Уметноста има моќ да ги надмине границите на времето, да разбуди емоции и да ги поврзе луѓето преку универзалните приказни за љубовта, жртвата и човечката судбина. Токму таква приказна носи балетската претстава „Дамата со камелии“, која вечерва, со почеток во 20 часот, ќе биде изведена на сцената на Националната опера и балет, во рамките на партнерството со Видеолотарија Касинос Австрија.

Инспирирана од познатата приказна за Маргарита и Арман, претставата ја доловува нивната љубовна судбина преку моќниот спој на балетот, музиката и сценскиот израз. Музиката на Џузепе Верди, препознатлива по мелодиската убавина и силниот емоционален набој, ја продлабочува драматургијата и ја доловува борбата меѓу личните чувства, жртвата и општествените ограничувања.

Зад сценската приказна стои меѓународен уметнички тим. Диригент е Едуард Амбарцумјан од Ерменија, додека кореографијата е на Василиј Медведев, руски кореограф со соработки со водечки балетски театри, меѓу кои Бољшој во Москва и Марински во Санкт Петербург. Сценографијата и костимографијата се дело на Павол Јураш од Словачка, а концерт-мајстор е Верица Ламбевска.

Во главните улоги на Маргарита и Арман настапуваат Марија Кичевска-Шокаровска и Франциско Хименес Руиз од Шпанија, заедно со солистите, балетскиот ансамбл и оркестарот на Националната опера и балет.

Поддршката на културата е инвестиција во општеството, креативноста и генерациите што доаѓаат. За Видеолотарија Касинос Австрија, партнерството со националните културни институции претставува значаен дел од општествената одговорност и посветеноста на создавањето вредности што го надминуваат секојдневието.

„Веруваме дека културата има моќ да инспирира, да отвора нови перспективи и да ги поврзува луѓето. Затоа, поддршката на културните институции и уметничките проекти ја гледаме како придонес кон општество во кое уметноста е достапна, препознаена и вреднувана. Особено е важно да ги приближуваме ваквите содржини до младите и да создаваме можности новите генерации да ја откриваат убавината и моќта на уметноста“, порачуваат од Видеолотарија Касинос Австрија.

Со поддршката на културните содржини и партнерството со институциите што го чуваат и развиваат уметничкото творештво, Видеолотарија Касинос Австрија го потврдува својот придонес кон побогат културен живот и создавање вредности што оставаат траен белег во заедницата.

The post ЉУБОВ, ЖРТВА И УМЕТНОСТ НА ЕДНА СЦЕНА „Дамата со камелии“ со поддршка од Видеолотарија Касинос Австрија appeared first on plusinfo.mk.

На париските гробишта Сент Женевиев де Буа, среде тишината на гробовите, се издвојува еден кој со својот изглед и симболика раскажува приказна за балетската легенда – Рудолф Нуреев.

Овој гроб не е само надгробна плоча, туку вистинска уметничка инсталација. Го покрива мозаик во облик на ориентален килим, симболизирајќи ја неговата љубов кон луксузот, уметноста и ткаенините кои страсно ги собирал во текот на својот живот.

Од Сибир до Париз: Патот на Нуреев кон славата

Рудолф Нуреев е роден во 1938 година во мало руско место близу Сибир, во татарско семејство. Неговата љубов кон балетот не се родила случајно. Уште на шестгодишна возраст, откако мајка му го однела на балетска претстава, се заљубил во светот на уметноста на движењето.

Набрзо почнал да игра народни танци, што му била основна вежба, додека татко му бил против неговата страст за танцување. Сепак, поддршката од мајка му му овозможила на Нуреев да му се посвети на својот уметнички повик.

Во Ленинград, Нуреев станал познат во рамките на академијата Ваганова, за до крајот на 1950-тите веќе да биде ѕвезда на Советскиот Сојуз, истакнувајќи се не само со техниката, туку и со оригиналното толкување на класичните балети.

Првото балетско дезертерство

Нуреев во 1961 година добил прилика со балетот „Киров“ да патува на меѓународна турнеја во Париз. Иако советските власти биле против тоа, под притисок на организаторите, на Нуреев му било овозможено да отпатува. Сепак, штом пристигнал во Франција, ја искористил приликата да пребега од земјата, станувајќи првиот уметник кој дезертирал за време на Студената војна. Овој негов потег предизвикал светска сензација и го означил почетокот на неговиот нов живот и кариера.

