Агенцијата за кредитен рејтинг „Стандард и Пур“ го потврди кредитниот рејтинг на земјава на ББ- со стабилен изглед, при што посочува дека банкарскиот сектор е стабилен, а инфлацијата на среден рок ќе се стабилизира и ќе се движи околу историските нивоа. Соопшти Народна банка на Република Северна Македонија.

Во извештајот се наведува дека, пред конфликтот на Блискиот Исток и растот на светските цени на енергијата, инфлацијата бележеше значително намалување и изнесуваше 2,9% во февруари. Се очекува дека инфлацијата ќе се зголеми во наредните месеци, но на среден рок, инфлацијата кај храната и услугите би се нормализирала, при што вкупната инфлација би се движела од 2,0% до 2,5%, во просек.

Во вакви услови, се оценува дека Народната банка ќе води претпазливa монетарна политика, заснована на податоците за блискиот период, со приоритет на ценовната стабилност и стабилноста на девизниот курс на денарот. Се посочува дека евентуалното олабавување на монетарната политика би било постепено и би зависело од одржливото намалување на инфлацијата, додека зголемените инфлациски или надворешни притисоци би довеле до задржување или затегнување на политиката.

Покрај ова, се наведува дека Народната банка ја приспособила оперативната рамка на монетарната политика заради подобрување на управувањето со ликвидноста и за зајакнување на преносот на монетарната политика.

Во однос на банкарскиот сектор, се наведува дека тој и натаму е стабилен, со висока стапка на адекватност на капиталот (19,5%), како и солиден раст на депозитите и кредитната активност.

The post КРЕДИТНИОТ РЕЈТИНГ НА МАКЕДОНИЈА СТАБИЛЕН „ББ-“ Инфлацијата 2,9% во февруари appeared first on plusinfo.mk.

Комерцијална банка по јубилеен 15. пат е прогласена за „Најдобра банка во Македонија за 2026 година“ од угледниот финансиски магазин Global Finance. Оваа престижна меѓународна награда за Банката претставува силна потврда за континуираниот развој, стабилноста, иновативниот пристап, високата грижа за клиентите и значајниот придонес за домашната економија.

Со ова признание, Комерцијална банка се истакнува како институција која внимателно и посветено одговара на потребите на клиентите и во услови на предизвикувачки пазари, остварува силни деловни резултати и успешно и стратешки управува со своите средства и обврски во услови на неизвесност.

– Оваа јубилејна награда е големо признание за посветеноста, професионалноста и знаењето на целиот тим на Комерцијална банка. Таа е резултат на нашата јасна стратешка визија и на континуираното инвестирање во иновации, дигитални решенија и квалитет на услугите. Пред сè, ова е награда која ја делиме со нашите клиенти и партнери затоа што нивната доверба е наша силна мотивација – изјави Хари Костов, главен извршен директор и претседател на Управниот одбор на Комерцијална банка.

Со оваа награда, Комерцијална банка повторно се наоѓа меѓу најдобрите банки во повеќе од 150 земји во светот, признати во рамките на 33-то издание на годишните награди на Global Finance.

– Глобалниот банкарски сектор продолжува да покажува издржливост и стабилност и покрај геополитичката нестабилност, регулаторните притисоци и сè поголемата конкуренција од финтек компаниите. Наградите за најдобри банки за 2026 година им оддаваат признание на институциите кои најуспешно управуваат со своите средства и обврски, а истовремено инвестираат во дигитални иновации и вештачка интелигенција за да одговорат на променливите потреби на своите клиенти – изјави Џозеф Д. Џарапуто, основач и уреднички директор на Global Finance.

При изборот на најдобрите банки, Global Finance ги зема предвид квантитативните показатели, како што се растот на активата, профитабилноста, стратешките деловни односи, развојот на нови бизниси и иновациите во производите, како и квалитативните оценки и мислења од финансиски аналитичари и директори, банкари и банкарски консултанти од целиот свет. Наградите на Global Finance се сметаат за врвен меѓународен стандард за извонредност во финансискиот сектор.

