Полска нема да испрати трупи во Иран бидејќи судирот не влијае директно на нејзината безбедност, рече денеска премиерот на Полска, Доналд Туск.

– Владата на Полска не планира никаква експедиција во Иран и тоа не предизвикува никакви сомнежи кај нашите сојузници – посочи Туск.

Според него, централен елемент на полската стратегија е обезбедување на Балтичкото Море.

Претседателот на САД, Доналд Трамп, ги повика сојузниците да помогнат во обезбедување на Ормускиот Теснец.  Освен Полска, и други американски сојузници – Германија, Шпанија и Италија – соопштија дека нема да испратат бродови за помош за отворање на теснецот, кој е блокиран од Иран.

The post И ПОЛСКА ГО ОДБИ БАРАЊЕТО НА ТРАМП Туск категоричен дека нема да испратат војска во Иран appeared first on plusinfo.mk.

Полска соопшти дека нејзини авиони денеска пресретнале руски разузнавачки авион над Балтичкото Море.

Ова е трет сличен инцидент оваа седмица.

Авионот не го нарушил полскиот воздушен простор, прецизираше Оперативната команда на полските вооружени сили, но, како и во претходните инциденти, тој не поднел план за летање и неговите транспондери биле исклучени.

„Ова е веќе трета слична ситуација за оваа седмица, што ја потврдува засилената активност на руската авијација во регионот на Балтикот“, нагласува армијата на Полска.

Земјите од источното крило на НАТО се во зголемена готовност за потенцијални нарушувања на воздушниот простор од септември, кога 3 руски воени авиони го нарушија воздушниот простор на Естонија во траење од 12 минути, само неколку дена откако над 20 руски дронови навлегоа во воздушниот простор на Полска.

The post ПОЛСКА ПРЕСРЕТНА РУСКИ РАЗУЗНАВАЧКИ АВИОН НАД БАЛТИКОТ Ова е трет сличен инцидент оваа седмица appeared first on plusinfo.mk.

Полските воздушни сили денеска повторно пресретнаа руски извидувачки авион Ил-20 кој летал над Балтичкото Море без активен транспондер и без поднесен план за летање. Инцидентот го потврди полскиот министер за одбрана Владислав Косињак-Камиш, кој рече дека ова е втор ваков случај во само неколку дена.

Според официјалното соопштение, два ловци МиГ-29 на Полската армија добиле наредба за полетување и визуелна идентификација на непознатото летало во меѓународниот воздушен простор. Рускиот авион бил извидувачки модел Ил-20, кој често се користи за електронско набљудување и собирање информации.

Полските власти соопштија дека рускиот авион не влегол во полскиот воздушен простор, но дека летот бил изведен без координација и со исклучен систем за препознавање, што претставува безбедносен ризик и провокација.

Ова е втор инцидент од истиот тип оваа недела – претходно, во вторникот, полските ловци реагирале на сличен случај кога друго руско летало било забележано над Балтичкото Море под идентични околности.

Според анализите на безбедносни извори, овие летови се дел од повторливи активности на Русија за „тестирање“ на реакцискиот систем на НАТО-земјите. Таквите акции, иако формално не ја прекршуваат меѓународната граница, се сметаат за провокативни и опасни поради можни недоразбирања во воздух.

Полската армија соопшти дека ситуацијата е под контрола и дека сите интервенции се извршени во согласност со процедурите на НАТО за воздушна безбедност.

На Запад, ваквите летови веќе се оценуваат како дел од поширока стратегија на Москва да ги тестира одбранбените способности на сојузниците на источното крило на Алијансата, особено во контекст на војната во Украина и засилената воена активност на границите со Русија.

Полското Министерство за одбрана најави дека ќе продолжи со засилено воздушно набљудување и координација со партнерите во НАТО во рамки на мисијата Air Policing, која има за цел да спречи неовластени и ризични летови во регионот.

The post ПОЛСКИ „МИГОВИ“ ПРЕСРЕТНАА РУСКИ ШПИОНСКИ АВИОН Илјушин-20 се користи за електронско собирање информации appeared first on plusinfo.mk.