Иако останал без државјанство, Нуреев набрзо станал меѓународна ѕвезда. Наредните години ги поминал како најистакнат танчер во Кралскиот балет, а потоа соработувал со бројни престижни балетски трупи ширум светот.

Балетскиот подем

Во слободата што ја стекнал, Нуреев доживеал уметнички процут. Неговата работа во Кралскиот балет, соработката со Американскиот балет и со Националниот балет на Канада му изградиле име во врвот на балетската уметност.

Во текот на осумдесетите години станал директор на Балетот на Париската опера, а неговата работа продолжила да се шири. Иако здравјето му се влошувало, уметничката страст и желбата за продолжување на кариерата не му дозволувале да застане. Танцувал и подучувал, менувајќи ја самата суштина на балетот.

Смртта на Нуреев

Во 1984 година му бил дијагностициран вирусот ХИВ, а болеста полека го исцрпувала. Сепак, продолжил да се бори сè додека не починал во 1993 година од компликации предизвикани од СИДА.

Три години по неговата смрт, откриена е гробницата која брзо стана симбол на неговиот живот и уметност. Мозаикот во облик на ориентален килим не бил само декорација – тоа била приказна за љубовта кон уметноста, богатството на културата и патувањата кои ја обликувале неговата судбина.

Без традиционални епитафи, гробот зборува сам за себе, пренесувајќи ја уметничката слобода и страста за животот на Нуреев.

Гробот е дело на италијанскиот сценограф Ецио Фриџерио, кој бил близок пријател на Нуреев и често ги дизајнирал сценографиите за неговите балети.

Дизајнот претставува реплика на еден од омилените ориентални килими на Нуреев. Овие килими тој ги носел со себе на сите турнеи за да се загрева пред настапите, па затоа мозаикот го симболизира неговиот „номадски“ живот.

Во изработката учествувале и архитектот Стефано Паче и мозаичарката Франческа Фабри од познатото студио Akomena од Равена.

Иако изгледа како платно, „килимот“ е изработен од илјадници парчиња стакло и бронза. Користена е традиционална византиска мозаична техника, која овозможува стаклените коцкички (tesserae) да го рефлектираат светлото под различни агли, создавајќи илузија на набори и текстура на вистински материјал.

За изработката биле потребни над 2.000 работни часови и околу 80.000 поединечни елементи.

Семејството Кенеди било опседнато со него

Жаклин Кенеди, вдовицата на убиениот американски претседател Џон Кенеди, имала љубовна афера со Нуреев во време додека била „прва дама“ на САД, тврди Дарвин Портер, автор на книга за семејството Кенеди и за нивните љубовно-сексуални врски.

Според Портер, тој разговарал со американските писатели Труман Кепот и Гор Видал и двајцата пријатели на Жаклин Кенеди и од нив разбрал дека таа била во „врска со Нуреев“ но и дека Русинот бил „уловен“ како во една телефонска говорница, „страствено се бакнува“ со тогашниот сенатор Роберт Кенеди.

Пред смртта во своето последно интервју Нуреев призна дека целото семејство Кенеди, како жените, така и мажите било опседнато од него.

The post РАСКОШЕН КИЛИМ ЈА КРИЕ ТАЈНАТА НА ГРОБОТ НА СВЕТСКИ ПОЗНАТИОТ УМЕТНИК Нема традиционални обележја, а сите знаат чиј е appeared first on plusinfo.mk.

Балетот „Оревокршачка“ од Петар Илич Чајковски вечерва ќе биде изведен на сцената на Национална опера и балет, со поддршка од Видеолотарија Касинос Австрија.

Претставата започнува во 20 часот, а станува збор за една од најпознатите балетски фантазии во два чина, која редовно привлекува голем интерес кај љубителите на класичната уметност. Диригент е Едуард Амбарцумјан, додека кореографијата и либретото ги потпишува Саша Евтимова.

Во главните улоги настапуваат солисти од ансамблот на Националната опера и балет, заедно со оркестарот, хорот и ученици од балетскиот оддел при ДМБУЦ „Илија Николовски – Луј“.

Од Видеолотарија Касинос Австрија велат дека поддршката на културата е дел од нивната корпоративна стратегија.

„Поддршката на културните проекти претставува значаен дел од нашата корпоративна стратегија. Силно веруваме дека културата е двигател на убавина, инспирација, духовност и заедништво – вредности што ја збогатуваат заедницата и придонесуваат кон развојот на општеството“, посочуваат од Видеолотарија Касинос Австрија.

