„Во своите јавни настапи и постапки, претседателот на Комисијата, Костадин Костадинов, изразува позиции кои се екстремни и неприфатливи, го нарушуваат престижот на Република Бугарија, како и создаваат ризик за заштита на правата и интересите на бугарските граѓани во странство. Пример за горенаведеното е изјавата дадена за време на неговата официјална посета на Република Северна Македонија, остварена на 25.11.2022 година, при што претседателот на собраниската Комисија за Бугарите во странство – Костадин Костадинов, присуствуваше на официјалното отворање на новите простории на Бугарскиот културно-информативен центар во Скопје, а за медиумите во Република Северна Македонија изјави: ‘Бугарија и Македонија се две земји кои треба да бидат една’. Република Северна Македонија реагираше со вербална нота. Според нив, говорот на Костадинов содржел говор на омраза и територијални претензии. Како резултат на цитираното соопштение, Министерството за надворешни работи на Република Северна Македонија најостро ги осуди изјавите дадени јавно и постојано од страна на претседателот на комисијата – Костадин Костадинов, вклучително и изјавите за територијални претензии“, објаснува Божанков во писменото барање.

Тој се повикува и на онлајн петиција од Бугарите во странство со повеќе од 1.100 потписи, но констатира дека во самата Комисија нема расположение за смена на Костадинов, бидејќи од нејзините 15 члена само претставникот на Демократска Бугарија ја поддржува.

„На крајот, петицијата на Бугарите во странство ќе остане без реакција. Бугарија ќе продолжи да го носи овој срам. Не е важно дали е за една недела или еден месец. Прашањето е фундаментално. И на принципите им треба заштита. Не приказни“, пишува Божанков на Фејсбук.

Костадинов и европратеникот Ангел Џамбаски од ВМРО-БНД завчера присуствуваа на панихидата во Скопје во македонскиот главен град за 95-годишнината од смртта на Мара Бунева, по која лидерот на Преродба испрати „поздрав до втората бугарска престолнина Скопје“.

The post БУГАРИЈА ЌЕ ПРОДОЛЖИ ДА ГО НОСИ ОВОЈ СРАМ Бугарски пратеник бара оставка од Костадин Костадинов appeared first on plusinfo.mk.