The post „ДА НЕМАВМЕ РАКЕТИ, ЌЕ ЗАВРШЕВМЕ КАКО ГАЗА“ Иран порачува дека нема да преговара за одбраната appeared first on plusinfo.mk.

Израел и Иран повторно разменија директни воени напади, што претставува најсериозна ескалација на конфликтот помеѓу двете земји по воспоставувањето на априлското примирје.

Израелската војска објави дека нејзините воздухопловни сили нападнале неколку цели во петрохемиски комплекс во Иран, лоциран во градот Махшахр, во југозападниот дел на земјата.

Претходно, Израелските одбранбени сили (ИДФ) соопштија дека вршат напади врз воени цели во централен и западен Иран, по што беа пријавени експлозии во неколку ирански градови.

Израелскиот амбасадор во САД, Јехиел Лајтер, појасни дека биле погодени локации за лансирање ракети земја-земја и воена инфраструктура која не е поврзана со енергетскиот сектор, како одговор на претходно испуканите балистички ракети од Иран.

„Ниту една земја во светот што се почитува себеси не би толерирала таков напад, а ниту Израел“, напиша Лајтер на X.

Од друга страна, Иран возврати со напади, а новинар од агенцијата Франс Прес извести дека слушнал експлозија над Ерусалим.

Техеран најавува „одговор на сите фронтови“

Иранската Исламска револуционерна гарда (ИРГЦ) соопшти дека започнала нова воена операција против Израел наречена „Наср“, насочена кон стратешките воздухопловни бази „Тел Ноф“ и „Неватим“.

Операцијата „Наср“, посветена на мачениците од 12-дневната војна“, претставува директен одговор на ракетниот напад на, како што наведува ИРГЦ, „ционистичкиот режим“ врз повеќе радарски локации во Иран.

„Сите борбени и оперативни единици на ИРГЦ се во целосна подготвеност за спроведување обемна операција за одвраќање на сите фронтови и имаат подготвени планови за различни непријателски сценарија“, се додава во соопштението.

Израелската армија потврди дека Иран лансирал втор бран ракети кон израелска територија, додека сирените за воздушна опасност се огласиле во повеќе делови од земјата.

Нападите уследија кратко време по израелските воздушни удари врз Иран, при што беа пријавени силни експлозии во Техеран, Табриз и Исфахан.

Трамп го убедувал Нетанјаху да ги одложи нападите

Според американски претставници, претседателот Доналд Трамп вчера телефонски разговарал со израелскиот премиер Бенјамин Нетанјаху и побарал од него да го одложи евентуалниот одговор кон Иран.

Трамп предупредил на ризикот од понатамошна ескалација и изразил уверување дека договорот со Иран е блиску, но израелската страна сепак одлучила да возврати по првичниот ирански напад.

Случувањата предизвикаа реакции и во американската политика. Демократскиот сенатор Крис Марфи упати остри критики кон американскиот претседател.

– Оваа војна веќе беше понижувачка за Трамп и за американската моќ, воопшто. Ако Трамп најави дека ќе му каже на Нетанјаху да не возвраќа, а неколку часа подоцна Израел сепак возврати, тогаш понижувањето станува уште поголемо – изјави Марфи.

The post НЕЗАПИРЛИВА ЕСКАЛАЦИЈА МЕЃУ ИЗРАЕЛ И ИРАН Балистички ракети гаѓаат радари, воени бази, нафтени постројки… appeared first on plusinfo.mk.

Три месеци по заедничките американско-израелски напади врз Иран, односите меѓу Вашингтон и Тел Авив влегуваат во чувствителна фаза. Според анализа на Си-Ен-Ен, она што почнало како заедничка воена кампања сè повеќе се претвора во дипломатски процес во кој Израел има ограничено влијание.

Телевизијата наведува дека Нетанјаху зад затворени врати признал оти Израел нема голема моќ да влијае врз американско-иранските разговори за завршување на конфликтот.

Страв од „лош договор“

Според израелски функционер цитиран од Си-Ен-Ен, во Тел Авив постои загриженост дека Доналд Трамп би можел да прифати привремен договор кој нема да ги реши клучните прашања околу иранскиот збогатен ураниум, балистичките ракети и регионалните сојузници на Техеран.

– Постои вистински страв дека Трамп ќе се задоволи со лош привремен договор – изјавил функционерот.

Во анализата се наведува дека Израел посебно е загрижен поради можноста да се намали економскиот притисок врз Иран и да се отвори пат за закрепнување на режимот во Техеран.

„Така изгледа кога Трамп ве фрла под автобус“

Еден израелски извор уште подиректно ја опишал ситуацијата.

