Иранската Исламска револуционерна гарда (ИРГЦ) соопшти дека нејзините воздухопловно-вселенски сили извеле ракетен напад врз, како што тврди, централна инфраструктура за податоци на американската компанија „Амазон“ во Бахреин, како и врз американски системи за противвоздушна одбрана и радарски инсталации.

Според соопштението на ИРГЦ, во нападот биле употребени повеќе крстосувачки ракети, а цел биле објекти во областите Мухарак и Рифа, пренесува „Еуроњуз“.

Засега нема официјална потврда за нападот. Властите на Бахреин, Соединетите Американски Држави и компанијата „Амазон“ сè уште не се изјасниле за тврдењата на Техеран.

Иран претходно предупреди дека ќе ги гаѓа објектите и инфраструктурата во земјите од регионот што ги користат американските сили доколку продолжат американските напади врз ирански цели. Од друга страна, американскиот претседател Доналд Трамп порача дека Иран ќе плати „многукратно повисока цена“ поради неодамнешната смрт на тројца американски војници во Јордан и Ирак.

ИРГЦ наведува дека нападот бил изведен како одговор на, како што го нарекува, „американскиот воен напад врз цивилни објекти во изградба во Дарховин“.

Во меѓувреме, постојаната мисија на Иран при меѓународните организации во Виена ги повика Меѓународната агенција за атомска енергија (МААЕ) и Советот за безбедност на Обединетите нации да го осудат американскиот напад врз нуклеарната централа Дарховин, која сè уште е во изградба. МААЕ соопшти дека ги разгледува извештаите за инцидентот, но дека засега нема независна процена за настанот.

The post ИРАН ТВРДИ ДЕКА УНИШТИЛ ДАТА-ЦЕНТАР НА „АМАЗОН“ ВО БАХРЕИН Гаѓани и американски радарски и противвоздушни системи appeared first on plusinfo.mk.

Речиси 100 припадници на американските вооружени сили се повредени во последните две недели од ескалацијата на нападите врз Иран, соопшти Пентагон, додека Техеран започна нов бран одмазднички напади по десеттата последователна ноќ американски воздушни удари, пренесува „Гардијан“.

Иранската Револуционерна гарда денеска соопшти дека гаѓала американски воени објекти, вклучително и системи за противвоздушна одбрана и радарска станица во Бахреин и Кувајт. Во меѓувреме, еден танкер во Ормускиот Теснец пријавил дека бил погоден од непознат проектил, поради што екипажот бил принуден да го напушти бродот и да се префрли во спасувачки чамец.

Кувајт, Бахреин и Јордан соопштија дека ги активирале своите одбранбени системи за да ги одбијат нападите. Сепак, бројот на повредени американски војници во базите низ регионот во изминатите недели веројатно ќе предизвика дополнително внимание и подетална анализа на иранските одмазднички акции.

Портпаролот на Пентагон, Шон Парнел, изјави дека огромното мнозинство од повредените претрпеле само „полесни потреси на мозокот“ и дека 96 проценти од нив во меѓувреме се вратиле на должност. Парнел реагираше на напис во „Њујорк тајмс“, во кој се наведува дека Пентагон не ги објавува целосните информации за повредените војници по иранските напади. Тој категорично негираше дека Министерството за одбрана прикрива податоци.

Во текот на изминатата недела тројца американски војници загинаа во борбени дејствија во Јордан и Ирак.

Десетте последователни ноќи американски воздушни напади не го принудија Техеран да ја ублажи контролата врз Ормускиот Теснец, низ кој во мирнодопски услови поминува околу една петтина од светската трговија со сурова нафта и природен гас. Напорите за ограничување на последиците врз глобалната трговија и цените на нафтата дополнително се искомплицираа во понеделникот, откако јеменските Хути, поддржани од Иран, објавија дека воведуваат поморско ембарго кон Саудиска Арабија.

