Градоначалникот на Скопје, Орце ЃорѓиевскИ, најави досега најголема теренска посета низ сите скопски општини, која ќе започне со посета на Општина Кисела Вода.

Во објава на Фејсбук, Ѓорѓиевски информираше дека првата средба со граѓаните ќе се одржи во Домот на култура „Билјана Беличанец“ во Кисела Вода, со почеток во 19:30 часот.

– Започнуваме голема теренска посета во сите скопски општини. Скопје се гради со работа, со збор што се исполнува и со гласот на граѓаните. Вашите потреби и барања се нашата водилка за достоинствено, уредено и модерно Скопје. Затоа доаѓаме директно кај вас, во вашата општина – напиша Ѓорѓиевски.

Тој посочи дека за време на посетите ќе се разговара за проблемите со кои се соочуваат граѓаните, ќе се направи увид во започнатите проекти и ќе се разгледаат идните активности што треба да се реализираат.

Според најавата, на средбите ќе присуствуваат и директори на јавните претпријатија на Град Скопје, како и претставници на градските сектори, со цел граѓаните директно да поставуваат прашања, да даваат предлози и да добијат конкретни одговори.

– Теренот е мојата природна средина. Меѓу граѓаните најдобро се гледаат реалните проблеми и таму се носат вистинските решенија. За само шест месеци успеавме да откочиме и реализираме бројни проекти кои со години беа заборавени или заглавени – истакна Ѓорѓиевски.

Тој додаде дека, според него, Скопје во моментов е „големо градилиште“ во кое се реализираат нови проекти и инфраструктурни активности.

The post „ДОАЃАМЕ ДИРЕКТНО КАЈ ВАС“ Ѓорѓиевски почнува директни средби со скопјани appeared first on plusinfo.mk.

Поранешен директор на јавното претпријатие „Комуналец“ во Струмица е осомничен дека со години незаконски исплатувал пари и го оштетил буџетот на претпријатието за над еден милион денари.

Според информациите од полицијата, станува збор за 57-годишен струмичанец кој во периодот од 2022 до 2023 година, во дури 47 наврати носел одлуки спротивни на прописите и си овозможувал финансиска корист и за себе и за други вработени.

Истражните органи утврдиле дека тој одобрувал исплати за неискористени денови од годишен одмор, повикувајќи се на колективен договор, иако таквите исплати не биле во согласност со законските правила.

Во текот на 2022 година, на овој начин биле исплатени околу 593 илјади денари за него и уште 24 вработени, додека во 2023 година дополнителни над 502 илјади денари завршиле кај 21 лице.

Со овие постапки, вкупната штета за јавното претпријатие достигнала повеќе од 1,09 милиони денари.

Од полицијата најавуваат дека против него е поднесена кривична пријава за злоупотреба на службената положба и овластување, а случајот ќе добие судска разврска.

The post ДИРЕКТОР СИ ДЕЛЕЛ ПАРИ ЗА ОДМОРИ И ГО ОШТЕТИЛ БУЏЕТОТ Кривична за поранешен раководител на струмички „Комуналец“ appeared first on plusinfo.mk.

Град Скопје нема да дозволи да се продолжат практиките од минатото со кои биле системски уништувани јавни претпријатија, вели градоначалникот Орце Ѓорѓиевски.

Тој откри дека во тек е акција во која се откриваат низа недоследности кај правни субјекти како загуба од 1,5 милиони евра во Комунална хигиена поради невпишани површини за наплата на ѓубретарина и големи загуби во Водовод и Канализација поради, како што вели, сериозни злоупотреби со вода и со водомери.

– Тоа претпоставувате од какви причини е направено. Нема да може така. Сега ќе има електронска база на точни податоци која ја вкрстуваме со Катастар. Секој обид да се направи таква работа во перспектива ќе биде строго санкциониран – изјави Ѓорѓиевски пред новинарите давајќи детали.

Зборувајќи за минати состојби во Комунална Хигиена градоначалникот изјави:

– Пример, над 130.000 квадратни метри сех впишани површини, површини кои, за мене и колегите од непознати причини, во минатото не биле опфатени во пресметките за наплата на ѓубретарина. Тоа се над 1,5 милиони евра загубен приход месечно на претпријaтието.

