Ерменија и Азербејџан соопштија дека нивните министрите за надворешни работи ќе имаат одделни средби со американскиот државен секретар Мајк Помпео в петок во Вашингтон во обид да се најде трајно решение за ставање крај на конфликтот во Нагорно Карабах.

Планираната средба, непосредно пред претседателските избори во САД, покажува дека Вашингтон презема иницијатива за ставање крај на војната, која од 27 септември однесе животи на стотици луѓе.

„Политико“ имал увид во агендата, и според неа прв средба со Помпео ќе има азербејџанскиот министер Џејхун Бајрамов, а нешто подоцна и неговиот ерменски колега Зохраб Мнацаканјан.

Русија досега посредуваше во разговорите меѓу двете завојувани страни околу Нагорно Карабах, но и со две примирја договорени со Москва досега нема почитувње на договореното.

Министерството за одбрана на Нагорно Карабах соопшти денеска дека се убиени уште 43 војници, односно 772 војници.

Засега не е познато дали освен одделните средби со Помпео ќе има и средба на шефовите на дипломатиите на Ерменија и Азербејџан или трилатерална средба, но медиумите коментираат дека со оглед на тоа дека двете средби се закажани за ист ден, Помпео ќе се обиде да посредува во конфликтот.

The post Помпео в петок на одделни средби со министри на Азербејџан и на Ерменија appeared first on plusinfo.mk.

Седумнаесет ерменски војници беа убиени во нови борби во Нагорно Карабах со што вкупната бројка е 542 од избувнувањето на вооружениот конфликт на 27 септември, соопштија денеска официјални лица на самопрогласената република Нагорно Карабах.

Во судирите што избувнаа во Нагорно Карабах од 1990 година, загинаа околу 30.000 луѓе

The post Досега 542 ерменски војници загинаа во Нагорно Карабах appeared first on plusinfo.mk.

Конфликтот помеѓу Ерменија и Азербејџан трае речиси една седмица, а двете страни секојдневно објавуваат видеа на кои се гледа како уништуваат тенкови, хеликоптери, дронови и слично.

Во оваа снимка, за разлика од останатите, нема жртви и повредени, а снимката стана хит и поради тоа што два Лада автомобили успеваат да го избегнат огнот на азербејџанските сили без поголеми оштетувања.

На снимката може да се види како во близина на автомобилот кој проаѓа, паѓа азербејџански проектил, но автомобилот продолжува да вози како ништо да не се случува.

Неколку секунди подоцна низ истиот пат поминува уште една Лада која исто така не е оштетена и продолжува да вози по патот.

Artillery of #Azerbaijan Army is now targeting towns & villages of #Armenia in #Artsakh/#NagornoKarabkh. Watch artillery round hitting next to a civilian car in street. This is how #Azerbaijan Army which is being commanded by #Turkish Generals is trying to terrorize civilians. pic.twitter.com/av0h6EExyB

— Babak Taghvaee – Μπάπακ Τακβαίε – بابک تقوایی (B) (@BabakTaghvaee1) October 1, 2020

The post Лада како тенк! Азербејџанските ракети немоќни против руското возило (ВИДЕО) appeared first on plusinfo.mk.

Војната во областа Нагорно-Карабах не запира и наспроти дипломатските апели за прекин на огнот, се  бројат нови жртви. Според последните објавени податоци од страна на Ерменија, до 28 септември претпладне (понеделник) се убиени 39 лица, од кои 7 се цивили. Азербејџан не соопштува податоци за жртвите.

Судирите меѓу двете поранешни советски републики, кои војуваа во 90-тите години од минатиот век, почнаа во неделата наутро и продолжија во понеделникот, со распоредување на тешка артилерија на двете страни.

Нагорно-Карабах, област населена главно со Ерменци, се одвои од Азербејџан во конфликтот што избувна по распадот на Советскиот сојуз во 1991 година. Самопрогласената република Нагорно-Карабах бара целосна независност и за тоа има поддршка од Ерменија, додека Азербејџан нуди само културна автономија. Се смета дека во војната меѓу Азербејџан и ерменските сепаратисти, од февруари 1988 година до мај 1994 година, загинале повеќе од 20.000 луѓе.

Иако во 1994 година беше договорено примирје, откако илјадници луѓе беа убиени и многу други беа раселени, Азербејџан и Ерменија често се обвинети за нападите околу Нагорно Карабах и по граничната линија.

Турција отворено го поддржува Азербејџан. Турскиот претседател Реџеп Таип Ердоган разговараше со азербејџанскиот претседател Илхам Алиев и му вети помош на својот традиционален сојузник. Ердоган смета дека Ерменија е „најголемата закана за мирот во регионот“ и го повика целиот свет „да застане зад Азербејџан во неговата борба против инвазијата и суровоста“.

Претседателот Доналд Трамп во неделата изјави дека САД ќе се обидат да го запрат насилството. Американскиот Стејт департмент го осуди насилството повикувајќи на итен прекин на непријателствата, како и на каква било реторика или акција што ќе ја влоши ситуацијата. Европската унија и ОБСЕ ги повикаа двете страни да ги запрат воените дејствија и да им се вратат на преговорите.

Каспискиот гас и нафтата што одат од овој дел о светот кон Европа и на други страни, минуваат низ нафтоводи и гасоводи преку Нагорно-Карабах.

Today at around 07:30, horrified by their huge manpower and equipment losses, the adversary used the #TOS heavy artillery system at the south-eastern direction. The #Armenia‘n side doesn’t have any losses from the shelling. pic.twitter.com/htk1IC3l8J

— MoD of Armenia (@ArmeniaMODTeam) September 28, 2020

The post Ерменија и Азербејџан војуваат за Нагорно-Карабах, се бројат нови жртви (ВИДЕО) appeared first on plusinfo.mk.

– Во моментов нема потреба од тоа. Нема потреба од мобилизација, рече Алиев, додавајќи дека Владата ќе стори се што е можно за да ја поддржи својата армија.

Беспилотни летала и тешка артилерија беа користени во судирите меѓу ерменските и азербејџанските сили во вторникот, а 16 лица загинале на двете страни, вклучувајќи и азербејџански генерал.

Конфликтот на чувствителната ерменско-азербејџанска граница избувна во неделата.

Азербејџан објави дека 11 војници од таа земја и еден цивил се убиени во текот на трите дена од конфликтот, додека Ерменија објави дека четворица нејзини војници биле убиени во вторникот.

The post Нема потреба од мобилизација, тврди претседателот на Азербејџан appeared first on plusinfo.mk.