Секој „следен“ чекор во животот носи возбуда – прва голема одлука, прва плата, втор дејт – прва девојка, нова работа. И секој „следен“ чекор значи нешто повеќе – возбуда, чувство на раст, на слобода, на сопствен пат. За младата генерација, овие моменти се доказ за напредок. И токму тука започнува приказната за „NLB Next“.

Во време кога Генерацијата Z активно чекори кон независност, нивните очекувања од финансиските институции го надминуваат концептот на банка – тие очекуваат сопатник кој ја следи нивната слобода, флексибилност, нивниот свет на можности.

Препознавајќи го ова, НЛБ Банка го воведува „NLB Next“ – пакет наменет за млади, кој ја редефинира улогата на банкарството во нивниот живот – од функционална услуга, до партнер што ги поддржува амбициите, моментите и личниот напредок на новите генерации. „NLB Next“ е многу повеќе од пакет за млади – тој е платформа што ги препознава и поддржува нивните „следни“ чекори, овозможувајќи им дигитално банкарско искуство преку мобилен телефон.

„NLB Next“ е „mobile first“ искуство, бесплатен пакет наменет за сите млади на возраст од 18 до 25 години. Во себе вклучува: онлајн отворање и бесплатно одржување на денарска платежна сметка, мКлик мобилна апликација со право на плаќање, „MasterCard“ дебитна – дигитална картичка веднаш и мобилен паричник преку „NLB Pay“ апликацијата.

– Генерацијата „Z“ живее во постојан „следен“ режим – следен испит, следна работа, следно патување, следно лично надградување. Името „NLB Next“ симболизира амбиција, движење и континуиран развој – глобално разбирливо и вклопено во нивниот јазик и динамика. Концептот зад „NLB Next“ комбинира емоционални животни моменти со јасни и конкретни придобивки од дигиталните услуги. Со тоа, дигиталната трансформација ја правиме културно релевантна и блиска до младите – истакнуваат од НЛБ Банка.

Меѓу другото, предностите на пакетот се и: студентски поволности од типот на бесплатни е-налози кон факултети, специјални попусти и привилегии кај трговци преку „NLB Next“ – Клуб за млади, а она што дефинитивно го прави овој пакет поразличен е секоја „следна“ придобивка, секој месец нешто повеќе, пристап до поволности и услуги прилагодени на нивните потреби, со што пакетот е секогаш свеж и возбудлив за младите.

– „NLB Next“ ја следи индивидуалноста и животната слобода на младите. На оние кои го сакаат светот на музиката, на оние кои ја наоѓаат возбудата во спортот, гејмерите, скејтерите, оние кои истражуваат нови начини на учење… „NLB Next“ е твој момент, твој ритам  – заклучуваат од НЛБ Банка.

Отворање на пакетот за млади „NLB Next“ се врши лично во експозитурите на НЛБ Банка, со документ за идентификација, лична карта или пасош.

The post НЛБ БАНКА ГО ПРЕТСТАВУВА „NLB NEXT“ Пакет за млади што ги следи нивната амбиција и независност appeared first on plusinfo.mk.

Њујоршката полиција успеа да фати и да ослободи елен кој некако влегол во приземните канцеларии на една банка во Лонг Ајланд, Њујорк, и не можел да најде излез.

Полицијата реагирала на сигунросниот аларм на банката, кој се активирал, но утврдила дека не се работи за провална кражба туку дека алармот го активирал елен кој влегол во бакната и не можел да излезе.

Police in New York restrained and freed a deer trapped in a bank after breaking in through a window on the ground floor pic.twitter.com/HQaZHGVGjt

— Reuters (@Reuters) January 23, 2026

/p>

The post 🎥 ЕЛЕН „ПРОВАЛИ“ ВО БАНКА ВО ЊУЈОРК Погледнете како полицијата го „приведе“ appeared first on plusinfo.mk.

Крадци во Германија украле имот вреден повеќе десетици милиони евра од трезорот на една банка, соопшти германската полиција.

Околу 2.700 клиенти на банката се оштетени со оваа кражба во Гелзенкирхен, соопштија полицијата и банката Шпаркасе. Гневните штедачи се собраа денеска пред банката барајќи си ги своите пари.