Ѓорѓеивски вели дека се работи за објекти од индустриска зона.

– И тоа како се спроведувало? Имало индустриска зона. Процена си направил некој во минатото дека на 5 објекти треба да им се пресмета целата површина за наплата, aма на некои требало помалку од што треба да им се пресмета.

Потоа градоначалнкот се осврна на злоупотреби на вода и ненаплата на сметки за водовод.

– Кога сме кај ЈП Водовод и канализација во тек е акција кај многу правни субјекти каде што има сериозна злоупотреба на вода, дупли водомери се поставувани во минатото, каде што не се регулирала состојбата како што треба и тоа се должи исто така на дел од генерираните загуби на претпријатието. Дел се должат на односите поврзани и со закоченоста на пречистителната станица каде што имаме сериозно придвижување напред, но и со на наплатата на сметки.

Ѓорѓиевски апелира дека Градот нема да дозволи состојба во којашто застаруваат долгови.

– Знаете и самите, тоа е состојба во која свесно го носите во колапс некое претпријатие или целиот град. Некој го дозволувал тоа во минатото.

The post СЕ ПРАВЕЛЕ МИЛИОНСКИ ДОЛГОВИ ВО ПРЕТПРИЈАТИЈА СО НЕВПИШАНИ КВАДРАТИ И ДУПЛИ ВОДОМЕРИ Град Скопје нема да дозволи да се повтори минатото appeared first on plusinfo.mk.

Градоначалникот на град Скопје Орце Ѓорѓиевски, на денешната прес конференција за медиумите, испрати силна порака дека Скопје излегува од финансискиот и институционален колапс и влегува во период на стабилизација, развој и најголема инвестициска офанзива во својата историја.

Тој истакна дека при преземањето на функцијата затекнал урнат систем, град на раб на банкрот, јавни претпријатија со блокирани сметки, вработени без плати, нефункционални институции и долгови од речиси 300 милиони евра. На сметката на градот имало само осум милиони денари реално расположливи средства, додека истиот ден чекале извршни решенија од 48 милиони денари.

– Наместо да се жалиме, засукавме ракави и почнавме да работиме. Денес можеме гордо да кажеме дека Скопје полека застанува на нозе и оди напред – нагласи Ѓорѓиевски.

Во само два месеци, како што информираше, намалени се повеќе од 40 милиони евра обврски на Градот и јавните претпријатија, нормализирана е исплатата на платите во Дрисла, Комунална хигиена, Паркови и зеленило, Лајка, Флораком и Луна, каде што претходно се доцнело по две плати, а се решавале обврски од околу 450 милиони денари.

Со првиот ребаланс на Буџетот за 2025 година е засилена наплатата и воведена финансиска дисциплина, а Буџетот за 2026 година изнесува 5,2 милијарди денари – зголемен за 12 проценти. Пренесен е вишок од 482,9 милиони денари, со што за првпат по долги години Град Скопје има повеќе пари отколку обврски.

– Тоа ни овозможи да тргнеме во најголемата инвестициска офанзива досега – потенцираше градоначалникот.

Капиталните инвестиции се зголемени за 33,4 проценти, а веќе се реализирани 389,7 милиони денари, при што јануари 2026 година е најуспешен јануари по приходи и реализација.

Започната е изградба на 50 мини паркови низ Скопје и на Мега паркот Христијан Тодоровски Карпош во Бутел, кој ќе биде новото зелено срце на градот.

Големи вложувања се прават во образованието: изградени се спортски терени во шест средни училишта, обезбедени се 60 милиони денари за реконструкции, прочистувачи за воздух во секоја училница, целосна дигитализација, 86 милиони денари за енергетска ефикасност, лаптоп за секој првенец на генерација, воведување униформи за прва година, летни кампови за ранливи категории и целосно бесплатна психолошка поддршка за сите ученици – за првпат во историјата на Град Скопје.

Во инфраструктурата се откочени клучни проекти што со години стоеле заглавени. Кај клучката Момин Поток е исплатена експропријацијата и работите се во полн ек. Во тек е супервештачење за објект на булевар АСНОМ со што ќе се стави во функција таканаречениот мост за ловење риба во 2026 година.

