Скопје предолго време беше град со запуштени јавни површини, нарушена хигиена и недоволно одржувана инфраструктура, се наведува во објава на градоначалникот Орце Ѓорѓиевски, кој сподели видео на социјалните мрежи со споредба „пред и после“ неговото стапување на функција.

Во видеото се прикажани делови од градот кои претходно биле во занемарена состојба, а денес, како што се наведува, се спроведуваат активности за нивно чистење, уредување и реконструкција.

– Преку посветена работа на терен се подобруваат условите за живот на граѓаните, се обновуваат запуштени локации и се создава почиста и поуредена урбана средина. Ова е процес кој бара време, труд и континуирана посветеност, но промените се веќе видливи. Скопје заслужува да биде чист, уреден и модерен град во кој граѓаните ќе се чувствуваат горди – истакна градоначалникот Орце Ѓорѓиевски.

Тој додава дека целта е враќање на редот, функционалноста и достоинството на главниот град, преку континуирани активности на терен и подобрување на јавниот простор.

„Затоа што го сакаме Скопје“, стои во неговата порака.

The post 📽️ ОД ЗАПУШТЕНО ДО УРЕДЕНО СКОПЈЕ Ѓорѓиевски покажа како се менува градот appeared first on plusinfo.mk.

Општина Бутел соопшти дека започнала активности за поставување видео надзор на јавните површини во општината.

Во изминатиот период беа оштетени голем број детски игралишта, спортско-рекреативни центри и паркови. Локалната самоуправа ја надомести штетата и ги обнови јавните површини, но уништувањето на детските игралишта, спортските терени и урбаната опрема продолжува.

Општината очекува поставувањето на видео надзорот да придонесе за намалување на девијантните појави. Снимките од надзорот ќе може да се користат единствено по налог на надлежните институции, со целосно почитување на законите.

Градоначалникот Дарко Костовски упати апел за совесно користење на урбаната опрема и заштита на општинскиот имот.

The post ОПШТИНА БУТЕЛ ЌЕ ПОСТАВИ КАМЕРИ НА ЈАВНИТЕ ПОВРШИНИ Целта е да се намалат оштетувањата на парковите и игралиштата appeared first on plusinfo.mk.

Општина Битола објави јавeн повик за вршење јавни работи и работно ангажирање на 18 лица невработени ниско квалификувани и со средно образование кои ќе бидат ангажирани за средување на зелените и јавните површини во градот и во руралните средини.
Во ангажманот на лицата влегува и средување на речното корито на реката Драгор, средување на Золошката градина, помош при други градежни зафати во делот на инфраструктурата.

Работното ангажирање ќе биде за период од 6 месеци од април до септември, во работни денови од понеделник до петок, со ангажман од по 7 работни часа на ден. На лицата ќе им биде исплатен месечен надоместок во износ од 20.000 денари нето износ. Во износот се пресметани надоместокот за извршената работа во тековниот месец и трошоците за превоз од местото на вршење на работите, како и надоместокот за исхрана.

За овој јавен повик повеќе информации на следниот линк: https://www.bitola.gov.mk/rabotno-angaziranje/

The post ОПШТИНА БИТОЛА ЌЕ АНГАЖИРА 18 ЛИЦА ЗА СРЕДУВАЊЕ НА ЈАВНИТЕ ПОВРШИНИ Објавен е јавен повик appeared first on plusinfo.mk.

Новиот градоначалник на Скопје, Орце Ѓорѓиевски, објави на својата Фејсбук-страница дека започнува масовна акција за отстранување на бесправно изградените објекти ширум градот. Во видеото објавено како дел од соопштението, се гледа како екипи и возила се подготвуваат за интервенција — демонтажи, чистење и обновување на јавни површини.

– Ги отстрануваме бесправно изградените објекти, нема повеќе узурпација! – вели Ѓорѓиевски.

Тој нагласува дека тротоарите, пешачките патеки и јавните простори „припаѓаат на граѓаните“ и дека нема да има компромис кога станува збор за узурпации кои го попречуваат јавниот ред, движењето и безбедноста на сограѓаните.

Според него, акцијата се спроведува во „тесна соработка со сите општини“ од Скопје и ќе продолжи со „силно темпо“.

– Ова е процес во кој сите сме партнери – порача градоначалникот, повикувајќи ги граѓаните да се вклучат, да пријавуваат дивоградби и узурпирани простори, и заедно да направат град „во кој владее ред, достоинство и еднаква пристапност за сите.“

Оваа најнова иницијатива се надоврзува на неговото ветување од самиот почеток на мандатот, веднаш по преземањето на функцијата, тој најави темелно „чистење“ на градот, со акцент на јавните простори, инфраструктурата и функционалноста за сите граѓани.

The post 📽️ ЃОРЃИЕВСКИ РУШИ СÈ ШТО ГО УЗУРПИРА ЈАВНИОТ ПРОСТОР Градоначалникот ги повика скопјани да пријавуваат дивоградби appeared first on plusinfo.mk.

Оваа акција, според информациите од општината, ќе се реализира во соработка со Министерството за внатрешни работи (МВР) и урбаните заедници, со цел подигање на свеста на граѓаните за рециклирање и зачувување на животната средина.

„Целта е јавните површини да се ослободат од хаварисаните возила, а граѓаните да се поттикнат на одговорно однесување кон своите возила што повеќе не се во употреба“, изјавија од Општина Карпош, истакнувајќи дека новите мерки ќе овозможат поголема контрола и чистота на јавните простори.