– Значи, така се чувствувате кога Трамп ве фрла под автобус – изјавил изворот за Си-Ен-Ен.

Според телевизијата, незадоволството во Израел е големо, но Нетанјаху избегнува отворен судир со Трамп бидејќи голем дел од својот политички капитал го вложил токму во односите со американскиот претседател.

Нема подобрување од војната во Газа?

Си-Ен-Ен потсетува дека Нетанјаху со децении се претставува како лидер кој најодлучно се спротивставува на нуклеарните амбиции на Иран. Затоа евентуален договор меѓу САД и Иран би можел да биде доживеан како тежок политички удар за него.

Анализата наведува и анкета според која 45 проценти од Израелците сметаат дека ситуацијата со Иран денес е полоша отколку пред нападот на Хамас на 7 октомври 2023 година, додека само 31 процент гледаат подобрување.

The post ДАЛИ ДОГОВОРОТ САД-ИРАН ЌЕ МУ ПРЕСУДИ НА НЕТАНЈАХУ? Си-Ен-Ен пишува за стравови во израелскиот врв appeared first on plusinfo.mk.

Украина се соочува со критичен недостиг на противвоздушни ракети „Патриот“, изјави украинскиот претседател Володимир Зеленски. Во исто време, потпретседателот на САД, Џеј Ди Венс, го нарече прекинувањето на помошта за Киев едно од „најгордите“ достигнувања на администрацијата на Трамп, објави „Еуроњуз“.

За време на посетата на Германија, Зеленски вчера за националниот радиодифузер ЗДФ изјави дека ситуацијата со ракетите „Патриот“ е алармантна.

– Недостигот е толку лош што не може да биде полош – рече тој.

Зеленски, исто така, призна дека војната на Блискиот Исток влијае на Украина бидејќи ги намалува шансите на Киев да добие воена помош.

Ракетите „Патриот“, кои се произведуваат исклучиво во САД, се клучни за Украина. Во оваа фаза од војната, тие претставуваат убедливо најдобрата одбрана што Украина ја има од руските балистички ракети.

Затоа, Киев се обидува да развие сопствена домашна антибалистичка воздушна одбрана. Украинскиот производител на оружје „Фајер Поинт“ неодамна објави дека работи на свој систем, со цел да биде во функција до следната година. Компанијата бара соработка со европски партнери во областите на радарската техника, насочувањето и комуникациите.

Зборувајќи на трибина во Атина, Џорџија, американскиот потпретседател Џ.Д. Венс рече дека е горд што Вашингтон го прекинал финансирањето за Украина.

– Очигледно, тоа е едно од нештата на кои сум најгорд во оваа администрација. Ѝ кажавме на Европа дека ако сака да купи оружје, може, но САД повеќе не купуваат оружје и не го испраќаат во Украина – рече Венс.

Вториот човек во Белата куќа е меѓу најгласните критичари на помошта за Украина во рамките на администрацијата на Трамп.

The post УКРАИНА ОСТАНУВА БЕЗ РАКЕТИ „ПАТРИОТ“ Џеј Ди Венс е „горд“ што САД ја прекинале испораката appeared first on plusinfo.mk.

Во денешните ирански напади врз Обединети Арапски Емирати, Јордан и Кувајт повредени се вкупно 14 лица, а пријавена е и материјална штета на енергетска инфраструктура.

Во Абу Даби, во подрачјето на Аџбана, повредени се 12 лица, државјани на Непал и Индија. Според властите, дел од остатоците од пресретнати проектили паднале во областа.

Во Обединетите Арапски Емирати привремено не функционира гасоводот Хабшан, откако врз него паднале остатоци од ирански проектили. Армијата на земјата соопшти дека пресретнала 18 балистички ракети, четири крстосувачки ракети и 47 дронови.

Во Јордан се повредени две лица откако армијата соборила два ирански проектила.

Во напад врз Кувајт биле погодени постројки за десалинизација на вода, при што е причинета материјална штета.

Во меѓувреме, Бахреин и Саудиска Арабија соопштија дека нивната противвоздушна одбрана соборила ирански беспилотни летала.

The post ИРАН НАПАДНА ПОВЕЌЕ ДРЖАВИ ВО РЕГИОНОТ Повредени 14 лица и оштетени постројки за вода appeared first on plusinfo.mk.

Израелските одбранбени сили објавија мапа што отвора сериозни прашања. Според проценката, иранските балистички ракети можат да погодат цели дури и во делови од Обединетото Кралство.