Засега има малку детали за тоа како би функционирало ембаргото, но еден претставник на Хутите изјави дека теснецот Баб ел Мандеб – на јужниот влез во Црвеното Море, низ кој вообичаено минуваат околу 12 проценти од светската трговија – ќе биде затворен за саудиските бродови како одговор на, како што наведе, „неправедната блокада на Јемен што трае повеќе од десет години“.

Хутите и претходно покажаа дека можат сериозно да го нарушат поморскиот сообраќај, напаѓајќи трговски бродови поради војната меѓу Израел и Хамас во Газа.

Саудиската армија соопшти дека ќе го одржува пловниот пат отворен, но новата закана дополнително ќе изврши притисок врз извозот на нафта на земјата, бидејќи Саудиска Арабија веќе го пренасочи поголемиот дел од транспортот преку пристаништата на Црвеното Море поради затворањето на Ормускиот Теснец.

Додека САД и Иран повторно се приближуваат кон сеопфатна војна, иранскиот министер за внатрешни работи отпатува во Пакистан, кој има важна посредничка улога во конфликтот, на разговори со тамошните власти. Сепак, сè уште не е јасно дали може да се постигне нов договор, откако привремениот договор потпишан минатиот месец, чија цел беше прекин на борбите, пропадна.

Пловидбата низ Ормускиот Теснец во голема мера е запрена. Како што конфликтот се интензивира, двете страни почнаа да гаѓаат и цивилна инфраструктура што ја користат милиони луѓе.

Ескалацијата во последните недели ги зголеми цените на нафтата. Референтната цена на суровата нафта „брент“ денеска надмина 88 долари за барел, додека просечната цена на обичниот бензин во САД достигна четири долари за галон, што дополнително ги оптоварува буџетите на американските граѓани во пресрет на ноемвриските меѓуизбори.

The post РЕЧИСИ 100 АМЕРИКАНСКИ ВОЈНИЦИ СЕ ПОВРЕДЕНИ ВО ПОСЛЕДНИТЕ ДВЕ НЕДЕЛИ Продолжуваат жестоките напади на САД и Иран appeared first on plusinfo.mk.

Конфликтот меѓу Иран и САД дополнително ескалира, откако Иран изврши нови напади врз цели во Кувајт и Бахреин, додека американската војска седма последователна ноќ продолжи со воздушните операции врз иранска територија.

Кувајтските власти денеска соопштија дека во „непријателски напад“ бил погоден уште еден енергетски објект, кој вклучува електрана и постројка за десалинизација на вода. Во нападот избувнал пожар во дел од комплексот, а неколку генератори биле превентивно исклучени.

Ова е втор ваков објект што е нападнат во Кувајт во последните два дена.

Министерството за електрична енергија ги повика граѓаните рационално да ја користат електричната енергија, бидејќи нападите се случуваат во период на екстремно високи температури, кога потрошувачката поради климатизација е значително зголемена.

Во меѓувреме, кувајтската армија соопшти дека пресретнала повеќе ракети и беспилотни летала лансирани од Иран.

Поради безбедносната состојба, националниот авиопревозник „Кувајт ервејс“ најави дека поголемиот дел од летовите ќе бидат презакажани, откако привремено беа суспендирани полетувањата и слетувањата на Меѓународниот аеродром во Кувајт.

Иранската војска соопшти дека нападнала американски цели во Кувајт, Бахреин и Јордан, наведувајќи дека акцијата е одмазда за најновите американски воздушни напади.

Воените власти на Бахреин потврдија дека противвоздушната одбрана пресретнала повеќе ирански ракети и воздушни напади.

Од Бахреин не открија кои локации биле цел на нападите, ниту дали има материјална штета или жртви. Во текот на денот неколкупати се огласија сирените за воздушна опасност низ земјата.

Истовремено, американските воздушни сили седма ноќ по ред изведоа напади врз цели во Иран.

Според Централната команда на САД (ЦЕНТКОМ), погодени биле објекти за надзор, подземни складишта за оружје и друга воена инфраструктура.

