Тринаесет членови од кланот беа уапсени во Србија во мај годинава.

Некои велат дека наркобосот Зоран Јакшиќ тргувал и со рускиот претседател Владимир Путин. На пратките кокаин, кои кланот „Америка“ уредно ги означува со печати, бил пронајден печат со ликот на Путин.

Лежел затвор во 1998-ма, излегол полн со нови контакти

Она што е познато за контроверзниот Јакшиќ е следното: за прв пат беше уапсен во 1998 година во Перу, а се верува дека неговиот престој во затвор ја отворил вратата за понатамошна работа бидејќи остварил нови контакти зад решетки. Веднаш штом бил ослободен, се вратил во бизнисот со шверц на кокаин.

Во 2021 година тој беше осуден на 25 години затвор за шверц на 800 килограми кокаин. Полицијата и другите служби го следеле и прислушувале долго време, па дури снимиле и состанок на кој Јакшиќ се согласил да купи „два, три тони“ кокаин за да го испрати во Европа.

Во 2020 година во близина на затворот „Мигел Кастро Кастро“ во главниот град на Перу полицијата откри таен тунел долг повеќе од 200 метри преку кој наводно Јакшиќ требало да избега заедно со уште тројца наркобосови. Од претпазливост тој беше преместен во друг затвор, но набрзо потоа вратен бидејќи затворот „Мигел Кастро Кастро“ е најголемиот и најстар во државата.

Descubrieron en Lima (Perú) un túnel que conectaba una casa con la cárcel Castro Castro, y ha sido financiado por el Cartel de Sinaloa para liberar a un mexicano y al serbio Zoran Jaksić, unos de los líderes del clan criminal Grupo América. pic.twitter.com/jXuhTf7Kux

— Niporwifi © (@niporwifi) December 9, 2020

[EN VIVO] #ANCentral Hallan túnel de 180 metros cerca del penal Castro Castro https://t.co/et3w3GWJuY pic.twitter.com/n3p6e3Fv52

— América Noticias (@noticiAmerica) December 8, 2020

Користел 40 лажи идентетитети, во Перу не сфатиле колку е битен за Балканот

Властите од Перу знаеле дека се работи за дрога, но кога го уапсиле виделе со колкава количина дрога има работа. Сфатиле со кого имаат работа. Интересно е што дури ни на полицијата во земјата позната по производството на кокаин не им било грижа кога сфатила дека го уапсила Зоран Јакшиќ – еден од најголемите и најопасните шверцери на дрога во Европа.

Им требаше време да утврдат за кого точно се работи бидејќи Јакшиќ употребил дури 40 лажни идентитети, на пример Никола Марјановиќ, Никола Петровиќ и многу други. Со помош на отпечатоци од прсти и биолошки траги е потврден неговиот идентитет. Сите весници во Перу беа полни со наслови во црната хроника за апсењето на еден од „најопасните луѓе и најголемите шверцери на кокаин“.

Локалните власти открија дека Јакшиќ и неговата група се одговорни и за убиства низ Перу, Аргентина и други европски земји.

„Нема да те убијам, ајде да пиеме кафе“

Зоран Јакшиќ не се смирил ниту во затвор, а неколку пати се обидел да избега. Ја финансирал изградбата на тунел до затворот преку кој требало да избега. Но, тој не успеал во својот план бидејќи полицијата дознала за оваа тајна акција.

Иако затворите за многумина се место на ужас, Јакшиќ ја претвори својата ќелија во „диско“, изјави новинарка која се маскирала во проститутка за да ја посети Ел Србија – така го нарекувале Јакшиќ во Перу. Во ќелијата ја донел друг затвореник кој се однесувал како да е слуга на водачот на кланот „Америка“.

Средбата со Јакшиќ таа ја опишала на следниот начин:

– Тој не се издвојува само поради неговата бела кожа и висина од повеќе од два метри. Само најбогатите можат да си дозволат приватна ќелија со бања! Тој има и два мобилни телефони. Перуанската полиција ми кажа дека тој сè уште ја контролира трговија со кокаин од затвор. Ќелијата личи на диско од деведесетите – црно-бели плочки, бели небесни перници, табуретки, телевизор и кадифено ќебе со тигарска шема. Седнав на столче мрзнејќи се во оскудна облека, а Јакшиќ ми стави мала електрична греалка на нозе и ми понуди вода како вистински домаќин.

