Изградбата на автопатот Прилеп-Битола се одвива со одлична динамика, а првите километри од новата автопатска делница се очекува да бидат готови веќе следната пролет. Ова денеска го истакна заменик-претседателот на Владата и министер за транспорт, Александар Николоски, при посетата на Општина Могила, оценувајќи изградбата на автопатот ќе има големо значење за развојот на целиот Пелагониски регион.

– Динамиката на изградбата на автопатот Прилеп-Битола е одлична, работиме со одлично темпо, роковите ќе бидат запазени. Очекувам веќе следната пролет да ги имаме првите километри автопат на овој потег, што многу ќе значи за движењето, за економијата и за поврзувањето не само на Прилеп и Битола, туку и на општините Могила и Новаци, како и на Ресен и Демир Хисар – изјави Николоски.

Тој нагласи дека новата автопатска делница ќе придонесе за подобра сообраќајна поврзаност, побрз транспорт и нови можности за економски развој на регионот.

– Тоа многу ќе значи за заживувањето на целиот овој регион и за поттикот на економијата, имајќи предвид дека значаен дел од економијата е токму во Пелагонискиот регион – додаде Николоски.

The post ПРВИТЕ КИЛОМЕТРИ ОД АВТОПАТОТ ПРИЛЕП-БИТОЛА ЌЕ ГИ ИМАМЕ СЛЕДНАТА ПРОЛЕТ Изградбата се одвива со одлично темпо appeared first on plusinfo.mk.

Пратеникот од ВМРО-ДПМНЕ, Бојан Стојаноски, во емисијата „Став на регионот“ на телевизија „Њузмакс Балканс“ изјави дека Владата продолжува со економска политика насочена кон капитални инвестиции и поддршка на градежниот сектор, со цел зголемување на бруто-домашниот производ, се наведува во соопштението од ВМРО-ДПМНЕ.

– Овие 260 милиони евра што Република Македонија ќе ги повлече ќе бидат наменети за финансирање капитални проекти што се реализираат преку централниот буџет. Кога ја презедовме власта, кажавме дека нашата економска филозофија ќе почива на неколку столба, а еден од нив е силен поттик за капитални инвестиции преку кои, особено преку градежништвото, ќе го зголемиме бруто-домашниот производ. Тоа веќе се гледа во пракса – рече Стојаноски.

Тој нагласи дека државата годинава има обврска да врати 2,6 милијарди евра стари долгови, што, според него, претставува третина од Буџетот, но и покрај тоа, како што рече, обезбедени се средства за повисоки плати, пензии и инфраструктурни проекти.

– Оваа година имаме обврска да вратиме 2,6 милијарди евра стари долгови, но и покрај тоа успеваме да обезбедиме средства за повисоки плати, повисоки пензии, реконструкции и реализација на капитални проекти. Просечната пензија за две години е зголемена за 32 проценти, а сите пензионери добија покачување од 7.000 денари. Секој студент доби ваучер од 250 евра. Просечната нето-плата, според Државниот завод за статистика, е зголемена за 15,5 проценти, односно за околу 6.500 денари. Дополнително, имаме и 17.700 новоотворени работни места – изјави Стојаноски.

Тој посочи дека преку унгарскиот финансиски пакет, но и преку средства од Буџетот на Министерството за транспорт, се финансираат бројни проекти во општините.

– Во сериозна подготвителна фаза сме за почеток на изградбата на железничката пруга на Коридорот 10, а автопатот Прилеп-Битола се реализира со задоволително темпо. Кога ќе се соберат сите овие проекти, станува збор за инвестиции вредни неколку милијарди евра – истакна Стојаноски.

Тој додаде дека економската стратегија на Владата се темели на три клучни принципи: капитални инвестиции, привлекување странски директни инвестиции и поддршка на домашното стопанство.

– Во овој момент тоа ни обезбедува економски раст од 3,5 проценти шест квартали по ред, што нè рангира меѓу третото и петтото место во Европа на квартално ниво – рече Стојаноски.

The post МАКЕДОНИЈА ИМА ШЕСТ КВАРТАЛИ РАСТ ОД 3,5 ПРОЦЕНТИ Стојаноски најави силен инвестициски циклус appeared first on plusinfo.mk.

