Со стапување во сила на новиот закон за игри на среќа, кој е во владина процедура, се очекува да се намали бројот на клубовите кои приредуваат игри на среќа, рече премиерот Христијан Мицкоски.

– По неколку месеци работа на Законот за игри на среќа и на неговото усогласување, тој е готов. Очекувам овој месец да ја помине владината процедура и потоа да влезе во Парламентот. Ќе има многу новини и измени и очекувам со усвојувањето законот, бројот на таквите автомат-клубови природно да биде намален – изјави Мицкоски.

Изјавата на премиерот следува по вчерашната објава на министерот за дигитална трансформација Стефан Андоновски на неговиот Фејсбук профил во која наведе дека ќе се забранат 173 нови нелегални приредувачи на онлајн игри на среќа.

Од Министерството за дигитална трансформација појаснуваат дека станува збор за нов налог што е добиен од Државната лотарија со нелегални приредувачи на онлајн игри на среќа и истиот е проследен до АЕК за понатамошно постапување преку телеком-операторите.

„Ние како Министерство постојано апелираме до граѓаните коишто имаат пари на овие страници, навремено да ги повлечат од истите. Апелираме до граѓаните да не се подведуваат на ваквите лажни и манипулативни провајдери, бидејќи истите важат и за небезбедни. Безбедноста на интернет зависи и од самите корисници“, велат од Министерството за дигитална трансформација.

The post НОВИОТ ЗАКОН ПРИРОДНО ЌЕ ГИ ИСЧИСТИ АВТОМАТ-КЛУБОВИТЕ ЗА КОЦКАЊЕ Законот за игри на среќа наскоро пред пратениците appeared first on plusinfo.mk.

Стана непишано правило дека централна причина за сите девијантни појави во македонското општество се игрите на среќа. Тој, условно кажано притисок, кој се креира во континуитет, е причина за постојани најави за ревидирање на регулативата за овој економски сектор.

Во изминатиот период беа одземени лиценците на четири компании кои започнуваа со организирање онлајн игри на среќа, активна останува уште интернет платформата на Државна лотарија „Мега вин“, иако има најава и за нејзино згаснување.

Како претставник на АПИС, тука сакам да го реафирмирам ставот, дека како асоцијација постојано укажуваме дека организирањето онлајн игри на среќа е во апсолутна спротивност со предлозите на дислокација на објектите, бидејќи преку интернет и мобилните уреди тие се многу лесно достапни.

Истовремено, започна процес за одвраќање на познати спортисти да рекламираат игри на среќа. Притоа, надлежните свесно премолчуваат одредени финансиски факти дека годишниот приход во државниот Буџет од сите приредувачи на игри на среќа достигнува до 280 милиони евра, од кои 1,5 проценти директно се слеваат во Министерството за спорт, а дополнителни 1,5 проценти во Министерството за здравство. Што значи дека државата не се воздржува да ги троши значителните приливи од игрите на среќа.

Вредно е да се напомене дека пред неколку дена повеќе домашни медиуми објавија дека Врховниот суд во Шпанија ја укинал забраната за рекламирање на игрите на среќа, почитувајќи ги регулаторните правила во ЕУ. Укината е и претходната забрана за присуство на познати личности во реклами за игри на среќа, затоа што тамошниот Суд проценил дека се повредува слободата на говорот. Така тоа се одвива во земјите полноправни членки на ЕУ, во чие семејство се стремиме рамноправно да влеземе. Популизмот не може да биде посилен од правните норми.

Паралелно со политиките во Македонија продолжува приземната кампања против легалните игри на среќа. По веќе виден шаблон во критиките активно се вклучуваат и верски лица, се зборува за наводен огромен број зависници кои се споредуваат со зависници од хероин. Се наметнува перцепцијата дека општеството ни е болно и дека бројот на деловни објекти за организирање игри на среќа и светлечките реклами се главниот виновник за оваа состојба. За жал, ваквиот пристап отсуствува кога станува збор за големиот број на угостителски објекти, специјализирани продавници за алкохол и цигари, зголемениот број малолетници кои консумираат алкохол и никотин, и сѐ почесто регистрираните случаи на малолетници кои причинуваат сериозни кривични дела. Сакам да бидам јасен, не е мојата цел да ги застапувам игрите на среќа по секоја цена, туку да бидам доволно провокативен за да спречам селективност во оценувањето на одредени општествени појави.

Бидејќи нашето општество не располага со релевантни податоци за бројот на зависници од игри на среќа, принуден сум да се служам со примери од соседството.

Имено, српски „Блиц“ во февруари 2024 излезе со анализа за состојбата во соседна Србија каде статистиката покажала дека се неточни бројките за нивниот број на зависници од игрите на среќа, кои ги пласираат најрадикалните противници на овој економски сектор. Како и кај нас, така и кај нашиот северен сосед е отворена дебатата колку игрите на среќа создаваат зависност и во колкав обем. Тамошните критичари на игрите на среќа оперираат со повеќе од 100.000 зависници на 9 милиони жители во Србија, што е своевиден апсурд бидејќи излегува дека оваа бројка е поголема од вкупниот број на регистрирани играчи таму.