Полицијата смета дека вредноста на сè украдено достигнува околу 90 милиони евра.

Грабежот се случил вчера, а банката остана затворена и денеска, додека околу 200 луѓе се појавија пред неа барајќи да влезат внатре, пренесува ДПА.

Противпожарниот аларм ги повикал полицајците и пожарникарите во филијалата на банката малку пред 4 часот наутро во понеделникот.

Тие пронашле дупка во ѕидот и го пребарале трезорот. Полицијата верува дека била користена голема дупчалка за пробивање на ѕидот.

Сведоци им кажале на истражителите дека во текот на викендот виделе неколку мажи како носат големи торби во блиската гаража.

The post 🎥 ГО ПРОДУПИЛЕ ЅИДОТ И ОД ТРЕЗОР ОДНЕЛЕ ОКОЛУ 90 МИЛИОНИ ЕВРА Спектакуларен грабеж на филијала на Шпаркасе банка во Германија appeared first on plusinfo.mk.

The post ЕДНОСТАВНО, МОДЕРНО И ПОДОБРО МОБИЛНО БАНКАРСТВО Комерцијална банка ја претстави новата мБанка appeared first on plusinfo.mk.

Почина Кларк Олофсон на 78-годишна возраст – познат како еден од двајцата харизматични криминалци, вклучени во држењето заложници во банката Кредитбанкен во Стокхолм, што го покрена поимот „Стокхолмски синдром“.

Тој починал по долго боледување, изјави неговото семејство за интернет-страницата „Дагенс ЕТЦ“ (Dagens ETC).

Олофсон стана меѓународно познат во 1973 година, по упадот во шведската банка, проследен со заложничка криза. За време на шестдневната опсада, заложниците на Олофсон почнале да сочувствуваат со него и со неговиот соучесник Јан-Ерик Олсон, бранејќи ги нивните постапки, додека станувале сè понепријателски настроени кон полицијата.

Олофсон, според своите кажувања, дејствувал со цел да ги заштити заложниците и за тоа „имал тивка согласност“ од полицијата. Тој е прогласен невин за тој упад, но бил вратен в затвор за да го отслужи остатокот од претходната казна.

Олсон добил 10 години казна затвор.

Настанот во Стокхолм ѝ го даде името на теоретската психолошка состојба „Стокхолмски синдром“ во којашто жртвата на киднапирање или заложништво развива наклонетост кон своите киднапери.

Олофсон е повеќекратен престапник и поголемиот дел од својот живот го минал в затвор. Последен пат е ослободен во 2018 година, откако отслужил казна во Белгија за прекршоци поврзани со дрога.

The post ПОЧИНА ШАРМАНТНИОТ КРИМИНАЛЕЦ ШТО ГО ПОТТИКНА ТЕРМИНОТ „СТОКХОЛМСКИ СИНДРОМ“ Заложниците го засакале Олофсон, полицијата им станала непријател appeared first on plusinfo.mk.

Министерката за финансии Гордана Димитриеска-Кочоска соопшти дека веќе се работи на подготовка за издавање на нова еврообврзница за следната година со цел да се обезбедат средства за сервисирање на еврообврзницата што доспева во 2026 година којашто е во износ од 700 милиони евра.

– Тоа ќе биде износ поголем од 700 милиони евра, бидејќи дел од евентуалниот буџетски дефицит за 2026 година исто така ќе го финансираме преку еврообврзницата. Најголемиот дел од Буџетот во 2025 година го финансиравме преку домашните банки, но сега е време да се насочиме кон меѓународните финансиски пазари – истакна Димитриеска-Кочоска за телевизија Сител.

Во однос на проектот за изградба на брзата пруга која е дел од Коридорот 10, министерката рече дека не се предвидени повлекување на средства ниту оваа, ниту наредната година. Верува дека ќе има добри понуди од меѓународните финансиски институции.

– Ќе следи анализа на понудите, а потоа ќе има закон за задолжување, а имаме и избори. Со информациите што ги имаме од Министерството за транспорт и врски првите исплати ќе бидат во 2027 година – рече Димитриеска-Кочоска.