Работите на автопатот Прилеп-Битола добро напредуваат, дел од него ќе стане реалност до следната пролет, а целосно ќе биде готов во 2029 година, но се соочува со една опструкција – изјави вицепремиерот и министер за транспорт и врски Александар Николоски во настап на поткаст на порталот Курир.мк.

– Станува збор за десетина сопственици на диво изградени вили и хациенди со базени во околината на Прилеп. Имајќи предвид дека на целата траса помеѓу Битола и Прилеп затоа што е рамничарска положбата, поминува низ Пелагонија, не може да се најде материјал, народски кажано тампон, со кој што може да се гради овој автопат. И локацијата е во близина на месноста Ореовец. Таму има десетина буџовани кои ги штитат своите хациенди и вили и не му дозволуваат на изведувачот да пристапи кон наоѓаиштето иако на приватниот изведувач кој што има во соседството наоѓалиште, него му дозволуваат – рече Николоски.

Вицепремиерот вели дека штетата може да биде навистина голема. За него е јасно дека таму има агенда.

– Да знае јавноста дека штетата по однос на државниот буџет може да достигне до 100 милиони евра имајќи предвид дека сега сме приморани да купуваме материјал од приватни каменоломи и да плаќаме за неговиот транспорт. Кога ќе ја пресметате цената на материјалот и на транспортот може да стигне до 100 милиони евра кои што можеме да ги вложиме за целиот регион да се трансформира, а ние треба да ги даваме по приватни џебови. Јасно е таму дека има агенди, само се прашувам дали се агендите бизнис и политички или се само бизнис – рече тој.

Николоски очекува во најбрзо време да се отстрани таа блокада и да се почне и таму со работа.

The post 100 МИЛИОНИ ЕВРА ЌЕ НЀ ЧИНАТ БЛОКАДИТЕ ОД ДЕСЕТИНА ГАЗДИ НА ДИВОИЗГРАДЕНИ ВИЛИ СО БАЗЕНИ Вицепремиерот Николоски за опструкциите во изградбата на автопатот Прилеп-Битола appeared first on plusinfo.mk.

Изградбата на автопатот Прилеп-Битола се одвива со силна динамика, сите предизвици што се појавуваат на трасата се надминуваат со добра координација на институциите и на изведувачот и очекуваме оваа автопатска делница да биде завршена во почетокот од 2028 година, истакна заменик претседателот на Владата и министер за транспорт Александар Николоски, кој заедно со директорот на ЈП за државни патишта Коце Трајановски изврши увид во градежните работи.

Интензивно се работи на 22 км пробиена траса од вкупно 40 км или на 55 % од вкупно предвидената траса.

Изградбата се реализира согласно динамичкиот план, покрај земјените работи на трасата се работи на 2 моста, 2 потпатника, 1 натпатник и 1 клучка. Од увидот беше потенцирано дека во завршна фаза се работите на потпатникот кај населеното место Алинци, потпатникот под регионалниот пат R1101 и натпатникот кај село Ново Лагово. Забрзани градежни активности има и кај населените места Тополчани и Вашарејца.

Во овој момент според диманичкиот план и оперативните потреби на терен се работи со повеќе од 75 машини и механизација. Експропријацијата се реализира забрзано. Од вкупно 1.263 предмети, досега решени се 1.204, а во постапка се уште 59 предмети.

Вицепремиерот Николоски при увидот потенцира дека навременото завршување на автопатот Прилеп-Битола ќе значи забрзан развој на Пелагонскиот регион, можност за нови инвестиции, развој на локалните бизниси и повеќе работни места. Овој автопат има силно влијание врз севкупниот развој на Пелагонија и затоа е многу важно да биде изграден на време и согласно сите стандарди.

Автопатот Прилеп-Битола е дел од Кородорот 10д, паневропски коридор што ѝ дава посебно економско и геополитичко значење на Македонија.

The post 2 МОСТА, 2 ПОТПАТНИКА, 1 КЛУЧКА… Наѕираат првите 20 километри од автопатот Прилеп-Битола appeared first on plusinfo.mk.

Самоволието на десетина сопственици на луксузни хациенди со градини и базени во селото Ореовец ја отежнува изградбата на Коридорот 10д,  Прилеп – Битола, а штетата што ќе треба да ги плати државата бидејќи изведувачот размислува да бара отштета, може да надмине 150 милиони евра, објави ТВ Алфа.

