Украинскиот претседател Володимир Зеленски во саботата се врати од посетата на Турција и со себе донесе пет поранешни команданти од Мариупол, и покрај договорот од минатата година дека требало да останат во Турција.

Русија веднаш го осуди нивното ослободување. Портпаролот на Кремљ Дмитриј Песков изјави дека Турција го прекршила договорот и не ја информирала Москва.

Командантите, кои се сметаат за херои во својата татковина, ја водеа одбраната на пристанишниот град, најголемиот што Русија досега го окупирала.

Илјадници цивили загинаа во Мариупол, кој беше срамнет со земја од Русите за време на тримесечната опсада.

Украинските бранители се криеја во тунелите и бункерите на фабриката за челик Азовстал, а во мај минатата година Киев им нареди да се предадат.

The commanders of the “Azov” battalion returned from #Türkiye to #Ukraine

“We are returning home from Türkiye and bringing our heroes home. Ukrainian soldiers Denys Prokopenko, Svyatoslav Palamar, Serhiy Volynsky, Oleh Khomenko, Denys Shleha. They will finally be with their… pic.twitter.com/X5r5lpQGYQ

— NEXTA (@nexta_tv) July 8, 2023

Зеленски се врати во Украина со украинските војници Денис Прокопенко, Свјатослав Паламар, Сергиј Волински, Олех Хоменко и Денис Шелха. Зеленски го прегрна секој од нив откако слетаа во Киев.

Москва ослободи дел од нив во септември со посредство на Анкара. Тогаш беше постигнат договор командантите да останат во Турција до крајот на војната.

Песков за новинската агенција РИА изјави: „Никој не нѐ информираше за ова. Според договорот, овие водачи требаше да останат на територијата на Турција до крајот на конфликтот“.

Тој додаде дека ослободувањето е резултат на притисокот на НАТО врз Турција пред самитот на Алијансата следната недела, каде Украина се надева дека ќе добие позитивен сигнал за нејзиното идно членство.

Зеленски не објасни како командантите се вратиле во земјата, а кабинетот на турскиот претседател Таип Ердоган сѐ уште не одговорил на барањето за коментар.

Додому pic.twitter.com/vDJvqjCPsC

— Володимир Зеленський (@ZelenskyyUa) July 8, 2023

The post (ФОТО+ВИДЕО) РУСИЈА СЕ НАЛУТИ НА ТУРЦИЈА Анкара дозволи Зеленски да ги врати дома заробените команданти на Азовстал appeared first on plusinfo.mk.

– Успеавме да ослободиме 215 луѓе во најголемата размена на затвореници од почетокот на руската инвазија во февруари – изјави шефот на администрацијата на украинскиот претседател Андреј Јермак.

Русија доби 55 затвореници, меѓу кои беше и поранешниот пратеник Виктор Медведчук, близок соработник на Владимир Путин, кој беше обвинет за велепредавство во Украина, изјави во своето редовно обраќање украинскиот претседател Володимир Зеленски.

-Како дел од таа долго подготвувана операција, пет воени команданти, меѓу кои и началниците на одбраната на Азовстал, се префрлени во Турција.Тие ќе останат во Турција „во целосна безбедност во удобни услови” до крајот на војната врз основа на договорот со турскиот претседател Реџеп Таип Ердоган – рече Зеленски.

Во рамките на оваа размена има и десет воени заробеници, меѓу кои пет Британци, двајца Американци и еден Хрват, за кои претходно беше соопштено дека се префрлени од Русија во Саудиска Арабија, од каде ќе се вратат дома.

The post ЛИДЕРИТЕ НА ОДБРАНАТА НА АЗОВСТАЛ ЗА МЕДВЕДЧУК Киев и Москва разменија воени заробеници appeared first on plusinfo.mk.

Украинското Министерство за одбрана денеска ја објави веста која што несомнено ќе воодушеви голем број Украинци.

Тие наведуваат дека денеска се случила нова размена на заробеници со Русија и дека, како што пишуваат, таа е најголемата од почетокот на руската инвазија. Според Украинците, 144 борци биле ослободени од руско заробеништво.

Од 144 ослободени борци, 95 се бранители на челичарницата Азовстал во Мариупол, а меѓу нив има и 43 припадници на Азовскиот полк, кои Русите го нарекуваат „нацисти“.

Меѓу ослободените борци има 30 маринци, 28 припадници на редовната армија, 17 гранични војници, девет припадници на територијалната одбрана и еден полицаец. Најстариот ослободен борец има 65, а најмладиот 19 години.

Повеќето од ослободените Украинци имаат сериозни повреди – рани од куршуми и шрапнели, изгореници, скршеници и ампутирани екстремитети, соопшти украинското Министерство за одбрана.