„Нападите имаат цел дополнително да ги ослабат воените способности на Иран, по наредба на врховниот командант“, соопшти ЦЕНТКОМ на платформата Икс.

Од друга страна, иранските медиуми јавија дека биле погодени и цивилни објекти.

Иранската државна телевизија ИРИБ извести за експлозии во близина на Сирик, во близина на Ормускиот Теснец, како и во крајбрежниот град Бандар Абас.

Новинската агенција „Фарс“ објави дека биле нападнати мостови во покраината Хормозган, додека државната телевизија „Прес ТВ“ соопшти дека во нападите загинале најмалку три цивили, а уште осум лица биле повредени.

The post НОВА ЕСКАЛАЦИЈА НА БЛИСКИОТ ИСТОК Иран нападна цели во Кувајт и Бахреин, САД седма ноќ по ред го бомбардираат Иран appeared first on plusinfo.mk.

Американската војска синоќа изврши нов бран напади врз Иран, само неколку часа откако претседателот на САД, Доналд Трамп, упати ново предупредување до Техеран. Иран возврати со удари врз американски воени цели во повеќе земји од регионот.

Трамп не сакаше јавно да постави нов рок за Иран.

– Не сакам да давам рокови, но тие прилично добро знаат, ја знаат приказната… Треба подобро да се однесуваат – изјави претседателот на САД.

Новата размена на оган го продолжи судирот петти ден по ред. Истовремено, повторно го доведе во прашање прелиминарниот договор што требаше да отвори пат кон пошироко мировно решение.

Американската Централна команда соопшти дека нападите биле насочени кон ирански воени капацитети. Меѓу целите биле командни центри, воздушна одбрана, ракетни позиции и објекти за беспилотни летала.

Целта, според американската војска, била дополнително да се намали способноста на Иран да ги загрозува бродовите во Ормускиот теснец. ЦЕНТКОМ претходно објави повеќе последователни бранови напади врз ирански воени цели.

BREAKING
Reports from Iran show massive explosions with hundreds of 2dary explosions as a missile production instillation is hit by US forses.
Iran escalates by targeting multiple Gulf States; careful not to attack Israel.pic.twitter.com/Ho6ptYNOOs

— Israel and Stuff (@IsraelandStufff) July 15, 2026

Ноќта над Техеран повторно се вжешти

Иранските државни медиуми објавија дека противвоздушната одбрана била активирана над повеќе делови од земјата. Сирени и експлозии се слушале и во главниот град Техеран.

Американските сили гаѓале цели околу островот Голем Тунб и во Бандар Абас. Нападите биле насочени и кон позиции за лансирање ракети, беспилотни летала и кон крајбрежни системи за надзор.

Еден од брановите траел околу 90 минути. Американската команда соопшти дека операцијата завршила во раните утрински часови според средноевропско време.

САД претходно ја обновија и поморската блокада на иранските пристаништа. Американските сили соопштија дека отвориле оган и врз брод што се обидел да ја прекрши блокадата.

BREAKING NEWS :

The US has completely destroyed the IRGC headquarters in Iran. This was the primary location from which Iran controlled its air force.
The attack was so massive that surrounding buildings were completely destroyed. An uncontrollable fire is raging at the… pic.twitter.com/dGmVyTI4yB

— Israel_Military (@IsraelMillitary) July 15, 2026

Техеран возврати низ Персискиот Залив

Иран не остана само на закани.

Иранската револуционерна гарда соопшти дека нападнала американски воени цели во Бахреин, Кувајт и во Јордан. Техеран тврдеше дека нападите биле одговор на новите американски удари врз иранска територија.

Иранските сили, според нивното соопштение, користеле ракети и беспилотни летала. Цели биле комуникациски системи, воени складишта и други американски позиции во регионот.

Јорданските власти објавија дека нивната војска пресретнала 8 беспилотни летала. Според првичните информации, во нападот немало повредени лица ниту материјална штета.