Врз основа на прецизните податоци на медицинските експерти и надлежните установи кои се занимаваат со третирање зависности, вкупниот број зависници не надминува 1.030. Согласно овие податоци Србија е под европскиот просек по бројот на зависници. Според статистиката на Специјалниот завод за лечење зависности во Белград, најрелевантна институција за оваа проблематика, со проблеми со зависност од игри на среќа годишно се пријавуваат за помош од 150 до 200 луѓе. Тоа е 0,02% од вкупниот број жители, а европскиот просек е 1,5%.

Се разбира, и оваа бројка, без разлика колку е мала, во Србија ја сфаќаат многу сериозно, и преку кампањи за подигнување на јавната свест ги презентираат ризиците од потенцијална зависност од игрите на среќа. Како и кај нас така и таму на малолетниците им е строго забранет пристап до објектите за игри на среќа. За онлајн игрите на среќа е предвиден систем за регистрација и верификација на играчите за да се спречи пристап на малолетници до овие платформи.

Во ноември 2023 во Србија е спроведено истражување на 1.100 испитаници од организацијата „Солидарност за децата“. Собирањето на податоците е направено преку интервјуа со децата и нивните родители, преку телефон, со целосна заштита на нивниот идентитет, со оглед на фактот дека се работи за деца како најранлив дел од популацијата. Податоците покажале дека 0,6% од малолетниците на возраст од 13 до 17 години имале контакт со игри на среќа. Но, ниту еден од нив не влегол физички во објекти за игри на среќа, туку се претпоставува дека контактот го оствариле преку интернет, злоупотребувајќи го идентитетот на полнолетни лица од нивното поблиско опкружување.

Асоцијацијата на приредувачи на игри на среќа (АПИС), која ги застапува дел од организаторите на игри на среќа во автомат клубовите и казината во Македонија, кои се всушност претставници на капитал на земја членка на ЕУ, веќе неколку години води активна кампања на интернет порталите со слоганот „100% законски – СТОП за малолетници“. Не постои записник во кој во објектите од страна на надлежните државни институции е констатирано присуство на малолетни лица. Ова е потврда дека станува збор за општествено одговорни компании кои во целост ја почитуваат домашната регулатива која ја сметаат за една од најстрогите на Балканот. Истовремено, согласно највисоките светски стандарди, во објектите е обезбедена постојана поддршка од страна на дежурен психолог за секој нивен играч кој евентуално ќе почувствува зависност од игрите на среќа, да може веднаш да го контактира.

Според истражувачки податоци на АПИС изработени од релевантни агенции за испитување на јавното мислење, во Северна Македонија само 3% од полнолетната популација посетува автомат клубови и казина, кои себеси се доживуваат како традиционални играчи кои претходно си ја пробувале среќата во западните држави, најчесто членки на ЕУ.

Може слободно да констатираме дека популизмот е најголем непријател на системските решенија. Загрижува фактот колку брзо забораваме. Игрите на среќа се стари колку и светската цивилизација. Ако не постојат легални игри на среќа, ќе никнат играчници по подруми каде ќе се игра на црно, без никаква контрола од државата, како во 90-те години, кога сите бевме сведоци и на игри со ќибритчиња на Камениот мост во Скопје. Сакам да кажам дека страсните играчи секогаш ќе најдат начин да си ја задоволат страста. Без разлика дали и колку тоа е штетно за државата и системот. Доволно е да се потсетиме на скандалот „Детонатор“ од 2011, кога на истокот на Македонија беа запленети 1.500 нелегално поставени покер апарати.

Ако наша главна определба е да станеме полноправни членки на ЕУ, тогаш треба да ја следиме таа регулатива и за игрите на среќа, ценејќи ги како економски сектор, кој во Македонија е најголем приватен работодавец.

(Авторот е претставник на Асоцијацијата на приредувачи на игри на среќа – АПИС)

The post Легалните игри на среќа и суровиот популизам appeared first on plusinfo.mk.

Во 12:30 часот предвидени се и изјави за медиумите од страна на претседателот на АСОМ, Васко Илијевски и претставникот од АПИС, Горан Стоименов.

За време на собирот најавено е и затворање на улицата 11-ти Октомври пред Собранието на РСМ, а се очекува присуство и на голем дел од вработените од секторот на игри на среќа.

„Поводот е закажаната седница на Комисијата за европски прашања каде на дневен ред е второ читање на Предлогот за изменување и дополнување на Законот за игрите на среќа и за забавните игри. Предлог законот, согласно Заклучокот од првото читање на седницата одржана на 27.12.2023 г., беше изгласан за прифатлив, со што истиот денеска се наоѓа на натамошно, односно второ разгледување, што е на чекор пред конечно донесување на пленарна седница во Парламентот. Ова води до целосно згаснување на една легална стопанска гранка и оставање на улица повеќе од 10.000 вработени“, се наведува во заедничкото соопштениет на двете асоцијации.