The post РУСИЈА ОСЛОБОДИ 144 УКРАИНСКИ ВОЈНИЦИ 95 бранители се од „Азовстал“, 43 од нив се припадници на „Азов“ appeared first on plusinfo.mk.

Според некои светски агенции, телата, наводно, биле префрлени во главниот град Киев, каде што се врши ДНК анализа за да се утврдат идентитетите на убиените, соопшти полкот Азов, една од единиците на Украина која ја држеше фабриката за челик речиси 3 месеци пред да се предаде во мај.

Украина во саботата ја објави првата официјално потврдена размена на загинати војници од почетокот на војната.

Беше кажано дека двете страни размениле вкупно 320 тела, а размената се случила во четвртокот на линијата на фронтот во регионот Запорожје.

Ана Холовко, портпаролка на полкот Азов, изјави дека сите 160 украински тела што ги предале Русите се од урнатините на Азовстал.

Таа рече дека најмалку 52 од тие тела се сметаат за останки на војниците на Азовскиот полк, а Максим Зорин, поранешен командант на полкот кој сега е на чело на воената единица со седиште во Киев, потврди дека меѓу разменетите има и тела од фабриката за челик.

Украинскиот претседател Володимир Зеленски изјави дека може да има повеќе од 2.500 затвореници од фабриката за челик Азовстал во Мариупол, кои сега се притворени во регионите Доњецк и Луганск во источна Украина.

Зеленски рече и дека плановите на Русија во однос на третманот на овие затвореници постојано се менуваат.

Во исто време, руските сили продолжија да се борат за контрола на Северодоњецк, град во источна Украина кој е клучен за целта на Москва да заврши со заземање на индустрискиот регион Донбас.

Зеленски изјави дека украинските сили ги држат своите позиции во градот, додека на улиците се водат жестоки битки и Русија се обидува да распореди повеќе сили во оваа област.

– Ова е 103-ти ден, а украинскиот Донбас стои. Цврсто стои – рече украинскиот претседател во своето ноќно обраќање до нацијата.

Зеленски рече дека руските сили планираат да го заземат градот Запорожје во југоисточниот дел на земјата, каде што живеат повеќе од 700.000 луѓе, што може сериозно да ја ослабне позицијата на Украина и да и овозможи на руската армија да напредува поблиску до централниот дел на земјата.

The post ТЕЛАТА НА ЗАГИНАТИ ВОЈНИЦИ ОД „АЗОВСТАЛ“ ВРАТЕНИ ВО КИЕВ Украина и Русија разменија 320 тела на загинати војници appeared first on plusinfo.mk.

Претставниците на руската војска тврдат дека во челичарницата Азовстал во Мариупол е пронајдено комбе со 152 тела на убиени украински војници, под кои биле поставени четири мини.

Украинските сили го оставиле комбето во телата во подземниот комплекс на Азовстал, а мините били поставени со цел да се обвини русија за масовно убиство на војниците.

Портпаролот на Министерството за одбрана на Русија, Игор Конашенков рече дена врз основа на испитувањето на заробените војници од баталјонот „Азов“, дека телата на загинатите се минирани на Киев, што потоа би се искористило во пропагандни цели, со тврдењето дека Русите намерно ги уништуваат посмртните останки на непријателските војници.

– Целта беше на тој начин да се спаси политичката репутација на киевскиот режим и репутацијата на лидерот Володомир Зеленски – изјави Конашенов.

Тој додаде дека телата на загнатите украински војници, наскоро ќе им бидат предадени на претставниците на Украина.

The post „АЗОВСТАЛ“ КРИЕЛ УЖАСНА ТАЈНА Минирани труповите на украинските војници appeared first on plusinfo.mk.

Повеќе од 900 украински борци од челичарницата Азовстал во Мариупол се одведени во казнена колонија на територијата контролирана од Русија, изјави портпаролката на руското Министерство за надворешни работи Марија Захарова.

Таа додаде дека на 17 мај се предале 959 припадници на украинската армија, од кои 51 се на лекување, додека другите се испратени во поранешната казнена колонија во градот Оленивка, во областа Доњецк, што е под контрола на Русија.

Министерството за одбрана на Украина соопшти дека се надева на размена, за да можат украинските херои да се вратат во својата татковина што е можно поскоро.

The post 900 УКРАИНСКИ БОРЦИ ОДВЕДЕНИ ВО КАЗНЕНА КОЛОНИЈА Се предаваат бранителите од Азовстал appeared first on plusinfo.mk.

На почетокот во челичарницата имаше „повеќе од 2.000 луѓе“, изјави лидерот на самопрогласената Доњецка република Денис Пушилин на средба со новинари во Мариупол организирана од руското Министерство за одбрана.

По предавањето, кое почна во понеделникот, останаа „малку повеќе од половина“, додаде тој, што значи околу илјада.

– Командантите и високите офицери на баталјонот Азов сè уште не излегле – рече лидерот на сепаратистите.