Овие луѓе, според телевизијата, речиси две години, 24 часа дневно, не дозволуваат пристап до државниот каменолом од кој изведувачот на работите „Бехтел и Енка“ треба да земаат градежниот материјал за изграба на автопатот. Тие тврдат дека се загрижени за животната средина иако сите анализи и контроли го покажуваат спротивното.

Инспекторите на Министерството за екологија и на Општина Прилеп по увидот на терен не констатирале неправилности, а апаратите за мерење на загадувањето, на вибрациите и на бучавата кои се поставени таму покажуваат дека нема отстапувања од дозволените вредности.

– Јавното претпријатие го разбира правото на група граѓани за изразување на незадоволство преку организирање на јавен собир, но тоа не значи дека треба да се дозволи 24 часовна блокада на пристапот за работа и оневозможување на работата, а посебно доколку се работи за Проект од јавен интерес– изјавија од Јавното претпријатие за државни патишта.

Симптоматично е што оние кои ја попречуваат градбата на автопатот преку блокирање на пристапот до државниот каменолом, не реагираат на ист начин за работата на неколку приватни каменоломи кои во овој крај работат со години.

Проценките се дека штетите од овие блокади можат да надминат дури 150 милиони евра, поради пенали кои би морала да ги плаќа државата, но и поради трошоци за купување на материјали од приватни ископувачи наместо од државно земјиште. Изведувачот Бехтел и Енка веќе размислува да бара отштета која би била сериозен удар за државниот буџет и според одредени процени би надминала и десетици милиони евра.

Конкретниот каменолом односно Позајмиште 6 е во сопственост на државата и е оддалечен повеќе од 700 метри од селото, локацијата е одредена со самиот договор за изведба на Коридор 8 и Коридор 10д а претходно и била планирана за доделување концесија за комерцијално користење.

Факт е дека доколку ова позајмиште не се користи практично нема изградба на автопатот Прилеп – Битола.

The post ГАЗДИ НА ХАЦИЕНДИ ЈА БЛОКИРААТ ИЗГРАДБАТА НА АВТОПАТОТ БИТОЛА – ПРИЛЕП Застојот може да ја чини државата 150 милиони евра appeared first on plusinfo.mk.

Можам да најавам дека веќе во текот на овој месец, доколку временските услови нè послужат, почнуваме со целосна реконструкција на улица АСНОМ, инвестиција вредна 170.000 евра, рече потпретседателот на ВМРО-ДПМНЕ, Александар Николоски на денешниот митинг во Могила.

Тој додаде дека веќе се работи на водоснабдување на неколку населени места како Беранци, Долно Српци, Ивањевци, Попадинци и други коишто се приклучуваат на регионалниот водовод во Битола, а таа инвестиција е вредна 18 милиони денари.

Во врска со патната инфраструктура, Николоски наброја проекти вредни неколку милиони денари.

– Потпишани се договори со изведувачи на улици коишто треба да се градат, како улицата Пелагонија во вредност од 12,3 милиони денари, заедно со атмосферска канализација. Договор со изведувач е потпишан за реконструкција на улицата Гоце Делчев и за изградба на атмосферска канализација, во вредност од 8,1 милиони денари. Во тек е рехабилитација на дел од парот Долно Српци до село Беранци во вредност од 5,4 милиони денари – рече Николоски.

Николоски посочи дека и во следниот период Владата предводена од ВМРО-ДПМНЕ ќе продолжи да дава поддршка и за бројни други проекти кои ќе се работат во општина Могила и во другите населени места.

– Тоа е доказ дека сакаме да инвестираме, дека сакаме да работиме. А, доказ дека знаеме да завршуваме проекти се и завршените улици во цело Трновци, завршената реконструкција на улица Шемница и бројни други проекти кои заедно со градоначалникот ги работевме и ќе ги работиме. А тука е најкрупниот проект, изградбата на автопатот од Прилеп до Битола, најголема поединечна инвестиција во моментов во државата, 40 километри автопат, којшто многу ќе значи за општина Могила, затоа што ќе се зголеми протокот на возила, ќе се подобрат условите за бизнис. Сите што имаат имот покрај автопатот ќе добијат поголема вредност на имотот, а ќе се зголеми и протокот на туристи коишто ќе поминуваат оттука – истакна Николоски.