Објавата следува по обидот на Иран напад врз американско-британската база Диего Гарсија среде Индискиот Океан. Две ракети утринава завршија недалеку од островот во архипелагот Чадонг.

„Иран лансираше двостепена интерконтинентална балистичка ракета со дострел од 4.000 километри“, се наведува во соопштението за нападот.

• ИРАН ДОФРЛИ ДО БАЗА СРЕДЕ ИНДИСКИОТ ОКЕАН За првпат испука интерконтинентални ракети, Пентагон молчи?

Иранската ракета „Саџил“ има дострел до 2.000 километри. Таа е една од клучните во оперативна употреба. Системите „Гадр“ и „Емад“ дополнително го прошируваат опсегот. Со нив Иран покрива голем дел од Блискиот Исток и источниот Медитеран.

Нападните дронови „Шахед“ имаат сличен дострел. Тие се користат за извидување и директни удари. Во комбинација со ракетите, создаваат комплексен систем на закана. Насочен кон бази, инфраструктура и поморски линии.

Останува непознато која ракета била користена за Диего Гарсија.

 Командант на воздухопловните сили на Иранската револуционерна гарда најави дека Иран во текот на ноќта ќе лансира повеќе ракети кон Израел.

„Од овој момент, ја прогласувам ракетната доминација на синовите на Иран над небото на окупираните територии“, објави командантот Сејед Маџид Мусави на социјалната мрежа Икс.

Тој додаде дека „новите тактики и системи за лансирање“ ќе ги шокираат САД и Израел.

The post 📷 ИРАНСКИТЕ РАКЕТИ ДОСТИГНУВААТ И ДО ЛОНДОН? „Новите системи ќе ги шокираат САД и Израел“ appeared first on plusinfo.mk.

Американскиот претседател Доналд Трамп изјави дека војната со Иран започнала откако Техеран почнал да работи на нов објект за производство на материјали за нуклеарно оружје.

Трамп рече дека новиот објект требало да ги замени постројките што САД ги бомбардирале минатата година.

– Но тие почнаа да работат на друг објект – поинаков објект, различен тип објект, заштитен со гранит – изјави тој.

Според Трамп, Техеран се обидувал да ја искористи „експоненцијално растечката закана од балистички ракети“ за да го направи речиси невозможно спречувањето на развојот на нуклеарно оружје.

Трамп изрази разочараност од изборот на Моџтаба Хаменеи за наследник на неговиот татко, ајатолахот Али Хаменеи, на позицијата врховен лидер на Иран.

Според американскиот претседател, тоа би значело „помалку или повеќе исто“ во земјата што, како што рече, се обидува да ја промени.

Тој оцени дека би било „несоодветно“ да коментира дали новиот лидер би можел да стане цел на смртоносен напад, како што се случило со неговиот татко.

Американскиот претседател се закани со силен одговор доколку Иран се обиде да го блокира транспортот на нафта низ Ормускиот теснец.

„Ако Иран направи нешто што ќе го запре движењето на нафта низ Ормускиот Теснец, САД ќе го погодат дваесет пати посилно отколку досега“, напиша Трамп на социјалните мрежи.

Тој предупреди дека САД би можеле да уништат „лесно ранливи цели“, што, според него, би го направило речиси невозможно Иран повторно да се опорави како држава.

Трамп изјави и дека размислува за ублажување на санкциите за рускиот извоз на нафта и за ослободување на дел од американските стратешки резерви на сурова нафта како дел од мерките за ограничување на наглото зголемување на глобалните цени на енергенсите.

Тој додаде дека администрацијата разгледува и ублажување на санкциите за некои земји со цел стабилизирање на нафтениот пазар, без да изнесе повеќе детали.

Трамп изјави дека воените операции ќе продолжат додека Иран не биде „целосно и решително поразен“, но изрази уверување дека конфликтот би можел да заврши брзо.

– Ова е почеток на изградба на нова држава – рече тој, одговарајќи на прашање дали војната е при крај или допрва почнува.

Тој додаде дека не сака Иран да го доживее сценариото од Ирак, каде по распуштањето на институциите се појави терористичката група Исламска држава.

Трамп, исто така, рече дека со потпретседателот Џеј Ди Венс „се согласуваат многу добро“ околу прашањата поврзани со Иран, иако Венс е „можеби помалку ентузијастички настроен“ за воена интервенција.

The post НОВ ОБЈЕКТ ЗА НУКЛЕАРНО ОРУЖЈЕ БИЛ ПОВОД ЗА ВОЈНАТА СО ИРАН Тој требало да ги замени постројките што САД ги бомбардираа лани appeared first on plusinfo.mk.

