НЛБ Банка ја заокружи првата половина од 2025 година со рекордни финансиски резултати и силен раст на сите клучни индикатори. Според неревидираните податоци за периодот од 01.01 до 30.06.2025, Банката остварила нето добивка од дури 1.610.020 илјади МКД (над 26 милиони евра).

– Овој резултат е одраз на внимателно спроведената деловна стратегија, посветеноста на тимот и довербата која секојдневно ја добиваме од нашите клиенти. Силниот раст е резултат и на стабилната поддршка на реалната економија и одговорниот пристап кон ризиците – велат од НЛБ Банка.

Според анализата вкупната актива на Банката е зголемена за 18,5% на годишно ниво, вкупните кредити на небанкарскиот сектор пораснале за 18,9%, а вкупните депозити пораснале за 17,6%.

Овие бројки, според Банката, го потврдуваат нејзиниот активен придонес кон економскиот развој и ја рефлектираат довербата која граѓаните и компаниите ја имаат кон неа.

– Нашата цел отсекогаш била да бидеме повеќе од банка, да бидеме партнер во растот на клиентите и економијата. Овие резултати се доказ дека сме на вистинскиот пат – додаваат од НЛБ Банка.

Покрај финансиските резултати, НЛБ Банка и во првата половина од 2025 продолжила со силен фокус на општествена одговорност, поддржувајќи проекти од културата, спортот, образованието и низа хуманитарни иницијативи.

– Одржливоста и општествената одговорност се клучни делови од нашата стратегија. Преку конкретни дела – не само зборови, инвестираме во заедницата и иднината – велат од Банката.

НЛБ најавува дека и во втората половина од годината ќе продолжи со фокус на иновативни дигитални решенија, подобрување на корисничкото искуство и зајакнување на односите со клиентите.

The post СИЛЕН РАСТ, ОДГОВОРНО И ОДРЖЛИВО РАБОТЕЊЕ Успешно прво полугодие за НЛБ Банка appeared first on plusinfo.mk.

The post ЕДНОСТАВНО, МОДЕРНО И ПОДОБРО МОБИЛНО БАНКАРСТВО Комерцијална банка ја претстави новата мБанка appeared first on plusinfo.mk.

„Денес повеќе од 69% од светското население користи мобилен телефон за добивање на основни и напредни дигитални услуги, од кои голем дел се однесуват на трансакции поврзани со мобилно банкарство. A токму онлајн банкарството е третата најпопуларна активност кај корисниците на паметни телефони во годината која измина, и се чини дека неговата популарност ќе продолжи да расте и во иднина“, велат од НЛБ Банка.

Во соопштението понатаму се вели:

„Овој тренд се пресликува и локално. Податоците од Народната банка на Република Северна Македонија за третиот квартал од 2024 покажуваат дека граѓаните извршиле 65% од вкупниот број електронски иницирани платни налози преку мобилните платежни апликации, што покажува дека мобилните апликации за плаќање стануваат сѐ попопуларни, бидејќи нудат побрзи и поедноставни решенија за иницирање на платежните трансакции.

Овој тренд ни го потврдија и од НЛБ Банка, и дополнително нè информираа и дека нивната мобилна апликација за онлајн плаќања, НЛБ мКлик, бележи сè поголема популарност кај физичките лица, благодарение на, како што велат оттаму, „нејзината функционалност и огромни предности во однос на традиционалното, „шалтер банкарство“.

Банката вели дека за изминатата 2024 година НЛБ мКлик е сè повеќе прв избор на нивните клиенти за извршување на банкарски трансакции бидејќи им овозможува брзо, навремено, но и безбедно плаќање преку мобилен телефон.

