Шест паркирани возила беа оштетени во пожар што денеска попладне избувна кај паркингот во близина на Автобуската станица во Велес, а поголема материјална штета е избегната благодарение на брзата интервенција на Територијалната противпожарна единица (ТППЕ) Велес.

Дојавата во ТППЕ Велес била примена во 13:45 часот за запалено патничко моторно возило. По пристигнувањето на терен, пожарникарите утврдиле дека горела сува трева меѓу патот и паркингот, при што огнот зафатил и оштетил минимално шест возила.

На интервенцијата излегле едно противпожарно возило и тројца пожарникари. Со брзото дејствување тие успеале да го локализираат пожарот и да спречат негово проширување кон останатите возила.

Од ТППЕ Велес повторно упатија апел до граѓаните да не палат оган на отворен простор, особено во услови на високи температури и сув вегетациски материјал.

Велешките пожарникари на својата фејсбук страна дополнително ги предупредија земјоделците од општините Велес, Чашка и Градско да не палат стрништа, а граѓаните да не палат сува трева, посочувајќи дека ваквите постапки во изминатиот период предизвикале повеќе пожари со последици по животната средина и објекти.

The post ШЕСТ ВОЗИЛА ЗАФАТЕНИ ОД ПОЖАР ВО БЛИЗИНА НА ВЕЛЕШКАТА АВТОБУСКА СТАНИЦА Се запалила сува трева покрај паркингот appeared first on plusinfo.mk.

Момче на 12-годишна возраст од Младеновац, Србија, се здоби со тешки телесни повреди и се бори за живот откако синоќа врз него се урна структура од автобуско стојалиште.

Детето е примено во детската болница во Белград во критична состојба, каде што лекарите се борат за неговиот живот, пишуваат српските медиуми.

Според сведоците, несреќата се случила ненадејно.

– Во еден момент, момчето се фати на структурата од стојалуштето, па масивната структура целосно попушти и се урна директно врз него – изјавиле очевидци.

Екипа на брза помош брзо пристигнала на местото на настанот и го пренела тешко повреденото момче во надлежната детска клиника во Белград. Полицијата и надлежното државно обвинителство се известени за случајот, а истрагата е во тек.

The post ПАДНА АВТОБУСКО СТОЈАЛИШТЕ ВРЗ 12-ГОДИШНО ДЕТЕ ВО СРБИЈА Момчето е во критична состојба appeared first on plusinfo.mk.

Набрзо потоа дошло обезбедувањето и повикало Брза помош. Лекарите телефонски им кажале како да ја врзат папочната врвца,  а откако тоа го направиле, ги чекале лекарите од Брза помош.

– Машко дете тешко 2.550 грама кое е родено во тоалет доби оценка 8/9 и се лекува кај нас. Детето е родено од неконтролирана бременост. Мајката која има 18 години е второротка – изјавила проф. д-р Светлана Јанковиќ Ражнатовиќ, раководител на породилиште ГАК Народни фронт.

The post СЕ РОДИ БЕБЕ НА АВТОБУСКА СТАНИЦА ВО БЕЛГРАД Ја породила хигиеничарка appeared first on plusinfo.mk.

Куфер оставен покрај банкомат во кругот на Меѓународната автобуска станица-Транспортен центар во Скопје денеска ја крена полицијата на нозе, бидејќи постоела претпоставка оти во куферот би можело да има експлозивна направа.

Од Министерството за внатрешни работи (МВР) во изјава за Плусинфо потврдија дека се работело за куфер полн со облека, кој некоја повозрасна жена го заборавила кај банкоматот.

– Денеска во СВР Скопје е пријавено дека во кругот на Меѓународна автобуска станица- Транспортен центар во близина на банкомат бил оставен куфер. Веднаш се преземени соодветни мерки и активности, направени се потребните проверки и утврдено е дека станува збор за повозрасна жена која го оставила куферот, во кој имало облека односно нема никаква опасност за граѓаните – велат од МВР.

Како што и претходно објавивме, повикувајќи се на извори од ЈП „Македонски железници – Транспорт“, целиот објект денеска бил евакуиран и сите вработени во железничката станица и во автобуската станица биле принудени да го напуштат објектот додека специјалните полициски единици за спречување тероризам си ја вршат својата работа.

