Пред празните трибини на најголемиот тениски терен во светот „Артур Еш“, Осака направи неверојатен пресврт и по втор пат во кариерата триумфираше во Њујорк, откако ова се случи пред две години. Осака губеше во резултатот со 1:6, 0:2, но се опорави и успеа да ја добие битката меѓу двете поранешни лидери на светската ранг-листа.

Азаренка не успеа да го добие финалето на УС Опен во третиот обид, откако го загуби директниот натпревар за трофејот во 2012 и 2013 година од Серена Вилијамс.

Двете тенисерки заслужено се пласираа во финалето откако во последните 3 недели покажаа одлична форма во Њујорк. Тие стигнаа до натпреварот за трофејот и на турнирот од Премиер 5 во Синсинати, но поради повреда на левиот Ахил, Осака не излезе во финалето и Азаренка го освои трофејот без игра.

Сега, сепак, приказната беше поинаква и името на шампионот е Наоми Осака.

The post Осака со голем пресврт до титулата на УС Опен appeared first on plusinfo.mk.

Јапонската тенисерка Наоми Осака поради повреда нема да може да учествува во финалето на турнирот во Синсинати, се наведува на официјалната веб-страница на ВТА.

Осака има повреда на тетивата, што ја спречува 22-годишната тенисерка да излезе на теренот.

Така, 31-годишната Белорусинка, Викторија Азаренка стана победник на Мастерсот.

– Жал ми е што нема да можам да играм денес поради повреда, добиена во полуфиналето. Ви благодарам на сите за поддршката во текот на оваа емотивна недела, напиша Осака на Твитер.

Турнирот што годинава се одржува во Њујорк се игра за награден фонд од 1,9 милиони долари.

Во тек е машкото финале во кое се среќаваат Новак Ѓоковиќ и Милош Раониќ.

The post Азаренка победник на Мастерсот Синсинати, Осака се повлече appeared first on plusinfo.mk.