Сирени за тревога повторно се огласија во јужниот дел на Израел откако беше регистриран ирански напад со балистички ракети, јавуваат тамошните служби.

Според првичните информации, медицинските тимови во централниот дел на земјата извршуваат проверки на терен по пријави за можни падови на фрагменти од ракети. Властите засега информираат дека нема извештаи за повредени лица.

Ситуацијата се следи внимателно, а безбедносните служби остануваат во зголемена готовност поради ризик од нови напади.

The post СИРЕНИ ПАК ГО РАЗБУДИЈА ИЗРАЕЛ Иран лансираше балистички ракети кон југот appeared first on plusinfo.mk.

Американскиот претседател Доналд Трамп во интервју за веб-страницата „Аксиос“ изјави дека размислува за испраќање на втор носач на авиони со ударна група на Блискиот Исток, како дел од подготовките за потенцијална воена акција доколку преговорите со Иран не успеат.

– Веќе имаме армада таму, а можеби уште една е на пат – рече Трамп, додека еден од американските претставници потврди дека се водат разговори за понатамошно зајакнување на силите во регионот.

Американскиот претседател нагласи дека секој договор со Иран мора да го опфати не само нуклеарното прашање, туку и иранската програма за балистички ракети. Трамп, исто така, за Канал 12 изјави дека очекува втора рунда разговори меѓу САД и Иран да се одржи следната недела.

– Иранците многу сакаат да постигнат договор. Или ќе склучиме договор, или ќе мора да направиме нешто многу остро, како минатиот пат – рече Трамп.

Тој оцени дека последната рунда преговори меѓу Соединетите Американски Држави и Иран во Оман била „сосема поинаква“ во споредба со разговорите пред конфликтот во јуни, наведувајќи дека Иран сега покажува многу пофлексибилен пристап.

The post ВТОР НОСАЧ НА АВИОНИ КАКО ПРИТИСОК ВРЗ ИРАН Трамп вели дека е подготвен за војна ако нема договор appeared first on plusinfo.mk.

Кина веројатно распоредила повеќе од 100 интерконтинентални балистички ракети во своите три силоси, додека покажува недостаток на интерес за разговори за контрола на оружјето, се вели во нацрт-извештајот на американското Министерство за војна, кој ги истакнува растечките воени амбиции на Пекинг.

Кина брзо го проширува и модернизира својот арсенал на оружје побрзо од која било друга нуклеарна сила. Пекинг ги опиша извештаите за своето воено засилување како напори за „клевета и оцрнување на Кина и намерно заведување на меѓународната заедница“.

Минатиот месец, американскиот претседател Доналд Трамп изјави дека можеби работи на план за денуклеаризација со Кина и Русија. Но, нацрт-извештајот на Пентагон вели дека Пекинг не покажува интерес за вакви иницијативи.

„Не гледаме интерес од Пекинг за спроведување на такви мерки или за посеопфатни дискусии за контрола на оружјето“, се вели во извештајот.

Во извештајот се наведува дека Кина веројатно поставила повеќе од 100 интерконтинентални балистички ракети на цврсто гориво ДФ-31 во силоси во близина на границата со Монголија. Ова е прв пат да се објави бројот на распоредени ракети.

Според извештајот, залихите на нуклеарни боеви глави на Кина во 2024 година броеле нешто повеќе од 600, што одразува „побавна стапка на производство во споредба со претходните години“.

Сепак, се предвидува дека до 2030 година Кина ќе има повеќе од 1.000 нукларни боеви глави. Кина, од своја страна, тврди дека се придржува до „стратегија за нуклеарна самоодбрана“.

Извештајот на Пентагон ги детализира воените сили на Кина и наведува дека „Кина очекува да може да води и да добие војна против Тајван до крајот на 2027 година“.

Кина, која го смета демократски управуваниот Тајван за своја територија, никогаш не се откажала од употребата на сила за „повторно обединување“ на островот. Пекинг ги усовршува своите воени опции за заземање на Тајван со „брутална сила“, се вели во извештајот и се додава дека една опција би можела да вклучува напади врз цели на 1.500 до 2.000 наутички милји од Кина.

„Во доволен обем, овие напади би можеле сериозно да го предизвикаат и нарушат присуството на САД во или околу конфликтите во Азиско-пацифичкиот регион“, се заклучува во извештајот.

The post КИНА ЌЕ ИМА 1.000 НУКЛЕАРНИ БОМБИ ДО 2030 ГОДИНА, ПРЕДВИДУВА ПЕНТАГОН Распоредени се над 100 интерконтинентални балистички ракети appeared first on plusinfo.mk.