„Речиси 70% од нашите активни клиенти, физички лица, ја имаат мКлик апликацијата, а нашите анализи покажуваат раст од 15% во бројот на трансакции преку мобилното банкарство кај физичките лица споредено со мобилните транскации направени во 2023. Учеството на електронски трансакции во вкупниот број на трансакции на физички лица изнесува 62%, додека трансакциите на физичките лица направени преку НЛБ мКлик мобилното банкарство учестуваат со 91% во вкупниот број на сите електронски трансакции на физички лица на Банката“, истакнуваат од НЛБ Банка, аргументирајќи ги статистиките со функционалностите и предностите на нивната мобилна апликација.

Објаснувајќи ги можностите на апликацијата од НЛБ велат:

„НЛБ мКлик нуди пристап до банкарските податоци во кое било време и од кое било место: проверка на состојбата и прометот на сите сметки – депозити, картички и кредити; извршување на сите плаќања со само еден клик – интерни трансакции, режиски трошоци и останати плаќања кон физички и правни лица; промена на лимитот на кредитните картички и низа други“.

Понатаму во соопштението се спомнуваат опциите „Плати на пријател“ и „Подели смета“ кои се дел од апликацијата.

„Апликацијата ја содржи опцијата „Плати на пријател“ која на корисниците им овозможува префрлување и примање на парични средства, едноставно со избирање на телефонски број од именикот, и опцијата „Подели сметка“ која, повторно преку именикот во телефонот, овозможува вкупната сума од сметката да се подели на онолку лица на колку што е тоа потребно“.

НЛБ ги истакнува можностите за аплицирање за потрошувачки кредит или за купување осигурителна полиса директно преку оваа апликација.

“Дополнителна придобивка е можноста за аплицирање за потрошувачки кредит директно преку мобилен телефон, целосно автоматизиран и дигитализиран процес со време на одобрување од 10-тина минути, по што средствата се веднаш на сметката на клиентот.

Корисниците на НЛБ мКлик во секое време можат да купат и осигурителна полиса, како и да добијат информации за останатите небанкарски продукти достапни во мрежата на Банката, преку директни линкови во самата аликација кои водат до соодветните веб страници“.

НЛБ Банка ссопшти дека „постојано инвестира во мобилната НЛБ мКлик апликацијата, во нејзина техничка надградба со нови решенија, подобрување на дизајнот и унапредување на корисничкото искуство“.

„Мобилното банкарство на НЛБ Банка, освен што заштедува време, заштедува и пари бидејќи трошоците за сите електронски налози извршени преку НЛБ мКлик апликацијата се 50% до 70% пониски од трошоците за хартиените налози извршени во експозитура. Апликацијата НЛБ мКлик може да се преземе бесплатно од платформите PlayStore или AppStore, во зависност од оперативниот систем на корисничкиот уред“, порачуваат од НЛБ.

The post МОБИЛНОТО БАНКАРСТВО Е ВО ПОДЕМ Зголемен е бројот на корисници на апликацијата НЛБ мКлик appeared first on plusinfo.mk.

Граѓаните и компаниите се повеќе ги ползуваат придобивките од користењето на интернетот и можноста да ги комплетираат секојдневните активности онлајн, без разлика дали станува збор за бизнис или лични потреби.

Колку Македонците нарачуваат/купуваат онлајн?

Според објавените резултати за 2021 година од страна на Државниот завод за статистика, е-трговијата бележи пораст од 15.5%. Спроведената анкета во првото тромесечје на 2021 година во Република Северна Македонија во која испитаниците се изјаснуваат за направените онлајн нарачки и купувања во последните 12 месеци покажува раст, односно 46,3% од интернет корисниците нарачале/купиле онлајн во последните 12 месеци, спрема 40,1% во истиот период минатата година.