Бахреин и Кувајт, каде што САД имаат големи воени капацитети, претходно исто така пријавија ирански напади. Судирот така повторно се прелеа надвор од границите на Иран.

This night and into the early morning, Iran launched massive combined attacks with missiles and drones against American bases, warehouses, and offices of American companies (mostly oil service companies) in the Middle East. pic.twitter.com/huC1y5w5th

— cvetko35 (@cvetko35) July 15, 2026

Заканата се прошири и врз мостови и електрани

Трамп претходно предупреди дека САД може да почнат да напаѓаат мостови и електрани. Тој го услови таквиот чекор со враќање на Иран на преговарачката маса.

Американскиот претседател тврдеше дека Техеран очајно сака договор. Според него, иранската страна не била задоволна од притисокот и од нападите на американската војска.

– Ќе видиме дали сакаме да се договориме со нив или едноставно ќе го завршиме тоа – изјави Трамп.

Американската администрација и понатаму не открива дали веќе има одлука за напади врз критичната инфраструктура на Иран. Трамп ја задржа неизвесноста околу следниот чекор на Вашингтон.

Преговорите висат над бездна

Главниот ирански преговарач, Мохамед Багер Галибаф, порача дека Техеран нема причина да го почитува договорот доколку не добива ништо од него.

Галибаф оцени дека контролата и присуството на Иран во Ормускиот Теснец се прашање на национална безбедност. Тој ги претстави преговорите и воените одговори како делови од истата стратегија.

Прелиминарниот договор требаше да го запре судирот и да создаде услови за трајно решение. Новите удари, блокадата и иранските напади врз американски цели сериозно ја намалија можноста тој план да се спроведе.

Ормускиот теснец останува централна точка во судирот. Низ него минува значителен дел од светската трговија со нафта и со течен природен гас.

Секој прекин на пловидбата носи ризик за цените на енергијата. Токму затоа судирот одамна ги надмина воените односи меѓу Вашингтон и Техеран.

„Mаслиново гранче“ среде ракетите

И покрај новите напади, Трамп го поздрави ослободувањето американска државјанка од Иран. Тој рече дека жената била неправедно притворена уште во декември 2024 година.

Американскиот претседател го нарече ослободувањето „маслиново гранче“ од Техеран.

„Таа сега е безбедно надвор од Иран и е во добра состојба. Соединетите Американски Држави го ценат овој гест на добра волја од страна на Иран“, напиша Трамп на својата платформа Трут соушл.

Ослободувањето дојде во момент кога двете земји повторно разменуваа удари. Трамп го поздрави гестот, но не ја повлече заканата за ново проширување на нападите.

Иран се закани со нови затворања

Иранската револуционерна гарда го предупреди Вашингтон дека блокадата нема да остане без поширок одговор.

Според иранската страна, САД и нивните сојузници треба да очекуваат затворање и на други извозни правци за нафта и за гас. Техеран не прецизираше на кои рути се однесува заканата.

Иран претходно тврдеше дека го затворил Ормускиот Tеснец. Вашингтон ги оспори тие тврдења и соопшти дека комерцијалниот сообраќај продолжува.

Европската агенција за воздухопловна безбедност повторно ги предупреди авиокомпаниите да избегнуваат делови од регионот. Предупредувањето опфаќа воздушен простор над повеќе заливски држави и над Оманскиот Залив.

The post 📽️ НОВИ НАПАДИ ВРЗ ИРАН ПО ЗАКАНАТА НА ТРАМП „Техеран знае дека треба подобро да се однесува!“ appeared first on plusinfo.mk.

Иран и САД втора ноќ по ред разменија удари, дополнително зголемувајќи ги стравувањата дека кревкото примирје би можело целосно да пропадне. Техеран тврди дека погодил американски воени цели во Кувајт, Катар, Бахреин и во Јордан, додека Вашингтон соопшти дека претходно нападнал околу 90 ирански воени цели.