The post „ОРЕВОКРШАЧКА“ ВЕЧЕРВА НА СЦЕНАТА НА НОБ Видеолотарија Касинос Австрија ја поддржа премиерата appeared first on plusinfo.mk.

Видеолотарија Касинос Австрија, во рамки на своето партнерство со Националната опера и балет, со особено задоволство ја најавува премиерата на еден од најомилените балети на сите времиња – „Оревокршачка” од Петар Илич Чајковски.

Оваа волшебна балетска фантазија во два чина ќе биде изведена на сцената на МОБ на 28 март 2026 година со почеток во 19:30 часот, како и на 8 април од 20:00 часот.

Диригент на претставата е Едуард Амбарцумјан, додека кореографијата и либретото се дело на Саша Евтимова. Сценографијата ја потпишува Марија Ветероска, костимографијата Марија Пупучевска, концерт мајстор е Климент Тодоровски, а асистенти кореографи се Дмитро Чеботар и Маја Митровска Богојевска.

Во главните улоги настапуваат: Христина Наќевска Митрашиновиќ (Шеќерна Вила), Франциско Хименез Руиз (Кавалер), Балаж Лочеи (Снежен крал), Наташа Трендафилова Гицев (Снежна кралица), Игор Веланоски (Дроселмаер), Бобан Ковачевски (Крал на глувците), Веселин Трајкоски (Лукас – Оревокршач), Гала Кочевска (Клара) и Марко Мијатовиќ (Фриц). Во изведбата учествуваат истакнати солисти, ансамблот, оркестарот и хорот на Националната опера и балет, како и ученици од балетскиот оддел при ДМБУЦ „Илија Николовски – Луј”.

Поддршката на културните проекти претставува значаен дел од корпоративната стратегија на Видеолотарија Касинос Австрија. Силно веруваме дека културата е двигател на убавина, инспирација, духовност и заедништво – вредности што ја збогатуваат заедницата и придонесуваат кон развојот на општеството.

The post ВОЛШЕБНАТА ОРЕВОКРШАЧКА НА СЦЕНАТА НА НОБ Видеолотарија Касинос Австрија – поддржувач на културата appeared first on plusinfo.mk.

Видеолотарија Касинос Австрија продолжува да вложува во развојот на музичката и културната сцена во земјава. Како партнер на програмата на Национаната опера и балет, со задоволство споделуваме дека вечерва, петок 13.03.2026 во 19:30 ќе биде изведена „Мадам Батерфлај” од Џакомо Пучини. Станува збор за едно од најемотивните и најизведувани дела на светскиот оперски репертоар.

Мадам Батерфлај” е музичка драма со силна човечка приказна, во која љубовта, надежта и предавството се испреплетуваат во трагична судбина. Диригент на претставата е гостинот од Грција, Мирон Михаилидис, а режијата ја потпишува Александар Текелиев (Бугарија). Сценографијата е на Живојин Трајановиќ, костимографијата ја изработи Лира Грабул, концерт-мајстор е Верица Ламбевска, а хор-мајстори се Јасмина Ѓорѓеска и Ѓургица Дашиќ.

Покрај овој извонреден настан во Националната опера и балет, Видеолотарија е партнер и на заедничкиот концерт на Дорис Драговиќ и Петар Грашо, кој ќе се одржи во сабота на 14 март 2026 година, во арената „Борис Трајковски“. Грашо и Драговиќ ќе донесат вечер исполнета со емоции и хитови кои со години се дел од регионалната музичка сцена, обединувајќи различни генерации публика.

Поддршката на ваквите настани е дел од долгорочна заложба за развој и промоција на културата на Видеолотарија. Културата и музиката имаат моќ да инспирираат, да обединуваат и да создаваат незаборавни доживувања. Токму затоа продолжуваме да поддржуваме настани кои ја збогатуваат културната сцена и носат вредност за публиката.

The post ВЕЧНАТА „МАДАМ БАТЕРФЛАЈ“ НА ПУЧИНИ ВЕЧЕРВА ВО НОБ Видеолотарија продолжува со поддршка на културата appeared first on plusinfo.mk.