The post КУФЕР КАКО КУФЕР! Наместо бомба, полицијата пронашла само облека appeared first on plusinfo.mk.

Локалните медиуми објавија дека едно лице побарало лекарска помош и веднаш било пренесено на Клиниката за итна медицина на КЦУС. Во моментов се утврдува степенот на повредите, по што ќе се знае здравствената состојба на повредениот.

Наводно повредениот е работник во угостителски објект, каде избил пожарот.

Пожарот најверојатно е предизвикан од експлозија на плинска боца, но по целосно гасење на огнот ќе следува полициска истрага која ќе ја утврди точната причина.

Според фотографиите и снимките од местото на настанот, во пожарот е уништен цел ред објекти кои се наоѓале во склоп на Автобуската станица, кадешто се наоѓаат продавница, обложувалница и ресторан за брза храна.

The post ЕКСПЛОЗИЈА НА ПЛИНСКА БОЦА Позната причината за пожарот на автобуската во Сараево (ВИДЕО) appeared first on plusinfo.mk.

На местото на инцидентот веднаш биле испратени пожарникарски, медицински и полициски екипи.

Огнот ги зафатил продавниците кои се наоѓале во склоп на Автобуската станица.

Густ чад брзо се издигнал над областа, а многу луѓе во паника го напуштиле просторот на станицата.

Засега не е позната причината за пожарот во општината Ново Сараево.

Autobuska stanica Sarajevo. U toku gašenje požara, za sada nam je potvrđeno da je povrijeđen radnik ugostiteljskog objekta gdje je buknuo požar. @N1infoSA pic.twitter.com/niXnVrvBjb

— Rasim Pavica (@RPavica) February 16, 2022

The post ПОЖАР ВО САРАЕВО Автобуската станица во пламен, има и повредени луѓе (ВИДЕО) appeared first on plusinfo.mk.

Во една група документи се разгледува веројатната руска реакција на премин на британски брод низ украинските води, недалеку од брегот на Крим, пренесува Би-би-си. Во друга група документи се изложени детали од планот за можен воен ангажман на британската војска во Авганистан, бидејќи НАТО, предводен од САД, ги завршува своите операции во таа земја.

Владата соопшти дека е поведена истрага.

Портпарол на Министерството за одбрана рече дека еден вработен пријавил дека изгубил чувствителни документи, додавајќи дека не би било соодветно да коментира понатаму.

Документите, кои содржат околу 50 страници, беа пронајдени во вторникот наутро, како наводенето купче хартија во задниот дел на автобуска станица во Кент, Лице, кое побарало да остане анонимно, ја контактирало Би-би-си, кога ја сфатил чувствителната природа на документите. Би-би-си верува дека документите, кои вклучуваат е-пошта и презентации во PowerPoint, доаѓаат од канцеларијата на висок службеник во Министерството за одбрана.

Документите во врска со разорувачот на британската кралска морнарица покажуваат дека мисијата, која Министерството за одбрана ја опиша како „невин премин низ украинските територијални води“, со оружје кое било покриено и бродски хеликоптер складиран во хангарот, била извршена во очекување дека Русија може агресивно да одговори.

Во средата, повеќе од 20 руски авиони и два брода на крајбрежната стража го опкружија британскиот воен брод, кој пловеше на 19 километри од брегот на Крим.

Руското Министерство за одбрана соопшти дека патролен брод испукал предупредувачки истрели, а авионот фрлил бомби на патот на разурнувачот, но британската влада го демантираше ова, наведувајќи дека не биле испукани предупредувачки истрели.

Мисијата, наречена „Оп Дитроите“, била предмет на дискусии на високо ниво во понеделникот навечер, според откриените документи, во кои официјални лица претпоставуваат каква би била реакцијата на Русија доколку британскиот разорувач се приближи до Крим. Споменати се три можни руски одговори – од „безбеден и професионален“ до „ниту безбеден ниту професионален“.

Откриените документи покажаа, според Би-би-си, дека мисијата кај Крим требало да покаже поддршка од британската влада за Украина, и покрај можните ризици

The post Доверливи документи за британскиот брод кон кој пукаа Русите најдени на автобуска станица appeared first on plusinfo.mk.