Со донесувањето на Законот за управување со посебни текови на отпад, инспекторите од општината ќе идентификуваат и мапираат сите хаварисани возила, со што ќе се формира база на податоци. Сопствениците на веќе мапираните возила ќе добијат известување, а ќе имаат рок од десет дена за отстранување на возилото. Доколку не постапат, инспекторите ќе издадат дополнителна опомена со рок од пет дена, по што колективниот постапувач ќе ги отстрани возилата и ќе ги дислоцира на посебно определено место.

„Општината апелира до сите сопственици на хаварисани возила да ги отстранат од јавните површини во најкус можен рок. Во спротивно, ќе се спроведат казнени мерки согласно законот, а глобата ќе изнесува 250 евра. За дополнителни информации, граѓаните може да се обратат во Секторот за инспекција на Општина Карпош или кај колективниот постапувач ДУО Греен Роад“, велат од Општина Карпош.

The post КАРПОШАНИ, ВАШИТЕ НАПУШТЕНИ ВОЗИЛА СЕ НА УДАР НА ЗАКОНОТ Строги казни за оние кои нема да ги тргнат крнтиите од јавните површини appeared first on plusinfo.mk.

„Заедно со директорот за јавното претпријатие за комунални дејности, направивме обиколка на локациите каде на почетокот на пролетта и Денот на екологијата започнавме голема еколошка акција за чистење и уредување на јавните површини“, пишува Муцунски.

Муцунски се заблагодари на посветената работа на комуналните работници и додава дека: „Луѓето се нашиот најсилен потенцијал во обезбедувањето на јавната хигиена“. Муцунски вели дека Аеродром одржува континуитет во одржување убава и зелена општина.

The post МУЦУНСКИ НАПРАВИ „ГЕНЕРАЛКА“ Јавните површини во Аеродром се средуваат со почетокот на пролетта appeared first on plusinfo.mk.

Владата на денешната седница го задолжил Јавното претпријатие Национална радиодифузија – Скопје кое е носител на проектот до крајот на 2021 година да достави предлог листа на локации за обезбедување бесплатен државен WiFi за цела територија на државата.

Националната радиодифузија во ова ќе соработува со телекомуникациските оператори, Министерството за информатичко општество и администрација, Агенцијата за промоција и поддршка на туризмот и локалните самоуправи.

Како што е соопштено, до крајот на април 2022 година, во соработка со Министерство за информатичко општество и администрација, Национална канцеларија за бродбенд компетентност и Агенцијата за електронски комуникации ќе одржат јавни состаноци со заинтересираните оператори и локалните самоуправи за реализацијата на обезбедувањето бесплатен безжичен WiFi на одобрените локации од интерес за туристите.

The post ЌЕ СЕ ВОВЕДУВА БЕСПЛАТЕН ДРЖАВЕН WIFI До крајот на годината ќе се изготви листа на локации appeared first on plusinfo.mk.

Во  првите шест месеци од годината, информира претпријатието, се отстранети над 7.000 кубни метри отпад одложен на јавни површини, а во истиот период екипите на претпријатието расчистија неколку обемни диви депонии составени од мешан комунален, градежен и кабаст отпад, лоцирани во општините Чаир, Кисела Вода и Сарај.

– Со цел – одржување на максималното ниво на јавната хигиена како и спречување на ширењето на вирусот ковид-19, претпријатието спроведуваше машинско миење со автоцистерни на сите булевари и поголеми улици во градот, како и рачно миење, машинско и рачно метење на најфреквентните јавни површини – улицата Македонија, централниот плоштад Македонија и помалите плоштади Филип Втори, Мајка Тереза и Богородица, Камениот мост, мостовите „Гоце Делчев“ и „Слобода“, пешачките мостови во централното градско подрачје и Старата скопска чаршија, наведуваат од ЈП „Комунална хигиена“-Скопје.

Во акција та за собирање кабаст отпад во сите скопски општини споревена во мај се подигнати и транспортирани рекордни 650 кубни метри одложен мебел и отпад од електронски и електрични уреди.

Во овој периодсе набавени десет нови специјални комунални машини наменети за метење на јавните и сообраќајните површини, за во наредниот период е планирано да се набават уште 32 нови специјални комунални возила – автоцистерни, самоподигнувачи, камиони и кипери, што се очекува значително да придонесат за поефикасно и поквалитетно извршување на активностите на претпријатието.

The post Скопјани фрлаат ѓубре каде што ќе стигнат: За шест месеци собрани 7.000 кубни метри од јавни површини appeared first on plusinfo.mk.

Контролорите на зонските паркиралишта во истиот период санкционирале вкупно  291 возило, поради нерегулирано паркирање, односно за неплатена паркинг-услуга. Од нив, 33 возила се отстранети со пајак службата, поради пречекорување на дозволеното време на задржување на паркиралиштето.

Градот Скопје и јавното претпријатие „Градски паркинг“ апелираат до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта.

– Апелираме сите корисници на услугите за паркирање, навреме да го регулираат плаќањето за паркинг-услугата, за да не бидат санкционирани и да не им биде поставен блокатор на тркалото. Плаќањето за паркинг-услугата може да се изврши преку СМС порака или со греб картичка – велат од Градот.

The post За една недела пајакот крена 234 возила appeared first on plusinfo.mk.