Започната е Фаза 1 од булевар Македонија, наскоро стартува Фаза 2, а Фаза 4 ќе отпочне до крајот на 2026 година. Со завршување на сите фази, Скопје ќе ја добие првата подземна сообраќајница.

Во напредна фаза се и преговорите за експропријација на објектите на булевар Борис Трајковски, за чиј завршеток се веќе обезбедени средства, со што оваа клучна артерија конечно ќе функционира нормално.

Реконструкцијата на улицата Фрањо Клуз е во втора фаза, започната е и реконструкцијата на Перо Наков, а дополнителни 150 милиони денари се обезбедени за рехабилитација на помали улици. Во Буџетот за 2026 година има средства и за булеварите Февруарски Поход, Цветан Димов и други сообраќајни решенија.

Во јавните претпријатија започна обнова каква што Скопје не памети – нови специјални возила за Комунална хигиена, Паркови и зеленило, ЈСП и Градски паркинг, нови контејнери и систем за воведување ред во хигиената.

Се инвестира и во зонското паркирање и нови монтажни паркинзи, како и во две монтажни гаражи во Клиничкиот центар кои ќе решат долгогодишен проблем.

Откочен е и најголемиот еколошки проект во историјата на градот – пречистителната станица за отпадни води вредна околу 185 милиони евра.

Во Водовод се реализираат десетици проекти за нови цевководи, атмосферска канализација, заштита од поплави и стабилно водоснабдување.

Со Флораком и Луна се обновува зелената инфраструктура и се враќа Луна паркот, кој ќе биде завршен во втората половина на 2027 година.

– После повеќе од една деценија лажни ветувања, конечно на децата ќе им обезбедиме современ простор за забава и спомени – истакна Ѓорѓиевски.

Проширени се капацитетите на Лајка со инвестиција од 30 милиони денари, а над 90 милиони денари се обезбедени за реконструкција и опрема на културните установи, плус дополнителни 25 милиони денари за намалување на нивните обврски.

Паралелно со инвестициите, сериозно се намалуваат долговите – тековните обврски за над 4,6 милиони евра, кредитите за над 1,2 милиони евра, како и драстично долговите на јавните претпријатија: Водовод за 1,3 милијарди денари, ЈСП за 427 милиони, Комунална хигиена за над 130 милиони, Паркови и зеленило за над 80 милиони, Дрисла за 14,5 милиони и Градски паркинг за 41,6 милиони денари.

Градоначалникот им се заблагодари на граѓаните кои го платиле данокот на имот и информираше дека се блокирани 17.694 сметки за долг од 1,3 милиони евра за 2021 година, како и дека во наредните 15 дена се очекува подмирување на обврските од 2022 до 2025 година од вкупно 96.562 физички лица и 2.335 правни субјекти во износ од 19,5 милиони евра.

Ред мора да има. Секој денар во буџетот значи повеќе проекти и подобар живот за сите – порача тој.

На крајот, Ѓорѓиевски нагласи дека ова е само почеток на финансиската консолидација и целосната трансформација на градот.

– Наследивме долгови, но градиме иднина. Наследивме хаос, но воспоставуваме ред. Наследивме разочараност, но ја враќаме надежта. Ќе го направиме Скопје модерен, чист, функционален и достоинствен град. Нема враќање назад. Нема изговори. Само резултати. Заедно ќе успееме. Време е скопјани да живеат подобро, време е градот да застане цврсто на нозе и да оди напред – рече градоначалникот Орце Ѓорѓиевски на денешната прес-конференција.

The post СКОПЈЕ ЗАСТАНУВА НА НОЗЕ И ВЛЕГУВА ВО НАЈГОЛЕМА ИНВЕСТИЦИСКА ОФАНЗИВА ДОСЕГА Што сработе градоначалникот Ѓорѓиевски во првите 100 дена од мандатот? appeared first on plusinfo.mk.

Град Скопје започнува со најголема инвестиција во јавната чистота во последната деценија, откако е распишана постапка за набавка на повеќе од 40 нови специјализирани возила за ЈП Комунална хигиена.

Градоначалникот Орце Ѓорѓиевски информира дека тендерската постапка ја спроведува Министерството за транспорт во соработка со Светска банка, а по завршување на сите правни процедури ќе започне и испораката на возилата.