Данската армија соопшти дека синоќа повторно се забележани неидентификувани дронови над воените објекти, по што беа ангажирани дополнителни безбедносни капацитети за надзор и заштита. Ова е втор ден по ред со вакви инциденти, а армијата не открива детали за бројот или точната локација на беспилотните летала.

Претходно, во текот на неделата, дронови беа забележани над воздухопловната база Скридструп и касарната Холстебро. Данската армија ја следи ситуацијата со висока внимателност, а безбедносните мерки се засилени.

Покрај тоа, од утре до 2 октомври во Копенхаген ќе се одржи Седмиот Самит на Европската политичка заедница, на кој ќе присуствуваат шефови на држави и влади од Европа. Во пресрет на самитот, НАТО испрати германски воен брод „ФГС Хамбург“ во главниот град на Данска со цел да го засили надзорот во Балтичкото Море.

Поради самитот, воздушниот простор над цела Данска ќе биде затворен за цивилни дронови од утре до 3 октомври, со цел да се обезбеди безбедноста на учесниците и важните институции.

„Безбедноста на нашите воени објекти и на граѓаните е наш врвен приоритет. Поради неодамнешните летови на неидентификувани дронови, дополнителни капацитети се ставени во готовност за надзор и реакција. Го земаме ова сериозно, особено во пресрет на важни меѓународни настани во Копенхаген“, се наведува во соопштението на армијата.

The post МИСТЕРИОЗНИ ДРОНОВИ ПОВТОРНО НАД ВОЕНИТЕ БАЗИ Данската армија ангажира дополнителни сили поради appeared first on plusinfo.mk.

НАТО подигна два германски авиони „Јурофајтер“ поради ненајавено приближување на руски извидувачки авион над Балтичкото Море, соопштија денеска официјални лица.

Како што пренесе ДПА, млазните авиони полетале од воениот аеродром Росток-Лаге за да го идентификуваат рускиот авион „Иљушин Ил-20М“.

Авионот летал без сигнал и без известување и останал во меѓународниот воздушен простор, изјави портпарол на германските воздухопловни сили.

Ова беше 10-то алармно полетување над Балтичкото Море оваа година.

Ситуацијата во областа станува сè позатегната по неодамнешните шпионски инциденти и осомничени акти на саботажа.

The post НАТО ПОДИГНА ДВА ГЕРМАНСКИ „ЈУРОФАЈТЕРИ“ ПОРАДИ РУСКИ АВИОН По десетти пат годинава се вклучија алармите над Балтичкото Море appeared first on plusinfo.mk.

Работите за реставрација се во тек и инцидентот досега немал никакво влијание врз претплатниците, додаваат од „Ростелеком“.

„Ростелеком“ не дале дополнителни детали и соопштиле дека не е јасно кога настанала штетата. Финската крајбрежна стража вчера наутро на платформата Икс објави дека следи руски брод кој го поправа оштетениот руски кабел во Финскиот залив.

• РУСИЈА НЕ Е ВИНОВНА ЗА ОШТЕТУВАЊЕТО НА ПОДВОДНИТЕ КАБЛИ ВО БАЛТИЧКОТО МОРЕ Американските разузнавачи потврдија дека станува збор за несреќа

Регионот на Балтичкото Море е во состојба на висока готовност по серијата прекини на електричните кабли, телекомуникациските врски и на гасоводите меѓу Балтикот и Шведска или Финска, што доведе до зголемени операции за надзор од страна на членките на НАТО.

Се верува дека сите немири биле предизвикани од бродови кои влечеле сидра по морското дно откако Русија ја започна војната во Украина. Русија негира каква било вмешаност.

РУСКА „ФЛОТА ВО СЕНКА“ ИЛИ НЕШТО ДРУГО? Авиони и фрегати на НАТО ќе ги штитат подморските кабли во Балтичкото Море

The post „ТЕЛЕКОМУНИКАЦИСКА ВОЈНА“ ВО БАЛТИЧКОТО МОРЕ Оштетен е кабел на руската компанија „Ростелеком“ appeared first on plusinfo.mk.