На 23 јануари со почеток во 19.30 часот на сцената на Националната опера и балет ќе се изведе балетскиот спектакл „Госпоѓа Бовари“, дело поставено во два чина, инспирирано од безвременскиот роман на Гистав Флобер. Балетот ја прикажува внатрешната борба на жената меѓу копнежот по страст и слобода, и стегите на општествените норми – тема која останува актуелна и денес.

Диригент е гостинот од Ерменија, Едуард Амбарцумјан, додека кореографијата ја потпишува Виктор Ишчук од Украина, кој со прецизен и суптилен современ израз го доловува духот на 19 век и емотивната комплексност на главниот лик. Музичката подлога е составена од дела на Камиј Сен-Санс, Морис Равел, Жил Масне, Феликс Менделсон и Георг Фридрих Хендл, со сценографија и костимографија на Андреј Злобин и Гана Ипатиева (Украина). Светло-дизајнот е на Милчо Александров, концерт-мајстор е Јане Бакевски, пијанист – Андреја Наунов, а менаџер на проектот е Киро Павлов.

Во главната улога на Ема Бовари ќе настапи примабалерината Марија Кичевска Шокаровска, во улогата на Шарл Бовари, Франциско Хименез Руиз, Балаж Лочеи како Рудолф Буланже, заедно со солистите, балетскиот ансамбл и оркестарот на Националната опера и балет.

„Госпоѓа Бовари“ ја претставува сложената психологија на главниот лик преку балет, музика и сценска уметност. Со внимателно избрани музички партитури и динамична кореографија, постановката ја доловува борбата на Ема Бовари меѓу личните желби и општествените ограничувања. Секоја сцена е внимателно дизајнирана да ја истакне емоционалната длабочина, визуелниот сјај и современиот пристап кон класичната приказна, создавајќи незаборавно сценско искуство.

The post БАЛЕТСКИОТ СПЕКТАКЛ „ГОСПОЃА БОВАРИ“ НА СЦЕНАТА НА НОБ Главната улога ја игра примабалерината Марија Кичевска Шокаровска appeared first on plusinfo.mk.

Истакната кореографка и актуелна деканка на Катедрата за современ танц и балетска педагогија при Филмската академија на Универзитетот „Гоце Делчев“, Рисима Рисимкин е добитничка на престижната награда „Ѓорѓи Македонски“. Ова признание ѝ беше врачено на петтото издание на Фестивалот за класичен и модерен танц, во организација на Детскиот културен центар од Карпош.

Наградата ѝ беше доделена како авангарден претставник во современата танцова едукација и уметничко творештво, токму во година кога Рисимкин одбележува 45 години активна кариера.

– Ми претставува огромна чест да добијам награда која го носи името на Ѓорѓи Македонски, основоположникот на балетската уметност кај нас. Без неговата работа, никој од нас не би бил тука. Ја споделувам оваа награда со сите млади ученици и уметници кои вечерва ќе настапат – тие се нашата иднина – изјави Рисимкин при врачувањето на признанието.

Покрај индивидуалната награда, Универзитетот „Гоце Делчев“ доби и благодарница за особен придонес во развојот на балетската уметност во земјава.

Фестивалот, чиј уметнички директор е м-р Маја Каревски, а го организира ДКЦ Карпош под раководство на д-р Биљана Лалчевска Серафимовска, ја воспостави наградата „Ѓорѓи Македонски“ како трајно признание за луѓето кои оставаат длабок печат во македонскиот балет и танцова култура. Признание постхумно доби и самиот Ѓорѓи Македонски, кое во негово име го примија членови на неговото семејство.

The post ПРИЗНАНИЕ ЗА 45 ГОДИНИ НА СЦЕНА Рисима Рисимкин ја доби наградата „Ѓорѓи Македонски“ appeared first on plusinfo.mk.

На 25 јуни 2025 година со почеток во 20 часот на големата сцена на Националната опера и балет, ќе се одржи премиерата на новата балетска продукција „Госпоѓа Бовари“, инспирирана од безвременскиот роман на Густав Флобер. Ова сценско остварување е посветено на јубилејот од 25 години уметничка дејност на примабалерината, Марија Кичевска Шокаровска која со својата енергија, емоција и посветеност остави длабок белег во историјата на македонскиот балет.

Ова балетско дело, поставено во два чина ја раскажува драмата на женската душа, копнежот по страст, слобода и трагичниот судир со општествените норми.