– Ова е убава вест за Скопје. Како што ветив кога ја барав довербата од граѓаните, најдоброто за нашиот град допрва доаѓа. Официјално започна постапката за набавка на специјализирани возила кои ќе донесат ред и достоинство во јавната чистота – изјави Ѓорѓиевски.

Паралелно со оваа постапка, на денешната седница на Советот на Град Скопје ќе се усвои и програмата за Комунална хигиена, со која градот од сопствени средства ќе обезбеди уште повеќе од десет нови камиони.

Според градоначалникот, тоа значи дека во функција ќе бидат ставени над 40 современи возила кои секојдневно ќе се грижат за чистотата низ сите скопски населби.

– Ова е најголемата инвестиција во јавната чистота во последните десет години. Само за споредба – за помалку од три месеци од мојот мандат набавуваме повеќе од 40 возила, додека во претходните осум години биле набавени само четири – истакна Ѓорѓиевски.

Тој најави дека процесот на обновување на возниот парк на Комунална хигиена нема да застане тука и дека набавката на нови возила ќе продолжи континуирано.

– Проблемот со отпадот, кој со години ги мачеше скопјани, оди во историјата. Градот ќе располага со доволен број современи возила за навремено и организирано покривање на секоја улица, затоа што чист град значи здрав град, а здрав град, подобар живот за сите – порача градоначалникот.

Ѓорѓиевски упати благодарност и до премиерот Христијан Мицкоски и министерот за транспорт Александар Николоски за, како што рече, силната поддршка и грижата за граѓаните.

The post НАД 40 НОВИ КАМИОНИ ЗА ЧИСТ ГРАД Ѓорѓиевски најави крај на хаосот со отпадот appeared first on plusinfo.mk.

Скопје чекори кон стабилизација по наследената финансиска криза и институционален хаос, истакна денеска градоначалникот Орце Ѓорѓиевски на седницата на Советот на Град Скопје, при усвојувањето на Буџетот за 2026 година.

– Наследивме катастрофални 40 милиони денари на сметката на градот, а денес веќе имаме 400 милиони. Во првите 40 дена од мандатот реализиравме приходи од 659 милиони денари, што е речиси двојно повеќе од било кој месечен резултат во минатото – рече Ѓорѓиевски.

Тој потенцираше дека финансиското наследство на градот вклучуваше презадолжени и девастирани јавни претпријатија, културни установи и образовни институции.

– За само 40 дена направивме повеќе во образованието отколку што некои не успеале во цел мандат. Градиме спортски терени во шест средни училишта, обезбедуваме прочистувачи на воздух, нова ИТ опрема, смарт табли, лаптопи, клупи и столчиња – додаде градоначалникот.

Во делот на инфраструктурата, Ѓорѓиевски најави продолжување на изградбата на улицата Момин Поток, реконструкција на улицата Фрањо Клуз во Аеродром, како и средства за првата фаза од подземната сообраќајница кај „Лимак“ и кружниот тек во Ѓорче Петров.

– Со ребалансот на Буџетот, сите јавни претпријатија добија заостанатите плати, а долгот кон добавувачи е намален од 330 на 236 милиони денари. По многу години, го исчистивме Скопје и му дадовме новогодишен дух како што заслужуваат скопјани – истакна градоначалникот.

Ѓорѓиевски нагласи дека поддршката од Владата и Премиерот Христијан Мицкоски била клучна за финансирањето на студентскиот превоз со износ од 360 милиони денари, што ќе се исплаќа во период од три години.

– Кога се сака и кога се работи со посветеност, сè е можно. Доаѓа времето кога реално ќе го живееме подоброто Скопје – заврши градоначалникот.

The post ОД ХАОС ДО СТАБИЛНОСТ Градоначалникот откри како го спаси Скопје од финансиска катастрофа! appeared first on plusinfo.mk.

Советот на Град Скопје денеска ја одржа третата седница посветена на советнички прашања до градоначалникот Орце Ѓорѓиевски и директорите на скопските јавни претпријатија. Советниците поставија низа прашања поврзани со сообраќајот, јавниот превоз, работењето и финансирањето на јавните претпријатија, како и со исполнувањето на обврските кон граѓаните.