Во еден момент, тој ѝ рекол:

– Не грижи се, нема да те убијам, ајде да пиеме кафе.

Не можеле да го фатат, го предале соработниците

Јакшиќ за време на престојот во Перу внимавал на користењето мобилни телефони, па најчесто користел јавни телефони за да не биде снимен. Соработниците со кои соработувал дале детали така што го откриле прислушкувајќи ги соработниците.

Последен пат Зоран Јакшиќ се појави во Србија во 2015 година, а потоа се судри со Дарко Ристиќ Мед, близок пријател на покојниот Александар Станковиќ, познат како Сале Мутави и Веља Невоља. Тие се степале во клуб, а во тоа време Јакшиќ веќе бил нашироко баран во Италија и осуден за шверц на дрога.

Не за долго потоа, тој беше уапсен во Перу.

The post БАЛКАНСКИОТ НАРКО-КРАЛ СО ИЛЈАДА ЛИЦА Во Солун фатени членови на неговиот клан, тргувал и со Путин? appeared first on plusinfo.mk.

Турскиот извоз на Балканот за девет месеци од годинава е зголемен за 24,9 отсто во однос на истиот период лани и достигна 15,7 милијарди долари. Најмногу е извезено во Романија со 4,7 милиони долари, додека најголем пораст во однос на истиот период лани забележа Црна Гора, јавува Анадолија.

Според податоците кои Анадолија ги добила од Собранието на турски извозници (ТИМ), во првите девет месеци од годинава во балканските земји остварен е извоз во вредност од 15 милијарди и 698 милиони долари, а се однесува на Северна Македонија, Албанија, Босна и Херцеговина, Бугарија, Хрватска, Црна Гора, Косово, Романија, Србија, Словенија и Грција.

Во истиот период лани изнесуваше 12 милијарди и 571 милион долари, па извозот на Балканот лани е зголемен за 24,9 отсто.

Најголем извоз во споменатиот период меѓу балканските земји е остварен во Романија (4,7 милијарди долари), потоа Бугарија (3,4 милијарди долари), Грција (2,1 милијарди долари), Србија (1,3 милијарди долари) и Словенија (1,2 милијарди долари).

Извозот на Турција во Албанија изнесува 742,8 милиони долари, потоа Босна и Херцеговина (548,1 милиони долари), Северна Македонија (488,5 милиони долари), Косово (483,1 милиони долари), Хрватска (439,1 милиони долари) и Црна Гора (118,6 милиони долари).

Извозот на Балканот е зголемен во 10 земји во периодот јануари-септември годинава во однос на истиот период во 2021 година. Во една земја е намален.

Во овој период најголем раст на извозот е остварен во Црна Гора со 60,2 отсто. По Црна Гора, земја со најголем пораст на извозот меѓу балканските земји е Албанија со 43,4 отсто. Извозот во Бугарија е зголемен за 34,9 отсто, Романија (34,1 отсто), Северна Македонија (29,4 отсто), Хрватска (28,2 отсто), Србија (24,0 отсто), Косово (21,5 отсто), Босна и Херцеговина (21,3 отсто) и Грција (7,8 отсто). Извозот во Словенија е намален за 3,1 отсто.

Кога станува збор за извозот во балканските земји по градови, најголем бил од Истанбул и изнесувал 7,5 милијарди долари. Со оваа сума, Истанбул учествувал со 47,9 отсто од извозот од 15,7 милијарди долари во балканските земји.

Секторот хемиски материјали и производи оствари најголем извоз на Балканот. Во овој период, секторот хемиски материјали и производи извезе 2,8 милијарди долари во земјите од Балканот.

По овој сектор следат челикот, автомобилската индустрија, црните и обоените метали, електричната енергија и електрониката.

The post БАЛКАНОТ ПРЕПЛАВЕН СО ТУРСКА СТОКА Само во Македонија се увезени производи вредни речиси 500 милиони долари appeared first on plusinfo.mk.

