станав компетентен, но нема повеќе барања, не ме интересираат вашите барања, приказната е завршена – рече Вучиќ на собирот во Ниш на Движењето за народот и државата „Не ја даваме Србија“.

Тој оцени дека студентите се „заведени од социјалните мрежи и од нивните професори“.

– Да разговараме, за да не се решаваат проблемите на улица, туку да ги решаваме проблемите и разликите во институциите. Нека се нервираат сите други околу нас, а ние да одиме напред како брз воз. Знам дека ќе одбијат, но ние повторно ќе подадеме рака, бидејќи знаеме дека Србија ни припаѓа на сите нас – рече Вучиќ.

Според него, ќе има избори кога надлежните институции ќе донесат одлуки и е убеден дека неговите политички противници „ќе ги изгубат со многу поголема разлика отколку минатиот пат“.

The post НЕ МЕ ИНТЕРЕСИРААТ ВАШИТЕ БАРАЊА, ТОА Е ЗАВРШЕНА ПРИКАЗНА Вучиќ испрати порака од собирот во Ниш appeared first on plusinfo.mk.

Оризопроизводителите од населените места во општина Чешиново-Облешево денеска излегоа на протест и со земјоделска механизација ја блокираа едната коловозна лента од магистралниот пат Кочани – Штип за да го изразат незадоволството од актуелните политики на почетокот на сеидбата.

На протестот земјоделците изнесоа три барања за кои очекуваат брзо исполнување од надлежните институции, а го повикаа премиерот Христијан Мицкоски на средба со нивни претставници кои ќе го запознаат со лошата состојба.

– Првото барање е корекција на предлог-планот за наводнување на територијата на општина Чешиново-Облешево, второто барање е корекција во исплатата на субвенцијата од 6 денари за килограм, при што тоа да биде за целата предадена арпа, а не за 800 килограми арпа по пријавена површина. Третото барање е што побргу да почне откупот за стоковите резерви. Ако не се промени планот за наводнување ние не можеме да посееме други култури освен ориз, свесни сме дека нема доволно вода во браната Калиманци, но со одредена количина може да се наполнат површините – изјави Стојче Ташовски, земјоделец од Облешево.

Земјоделците се пожалија дека со планот за наводнување во атарот на нивните населени места површините што треба да се сеат со ориз се намалени од 50 до 70%.

Оризопроизводителите попладнево треба да се сретнат и со министерот за земјоделство Цветан Трипуновски, за да му ги пренесат барањата.

The post ОРИЗОПРОИЗВОДИТЕЛИТЕ БЛОКИРАА ПАТ Имаат три неодложни барања пред сеидбата appeared first on plusinfo.mk.

– Ние ги сфаќаме предложените модели и решенија многу сериозно, но исто така не можеме да го прифатиме сето ова како што е. Сè што постои денес е обид да се најде некаква шема што ќе ни овозможи првично да постигнеме прекин на огнот, како што тоа го замислуваат Американците – објасни тој.

Трамп вели дека има краен рок за започнување на прекин на огнот во Украина Вчера, 05:03 Потоа мора да има транзиција кон некои други модели и шеми, во кои,

Според Рјабков, во моментов нема место за главното барање на Русија, имено, решение на проблемите поврзани со основните причини за конфликтот.

– Ова е целосно отсутно и тоа мора да се надмине – истакна дипломатот велејќи дека договорот мора да транзитира во нови модели и шеми.

Заменик министерот заклучува дека „Москва има длабоко и внимателно обмислен сет на свои приоритети и пристапи кон ова прашање, што се разработува, вклучително и од преговарачкиот тим на неодамнешните преговори во Ријад“.

На 18 март претседателите Владимир Путин и Доналд Трамп имаа телефонски разговор. Меѓу другото, рускиот лидер одговори позитивно на идејата за меѓусебно откажување од страна на страните во украинскиот конфликт од нападите врз објектите на енергетската инфраструктура во рок од 30 дена и ѝ даде на војската соодветната наредба.

Подоцна, Володимир Зеленски изјави дека властите во Киев ќе го поддржат овој предлог. Потоа, на 24 март, во Ријад се одржаа преговори меѓу експертските групи на Русија и САД, по што претставниците на земјите се согласија да развијат механизам за забрана на таквите удари.

Објавената листа на енергетски објекти кои страните се согласија да не ги гранатираат за време на прекинот на огнот вклучува рафинерии, нафтоводи и гасоводи и складишта, електрани, трафостаници, трансформатори и дистрибутери, нуклеарни централи и хидроелектрични брани.

Сепак, денови подоцна имаше неколку големи напади врз енергетски објекти за кои Москва и Киев меѓусебно се обвинуваат.

The post МОСКВА СЕРИОЗНО ГИ СФАЌА ПРЕДЛОЗИТЕ НА САД, НО ИМА БАРАЊА Заменикот на Лавров вели дека се работи на случајот appeared first on plusinfo.mk.

Русија мора да престане да поставува „непотребни барања“ кои ја одолговлекуваат војната, им порача украинскиот претседател Володимир Зеленски преку видеоповик на лидерите на ЕУ, јавува Би-Би-Си.

– Путин мора да престане да поставува непотребни барања кои само ја продолжуваат војната и мора да почне да го исполнува она што му го ветува на светот – рече Зеленски.

Украинскиот лидер го повика светот да продолжи со притисокот врз Путин бидејќи „еден момент тие даваат збор, а неколку часа подоцна тоа не значи апсолутно ништо“.

Зеленски, исто така, рече дека санкциите против Москва мора да останат на сила „додека Русија не почне да се повлекува од нашата земја и додека целосно не ја надомести штетата предизвикана од нејзината агресија“.

Тој претходно рече дека ништо не се сменило и покрај заложбите на Путин за ненапаѓање на енергетските постројки коментирајќи го последниот руски напад врз украинската струјна инфраструктура.

Украинскиот претседател во моментот е во посета на Норвешка каде што држи прес-конференција со норвешкиот премиер Јонас Гар Стор.

Прашан како би можел да изгледа прекинот на огнот тој рече дека првиот предложен чекор бил прекин на огнот по копно и по море, бидејќи Украина гледа на тоа како единствен начин да се запре руската агресија.

The post ЗЕЛЕНСКИ БАРА ПУТИН ДА НЕ ПОСТАВУВА „НЕПОТРЕБНИ“ БАРАЊА Украинскиот лидер потсети на заложбите за мир appeared first on plusinfo.mk.