На седницата беа побарани информации за заостанати плаќања во „Комунална хигиена“, долгот на Општина Кисела Вода кон ЈП „Лајка“, проблеми со чистотата и сообраќајните решенија во повеќе делови од градот. Прашања беа упатени и за модернизацијата на јавниот превоз и намалувањето на старите автобуси кои загадуваат.

Советниците побараа одговори од градоначалникот за состојбата на сообраќајните раскрсници на улиците Павел Шатев и Фредерик Шопен кај Симпо, на улицата Црниче, како и на улицата Востаничка. Дел од советниците од Левица посочија дека граѓани иницирале барања за поставување сообраќајна сигнализација, семафори или „лежечки полицајци“.

Советниците исто така поставија прашања за причините за доцнењето на исплатата на платите и регресот во „Комунална хигиена“, иако биле обезбедени дополнителни средства преку ребалансот на буџетот.

Прашања беа поставени и за модернизацијата на јавниот превоз, бројот на инспектори за контрола на нелегални горења, транспарентноста при именувањето директори во јавните претпријатија, како и за финансирањето на инфраструктурни проекти во општините Сарај и Чаир, вклучително улицата Цветан Димов и обиколницата во Сарај.

Во врска со јавниот превоз, градоначалникот Ѓорѓиевски најави дека наскоро ќе биде распишана тендерска постапка за набавка на 80 нови електрични автобуси.

– Од она што е досега постојано информирано и за јавноста, беше распишана тендерска постапка која пропадна. Верувам дека многу брзо ќе биде повторно распишана од страна на Владата, и наредната година граѓаните на Скопје конечно ќе добијат 80 нови електрични автобуси, кои ќе придонесат за подобрување на амбиенталниот воздух во главниот град – рече Ѓорѓиевски.

Тој додаде дека е потребно системско решение за работењето на јавните претпријатија.

– Не треба да чекаме милостина, како што било во минатото, туку да создадеме систем кој ќе овозможи самостојно напредување на јавните претпријатија. Ќе дадам сè од себе за тоа да го реализираме – нагласи градоначалникот.

Во однос на инспекциите, Ѓорѓиевски најави зголемување на бројот на инспектори за животна средина.

– Бројката што ја имаме е мала, но тоа не значи дека не постапуваме. Контролите се вршат редовно, како во индустриските капацитети, така и во домаќинствата. Ќе продолжиме со оваа активност, но ни се потребни дополнителни инспектори – додаде тој.

The post СКОПЈЕ ДОБИВА 80 ЕЛЕКТРИЧНИ АВТОБУСИ Советниците прашуваа за секоја улица и секој проект, Ѓорѓиевски одговараше appeared first on plusinfo.mk.

Големи кадровски промени во Град Скопје. Четирите најважни јавни претпријатија ќе добијат нови вршители на должноста директори, соопшти вечерва градоначалникот Орце Ѓорѓиевски во гостување во емисијата „Само интервју“ на Канал 5.

На чело на ЈП „Улици и патишта“ ќе застане Борис Настов, кој ја извршуваше истата функција на почетокот од мандатот на поранешната градоначалничка Данела Арсовска. Во „Водовод и канализација“ нов директор ќе биде Иван Митровски, досегашен заменик-градоначалник на општина Кисела Вода.

Ѓорѓиевски најави дека во Јавното сообраќајно претпријатие (ЈСП Скопје) ќе биде назначен Саше, вработен со долги години искуство во ова претпријатие. Во „Комунална хигиена“ пак, функцијата ќе ја преземе Драги, човек кој долги години работел во комуналниот сектор на Град Скопје и, како што истакна градоначалникот, „се покажа исклучително добро за време на акцијата ‘72 часа‘“.

– Во „Комунална хигиена“ ќе биде поставен човек кој не е партиски експониран, туку професионалец што ја познава работата. Во ЈСП пак, ќе дојде човек кој со години е дел од системот и ги разбира процесите – изјави Ѓорѓиевски.

Тој додаде дека не планира приватизација на јавните претпријатија, демантирајќи ги гласините што кружат во јавноста. Наместо тоа, најави дека ќе се работи на јакнење на капацитетите и самоодржливост на градските служби.