The post АВТОПАТОТ ПРИЛЕП-БИТОЛА ЌЕ ГИ ПОДОБРИ УСЛОВИТЕ ЗА БИЗНИС ВО МОГИЛА Ќе се зголемат вредноста на имотите и бројот на туристите, очекува Николоски appeared first on plusinfo.mk.

Вицепремиерот и министер за транспорт и врски Александар Николоски денеска во Прилеп изјави дека првите 11 километри од автопатот Прилеп–Битола ќе бидат пуштени во употреба до крајот на 2026 година, додека целата траса во должина од 40 километри се очекува да биде готова до крајот на 2027 или почетокот на 2028 година.

– Изградбата на автопатот Прилеп–Битола се одвива одлично. Задоволен сум од изведбата. Очекуваме кон крајот на 2026 година да ги имаме функционални првите 11 километри, а целиот автопат од 40 километри да биде готов кон крајот на 2027 година или на почетокот на 2028 година, зависно од временските услови – изјави Николоски.

Тој нагласи дека автопатот ќе се надоврзува на експресниот пат Градско–Дреново–Фариш, а дополнително е планирано и автопатско поврзување од Фариш до Прилеп.

Изведувач на проектот е компанијата „Бехтел и Енка“.

Николоски присуствуваше во Прилеп на промоцијата на кандидатот за градоначалник од редовите на владејачката ВМРО-ДПМНЕ, при што ја искористи приликата да ја презентира динамиката на инфраструктурните проекти во регионот.

The post ЗАВРШУВАЊЕТО НА КОРИДОРОТ 10 ДОБИВА ДИНАМИКА Првите километри од автопатот Прилеп–Битола ќе бидат готови наскоро appeared first on plusinfo.mk.

Автопатот ќе биде модерен, со вкупно шест ленти, по три во двете насоки и ќе има помошен алтернативен пат.

– Од Градско до влезот на Прилеп ќе се вози по експресен пат, таму ќе има еден кружен тек каде лево ќе се влегува во Прилеп, а десно до Битола ќе се вози по нов автопат. За три години од денес, од Скопје до Битола ќе имаме автопатско решение, што значи дека патувањето од Скопје до Прилеп ќе се намали на еден час и десетина минути, а до Битола на еден час и четириест минути. Тоа значи дека ќе се смени динамиката на развој, ќе има раздвижување на економијата, на бизнисот, бидејќи голем дел од БДП-то доаѓа од овој регион – рече Николоски.

Бенефит ќе имаат и општините во тој дел, Кривогаштани, Крушево, Могила, Новаци, Ресен, додаде министерот.

– Ова е огромен проект, кој не е виден во Централна Македонија и кој целосно ќе ја промени сликата во Пелагонскиот регион – рече тој.

Николоски потенцирше дека во изминатиот период се соочил со бројни предизвици за овој проект, како што е деминирање на бројни експлозивни направи од Првата светска војна. Со помош на Министерството за одбрана се засилила динамиката на деминирање на теренот и се ослободиле 12 километри за работа.

Најголем проблем, како што рече, била експропријацијата. Во минатите три месеци се решени околу 2.400 предемти за експропријација, за три пати повеќе отколку претходно.

Николоски додаде дека активно се работи и на изградба на експресниот пат Градско -Дреново, кој се очекува да се пушти за сообраќај до Нова година. Се гради и експресниот пат од Дреново до Фариш, кој се очекува да се заврши напролет следната година.

– Решивме да не правиме калкулации и да работиме. Експресниот пат беше пред раскинување на договорот, имајќи предвид дека овој патен правец се работи со средства од ЕУ и средства од буџетот. Една и пол година не била формирана комисија со што се соочувале да се раскине договорот, изведувачот да оди на арбитража, со голема можност да ја добие арбитражата. Комисијата ја формиравме, ги надминавме проблемите и активно се работи на изградбата на патот – рече Николоски.

Тој најави дека следната година ЈП за државни патишта ќе избере изведувач за доизградба на експресниот пат од Фариш до Прилеп

The post ЗАДУТРЕ ПОЧНУВА ИЗГРАДБАТА НА АВТОПАТОТ ПРИЛЕП-БИТОЛА Од Скопје до Битола за час и 40 минути, ќе се раздвижи бизнисот во Пелагонија appeared first on plusinfo.mk.