За ребалансот на Буџетот рече дека е направен со јасна фокусираност на одржување на фискалната дисциплина, поддршка на приоритетните проекти и ефикасно прераспределување на буџетските средства.

Најголем дел од кратењата, како што посочи, се направени во рамки на Владата.

– Обезбедивме дополнителни 800 милиони денари за плати, од кои најголемиот дел се за Министерството за внатрешни работи – 600 милиони денари од буџетската сметка и уште 400 милиони денари од сопствени средства во нивниот буџет. Ова овозможува зголемување на платите во МВР за 10 проценти, во вкупен износ од околу една милијарда денари – рече Димитриеска-Кочоска, додавајќи дека се обезбедени дополнителни 2,5 милијарди денари за исплата на пензиите.

Зголемување на средствата над една милијарда денари има и во Министерството за одбрана, како и во Министерството за социјална политика, демографија и млади каде се обезбедени дополнителни 300 милиони денари за невладини организации за услуги за стари и изнемоштени лица.

Во преговорите со надлежните министерства, како што посочи министерката, било инсистирано на конкретни податоци за склучени договори, динамика на реализација и временски рокови. Дополнителни средства, вели, се доделени само таму каде што има реална основа и висок степен на извршување.

The post СЕ КРЧКА ЕВРООБВРЗНИЦА ЗА СЛЕДНАТА ГОДИНА Износот ќе биде поголем од 700 милиони евра appeared first on plusinfo.mk.

Педесет и една годишна жена од Хрватска е осомничена за сложена и долготрајна измама во која, според информациите од хрватската полиција, оштетила повеќе лица за вкупна сума од 1,5 милиони евра. Случајот, кој се развивал речиси една деценија, хрватските медиуми веќе го нарекуваат „измама на векот“.

Осомничената, која во одреден период навистина била вработена во една банка во областа Меѓимурје, го искористила своето познавање на банкарскиот систем за да изгради лажен имиџ на висока менаџерка. Со тоа добила доверба кај повеќе клиенти на кои им нудела наводно привилегирани орочени штедни фондови со високи каматни стапки.

Жртвите ѝ давале пари во готово или, по нејзин совет, подигале ненаменски кредити од истата банка, верувајќи дека прават финансиски исплатлива инвестиција. Наместо да ги уплати средствата во трезорот на банката, жената ги задржувала за себе и, според истрагата, ги користела за отплата на сопствени долгови и обврски преземени во минатото.

За да ја одржи илузијата дека сè е легално, таа им доставувала фалсификувани договори за штедење и во одредени случаи навистина исплаќала месечни рати и камати, со што дополнително ги уверувала оштетените во веродостојноста на нејзината понуда.

Полицијата ја расчистува целата шема која, како што стои во соопштението, се случувала во период од 2013 до 2023 година. Случајот го привлече вниманието на јавноста поради траењето, доверливоста што ја стекнала осомничената и износот на нанесената штета. Истрагата продолжува.

The post ИЗМАМА НА ВЕКОТ Хрватка лажно се претставувала како банкарка и проневерила 1,5 милиони евра appeared first on plusinfo.mk.

Сперма од донатор за кој се покажа дека е носител на ретка мутација поврзана со рак е искористена за зачнување на најмалку 67 деца во осум европски земји, од кои десет досега развиле различни форми на рак, беше објавено на годишната конференција на Европското здружение за хумана генетика во Милано.

Донаторот бил носител на ретка мутација во генот „TP53“, која подоцна била поврзана со синдромот Ли-Фраумени – една од најтешките наследни форми на предиспозиција за рак.

Во времето на донацијата во 2008 година, не беше познато дека мутацијата е канцерогена и не можеше да се открие со стандардно тестирање.

Откритието се случи кога две семејства, чии деца имале рак, независно контактирале со клиниките за ин витро оплодување.

Подоцнежната анализа покажа дека вкупно 23 деца ја наследиле мутацијата, вклучувајќи случаи на леукемија и Хоџкинова болест.

Доктор Едвиг Каспер од болницата Руан, кој го истражувал случајот, изјавил дека децата со дотичната мутација биле упатени на генетско советување и им биле препорачани редовни превентивни прегледи, вклучително и целосни магнетни резонанси.