Руското Министерство за одбрана денеска претпладне соопшти дека „во последните 24 часа се заробени 694 ветерани, меѓу кои 80 ранети“, додаде тој. Истиот извор наведува дека 51 биле примени во болницата во Новоазовск, која е под контрола на Русите и нивните сепаратистички сојузници.

Министерството не соопшти ништо за судбината на затворениците, а руските власти во повеќе наврати изјавија дека некои од нив не ги сметаат за војници, туку за неонацистички борци. Украинските власти, од друга страна, сакаат размена на воени заробеници.

Пушилин рече дека „сите што се здрави се во притвор во колонијата Еленовскаја“.

– Судбината на воените злосторници и националистите, доколку го положат оружјето, ќе ја реши судот – додаде тој.

The post 1.000 ВОЈНИЦИ СЕ ПРЕДАДОА, 1.000 УШТЕ СЕ ВО ЧЕЛИЧАРНИЦАТА Главните команданти се бранат, но ова е само „засега“ appeared first on plusinfo.mk.

– Во текот на изминатите 24 часа, 694 милитанти се предадоа, вклучително и 29 повредени – соопшти Министерството.

Во соопштението се додава дека од 16 мај се предале „959 милитанти, меѓу кои и 80 повредени“.

The post ОД АЗОВСТАЛ СЕ ПРЕДАДОА ОКОЛУ 1000 ВОЈНИЦИ Меѓу нив има 80 повредени appeared first on plusinfo.mk.

Според руската новинска агенција Интерфакс, Министерството за правда во Москва соопштило дека судскиот случај „за прогласување на украинската паравоена националистичка група „Азов“ (баталјон „Азов“, полк „Азов“) како терористичка организација и забраната за нејзините активности на територијата на Руската Федерација е закажан за судење на 26 мај“.

Ова се случува во момент кога украински борци, од кои многумина се припадници на Азовскиот полк, се евакуирани од челичарницата Азовстал.

Портпаролот на Кремљ, Дмитриј Песков, претходно одби да коментира дали бранителите на челичарницата, кои сега се во руски притвор, ќе бидат третирани како воени затвореници или како воени злосторници.

Азовскиот полк е формиран во 2014 година, веднаш откако Москва го анектираше јужниот украински полуостров Крим, за да се бори против руските сили и проруските бунтовници во источниот регион Донбас. Некои борци од Азов првично имале врски со националистички и екстремно десничарски групи. Полкот подоцна беше вклучен во Националната гарда на Украина.

The post СУДОТ ЌЕ ОДЛУЧИ ДАЛИ „АЗОВ“ СЕ НАЦИСТИ Процесот за нивно прогласување за „терористичка организација“ почнува на 26 мај appeared first on plusinfo.mk.

– Нацистичките криминалци не се предмет на размена. Тие се воени злосторници и мораме да направиме сѐ за да ги изведеме пред лицето на правдата – рече Володин за време на пленарна седница.

Украина, од своја страна, се надева на размена на повеќе од 260 свои војници кои ја напуштија челичарницата „Азовстал“.

#Ukraine The Russians showed footage of yesterday’s withdrawal of Ukrainian servicemen from Azovstal. Ukrainian fighters carried the wounded soldiers on stretchers.

Today, the Russian Duma speaker Volodin said he wants to ban them from being exchanged for Russian war prisoners pic.twitter.com/EDjvdQ4sPl

— Hanna Liubakova (@HannaLiubakova) May 17, 2022

Некои од украинските борци во Мариупол припаѓаат на крајнодесничарскиот националистички полк Азов, кој Москва го смета за неонацистичка единица. Володин нагласи дека Русија прави сѐ за да им обезбеди медицинска помош на повредените украински затвореници и да се однесува хумано кон нив.

– Но, што се однесува до нацистите, нашата позиција мора да остане цврста, бидејќи тоа е една од целите на специјалната воена операција – рече тој, користејќи го официјално одобрениот термин од Москва за војната.

Додека со ова повлекување Мариупол е официјално под руска контрола, војната продолжува во другите делови на Украина. Синоќа бил гранатиран западниот град Лавов. Воздухопловните сили на Украина денеска соопштија дека руска крстосувачка ракета лансирана од морето во текот на ноќта погодила инфраструктурни цели во близина на градот.

Од друга страна, Русија објави дека уништила пратка со американско и европско оружје.

Според регионалниот гувернер, погодена е железничка инфраструктура. Русија ги напаѓа сообраќајните центри и складиштата за гориво во близина на Лавов во обид да ја попречи испораката на оружје.

The post НАЦИСТИЧКИТЕ КРИМИНАЛЦИ НЕ СЕ ПРЕДМЕТ НА РАЗМЕНА Претседателот на руската Дума бара судење за борците од челичарницата appeared first on plusinfo.mk.