– Во услови на пандемија, на рестриктивни мерки и забрани за движење и грижа за заштита на сопственото здравје се повеќе граѓаните се свртеа кон алтернативата на традиционалното купување – односно онлајн. Е-трговијата забележува пораст, а навиките на граѓаните се менуваат. Поради методологијата на собирање на податоците од ДЗС (истите се собираат во првото тромесечје од годината), податоците за минатата година не даваа вистинска рефлексија на влијанието на пандемијата врз е-трговијата. Иако се забележува раст од 15.5% во бројот на онлајн купувачи како процент од интернет корисниците, истиот не е значајно поголем во 2021 односно е приближно ист како и минатите години – во 2021 изнесува 46%, додека во 2020 беше 40% и 36% во 2019. Од друга страна, она што е забележително како влијание на пандемијата е дека дури 84% од направените онлајн нарачки биле кон домашните е-трговци. Што се однесува до менување на навиките може да се забележи удвојување на користењето на е-банкарството и зголемување на учеството на корисници кои се повеќе бараат информации за производи и услуги онлајн. Сепак како што речиси секогаш посочуваме ова не е доволно и понатаму ќе работиме со сите засегнати страни трендот на раст да продолжи со засилено темпо со крајна цел да се оддалечиме од дното на рангирањето во компаративната анализа со европските земји. Асоцијацијата за е-трговија ги продолжува напорите, иницијативите и активностите со цел креирање поволна клима за забрзан раст на е-трговијата во земјава – објаснува претседателката на АЕТМ, д-р Нина Ангеловска.

Колку од Македонците имаат пристап и колку често го користат интернетот?

Интернет пенетрацијата во првото тримесечје од 2021 година е зголемена на 83,7% опфат на домаќинствата, спрема 79,9% во истиот период минатата година. При тоа во истиот период оваа година 86,4% од Македонците на возраст 15-74 години користеле интернет спрема 81,4% минатата година. Притоа 87,8% од мажите користеле интернет спрема 85,1% од жените во истиот период. Од аспект на секојдневната употреба на интернетот, 80,5% од Македонците биле активни на дневно ниво, а од аспект на родовата распределба, 82,6% од мажите, а 78,4% од жените користеле интернет секојдневно.

За што го користеле најмногу интернетот Македонците во 2021?

Македонците во 2021 година го зголемиле користењето на интернетот во сите категории, освен за продажба на производи или услуги. Најмногу во 2021 година се користи интернетот за телефонирање односно 90,6% од корисниците, спрема 74% минатата година, потоа 85,2% го користеле за социјалните мрежи и тоа за (креирање кориснички профил, испраќање пораки или други прилози на Фејсбук, Твитер итн.), а 82,3% за инстант-пораки, т.е. размена на пораки, на пример, преку Skype, Messenger, WhatsApp, Viber и сл. При тоа жените (92,9%) повеќе телефонираат од мажите (88,4%) и повеќе го користат интернетот за барање информации поврзани со здравјето, додека мажите се во сите други активности на интернет повеќе од жените. За одбележување е порастот на користењето на интернетот за интернет банкарство каде има пораст за 104%.

Овој раст е мошне значаен, имајќи предвид дека во текот на 2020 година само 15,2% од населението го користело интернетот за е-банкарство, а во текот на 2021 година бројот се зголемува двојно и 31,1% од населението го користи интернетот за е-банкарство.

Што купувале најмногу онлајн?

Македонците како и во минатите години, најмногу купувале облека вклучително и спортска опрема или 66,6% и спортска опрема 16,3%, додека другите категории на производи немаат значително учество и промени во однос на минатата година.

Од каде најмногу купувале онлајн?

Она што е особено значајно за е-трговците е дека Македонците најмногу онлајн купувале од продавачи од земјата, односно од домашни е-продавници (84,4%). Ако во минатото пред пандемијата, доминантна онлајн трговија била кај продавачите од другиот дел на светот, во 2021 година тоа учество е 17,9% и 12,5% купувале од продавачи, односно е-продавници од ЕУ.

The post ЗА ШТО ГО КОРИСТАТ МАКЕДОНЦИТЕ ИНТЕРНЕТОТ? Бројот на онлајн купувачи расте, е-банкарството е во подем appeared first on plusinfo.mk.