На Генералното собрание на АБК, учесник од Стопанската комора на Македонија беше потпретседателот на Стопанската комора на Македонија,  Јелисавета Георгиева-Јовевска. Најнапред, Георгиева-Јовевска од името на Стопанската комора на Македонија ги поздрави сите учесници, претставници на сите комори членки на АБК и им посака добро здравје и побрзо надминување на сите последици со кои се соочуваме во моментот. Таа подвлече дека, соочени со предизвиците од светската пандемија предизвикана од COVID-19, навистина работиме во вонредни услови каде пред сѐ здравствените власти и државите се загрижени за животите и здравјето на луѓето па следствено на тоа преземаат соодветни мерки за заштита и спас за економијата, а тука секако се и економските предизвици, односно одржување во живот на економиите во кои работиме.

Како и секаде во регионот и пошироко, и нашата Влада, истакна потпретседателот Георгиева-Јовевска, уште со почнување на кризата предизвикана од COVID-19, воведе неколку сетови на економски мерки за опоравување и поддршка на приватниот сектор. Економската помош се однесуваше за најпогодените сектори како туризмот и угостителството, градежништвото, транспортот  и слично, но секако, сите пакети на економски мерки ги поддржуваат сите компании, односно цела економија која е погодена од кризата. Досега, донесени се 4 пакети за поддршка на економијата. Вредноста на 4-тиот пакет економски мерки изнесува 470 милиони евра, а вредноста на претходните три пакети на мерки е 550 милиони евра. Имплементацијата на мерките ќе продолжи и во 2021 година.

Потпретседателот на Комората во дискусијата на Генералното собрание во однос на влијанието на пандемијата предизвикана од COVID-19 врз економиите, подвлече дека компаниите и во услови на криза покажаа издржливост, упорност и голема општествена одговорност помагајќи ѝ на државата. Но, секако дека компаниите се изнемоштени и не се во многу добра кондиција односно дека им е потреба системска и подолгорочна поддршка бидејќи опоравувањето на економијата ќе трае подолго а нивните очекувања и предвидувања се дека во 2021 година ќе имаа големи потешкотии. Затоа сега треба да се преземат чекори, што Стопанската комора на Македонија го прави со подготовка на предлози од компаниите а кои ги доставува до Владата, а Владата делува, со цел реализирање на мерките за се спречат поголеми крахови, затворања на компании, отпуштање на работници, намалување на плати и слично. Исто така, кај компаниите проблем е и ликвидноста која од секогаш е тема како може да биде подобра. Во услови на ковид кризата, имаме и затворање на економиите на нашите економски партнери и секако дека има и намалување на инвестициите заради неизвесноста, истакна Георгиева-Јовевска. Таа додаде дека освен во угостителството и туризмот, градежништвото и транспортот и другите погодени сектори, здравствената и економска криза има значајни последици и врз една од најдинамичните индустрии во Република Северна Македонија во последниве десетина години – автомобилската индустрија.

Потпретседателот на Стопанската комора на Македонија во делот на дискусијата за економијата во ковид и пост-ковид периодот потенцираше дека неопходно е да ги истакнеме кај сите економии, домашните, извозни компании, кои навистина и во услови на криза ја влечат домашната економија и покажуваат резултати, а такви знаеме дека постојат во сите економии од нашата Асоцијација каде членуваме односно во Асоцијацијата на балканските комори.

Што се однесува до регионалната соработка и надворешно-трговската размена меѓу членките на Асоцијацијата на балканските комори, Георгиева-Јовевска го подвлече следното:

За шесте економии од Западен Балкан (ЗБ), ЕУ претставува главен трговски партнер со учество од скоро 70% од вкупната трговија на регионот, додека учеството на трговијата со земјите од Западен Балкан во вкупната трговија на ЕУ е само 1,4%. Во последната декада надворешно-трговската размена помеѓу ЕУ и земјите од Западен Балкан се зголеми за скоро 130% и во 2019 година изнесува 55 милијарди евра (податоци Европска Комисија). Од друга страна, трендовите на надворешна трговија меѓу земјите од ЗБ не се така поволни и откриваат голем неискористен потенцијал. Обемот на надворешно трговската размена помеѓу шесте земји на Западен Балкан е сеуште мал, иако од година во година се зголемува.

Многу е важна, во следниот период, нашата регионална соработка и поврзување на компаниите од нашите земји со цел заеднички настап на трети пазари и создавање на уште подобри релации  на соработка меѓу нашите деловни заедници, истакна Георгиева-Јовевска.