Во исто време, иранските медиуми објавија дека имало нови експлозии во Бушер, Бандар Абас и во други делови на јужен Иран. Според локални власти, еден американски проектил погодил и дел од периметарот на нуклеарната централа Бушер.

Американскиот претседател Доналд Трамп синоќа објави 19 пораки и видеа на својата социјална мрежа Truth Social, претежно поврзани со американските напади врз Иран. Во една од објавите, Трамп рече дека американските напади се одговор на иранските напади врз бродови.

Heavy plumes of smoke rising from the US Navy 5th fleet Headquarters in Bahrain after Iranian strikes.

It’ll be completely wiped out… pic.twitter.com/1VGkIxY3x1

— IRAN ARMY ☫ (@IranArmySpoofX) July 9, 2026

Иранските власти соопштија дека во последните два дена загинале 14 лица, а 78 биле повредени.

U.S airbase in kuwait burning after Iranian missiles

This is what the US officials called minor damages pic.twitter.com/4PhZRaCWMN

— IRAN ARMY ☫ (@IranArmySpoofX) July 9, 2026

Ескалацијата се случуваше додека Иран го испраќаше во вечниот дом ајатолахот Али Хамнеи, убиен на почетокот на војната во американски воздушен напад.

Илјадници луѓе се собраа во Машхад на кулминацијата од повеќедневните погребни церемонии. Дел од присутните носеле транспаренти со пораки против САД и американскиот претседател Доналд Трамп.

Паралелно со воените операции, драматично е намален бројот на бродови што минуваат низ Ормутскиот Теснец, една од најважните поморски рути за светската трговија со нафта.

The post 📽️ ИРАН ТВРДИ ДЕКА ГАЃА АМЕРИКАНСКИ БАЗИ ВО ЗАЛИВОТ Во сенка на погребот на Хамнеи, повторно се тресе Блискиот Исток appeared first on plusinfo.mk.

Кувајт втора ноќ по ред е цел на напади, откако американската војска изврши нова серија воздушни удари врз цели во Иран.

Воздушната одбрана на Кувајт пресретнала ирански ракети и беспилотни летала, се наведува во соопштение на армијата објавено рано утринава на платформата „Икс“. Засега не се објавени дополнителни информации за нападите.

Сирените за воздушна опасност повторно се огласиле и во Бахреин, исто како и претходната ноќ. Министерството за внатрешни работи ги повикало граѓаните да побараат засолниште и да останат смирени.

Кувајт, Бахреин и други земји од Персискиот Залив и претходно биле цел на ирански напади. Во Кувајт и во Бахреин, кои се сојузници на САД, се наоѓаат американски воени бази, лоцирани на само неколку стотици километри од Иран.

Американската војска во текот на ноќта започнала нова серија воздушни напади врз цели во Иран, наведувајќи дека целта е да се ограничи способноста на Техеран да го загрозува поморскиот сообраќај низ Ормускиот Теснец.

Американскиот претседател Доналд Трамп предупредил дека ќе следуваат уште посилни напади доколку Иран продолжи со нападите врз бродови.

The post КУВАЈТ ПОВТОРНО НАПАДНАТ, СИРЕНИ И ВО БАХРЕИН Нова ескалација на Блискиот Исток, пресретнати ракети и дронови appeared first on plusinfo.mk.

Претседателот на САД најави нов американски напад врз Иран. На Самитот на НАТО во Анкара  Доналд Трамп изјави дека примирјето повеќе не важи и дека Вашингтон е подготвен повторно да дејствува. Од Техеран брзо возвратија со предупредување дека Ормускиот Теснец би можел целосно да биде затворен доколку следуваат нови напади.

„Веројатно ќе удриме и вечерва“

Трамп изјави дека САД веќе извеле силни напади врз ирански цели и дека не ја исклучува можноста за нова воена акција.

– Го удривме Иран многу, многу силно ноќеска и веројатно ќе го удриме силно и вечерва. Им дадов мало предупредување – рече американскиот претседател.