The post НАПЛАДНЕ БЛОКАДА НА УЛИЦАТА ПРЕД СОБРАНИЕ Јавен собир против Законот за игри на среќа ќе имаат АПИС и АСОМ appeared first on plusinfo.mk.

Димовски тогаш посочи дека во врска со спроведувањето на новиот Закон за недела неработен ден, неправилности се констатирани во маркети и пекари, а според синдикатот, спорни се и спортските обложувалници, казината и угостителските објекти од типот на кафулиња каде не се служи храна.

„Здружението на вработените во сектор игри на среќа „Сакам да работам“ со оваа соопштение сака да укаже на одредени факти кои ССМ, треба да ги земе предвид пред неосновано да забележува зошто обложувалниците, автомат клубовите и казината работат во недела и за време на празници. Целосно е неточно дека е спорно работењето на приредувачите на игри на среќа во недела и за време на празници. Имено, во членот 69 и 96 став 3 од Законот за игрите на среќа и забавните игри е определено, цитат: „Казиното или Автомат клубот може да утврди работно време од 24 часа на ден, секој ден, независно од тоа дали со закон или друг пропис е одреден државен или верски празник или друг неработен ден“. Со ова јасно и недвосмислено законодавецот утврдил дека, во конкретниот случај, измените на Законот за работни односи, односно воведувањето на „неработна недела“, не може да има важност за организаторите на игри на среќа. Согласно позитивните законски прописи, казината и автомат клубовите поседуваат лиценци за работа 24 часа – 7 дена во неделата, за што уредно плаќаат надоместок на Министерството за финансии. Воопшто не е случајно што овој сектор е регулиран со таканаречен „lex specialis“ закон, бидејќи се работи за специфична дејност која е нужно усогласена со европските и светски пракси за оваа дејност“, се вели во соопштението.

Од здружението потсетуваат дека ССМ треба да ги има впредвид и можните последици доколку и натаму инсистура на неработна недела.

„Прво, доколку сите организатори на игри на среќа, не работат во недела и за време на празници, во државниот Буџет, годишниот приход по овој основ, значително ќе се намали, бидејќи се работи за индустрија која најмногу посетители има во неработни денови. Второ, заради „неработна недела“, приредувачите на игри на среќа ќе бидат принудени бројот на вработени да го намалат за 1/3. Земајќи предвид дека во овој сектор сме вработени речиси 10 илјади граѓани, 3 илјади од нас ќе останат без работен однос. Трето, ова ќе предизвика значителен одлив на финансиски средства надвор од Република Северна Македонија, бидејќи граѓаните ќе ги задоволуваат личните потреби за забава преку странските интернет сајтови кои огранизираат онлајн игри на среќа. Конечно, заради погрешното толкување на измените на Законот за работни односи и неосновано инсистирање по секоја цена да се спроведе „неработна недела“ и во секторот игри на среќа, ние ќе немаме друг избор освен преку правосудни постапки, кривични пријави и тужби да бараме заштита на своите работнички права“, порачаа од „Сакам да работам“, од каде истакнаа дека, „што се однесува до измените на Законот за работни односи кои се однесуваат на обврската на работодавецот да исплаќа 50% повисока дневница за работа во недела и за време на празници, го известуваме ССМ дека компаниите од Групацијата Новоматик Македонија и Апекс Македонија постапуваат по истата“.

Од „Сакам да работам“ потсетија дека за време на најрестриктивните мерки за спречување на ковид-19-, автомат клубовите и казината иако не работеа 100 дена, ги задржаа сите вработени, што според нив е потврда за општествено одговорно однесување.

The post „САКАМ ДА РАБОТАМ“ КОНТРА СИНДИКАТОТ Не e спорно обложуваниците, автомат клубовите и казината да работат во недела appeared first on plusinfo.mk.

Оваа кампања започна минатата недела при што се донираа и медицински електрични кревети на здравствените институции кои се на првата линија во борбата против пандемијата од ковид-19, исто така во износ од 20.000 евра, додека вкупната донација кон оваа здравствена институција изнесува 40.000 евра.

– Како компанија веруваме дека токму во овој период кога бројките на заболени лица од вирусот се сѐ поголеми, овој вид донации се од голема помош на институциите како и на здравствениот персонал. Во овој период кога сме изложени на ризик по нашето здравје, кога се бориме со еден невидлив непријател, единството и солидарноста се особини кои ќе ни помогнат полесно да го надминеме овој предизвик. Оваа „нова реалност“ во која живееме, секојдневно ни покажува дека секој дел од  општеството е важен и меѓусебе поврзан и токму затоа секоја подадена рака е еднакво важна – наведуваат од компанијата.

The post Автомат клубовите „Астра“ донираа дезинфекциски средства вредни 20.000 евра на Охридската болница appeared first on plusinfo.mk.