Таа потенцираше и дека во следниот период нашата меѓусебна соработка треба да се зацврстува на полето на индустријата, инфраструктурата, енергијата, образованието, претприемништвото, трговската промоција, преносот на знаење, а акцент да се стави и на идентификување и планирање на заеднички национални проекти.

Ние, потребно е фокус да ставиме на нашите приоритети, односно на приоритетите на Асоцијацијата на балканските комори а тоа се првенствено: развивање на соработката помеѓу бизнис заедниците во Балканскиот регион како и заеднички со трети земји, охрабрување и поддршка на активностите насочени кон структурни реформи во економиите на балканските земји со поглед кон пристапувањето во ЕУ, иницирање и имплементација на заеднички проекти за Балканскиот регион како и заедничко учество во ЕУ програмите и останатите партнерски програми и фондови, подвлече Георгиева-Јовевска.

На крајот од овогодинешното Генерално собрание на АБК, се потенцираше и значењето на дигитализацијата. Во однос на оваа област потпретседателот Георгиева-Јовевска истакна неколку клучни аспекти. Дигитализацијата која на светско ниво го достигнува својот врв последниве години, посебно сега во услови на работење во криза предизвикана од COVID-19 која не знаеме до кога истата ќе трае, е клучна алатка која мора да биде во фокусот на работата на сите економии. Дигитализацијата, технолошкиот напредок и развојот на технолошките процеси на една земја се најзначајниот извор на економски раст, а истиот тој раст го подобрува општествениот и материјалниот живот на луѓето.

Земјите од Западниот Балкан во изминатите неколку години високо на својата агенда ги поставија процесите и стратегиите за дигитализација, подобрување на инфраструктурата на широкопојасен пристап и дигитална писменост, кои се разработуваат и се реализираат преку Дигиталната агенда на Западен Балкан.

Стопанската комора на Македонија, истакна Георгиева-Јовевска, исто така активно е вклучена во имплементирањето на современите технолошки решенија, следејќи ги глобалните трендови од една страна, но и барањата и потребите на компаниите, од друга страна. Стопанската комора на Македонија со цел рационализација на времето и трошоците на компаниите-извозници во текот на 2020 година, превзема повеќе активности кои се однесуваа на дигитализирање на процесите на Комората за издавањето на документите потребни во надворешно-трговското работење на компаниите. На истото се работи во моментов и се очекува од почетокот на 2021 година, Комората целосно да го дигитализира процесот на издавање на документитите кои се во нејзина надлежност со што значително ќе им се помогне на компаниите во намалување на трошоците, поголема ефикасност и следливост на истите. Стопанската комора на Македонија подготви Проект и за целосна дигитализација на нејзиното работење кој се планира да се имплементира со партнерска институција, со цел во 2022 година, кога ќе го одбележуваме големиот јубилеј-100 годишнината од постоењето на коморскиот систем во нашата земја, да го заокружиме целиот овој процес и да преминеме на целосно Дигитална комора од бенефит за нашите членки.

Следната година, претседателствувањето со Асоцијацијата на балкански комори го превзема Бугарија, односно Бугарската трговско-индустриска комора.

Асоцијацијата на балканските комори е основана на 17 септември 1994 година, во Мангалија, Романија, со цел создавање интеграција и развој на стопанската соработка во регионот. Членки на АБК покрај Стопанската комора на Македонија се и: Унијата на стопански комори на Албанија, Бугарската трговско-индустриска комора, Стопанската комора на Црна Гора, Стопанската комора на Кипар, Трговско-индустриската комора на Романија, Стопанската комора на Србија, Надворешно-трговската комора на БиХ, Унијата на трговско-индустриските комори на Грција и Унијата на трговски комори и стоковни берзи на Турција, сите, долгогодишни партнери и одлични соработници на нашата институција.