– Сметките за граѓаните нема да поскапат. Тоа го ветив во кампањата и стојам зад тоа – порача Ѓорѓиевски.

Со новите поставувања, градоначалникот најави почеток на процес на стабилизирање на јавните претпријатија и создавање услови за поефикасно работење на сервисите од кои зависи секојдневниот живот во главниот град.

The post ЃОРЃИЕВСКИ ПОСТАВИ НОВИ ДИРЕКТОРИ Еве кој ќе раководи со четирите најважни претпријатија на Град Скопје appeared first on plusinfo.mk.

Градоначалникот на Скопје Орце Ѓорѓиевски имал состанок со претставници на Финансиската полиција за да се испитаат злоупотребите во градските јавни претпријатија. Во интервју за МТВ1 Ѓорѓиевски рече дека не може да открие детали во интерес на истрагата, но нагласи дека стои зад сите информации што досега ги обелодени во јавноста.

Претходно државниот јавен обвинител Љупчо Коцевски го повика градоначаникот на Скопје да ги пријави злоупотребите во Обвинителствот и да достави докази, доколку располага со нив.
Во настапот за МТВ1 Ѓорѓиевски потсети дека од списоците на вработени биле избришани околу 500 лица кои земале плата без да доаѓаат на работа, што, како што рече, претставува сериозно кршење на Законот за работни односи и на работната дисциплина.

– Станува збор за луѓе кои не биле ангажирани на реални работни задачи, туку им било дозволено да ја злоупотребуваат институцијата. Градот се доведе во ситуација да губи по пет милиони евра годишно, што за четири години изнесува околу 20 милиони евра – колку што чини новиот Луна Парк, кој го чекаат генерации скопјани – рече Ѓорѓиевски.
Градоначалникот посочи дека на средбите со надлежните побарал не само индивидуална, туку и командна одговорност – односно, освен лицата кои земале плата без работа, да одговараат и оние кои ги потпишувале нивните исплати и директорите што го одобрувале таквото постапување.

The post БАРАМ И ЛИЧНА И КОМАНДНА ОДГОВОРНОСТ ЗА ЗЛОУПОТРЕБИТЕ Ѓорѓиевски имал средба со инспектори од Финансиската полиција appeared first on plusinfo.mk.

Скопје ќе добие новогодишна прослава каква што му доликува – градот ќе биде украсен, а граѓаните ќе имаат вистински пречек на Новата година.

Ова го најави градоначалникот на Скопје, Орце Ѓорѓиевски, во гостувањето на Македонската радио-телевизија.

– Во програмата првично не беа предвидени средства за предновогодишно украсување, но со ребалансот на буџетот во петок ќе обезбедиме средства за китење на главниот град и за организација на прославата. Конечно, Скопје ќе изгледа онака како што заслужуваат неговите граѓани – изјави Ѓорѓиевски.

Тој потенцираше дека оваа година Скопје ќе добие празничен сјај достоен за секоја европска метропола, со што ќе се врати духот на заедништво и позитивна енергија пред новогодишните празници.

Во врска со повикот на јавниот обвинител Љупчо Коцевски до граѓаните да пријават евентуални злоупотреби во Град Скопје, Ѓорѓиевски потврди дека градската администрација веќе имала средба со Финансиската полиција.

– Стојам зад сите факти што ги изнесов во јавноста. Околу 500 лица беа отстранети од списоците на вработени во јавните градски претпријатија, бидејќи земале плата, а не доаѓале на работа – нагласи тој.

Според Ѓорѓиевски, овие лица не биле дел од реалното функционирање на претпријатијата, туку служеле за злоупотреба на системот.

– Сакам да има и командна одговорност, не само за оние кои земале плата, а не работеле, туку и за тие кои ги потпишувале списоците и ги одобрувале тие злоупотреби – додаде градоначалникот.

Ѓорѓиевски истакна дека градската управа ќе продолжи со целосна ревизија на состојбите во сите јавни претпријатија за да се воспостави ред, отчетност и дисциплина.

The post СКОПЈЕ ЌЕ БИДЕ УКРАСЕНО КАКО ЕВРОПСКА МЕТРОПОЛА Ѓорѓиевски откри детали за новогодишната прослава во главниот град appeared first on plusinfo.mk.