Овој заклучок го одразува новиот консензус меѓу американските и европските безбедносни служби, изјавија високи функционери од три земји, вклучени во тековните истраги за серијата инциденти во кои каблите што претставуваат критични енергетски и комуникациски линии беа отсечени во Балтичкото Море, пишува „Вашингтон пост“.

Американските и европските претставници рекоа, според весникот, дека досега собраните докази, вклучително и пресретнатите комуникации и други доверливи разузнавачки информации, укажуваат на несреќи, предизвикани од неискусни екипажи кои служат на лошо одржувани бродови и дека има недостиг на докази што укажуваат на руска вина.

И покрај првичните сомневања за руска вмешаност, еден европски функционер рече дека има „против докази“ кои укажуваат за спротивното, а американски и европски претставници одбија да дадат детали и зборуваа под услов да останат анонимни, наведувајќи ја чувствителноста на тековните истраги.

Истрагите се фокусирани на 3инциденти во изминатите 18 месеци во кои бродови, кои патувале до или од руски пристаништа, биле осомничени дека ги прекинале клучните врски во огромната подводна мрежа на цевководи кои носат гас, електрична енергија и интернет сообраќајот до милиони луѓе низ северна Европа.

The post РУСИЈА НЕ Е ВИНОВНА ЗА ОШТЕТУВАЊЕТО НА ПОДВОДНИТЕ КАБЛИ ВО БАЛТИЧКОТО МОРЕ Американските разузнавачи потврдија дека станува збор за несреќа appeared first on plusinfo.mk.

Генералниот секретар на НАТО, Марк Руте, во вторникот објави дека НАТО започнува нова мисија за заштита на подморските кабли во регионот на Балтичкото Море.

– Мисијата ќе вклучи низа средства, меѓу другото и фрегати и поморски патролни авиони, а таа ќе го зајакне нашето присуство на Балтикот – рече Руте.

Тој додаде дека ќе биде распоредена и мала флота од поморски беспилотни летала „за да се обезбеди засилен надзор“.

• НОВИ ЦЕЛИ, ПОГОЛЕМИ БУЏЕТИ И НА ГОТОВС ЗА МОЖЕН КОНФЛИКТ Членки на НАТО ќе го забрзаат зајакнувањето на своите воени капацитети

Исто така, полскиот премиер, Доналд Туск, во понеделникот изјави дека ќе соработува со сојузниците за воведување правни мерки за да се запре движењето на бродовите низ Балтичкото Море во водите кои не припаѓаат на ниедна земја.

Земјите-членки на НАТО најавија дека ќе распоредат фрегати, патролни авиони и поморски беспилотни летала во регионот за да помогнат во заштитата на критичната инфраструктура и да го задржат правото да преземат акција против бродовите за кои постои сомневање дека претставуваат закана за безбедноста.

Во меѓувреме, Туск, исто така, негираше дека добил информации, поврзани со информации што се појавија претходно во текот на денот во полските медиуми, дека брод од руската „флота во сенка“ кружи околу подводен гасовод во Балтичкото Море.

• „ШВЕДСКА МОЖЕБИ НЕ Е ВО ВОЈНА, НО НЕМА НИ МИР“ Чудни нешта се случуваат во Балтичкото Море

Портпаролите на министерството и на армијата негираа дека добиле такви пораки.

Германскиот канцелар, Олаф Шолц, во вторникот изјави дека низата инциденти во Балтичкото Море мора да се сфатат како дел од хибридната стратегија што им се заканува на европските земји.

Говорејќи во пресрет на состанокот на лидерите на НАТО во Хелсинки, германскиот канцелар ги повика балтичките земји да дејствуваат на координиран и на брз начин во регионот на Балтичкото Море, пренесуваат британските медиуми.

Претседателот на Латвија, Едгарс Ринкевичс, пред состанокот на членките на НАТО, што се одржува денеска во Хелсинки, изјави дека европските држави мора да бидат подготвени да се соочат со нови инциденти во Балтичкото Море по неодамнешното оштетување на подводната инфраструктура.