Ова јубилејно признание за Комерцијална банка претставува уште една силна обврска за иднината. Банката ќе продолжи со уште поголема посветеност да создава сигурни, иновативни и одржливи финансиски решенија, да ја унапредува дигиталната трансформација и да биде стабилен партнер на граѓаните, бизнисите и на целото општество.

The post КОМЕРЦИЈАЛНА БАНКА ПРОГЛАСЕНА ЗА НАЈДОБРА БАНКА ВО МАКЕДОНИЈА ЗА 2026 ГОДИНА Магазинот Global Finance по 15. пат ѝ оддаде признание на Банката appeared first on plusinfo.mk.

Меѓународниот монетарен фонд позитивно ги оцени стабилноста и отпорноста на банкарскиот сектор, како и напредокот во монетарната политика и институционалната рамка на Народна банка на Република Северна Македонија, се наведува во завршниот исказ по мисијата спроведена врз основа на членот IV.

Во соопштението се посочува дека домашната економија покажува отпорност, што се гледа преку одржувањето солиден економски раст и постепеното забавување на инфлацијата. Сепак, како ризик се наведуваат продолжениот конфликт на Блискиот Исток и повисоките цени на енергијата, кои би можеле да имаат негативни последици врз повеќе економски сегменти.

Од Народната банка информираат дека поради овие ризици, ММФ препорачува натамошно претпазливо водење на монетарната политика. Воедно, се нагласува дека модернизацијата на оперативната рамка за спроведување на монетарната политика претставува значајно достигнување, кое ја зголемува ефикасноста и флексибилноста на централната банка.

ММФ оценува дека финансискиот систем останува стабилен, со добро капитализирани, ликвидни и профитабилни банки и ниско ниво на нефункционални кредити. Спроведените стрес-тестови, како што се наведува, покажуваат дека системските ризици се ограничени и под контрола, додека мерките во областа на макропрудентната политика се оценети како соодветни.

Во извештајот се поздравува и напредокот во усогласувањето на домашната регулатива со европските стандарди, што треба дополнително да ја зајакне супервизијата, решавањето банки и целокупната финансиска стабилност.

Од Народната банка истакнуваат дека и во наредниот период ќе останат посветени на одржување на ценовната и финансиската стабилност, како и на унапредување на политиките и инструментите во согласност со меѓународните практики.

The post ММФ СО ПОЗИТИВНА ОЦЕНКА Банкарскиот сектор во Македонија останува стабилен appeared first on plusinfo.mk.

Почнувајќи од денес, 12.12.2025 година, со усвојувањето на измените и дополнувањата на Статутот на Собранието на акционери, Стопанска банка а.д. Битола и официјално доби ново име – АЛТА банка АД Битола, или скратено АЛТА банка.

Успешната аквизиција на Стопанска банка а.д. Битола од страна на АЛТА банка АД Белград заврши во октомври 2025 година, со што банката доби нов мнозински акционер кој, заедно со поврзаните субјекти, поседува 93,2571% од акциите.

АЛТА банка АД Битола станува дел од АЛТА Група – современа финансиска групација со седиште во Белград, која ги обединува банкарските, платежните и инвестициските услуги. Како регионален лидер, АЛТА Група работи согласно европските вредности и највисоките стандарди, со силен стратешки фокус на иновации, дигитализација и врвен квалитет на услугите.

АЛТА банка АД Белград е една од најзначајните членки на групацијата, која во 2024 година ја доби наградата за најбрзорастечка банка во Република Србија. Миграцијата и усогласувањето со нејзините највисоки стандарди од страна на АЛТА банка АД Битола ќе отвори нови можности за воведување иновативни производи и современи дигитални решенија, како и за унапредување на корисничкото искуство и задоволството на клиентите, со целосно почитување на домашните финансиски стандарди и регулативи.

Амбицијата на АЛТА банка АД Битола е да стане значаен фактор во банкарскиот сектор во Македонија, поддржувач на локалната економија и институција што ќе создава услови за развој на регионалната соработка.

Она што е особено важно за клиентите и деловните партнери е дека работењето на банката продолжува непречено, со целосно задржување на досегашната стабилност, сигурност и континуитет во услугите. Сите експозитури остануваат на истите локации, со воведување на нов визуелен идентитет на АЛТА банка.