Диригент е Едуард Амбарцумјан од Ерменија, кореографијата ја потпишува Виктор Ишчук од Украина, кој со прецизност и современ израз го доловува духот на 19 век, додека музичката подлога е составена од дела на К. Сен-Санс, М. Равел, Ж. Масне, Ф. Менделсон и Г. Ф. Хендл, сценографијата и костимографијата се на Андреј Злобин и Гана Ипатиева од Украина, светло дизајн, Милчо Александров, а концерт-мајстор е Јане Бакевски.

Оваа премиера е посветена на Марија Кичевска Шокаровска, која со својата уметничка кариера остави неизбришлив печат во историјата на македонскиот балет. Таа ќе ја толкува главната улога на Ема Бовари, во останатите улоги ќе настапат, Франциско Хименез Руиз (Шарл Бовари), Балаж Лочеи (Рудолф Буланже), Дмитро Чеботар (Трговецот Лере) и Ендру Кук (Доктор Оме) заедно со солистите, балетскиот ансамбл и оркестарот на Националната опера и балет.

Билетите се пуштени во продажба, онлајн и на билетарницата на МОБ.

The post ПРЕМИЕРА НА БАЛЕТОТ „ГОСПОЃА БОВАРИ“ Примабалерината Марија Кичевска Шокаровска одбележува 25 години уметничка дејност appeared first on plusinfo.mk.

На 7 март со почеток во 20 часот на сцената на Националната опера и балет ќе се изведе впечатливата балетска претстава „Дамата со камелии“. Оваа драматична и раскошна претстава е работена по музиката на Џузепе Верди, а драматуршката подлошка е земена од неговата популарна „Травијата“.

Претставата ќе се изведе под диригентската палка на гостинот од Ерменија, Едуард Амбарцумјан, кореографијата е на еден од водечките руски кореографи Василиј Медведев, кој работи со големите театри „Бољшој“ од Москва и „Марински“ од Санкт Петербург, раскошната сценографија и костимографија се на Павол Јураш од Словачка, концерт-мајстор е Верица Ламбевска.

Во главните улоги на Маргарита и Арманд ќе настапат: Марија Кичевска Шокаровска, Франциско Хименес Руиз (Шпанија) заедно солистите, балетскиот ансамбл и оркестарот на Националната опера и балет.

– Не е првпат тажната приказна во „Дамата со камелии“ да ги инспирира кореографите. Заедно со костимографот и сценограф, Павол Јураш, сакав претставата да ја направиме класична, традиционална, но и наша оригинална, различна од другите – рече кореографот Василиј Медведев.

The post „ДАМАТА СО КАМЕЛИИ“ НА 7 МАРТ ВО НОБ Кореографијата е на еден од водечките руски кореографи Василиј Медведев appeared first on plusinfo.mk.

Еден од бисерите на класичната балетска уметност „Есмералда“ од италијанскиот композитор Чезаре Пуњи, ќе се изведе на сцената на Националната опера и балет на 19 февруари со почеток во 20 часот.

Приказната за убавата Есмералда, инспирирана од романот „Ѕвонарот на Богородичната црква“ од Виктор Иго, ќе се изведе под диригентската палка на гостинот од Ерменија, Едуард Амбарцумјан, во кореографија на реномираниот кореограф од Русија, Михаил Крапивин, раскошната сценографија и костимографија се на  Живојин Трајановиќ и Љупка Ристовска, концерт-мајстор е Јане Бакевски.

Во насловната улога ќе настапи примабалерината, Марија Кичевска Шокаровска, во улогата на Феб ќе настапи Франциско Хименес Руиз (Шпанија), во улогата на Флер де Лис, Симона Колиштркоска, во улогата на Гудула ќе настапи  Саша Евтимова, која оваа година  одбележува 25 години уметничка дејност како истакнат балетски играч, педагог и кореограф.

Настапуваат првенците, солистите, балетскиот ансамбл и оркестарот на Националната опера и балет.

Балетот „Есмералда“, познат по својата техничка сложеност ги истражува длабочините на човечките емоции, додека истовремено нуди спектакуларни танцови изведби кои го задржуваат вниманието на публиката. Оваa изведба ќе создаде незаборавно балетско искуство и ќе ги поттикне гледачите да размислуваат за судбината, љубовта и жртвите што ги носи животот.

The post БАЛЕТОТ „ЕСМЕРАЛДА“ НА 19 ФЕВРУАРИ ВО НОБ Во насловната улога ќе настапи примабалерината Марија Кичевска Шокаровска appeared first on plusinfo.mk.