На денешната средба присуствуваат генералниот секретар на НАТО Марк Руте, данската премиерка Мете Фредериксен, германскиот канцелар Олаф Шолц, летонскиот претседател Едгарс Ринкевич, литванскиот претседател Гитанас Науседа, полскиот премиер Доналд Туск, шведскиот премиер Улф Кристерсон и извршниот потпретседател на Европската комисија Хена Виркунен, наведено е на веб-страницата на НАТО.

Домаќини на самитот се претседателот на Финска, Александар Стуб, и премиерот на Естонија, Кристен Михал.

ШЕСТ БАЛТИЧКИ ДРЖАВИ ТРГНАА ВО ОФАНЗИВА ПРОТИВ РУСКИТЕ ЕНЕРГЕНТИ ВО ЕУ Бараат целосна забрана за увоз на гасот и пониска максимална цена за нафтата

The post РУСКА „ФЛОТА ВО СЕНКА“ ИЛИ НЕШТО ДРУГО? Авиони и фрегати на НАТО ќе ги штитат подморските кабли во Балтичкото Море appeared first on plusinfo.mk.

Шведскиот премиер, Улф Кристерсон, денеска изјави дека неговата земја „не е во војна, но нема ниту мир“, мислејќи на хибридните напади и прокси војната што се водат на нејзина територија, пренесоа француските медиуми.

–Шведска не е во војна, но не е ни во мир. Вистинскиот мир е слобода и отсуство на сериозни конфликти меѓу државите. Ние и нашите соседи сме цел на хибридни напади кои не се вршат со проектили и со војници, туку со компјутери, пари, дезинформации и закани за саботажа – рече тој за време на годишниот форум за одбрана во централниот град Селена.

Оваа безбедносна ситуација и фактот дека чудни работи продолжуваат да се случуваат во Балтичкото Море, додаде тој, „нѐ наведуваат да веруваме дека непријателските намери не можат да се исклучат“.

Во последните месеци во Балтичко Море се оштетени неколку електрични и телекомуникациски кабли. Според експертите и политичарите, оштетувањето на енергетската и на комуникациската инфраструктура е дел од „хибридната војна“ на Москва против Западот, забележуваат француските медиуми.

За време на својот говор, шведскиот премиер не обвини конкретна земја за оштетените кабли, но зборувајќи поопшто за хибридните напади во регионот, рече дека „руската закана секако ќе биде долгорочна. Таква треба да биде и нашата одбрана“.

Тој додаде дека шведската влада ја оценува таквата ситуација за „сериозна“ и верува дека земјата живее во „ера на прокси војни“.

The post „ШВЕДСКА МОЖЕБИ НЕ Е ВО ВОЈНА, НО НЕМА НИ МИР“ Чудни нешта се случуваат во Балтичкото Море appeared first on plusinfo.mk.

Ваквата одлука е донесена на средбата на постојаните претставници на земјите членки при НАТО, посветена на безбедноста на критичната инфраструктура во Балтичкото Море, по оштетувањето на подморските кабли што ги поврзуваат Естонија и Финска на 25 декември.

Во соопштението од средбата се посочува дека сојузниците изразиле целосна солидарност со Естонија и со Финска во врска со овој случај, при што се потсетува дека оштетувањето на каблите, за кое истрага водат финските власти, е еден од бројните неодамнешни инциденти во Балтичкото Море кои се сметаат за можна саботажа.

„Со цел да се задржи будноста, да се зголеми свесноста за ситуацијата и да се одвратат идни инциденти, Сојузниците, исто така, размислуваат и за други мерки за справување со потенцијалните закани за критичната подводна инфраструктура, вклучително и со поддршката на Поморскиот центар на НАТО за безбедност на критичната подморска инфраструктура, основан во мај оваа година“, се додава во соопштението.

ЕСТОНСКАТА ВОЈСКА ЌЕ ГО ШТИТИ ПОДВОДНИОТ ЕЛЕКТРИЧЕН КАБЕЛ Финската полиција го чешла рускиот брод кој можеби го оштетил „Естлинк 2“

The post НАТО ЌЕ ГО ЗАСИЛИ СВОЕТО ВОЕНО ПРИСУСТВО ВО РЕОНОТ НА БАЛТИЧКОТО МОРЕ Инцидентот со оштетувањето на каблите можеби е саботажа appeared first on plusinfo.mk.