Тој повтори дека на Иран не смее да му се дозволи да поседува нуклеарно оружје.

Американскиот министер за одбрана Пит Хегсет најави дека евентуалните идни операции би можеле да бидат насочени подлабоко во иранска територија.

Техеран се закани со блокада

Ирански безбедносен извор за државната телевизија „Прес ТВ“ изјави дека секој нов американски напад ќе биде проследен со затворање на Ормускиот Теснец.

– Новата иранска стратегија е дека по секој напад, Ормускиот Теснец ќе биде целосно затворен – навел изворот.

Низ овој поморски премин минува значителен дел од светската трговија со нафта и течен природен гас, поради што секоја закана за негово затворање предизвикува загриженост на глобалните пазари.

Закани и кон американските сојузници

Истиот извор порача дека Иран ќе возврати уште посилно на секој следен напад и предупреди дека нема да прави разлика меѓу САД и нивните регионални партнери.

Во меѓувреме, Револуционерната гарда соопшти дека погодила десетици американски воени цели во Бахреин и во Кувајт како одговор на најновите американски операции.

Трамп ги прекина разговорите

Американскиот претседател порача дека повеќе не гледа смисла во преговорите со Техеран.

– Не сакам повеќе да се договарам со нив. Што се однесува до мене, сè е завршено – изјави Трамп.

Тој повторно спомена можност за дополнителен притисок врз Иран, вклучително и враќање на мерки што би можеле да го погодат поморскиот сообраќај и извозот на земјата.

The post ТРАМП СЕ ЗАКАНИ СО НОВ НОЌЕН УДАР ВРЗ ИРАН Доби брз одговор, Ормуз ќе биде затворен? appeared first on plusinfo.mk.

САД извршија нови напади врз Иран откако три танкери беа нападнати во Ормускиот Теснец. Централната команда на американската војска (Сентком) објави дека се погодени повеќе од 80 мети, вклучувајќи над 60 бротчиња на Иранската револуционерна гарда во Теснецот.

„Покрај 60-ина бротчиња, нападнавме и места за лансирање ракети и командни центри. Нападите се одговор за таргетирање и напад на комерцијални бродови со екипаж од невини лица во меѓународен воден пат“, соопшти Сентком.

Пред нападите, американското министерство за трговија ја отповика одлуката со која привремено беа укинати нафтените санкции за Иран, што беше дел од меморандумот за разбирање.

Иранските медиуми соопштија дека се нападнати островот Кешм, Бандар Абас и Сирик, каде што има повредени. Иран не ја презеде директно одговорноста за нападите врз бродовите, за што беше обвинет од Катар и Саудиска Арабија.

Гардата соопшти дека лансирала одмазднички напади врз американските воени бази во Кувајт и Бахреин. Иранското министерство за надворешни работи ги обвини САД за грубо кршење на меморандумот за разбирање потпишан минатиот месец и предупреди дека Техеран ќе преземе решителни мерки.

„Нападот на САД врз Иран претставува грубо прекршување на точките 1 и 2 од меморандумот за меѓусебно разбирање склучен во Исламабад“, го цитираше иранската агенција Фарс заменик-министерот за надворешни работи на Иран, Казем Гарибабади, кој додаде дека САД во последните три недели повеќепати ги прекршиле одредбите од договорот.

Врховната заедничка воена команда на Иран, Централниот штаб „Хатам ал Анбија“, денеска соопшти дека иранските вооружени сили ќе одговорат „разорно“ на американските напади, оценувајќи дека станува збор за „отворена агресија“.

Во соопштението се наведува уште дека Техеран нема да дозволи САД да се мешаат во управувањето со Ормуската Теснина.

Во Кувајт утринава се огласија сирени за воздушна опасност, откако земјата соопшти дека нејзината противвоздушна одбрана пресретнала проектили.

И Бахреин претходно објави дека бил изложен на ракетен напад, но засега нема официјална потврда дека некоја цел била погодена во двете земји.

