НЛБ Банка овозможува онлајн ажурирање на сите лични податоци преку веб страницата на Банката. Оваа функционалност целосно ја елиминира потребата од посета на експозитура, обезбедувајќи брз и едноставен процес и максимална заштита на личните и банкарските податоци на клиентот. Постапката за онлајн ажурирање на личните податоци е овозможена со електронска идентификација на клиентот преку мобилната апликација OneID на КИБС.

За да изврши ажурирање на личните податоци со електронски идентитет, клиентот најнапред треба ја преземе мобилната апликација OneID и да креира свој профил за истата. Понатаму, преку веб страницата на Банката, клиентот ќе може да започне процес за ажурирање на податоците со внес на корисничко име и лозинка за најава, и потврда на својот дигитален идентитет во ОneID мобилната апликација. Онлајн ажурирањето на личните податоци е брза и едноставна постапка која може да се заврши за само неколку минути (видео упатство за онлајн ажурирање на лични податоци).

– Како Банка, ние сме силно посветени на дигиталната трансформација и интензивно работиме на дигитализација на сите наши услуги, сè со цел на нашите клиенти да им овозможиме флексибилни и достапни банкарски решенија кои го адресираат, денес можеби за сите најважниот ресурс, времето. Истовремено, продолжуваме да ја нудиме услугата и во нашата мрежа на експозитури, почитувајќи го изборот и префенците на клиентите – истакнуваат од НЛБ Банка.

Клиентите на НЛБ Банка со важечки документ за идентификација и досега можеа да ажурираат лични податоци брзо и безбедно преку апликацијата за мобилно банкарство, но по промена на документ за лична идентификација потребна беше посета на експозитура. Оваа дополнителна услуга значително ја олеснува постапката за ажурирање на сите лични податоци, овозможувајќи целосно дигитален процес од едно место – веб страницата на Банката, во кое било време и од кое било место.

The post НЛБ БАНКА ОВОЗМОЖИ ОНЛАЈН ДА СЕ АЖУРИРААТ ПОДАТОЦИТЕ Целосно дигитален процес во секое време и од кое било место appeared first on plusinfo.mk.

Комерцијалните банки, согласно постојната законска регулатива од Законот за спречување перење пари и финансирање на тероризам, Законот за заштита на лични податоци, како и подзаконската регулатива, треба редовно да ги ажурираат личните податоци на клиентите. Во современи услови на сѐ позачестено користење на услугите на електронско и мобилно банкарство, согласно законските одредби за заштита на личните податоци и безбедноста на плаќањата, неопходно е банките да одржуваат редовна комуникација со клиентите, заради безбедно извршување на услугите и заштита на корисниците на финансиски производи и услуги, предупредува Народна банка.

– Банките треба да го потврдат идентитетот на клиентот или вистинскиот сопственик при воспоставувањето на деловниот однос. Секоја банка со интерен акт ја определува фреквенцијата на ажурирање на документите и податоците потребни за следење на деловниот однос со клиентите. При промена на некој од личните податоци (адреса, нова лична карта и сл.), клиентот е должен соодветно да ја извести и банката чиишто услуги ги користи – велат од НБ.

Оттаму додаваат и дека банките треба да ги информираат граѓаните  за наједноставниот, најлесниот и најбрзиот начин на кој можат да ги ажурираат своите лични податоци, како и колку често треба да врши ажурирање на нивните лични податоци кај банката (дури и тогаш кога нема промена на податоците).

-Во некои банки постои можност ажурирањето на податоците да се врши по електронски пат, без доаѓање на шалтер во банките.Изнаоѓањето начини за известување за новините во регулативата, како и редовната комуникација со клиентите за сите аспекти при користењето на услугите од банкарскиот сектор придонесува кон зголемување на довербата на граѓаните во банкарскиот сектор, а со тоа се намалува просторот за шпекулации и дезинформации коишто можат да ја нарушат стабилноста на банкарскиот систем – велат од Народна банка.

The post ПОТСЕТУВАЊЕ ОД НАРОДНА БАНКА Комерцијалните банки редовно да ги ажурираат податоците на клиентите appeared first on plusinfo.mk.