Европската банка за сперма потврди дека повеќе од 67 деца се зачнати со употреба на репродуктивен материјал од тој донатор, но не сакаше да го открие точниот број.

Иако банката има ограничување од 75 семејства по донатор, случајот предизвика повици од експерти за меѓународни ограничувања и подобар систем за следење на спермата на донаторите.

– Ова покажува колку е важно што постои европско, ако не и глобално, ограничување по донатор. Не можеме да го секвенционираме целиот геном на секој донатор, но ова ниво на ширење на генетски болести е неприфатливо – рече Каспер.

Експертите предупредуваат дека меѓународната употреба на сперма го отежнува идентификувањето и известувањето на семејствата, што дополнително го комплицира одговорот во вакви случаи.

The post СКАНДАЛ ЈА ТРЕСЕ ЕВРОПА Најмалку 67 деца се зачнати од ист донор, а 10 од нив имаат рак appeared first on plusinfo.mk.

Како што објаснува Брус Касман, главен економист и раководител на глобалните економски истражувања во Џеј Пи Морган, главниот фактор што ја зголемува неизвесноста се политиките на САД.

– Дестабилизирачките политики на САД со месеци се препознаваат како најголем ризик за глобалната перспектива – изјави Касман за Блумберг.

Според него, трговските политики на САД сè повеќе се насочуваат кон ограничувања што создаваат неповолна средина за бизнисот.

– Најновите вести само ги зајакнуваат нашите стравови бидејќи американската трговска политика се развива во насока што е значително понеповолна за деловниот сектор отколку што очекувавме – додаде Касман.

Ова предупредување доаѓа во време на зголемена финансиска нестабилност и притисок врз глобалните пазари. Како што се приближува крајот на годината, инвеститорите со зголемено внимание ги следат економските сигнали, барајќи показатели кои би можеле да укажат на следните чекори во светската економија.

The post РИЗИКОТ ЗА ГЛОБАЛНА РЕЦЕСИЈА СКОКНА НА 60% Светската економија пред сериозен удар, предупредува Џеј Пи Морган appeared first on plusinfo.mk.

НЛБ Банка воведува промотивна понуда за својата револвинг кредитна картичка – НЛБ „haPPy“, единствената картичка на пазарот што овозможува загарантиран поврат на средства при секоја безготовинска трансакција. Во периодот од април до 31 јули оваа година, банката ја намалува каматната стапка за трансакциите направени со оваа картичка, овозможувајќи уште поповолни услови за корисниците.

Во рамки на промотивната кампања, каматната стапка за сите безготовински плаќања направени на ПОС терминали и онлајн трансакции ќе изнесува 8,9%. Оваа олеснителна мерка им нуди дополнителна вредност на корисниците, овозможувајќи им поопуштено купување со зголемена финансиска флексибилност.

Зошто НЛБ „haPPy“ е единствена на пазарот?

НЛБ „haPPy“ картичката е кобрендирана револвинг кредитна картичка од „Mastercard“ со меѓународна важност, дизајнирана да нуди поволности за секојдневни купувања. Со секоја трансакција направена на продажни места, клиентите добиваат поврат на средства (cashback) до 12% во рамките на партнерската мрежа на НЛБ Банка и Неп Лојалити, која опфаќа над 250 трговци и 1.000 продажни локации во повеќе од 25 различни дејности.

Дополнително, за сите трансакции надвор од партнерската мрежа, клиентите добиваат загарантиран „cashback“ од 0,6% за прометот реализиран во земјата и странство.

Програмата за лојалност обединува водечки трговски брендови во Македонија, нудејќи им на клиентите практично решение за секојдневно купување. Минималниот месечен износ за отплата на картичката изнесува 5% од вкупните доспеани обврски, а НЛБ Банка овозможува и бескаматен грејс период до 45 дена.

За повеќе информации, заинтересираните клиенти можат да посетат www.happycard.mk или да аплицираат во експозитурите на НЛБ Банка низ државата, како и во продажните салони на Нептун Македонија.

The post „CASHBACK“ ДО 12% И КАМАТА ОД САМО 8,9% Ексклузивна понуда на НЛБ Банка за картичката „haPPy“ appeared first on plusinfo.mk.