Иранската Исламска револуционерна гарда денеска потврди дека извршила напади врз американски воени бази во Кувајт и Бахреин.

Според Иранската државна телевизија, во нападите биле погодени 85 објекти во американските бази во двете заливски земји, како одговор на новите американски напади врз Иран.

„Како прв одговор на оваа агресија, поморските и воздушните сили на Исламската револуционерна гарда извршија заедничка операција со ракети и беспилотни летала, при што беа погодени 85 стратешки американски воени објекти“, се наведува во иранското соопштение.

The post САД ИЗВРШИJA НАПАД ВРЗ ИРАН, ТАРГЕТИРАНИ 80 ЦЕЛИ Иран возврати со напади врз Кувајт и Бахреин appeared first on plusinfo.mk.

САД извршија нови воздушни напади врз иранските складишта за ракети и беспилотни летала, како и врз радарските станици лоцирани по должината на брегот на Иран, објави синоќа американскиот претседател Доналд Трамп на социјалната мрежа „Трут Соушл“.

Нападот уследи откако вчера танкер за нафта беше погоден од граната во Ормуската теснина.

„Американските авиони ги нападнаа иранските складишта за ракети и беспилотни летала, како и крајбрежна радарска станица, поради уште едно кршење на договорот за прекин на огнот! Многу е веројатно дека никој не научил лекција!“, се вели во објавата на Трамп.

Шефот на американската држава, исто така, предупреди дека „може да дојде момент кога повеќе нема да можеме да бидеме разумни и ќе бидеме принудени да го завршиме со воени средства тоа што го започнавме толку успешно. Ако се случи ова, Исламската Република Иран повеќе нема да постои!“.

Централната команда на вооружените сили на Соединетите Американски Држави синоќа објави дека американската армија почнала нови напади врз Иран, откако претходно во текот на денот танкер што пловел под панамското знаме бил нападнат од ирански дрон. Танкерот превезувал сурова нафта за државната енергетска компанија на Катар, која е клучен посредник меѓу Иран и САД.

Иранската државна телевизија IRIB изутринава по локално време објави дека се слушнале експлозии во Сирик, во јужниот дел на Иран.

„На Иран му беше дадена шанса да го почитува договорот за прекин на огнот, но тој одлучи да не го стори тоа“, се вели во соопштението на Централната команда на САД.

Во соопштението се наведува дека нападот е „директен одговор на континуираната агресија на Иран врз трговско-бродскиот превоз“ и дека цели се воениот надзор, комуникациите, воздушната одбрана, депоата за беспилотни летала и бродовите за поставување мини на Иран.

Во меѓувреме, Кувајт и Бахреин соопштија дека Иран синоќа ги нападнал со ракети и беспилотни летала, откако САД извршија напад врз Исламската Република.

Кувајт и Манама ги осудија иранските напади, иако не беше веднаш соопштено колкава штета е предизвикана.

Новото гранатирање во Персискиот Залив дополнително го загрозува прелиминарниот договор склучен меѓу Техеран и Вашингтон како прв чекор кон трајно решавање на конфликтот.

The post ПРИМИРЈЕТО НЕ ИЗДРЖА, ФРЧАТ РАКЕТИ КОН ИРАН И ОБРАТНО! Повторно ескалира конфликтот, загрозен постигнатиот договор appeared first on plusinfo.mk.

Јордан и Кувајт денеска соопштија дека биле цел на ирански ракети и оти нивната противвоздушна одбрана ги елиминирала заканите, додека иранскиот Корпус на исламската револуционерна гарда (ИРГЦ) соопшти дека цел на нивните напади во текот на изминатата ноќ била и американската Петта флота во Бахреин.