Свое обраќање на Генералното собрание на Асоцијацијата на балканските комори имаа и претставници од Коморите кои се дел од АБК: Рифат Хисарчиоглу, претседател на Унијата на трговски комори и стоковни берзи на Турција и потпретседател на Асоцијацијата на европските комори (EUROCHAMBRES), Инес Мукостепа, претседател на Унијата на стопански комори на Албанија, Вјекослав Вуковиќ, претседател на Надворешно-трговската комора на БиХ, Цветан Симеонов, претседател на Бугарската трговско-индустриска комора, Берат Рукиќи, претседател на Стопанската комора на Косово, Балша Чулафиќ од Стопанска комора на Црна Гора, Стефан Воинеа од Трговско-индустриската комора на Романија, Марко Мандиќ и Јована Мајсторовиќ од Стопанската комора на Србија и Чагри Ѓурѓур од Унијата на трговски комори и стоковни берзи на Турција. Сите говорници дискутираа по трите клучни теми кои беа фокус на Генералното собрание со ставање акцент на проблемите со кои се соочуваат компаниите во време на економска и здравствена криза предизвикана од COVID-19. Учесниците се согласија дека во изминатиот период се евидентирани големи загуби и пад на економиите скоро во сите сектори, а особено во туризмот и угостителството, транспорот, градежништвото, автомобилската индустрија….Учесниците ја потенцираа важноста од продолжување на соработката меѓу Коморите и Владите со цел превземање на мерки за надминување на кризата и опоравување на економиите.

Исто така, генерално, од говорниците беше потенцирано дека Коморите од регионот на Западен Балкан треба да покажат дека преку процесот на дигитализација кој е неминовен во денешно време, се лидери во следење на светските и европски текови. Сите се адаптираме кон промените во условите на секојдневното работење кое е испреплетено со предизвици и неизвесност, а за сето тоа потребна е понатамошна целосна поддршка и од самите држави, пред се во градењето на дигитална инфраструктура, која ќе го овозможи тој процес на дигитализација да биде целосно инкорпориран и во работењето на компании од целиот регион.

За полесен пристап на компаниите до услугите кои ги нудат Коморите, особено во овој кризен период, беше посочен примерот на Бугарската трговско-индустриска комора за дигитализација на услугите за зголемување на придобивките за компаниите, како што е арбитражата и арбитражните постапки. Стопанската комора на Македонија ја поздрави оваа иницијатива и во наредниот период, покрај услугите коишто веќе се дигитализирани, интензивно ќе работи и на дигитализација на останатите услуги.

Од Генералното собрание на Асоцијацијата на балканските комори произлегоа следните заклучоци:

• Продолжување на соработката меѓу Коморите и Владите со цел понатамошно преземање и реализација на мерките за надминување на кризата и опоравување на економиите,
• Во наредниот период, Коморите членки на АБК интензивно ќе работат на  дигиталната трансформација како еден од главните приоритети на бизнис заедницата,
• Интензивирање на дијалогот и соработката помеѓу земјите и Коморите од регионот и пошироко преку размена на информации и „know-how”,
• Отстранување на бариерите за водење бизнис во регионот преку преземање нови и продолжување на започнатите заеднички иницијативи,
• Поддршка во преговорите за што поскоро приклучување  на земјите од регионот кон ЕУ и работа на заеднички проекти со цел регионално поврзување со Европската Унија,
• Во однос на кризата предизвикана од ковид-пандемијата, потребно е да се работи на размена на информации во однос на справување со истата со цел успешно имплементирање на споменатата платформа за работа, приоритетна за наредниот период. Со оглед на тоа што следната година, со Асоцијацијата на балканските комори ќе претседателствува Бугарската трговско-индустриска комора, заклучоците кои треба и писмено да бидат потврдени и надополнети од сите Комори членки на АБК, ќе претставуваат програма за работа на АБК за 2021 година.

ИЗВОР: Стопанска комора на Македонија

The post Балканските комори бараат заеднички стратешки мерки со Владите во справување со последиците врз економиите од ковидкризата appeared first on plusinfo.mk.

Според германски медиуми, Херман Шулте Хилтроп, претседател на огранокот за градежништво на Германското здружение на работодавци, предупредил дека во следните неколку години 150.000 градежни работници ќе заминат во пензија, и дека е се потешко да се најде соодветно образована и обучена замена.

Тој вели дека работодавците го поздравуваат продолжувањето на правилата за Западен Балкан, што ќе овозможи продолжување на валидноста за издавање работни визи за неквалификувана работна сила, но тој го критикува фактот дека е одредена квота од 25.000 работници годишно.

