Преку овој проект, исто така, ќе се развијат алатки и нови услуги, со што ќе им се посвети особено внимание на јакнењето на конкурентноста на македонските извозно ориентирани компании и на можностите за регионално поврзување, преку реализација на голем број активности, како што се: формирањето на Институтот за извоз, креирањето на Националниот совет за извоз, саемите, обуките, како и директната помош на компаниите, со цел зголемена соработка во регионот на Западен Балкан и пошироко.

– Ние во Комората многу добро разбираме дека мала земја како Северна Македонија без извозна ориентација нема перспектива. Како Стопанска комора постоиме 100 години, постари сме и од македонската држава, имаме кадар, имаме цел и знаеме како треба да стигнеме до подобри економски прилики. Преку поддршката што ја добиваме од УСАИД се надевам дека она што го зборуваме 20 години сега е моментот на дело да помогнеме и да се реализира. Сфативме дека без правна држава нема правна сигурност. Активни сме и на тоа поле и се вклучуваме во разрешувањето на проблемите со корупцијата, сивата економија и со еднаквоста на сите на пазарот – истакна преседателот на Стопанската комора на Северна Македонија, Бранко Азески.

– Ќе ставам акцент врз неколку параметри. Пред 15 години почнавме од нула, а сега сме на ова ниво на коешто сме. Имаме стратегија наречена Комора на идината. Не ја чекаме државата. Имаме и концепт и потенцијал за да одиме напред. Затоа, оваа поддршка ни е важна, а со активностите преку овој проект чиниме добро и за бизнисот, но, уште повеќе, и за државата – истакна Азески.

– Горди сме на нашето партнерство со Стопанската комора на Северна Македонија, преку кое ќе ја поддржиме регионалната соработка на приватниот сектор и ќе ги зајакнеме капацитетите на извозно ориентираните компании. Бизнисот ги препозна можностите што ги носат регионалните иницијативи и важноста на слободниот проток на капитал, стоки, услуги и на луѓе. Тоа ќе овозможи зголемена трговска размена, ќе го направи регионот поатрактивен за нови инвестиции, но и ќе ги подготви компаниите за предизвиците на заедничкиот европски пазар – изјави Џејмс Стајн, претставник на Канцеларијата на УСАИД во Северна Македонија.

The post СТОПАНСКАТА КОМОРА И УСАИД ЗАПОЧНУВААТ ЗАЕДНИЧКА СОРАБОТКА Проект за поддршка на приватниот сектор за регионална интеграција appeared first on plusinfo.mk.

На седницата, претседателите на шесте стопански комори од регионот и членови на КИФ (Стопанската комора на Северна Македонија, Унијата на стопански комори на Албанија, Надворешно – трговската комора на Босна и Херцеговина, Стопанската комора на Црна Гора, Стопанската комора на Србија и Стопанската комора на Косово)  и вицепремиерот Битиќи, дискутираа за инвестициските политики во регионот на Западен Балкан, како и за потенцијалите за зголемување на атрактивноста на регионот како инвестициска дестинација.

Вицепремиерот Битиќи истакна дека политиката и политичарите треба постојано да бидат на служба на стопанството и граѓаните, стопанството е двигател на економијата и без меѓусебна соработка помеѓу стопанствениците и Владите, не може да се направат сериозни исчекори, кога станува збор за економскиот раст и развој на земјите и регионот на Западен Балкан. Вицепремиерот посочи дека уште на самиот почеток на кризата предизвикана од пандемијата на ковид-19, се до денес потенцира дека е потребно да се создава конкурентен регион, наместо конкуренција помеѓу земјите од регионот.

„Уште од почетокот на економската криза заради Ковид 19, истакнав дека предизвикот кој стои пред нас е дали ние како земји од регионот треба меѓусебно да си конкурираме или да работиме на тоа да направиме конкурентен регион. Верувам дека иднината на земјите и на регионот на Западен Балкан е во интензивирање на меѓусебната соработка и создавање на поконкурентен регион во однос на глобалната економија. Еден голем предизвик се уште е Ковид-19 и пост-ковид периодот ќе биде клучен да ние како Влади креираме услови за развој на стопанството, и заедно со стопанските комори да направиме силен исчекор и да се приклучиме кон глобалните вредносни ланци за снабдување. Денеска, заедно со Коморскиот инвестициски форум сакам да иницирам еден широк дијалог за усогласување на политиките за привлекување на странските инвестиции во земјите на Западен Балкан, со кои наместо да си конкурираме, ќе создадеме една заедничка платформа  и можност за привлекување на нови странски компании, но и овозможување да се создадат вредносни ланци на странските компании токму на Западен Балкан. Така ќе се даде можност и на најмалите, но и најголемите да бидат дел од глобалната економија и сите заедно да придонесеме кон развојот на регионот“, истакна вицепремиерот Битиќи на седницата на Управниот одбор на Коморскиот инвестициски форум.

Претседателот на Стопанската комора на Србија, Марко Чадеж и претседателот на Стопанската комора на Северна Македонија, Бранко Азески истакнаа дека на седницата се дискутираше за многу важни економски теми за регионот, со особен фокус на интензивирање на активностите за привлекување на инвестиции во регионот, промоција на регионот на Западен Балкан како атрактивна инвестициска дестинација, како и промоција и стимулирање на извозот на производи од земјите од Западен Балкан на постоечките и на нови пазари. Тие истакнаа дека претседателите на стопанските комори од регионот разговараа и за заеднички настап на светски познатите саеми во Шангај (SIAL) и на Dubai Expo 2020, каде сите шест земји ќе користат заеднички простор и ќе бидат промовирани секторите/гранките кои се застапени во сите шест земји со можност за поврзување со други глобални и успешни компании.

На седницата на Коморскиот инвестициски форум за Западен Балкан се одлучи да се формира и Одделение за промоција на извозот и за привлекување на инвестиции, со кое ќе се овозможи една точка на контакт за сите заинтересирани компании за реализација на инвестиции во било која од шесте земји од Западен Балкан.

The post Битиќи: Ќе создадеме конкурентен регион, наместо конкуренција помеѓу земјите од регионот appeared first on plusinfo.mk.