Јорданската војска соопшти дека нејзините системи за противвоздушна одбрана пресретнале и собориле пет ракети лансирани од Иран кон подрачјето Ал Азрак во провинцијата Зарка, пренесува „Ал Џезира“. Во соопштението, војската на Јордан наведува дека пресретнувањето на иранските ракети во воздухот предизвикало пад на нивни остатоци, но нема жртви ниту материјална штета. Се додава дека воени инженерски тимови се распоредени за да ги обезбедат остатоците од ракетите и да ги отстранат сите потенцијални експлозивни делови. Во соопштението се нагласува дека јорданските вооружени сили делуваат на највисоко ниво на подготвеност и оти нема да толерираат никакво кршење на воздушниот простор на земјата.

Генералштабот на кувајтската војска утрово соопшти дека противвоздушната одбрана на земјата „во моментов пресретнува непријателски воздушни цели“. Во објава на Х, кувајтската војска ги повика жителите да се „придржуваат до безбедносните упатства и насоки издадени од надлежните органи и да се потпираат на информации од овластени официјални извори“.

Иранскиот Корпус на исламската револуционерна гарда (ИРГЦ) соопшти дека неговите воздухопловни сили лансирале ракети со долг дострел кон воздухопловна база во Јордан, каде што е стациониран американски воен персонал, како и оти цел на нападот била Петтата флота на САД во Бахреин. ИРГЦ наведува дека иранските ракети погодиле и уништиле четири критични цели во базата во Јордан, вклучувајќи хангари за борбени авиони Ф-35 (F-35) и главниот команден и контролен центар. Во своето соопштение, ИРГЦ истакнува дека ракетниот напад е завршница на поширока операција за одмазда, во која била погодена 21 цел во разни американски воздухопловни и поморски бази ширум регионот и во која бил соборен американски дрон МК-9 (MQ-9) над иранскиот воздушен простор.

Според соопштението на ИРГЦ, Петтата флота на САД во Бахреин била нападната со дронови како одговор на американските напади врз подрачја во јужниот дел на Иран. Гардата соопшти дека американските удари оштетиле телекомуникациска кула и два резервоари за вода во иранскиот пристанишен град Сирик. ИРГЦ предупреди дека неговите сили и понатаму се целосно подготвени да упатат „разорен и одлучувачки“ одговор на сите следни воени акции на САД и дека Вашингтон ќе ја сноси целата одговорност за последиците од понатамошната ескалација.

Претходно, американската Централна команда (ЦЕНТКОМ) синоќа соопшти дека покренала нови, возврати напади врз Иран, откако иранската војска собори американски хеликоптер Апачи во близина на Ормуската Теснина. Во соопштението на ЦЕНТКОМ се наведува дека американската војска „делувала во самоодбрана“ и дека нападите почнале по налог на американскиот претседател Доналд Трамп. „Мисијата претставува пропорционален одговор на неоправданата иранска агресија“, се вели во соопштението.

ЦЕНТКОМ претходно вчера соопшти дека американски воен хеликоптер АХ-64 Апачи се урнал во близина на Ормуската Теснина откако бил нападнат од ирански јуришен дрон Шахед, а војниците биле спасени во рок од околу два часа по несреќата и се во стабилна состојба. Трамп тогаш рече дека иранската војска го нападнала и го соборила хеликоптерот и најави дека американската војска ќе одговори на тој напад.

Реагирајќи на пораката на Трамп, иранскиот министер за надворешни работи Абас Арагчи порача дека Ормуската Теснина не е дел од меѓународните води, туку дека надлежноста над неа ја делат Иран и Оман и оти се наоѓа на илјадници милји оддалеченост од брегот на САД, додавајќи дека странските воени сили во близина на иранските територии претставуваат постојан ризик. Арагчи додаде дека Иран го претпочита „јазикот на дипломатијата“, но дека војската на земјата покажала дека умее да „зборува и на други јазици“.

The post РАКЕТИ НАД ЈОРДАН И КУВАЈТ, ИРАН ТВРДИ ДЕКА НАПАДНАЛ АМЕРИКАНСКИ ЦЕЛИ Блискиот Исток влегува во нова опасна ескалација appeared first on plusinfo.mk.