„За постоечките клиенти не се потребни никакви дополнителни активности – сите постојни сметки, платежни картички, електронско банкарство и договори остануваат целосно валидни и функционални. Податоците на клиентите се во целост заштитени, а сите законски регулативи строго се почитуваат. Производите, услугите и каналите за поддршка продолжуваат да се користат без промени. Клиентите ќе бидат навремено информирани за сите понатамошни активности кои ќе придонесат за уште

The post СТОПАНСКА БАНКА БИТОЛА ОФИЦИЈАЛНО Е АЛТА БАНКА Новиот менаџмент ветува иновации и модерни дигитални услуги appeared first on plusinfo.mk.

Советот оценува дека во третиот квартал од годината банките работеа во услови на позначително забавување на домашната инфлација и поволен девизен пазар, но ризиците од окружувањето сѐ уште постојат и е потребно нивно натамошно внимателно следење и претпазливост во водењето на политиките поради задржување на стабилноста на банкарскиот сектор и во следниот период.

„Растот на депозитите од граѓаните и фирмите забрза и овозможи одржување на кредитниот раст, но и зголемување на ликвидните средства на банките. Притоа, забрза годишниот раст на депозитите искачувајќи се до нивото од 7,9%, во кој преовладува долгорочното штедење, како и денарските депозити, поттикнато и од мерките на Народната банка за поддршка на денаризацијата и штедењето на подолг рок. Се забележува забрзување на годишниот раст кај кредитирањето до 7,5%, додека резултатите од Анкетата за кредитната активност во третиот квартал од 2024 година укажуваат на натамошно нето-олеснување на вкупните кредитни услови и нето-зголемување на кредитната побарувачка, и кај двата сектора − претпријатијата и домаќинствата“, оценува Народна банка.

Советот донесе нова Одлука за методологијата за идентификување системски значајни банки со која се унапредува постојната методологија врз основа на која Народната банкa ги идентификува системски значајните банки во земјава и за нив го утврдува заштитниот слој на капиталот.

„Ова претставува макропрудентен инструмент за јакнење на отпорноста на банкарскиот систем преку јакнење на солвентноста и стабилноста на системски значајните банки на неочекувани шокови или загуби коишто можат да настанат во текот на нивното работење. Измените на одлуката за системски значајни банки се прави и заради натамошно приближување кон Насоките од Европскиот банкарски орган (ЕБА) за идентификување на домашните системски значајни банки3, соопштија од НБ.

Советот усвои и измени на регулативата за сметководство и финансиско известување за банките и штедилниците поради спроведување на барањата на меѓународниот стандард за финансиско известување („МСФИ”) 16 „наеми” и усогласување со важечките МСФИ, објавени од Одборот за меѓународни сметководствени стандарди..

The post БАНКАРСКИОТ СЕКТОР Е СТАБИЛЕН Народна банка донесе нови правила за сметководствено и финансиско известување appeared first on plusinfo.mk.

И во вториот квартал од годинава банкарскиот сектор ја задржа својата стабилност, со подобрена солвентност, добра ликвидност и со задржан квалитет на кредитното портфолио, оцени Советот на Народна банка.

„Во вториот квартал од 2024 година, банките работеа во поповолно домашно макроекономско окружување, во време кога геополитичкиот контекст сѐ уште е нестабилен и создава неизвесност и зголемени ризици за следниот период. Притоа, во овој квартал растот на депозитите на банките беше поумерен, но тој и натаму е солиден и овозможува одржување на кредитниот раст, којшто малку забрза во вториот квартал од годината“, се вели во оценката.

Народна банка смета дека солвентноста на банкарскиот систем и натаму бележи тренд на подобрување, а стапката на адекватност на капиталот достигна ниво од 19%, коешто е највисоко од 2006 година наваму.