– Ако изгубиме 50.000 работници годишно, онолку колку што досега се стекнавме благодарение на ова правило, ситуацијата сериозно ќе се влоши. Од 2021 година, можеме да сметаме на целосна суспензија во одредени индустрии, како што се изградба на куќи – вели Хилтроп.

Тој посочи дека стравувањата дека работниците од Западен Балкан ќе го оптоварат германскиот социјален систем или ќе одземаат работни места од германските работници не биле оправдани, посочувајќи на студија на германското Министерство за труд која покажа дека нема негативни последици туку сосема спротивно.

Германскиот дневен весник Рајнише Пост истакнува дека ограничувањето е под притисок на ЦДУ затоа што тие стравуваат дека десничарските радикали, како Алтернатива за Германија, ќе го искористат како популистичка кампања против владата.

„На секого е јасно дека ова ограничување најтешко ќе ја погоди во градежништвото ако останеме без тие работници. Но, стравот од десничарскиот радикализам ги принуди коалициските партнери во владата да компромис“, пишува весникот.

„Апсурдно е да се тврди дека овие луѓе доаѓаат тука за да користат социјални придобивки, кога Институтот за пазарот на трудот докажа дека скоро никој од работниците што дошле не станале невработени“, се наведува во текстот.

Во провинцијата Северна Рајна-Вестфалија, како што посочи, некои работодавци веќе се жалат дека одредени проекти мора да бидат запрени целосно, бидејќи не се сигурни дека ќе можат да најдат работници.

Наспроти популарното верување дека кризата со корона ќе ја намали потребата на работниците од странство, угледниот германски деловен весник „Ханделсблат“ пишува дека работодавците се жалат дека им се потребни работници од Балканот, но дека не можат да ги добијат поради ограничувања во врска со короната.

„Ханделсблат“ пишува дека најкритична е ситуацијата во областа на градежништвото, медицинскиот персонал и софтвер.

„Ханделсблат“ цитира дека од 2009 година до денес, дури една третина од германскиот бруто-домашен производ се реализира благодарение на увезената работна сила.

The post Не се затвора вратата за работа во Германија: Работодавачите бараат повисоки квоти за блаканските работници appeared first on plusinfo.mk.

Во тек е читање на пресудата за останатите 16 обвинети лица во овој случај.

На Шариќ му е изречена казна од седум години затвор за перење пари, а за поттикнување други лица на перење пари има пресуда од четири години, но како единствена казна судот му одреди девет години затвор.

Прогласен е виновен бидејќи валканите пари на криминалната група од шверц на кокаин ги инвестирал во легални бизниси, изјавил судијата Синиша Петровиќ.

Шариќ по сопствена желба не присуствуваше на изрекувањето на пресудата. Тој се наоѓа во притвор од март 2014 година, кога им се предаде на српските власти по повеќегодишно бегство.

Ова е првостепена пресуда, на која и обвинителството за организиран криминал и одбраната имаат право на жалба до Апелацискиот суд во Белград.

The post Девет години затвор за балканскиот наркобос Дарко Шариќ appeared first on plusinfo.mk.

Како што беше објавено на веб-страницата на Атлантскиот совет, на самитот учествуваат српскиот претседател Александар Вучиќ, косовскиот премиер Авдулах Хоти, албанскиот премиер Еди Рама, претседателот на Северна Македонија, Стево Пендаровски, претседателот на министрите на Советот на БиХ, Зоран Тегелтија и црногорската министерка за економија, Драгица Секулиќ.

Овие значајни чекори ќе помогнат во закрепнувањето на економијата по пандемијата со поголеми можности за економски развој.

– Очекуваните економски и социјални последици од пандемијата ковид-19 на Балканот бараат итна регионална акција за да се избегне трајна економска стагнација и потенцијалната нестабилност што доаѓа со тоа – нагласува Атланскиот совет од каде очекуваат поголема економска соработка во регионот.

Атланскиот совет организира Самит за партнерство во Западен Балкан за да ги олесни и промовира конкретните чекори меѓу лидерите за регионална економска интеграција кои можат да го зајакнат економското закрепнување по пандемијата, да ја подобрат долгорочната конкурентност на регионот и да го зајакнат фокусот на инвеститорите

The post Лидерите на шест балкански земји ќе се сретнат во Вашингтон appeared first on plusinfo.mk.