-Задржувањето на добивките остварени во минатата година овозможи натамошно зајакнување на капиталните позиции на банките, додека без малку 40% од сопствените средства на банкарскиот систем отпаѓаат на заштитните слоеви на капиталот или се „слободни” над потребното минимално ниво и може да се употребат за покривање на неочекуваните шокови и загуби. Повисоките показатели за солвентноста главно се темелат на распределбата на добивкaта од минатата година, а во голема мера се поддржани и од повисоките регулаторни и супервизорски барања за одржување повисок капитал од страна на банките, што пред сѐ е поврзано со заштитните слоеви на капиталот и капиталниот додаток утврден врз основа на супервизорска оцена – велат од НБ.

Се оценува и дека солвентноста на банкарскиот систем и натаму ќе се подобрува како резултат на зголемувањето  на противцикличниот заштитен слој на капиталот, што ќе почне да се применува во наредниот период.

Според НБ, ликвидноста на банкарскиот систем и натаму е на задоволително ниво, профитабилноста се подобри, но побавно од лани, додека кредитното портфолио на банките го задржа квалитетот.

Советот предупредува дека условите и натаму се неизвесни, а ризиците за светската и домашната економија на краток и на среден рок сѐ уште постојат.

– Оттука, потребна е натамошна претпазливост во управувањето со ризиците и во водењето на политиките, а Народната банка е подготвена да ги употреби сите неопходни инструменти и да презема соодветни мерки со коишто ќе се придонесе за задржување на стабилноста на девизниот курс, ценовните нивоа и на банкарскиот сектор – велат од НБ.

The post НЕ ГРИЖЕТЕ СЕ ЗА ВАШИТЕ ПАРИ ВО БАНКИТЕ Народна банка го оцени банкарскиот сектор за стабилен appeared first on plusinfo.mk.

– Банките на глобално ниво беа под притисок по проблемите во Силиконската долина, а неколку дена подоцна и на Credit Suisse. Ниту една банка на ЕУ не беше директно вклучена, но цените на акциите на банките во ЕУ беа значително погодени. Берзата на ЕУ изгуби 6 проценти за помалку од 10 дена, европските банки изгубија повеќе од 25 проценти од нивната вредност во просек. Непосредната реакција на американските и швајцарските власти го намали ризикот од многу поширока зараза – вели Павлова во интервјуто.

Европскиот банкарски сектор, особено комерцијалните банки кои имаат голема, солидна и разновидна депозитна база и кредитираат разновидни групи клиенти, според Павлова, е далеку позаштитен.

Доколку тензиите на финансискиот пазар продолжат, тогаш, предупредува Павлова, последиците најверојатно ќе бидат построги кредитни услови и помал раст.

За македонскиот банкарски систем, оценката на Павлова е дека тој е добро капитализиран, но очекува дека се уште ќе има силна кредитна побарувачка.

– Сепак, понудата на кредити повторно се затегна во последните шест месеци и се очекува дополнително влошување на условите од страната на понудата. Затоа, банкарскиот сектор ќе се соочи со сѐ уште силна кредитна побарувачка (од корпорации, мали и средни претпријатија и домаќинства), но со позаострени услови за понуда – истакнува Павлова.

Сепак, по пандемијата и војната во Украина кои се одразија врз развојот на економиите на глобално ниво, се очекува постепено да почне релаксирањето на монетарната политика, во САД веќе во втората половина од годинава, а следната година и во еврозоната.

– Според очекувањата на пазарите (кои беа значително прилагодени во последните денови, по тензиите поврзани со банките) веќе сме многу блиску до врвот на каматните стапки во еврозоната. Пазарите, исто така, очекуваат дека централните банки ќе почнат да ја релаксираат својата монетарна политика веќе во вториот период од 2023 година за САД и во 2024 година за еврозоната. Инфлацијата е висока, но олабавува, а фискалната политика останува прилично приспособлива, вели Павлова.

Во интервјуто, Павлова открива и дека во наредните месеци ЕИБ планира да ја прошири соработката со Банката за развој на Северна Македонија и локалните комерцијални банки со цел да им помогнеме на малите бизниси да пристапат до зелени финансии.

The post МАКЕДОНСКИТЕ БАНКИ СЕ ДОБРО КАПИТАЛИЗИРАНИ Ќе расте побарувачката за кредити, ама условите ќе бидат построги appeared first on plusinfo.mk.